விக்கிப்பீடியா

பயனர்:Sriveenkat/மணல்தொட்டி

< பயனர்:Sriveenkat

சூச்சே

தொகு

சூச்சே அல்லது யூச்சே (English: /ˈdʒuːtʃ/ (கேட்கⓘ), JOO-chay; கொரிய மொழி: [tɕutɕʰe] (கேட்கⓘ)) அதிகாரப்பூர்வமாக சூச்சே கருத்தியல், வட கொரிய நாட்டு கருத்தியலும், கொரியத் தொழிலாளர் கட்சியின் அதிகாரப்பூர்வ கருத்தியலும் ஆகும். வட கொரிய மூலங்கள் இந்த கருத்தாக்கத்தை உருவாக்கியவர் நாட்டின் நிறுவனரும் முதல் தலைவருமான கிம் இல் சுங் என்று கூறுகின்றன. கிம் இல் சுங்கின் மகன் கிம் ஜாங் இல், 1970களில் இதை ஒரு தனித்துவமிக்க கருத்தியலாக அறிவிக்கும் வரை இதை ஒரு தனித்துவமிக்க கருத்தியலாக அறிவிக்கும் வரை சூச்சே முதலில் மார்க்சியம்-லெனினிசத்தின் வகை சார்ந்த ஒரு கருத்தியலாக கருதப்பட்டது. கிம் ஜாங் இல் 1980கள் மற்றும் 1990களில் மார்க்சிசம்-லெனினிசத்தில் இருந்து கருத்தியல் இடைவெளிகளை உருவாக்கி தனது தந்தையின் கருத்துக்களின் முக்கியத்துவத்தை அதிகரிப்பதன் மூலம் சூச்சேவை மேலும் வளர்த்தார்.

சூச்சே மார்க்சியம்-லெனினிசத்தின் வரலாற்று பொருள்முதல்வாதக் கருத்துக்களை ஒருங்கிணைக்கிறது, ஆனால் தனிநபர், தேசிய அரசு மற்றும் தேசிய இறையாண்மை ஆகியவற்றையும் வலுவாக வலியுறுத்துகிறது. அரசியல், பொருளாதாரம், இராணுவ சுதந்திரம் ஆகியவற்றை அடைவதன் மூலம் ஒரு நாடு தன்னிறைவு பெற்று முன்னேறும் என்று சூச்சே கூறுகிறது. 1970களில் கிம் இல் சுங்கின் வாரிசாக கிம் ஜாங் இல் தோன்றியதால், ஒற்றைக் கருத்தியல் அமைப்பை நிறுவுவதற்கான பத்து கோட்பாடுகளில் வெளிப்படுத்தப்பட்டுள்ளபடி, தலைவருக்கு விசுவாசம் செலுத்துவதில் சூச்சே இன்றியமையாத பகுதியாக அதிகளவில் வலியுறுத்தப்பட்டுள்ளது.

சூச்சே ஒரு போலி மதம், ஒரு தேசியவாத அல்லது பாசிச சித்தாந்தம், மார்க்சியம்-லெனினிசத்திலிருந்து ஒரு பிறழ்வு என விமர்சகர்களால் பல்வேறு விதமாக விவரிக்கப்பட்டுள்ளது. [1] [2] [3] [4]

