நீட்டலளவை

நீட்டலளவை அல்லது நீள அலகுகள் (units of length) என்பது நீளம், உயரம், ஆழம், தூரம் போன்ற நீள அளவுகளை அளப்பதற்குப் பயன்படுத்தப்படும் அலகுகள் ஆகும். இன்றைய காலகட்டத்தில் ஐக்கிய அமெரிக்காவில் பயன்படுத்தப்படும் அமெரிக்க அலகுகள், மற்றும் ஏனைய நாடுகளில் பயன்படுத்தப்படும் மெட்ரிக் முறை ஆகியன முக்கியமான அலகுகள் ஆகும். மெட்ரிக்கு முறை எஸ்ஐ, மற்றும் எஸ்ஐ அல்லாத அலகுகளாக மேலும் பிரிக்கப்பட்டுள்ளன.

மெட்ரிக்கு முறை

முதன்மைக் கட்டுரை: மெட்ரிக் முறை

எஸ்ஐ (SI)

முதன்மைக் கட்டுரை: அனைத்துலக முறை அலகுகள்

SI எனப்படும் அனைத்துலக முறை அலகுகளில் நீளத்தின் அலகு மீட்டர் ஆகும். வெற்றிடத்தில் ஒளியானது ¹⁄_299,792,458 நொடியில் கடக்கும் தொலைவு ஒரு மீட்டர். இது அண்ணளவாக 1.0936 யார்கள் ஆகும். ஏனைய அலகுகள் மீட்டருடன் பின்வரும் அட்டவணையில் உள்ள முன்னோட்டுகளைச் சேர்ப்பதன் மூலம் பெறப்படலாம்:

SI அலகுகளுக்கான அடிப்படையான முன்னொட்டுகள்

பெருக்கங்கள்	பெயர்		டெக்கா-	எக்டோ-	கிலோ-	மெகா-	கிகா-	டெரா-	பெட்டா-	எக்சா-	செட்டா-	யொட்டா-
	முன்னொட்டு		da	h	k	M	G	T	P	E	Z	Y
	காரணி	100	101	102	103	106	109	1012	1015	1018	1021	1024
பின்னங்கள்	பெயர்		டெசி-	சென்டி-	மில்லி-	மைக்ரோ-	நேனோ-	பீக்கோ-	பெம்டோ-	அட்டோ-	செப்டோ-	யொக்டோ-
	முன்னொட்டு		d	c	m	μ	n	p	f	a	z	y
	காரணி	100	10−1	10−2	10−3	10−6	10−9	10−12	10−15	10−18	10−21	10−24

எடுத்துக்காட்டாக, ஒரு கிலோமீட்டர் 1000 மீட்டர்கள் ஆகும்.

SI-அல்லாதவை

CGI எனப்படும் சென்டிமீட்டர்-கிராம்-செக்கண்டு முறை அலகுகளில், நீளத்தின் அடிப்படை அலகு செண்ட்டி மீட்டர் ஆகும். இது மீட்டரின் 1/100 பங்காகும்.

SI-அல்லாத நீளத்தின் ஏனைய அலகுகள்:

• பெர்மி (fm) (= SI இல் 1 பெர்மி (அலகு) in SI units)
• ஆங்ஸ்டிராம் (Å) (SI இல் = 100 பீக்கோமீட்டர்கள்)
• மைக்குரோன் (SI இல் = 1 மைக்ரோமீட்டர்)

இம்பீரியல்/அமெரிக்க அலகு

முதன்மைக் கட்டுரை: இம்பீரியல் அலகு

இம்பீரியல் மர்றும் அமெரிக்க அலகு முறையில் நீளத்தின் அடிப்படை அலகு யார் ஆகும். 1959 ஆம் ஆண்டு பன்னாட்டு உடன்படிக்கயின் படில், ஒரு யார் என்பது 0.9144 மீட்டர்கள் ஆகும்.

பொதுவான இம்பீரியல் அலகுகள்:

• அங்குலம் (2.54 செமீ)
• அடி (12 அங்குலம், 0.3048 மீ)
• யார் (நீள அலகு) (3 அடி, 0.9144 மீ)
• மைல் (5280 அடி, 1609.344 மீ)
• (நிலம்) லீக் (3 மைல்கள்)

கடல்-சார்ந்த

மாலுமிகளால் பயன்படுத்தப்படும் கடல்-சார் நீள அலகுகள்:

• பதொம் (மெட்ரிக்கு-அல்லாத நாடுகளில் ஆழம் அளப்பதற்கு) (2 யார்கள் = 1.8288 மீ)
• கடல் மைல் (1852 மீ)

வான்வெளி

வானோட்டிகள் உயரத்தை அடியிலும் (சீனா, உருசியா தவிர்த்து), தூரத்தை கடல் மைலிலும் அளக்கிறார்கள்.

நில அளவை

ஐக்கிய அமெரிக்காவில் நில அளவையாளர்கள்:

• சங்கிலி (~20.1மீ)
• ரொட் (rod) அல்லது பேர்ச் (perch) (~5 மீ)

ஆகிய அலகுகளையே தற்போதும் பயன்படுத்துகிறார்கள்.

அறிவியல்

வானியல்

வானியலில் பின்வரும் அலகுகள் பயன்படுத்தப்படுகின்றன:

• புவி ஆரை ($R_{\oplus }$) (≈6,371 கிமீ)
• வானியல் அலகு (au அல்லது ua) (2012 வரைவின் படி, 149,597,870,700 மீ) அண்ணளவாக பூமிக்கும் சூரியனுக்கும் இடைப்பட்ட தூரம்.
• ஒளியாண்டு (ly) (≈9,460,730,472,580.8 கிமீ) ஒரு யூலியன் ஆண்டில் வெற்றிடத்தில் ஒளி செல்லும் தூரம்.
• புடைநொடி (pc) (≈30,856,775,814,671.9 கிமீ அல்லது ~3.26156 ly)
• ஹபிள் நீளம் (13.8 பில்லியன் ஒளியாண்டு/306593922 புடைநொடி)

இயற்பியல்

• நீளத்தின் அணு அலகு (போர் ஆரை): $a_{0}\approx 0.529\;177\;210\;92\times 10^{-10}{\mbox{ m}}$
• நீளத்தின் இயற்கை அலகு: ${\bar {\lambda }}_{\text{C}}\approx 386.159\;268\;00\times 10^{-15}{\mbox{m}}$
• பிளாங்க்: $\ell _{\text{P}}\approx 1.616\;199\times 10^{-35}{\mbox{ m}}$