சொற்பிறப்பியல்

தொகு

சூச்சே என்பது சீன-யப்பானிய சொல்லான 主體 (சின்ஜிடை:主体) என்பதிலிருந்து வந்தது, யப்பானிய வாசிப்பில் ஷுதாய் ஆகும். 1887 இல் இந்தச் சொல் Subjekt என்ற செர்மானிய சொல்லை மொழிபெயர்க்க உருவாக்கப்பட்டது, இதற்கு செர்மான் கருத்தியலில்,"ஒரு பொருள் அல்லது சூழலை உணரும் அல்லது செயல்படும் நிறுவனம்" என்று பொருள். இந்தச் சொல்லானது நூற்றாண்டின் தொடக்கத்தில் கொரிய மொழிக்கு இடம்பெயர்ந்து இந்த அர்த்தத்தைத் தக்க வைத்துக் கொண்டது. [5] கார்ல் மார்க்சின் எழுத்துகளின் யப்பானிய மொழிபெயர்ப்புகளில் இச்சொல் தோன்றின. [6] மார்க்சின் வட கொரிய பதிப்புகள் சூச்சே என்ற சொல்லை 1955 ஆம் ஆண்டில் கிம் இல் சுங்கின் நூல்களில் கூறுவதற்கு முன்பே பயன்படுத்தப்பட்டுள்ளது. [7]

வட கொரியா பற்றிய சமகால அரசியல் சொற்பொழிவில், சூச்சே "சுய-சார்பு", "சுயாட்சி", "சுதந்திரம்" ஆகிய பொருளைக் கொண்டுள்ளது. [8] [9] [10] தென் கொரியர்கள் வட கொரிய கருத்தியல்லை குறிப்பிடாமல் இந்தச் சொல்லை பயன்படுத்துகின்றனர். [11]

வளர்ச்சி

தொகு

வட கொரிய அரசாங்கத்தின் உத்தியோகபூர்வ அறிக்கைகள், யப்பானுக்கு எதிரான கொரிய விடுதலைப் போராட்டத்தின் போது, ஏகாதிபத்தியக் கீழ்நிலை ஒன்றியத்தில் கிம் இல் சுங்கின் அனுபவங்கள் இக்கருத்தியலின் தோற்றத்திற்குக் காரணம் என்று கூறப்படுகிறது. [12] [13] 1955 ஆம் ஆண்டில் கிம் இல் சுங் "பிடிவாதம் மற்றும் சம்பிரதாயவாதத்தை நீக்குதல் மற்றும் கருத்தியல் வேலையில் சூச்சேவை நிறுவுதல்" என்ற தலைப்பில் உரை நிகழ்த்தினார், இதுதான் சூச்சே ஒரு கருத்தியலாக ஆவணப்படுத்தப்பட்ட முதல் குறிப்பாகும். சீனாவில் முந்தைய யான் சீர்திருத்தும் இயக்கம் போன்ற அரசியல் சுத்திகரிப்புக்காக இந்த உரை நிகழ்த்தப்பட்டது. [14] பின்னர் "சூச்சே உரை" [15] என அறியப்பட்டது, இது கிம் இல் சுங்கின் மிக முக்கியப் படைப்புகளில் ஒன்றாக கருதப்படுகிறது. [16]

கிம் இல் சுங்கின் கருத்தியலின் முக்கிய ஆலோசகரான அவாங் ஜாங்-யோப், சூச்சேவின் கருத்தாக்கம் மற்றும் ஆரம்பகால வளர்ச்சிக்கு உண்மையான காரணமாக இருந்தவர் என்று மேற்கத்திய அறிஞர்கள் பொதுவாக ஒப்புக்கொள்கிறார்கள். [17] கொரிய ஆய்வுகள் பற்றிய உருசிய அறிஞர் ஆண்ட்ரி லாங்கோவ், சூச்சே ஒரு கருத்தியல் என்ற முதல் குறிப்பு 14 ஏப்ரல் 1965 வரை வரவில்லை என்று வாதிடுகிறார், கிம் இல் சுங் இந்தோனேசியாவில் "கொரியாவின் ஜனநாயக மக்கள் குடியரசில் சோசலிச கட்டுமானம் மற்றும் தென் கொரிய புரட்சி" என்ற தலைப்பில் உரை நிகழ்த்தினார். 1955 பேச்சு "இந்த வார்த்தையை வேறு அர்த்தத்தில் பயன்படுத்தப்பட்டது" என்றும் 1965 உரை வரை சூச்சே வட கொரிய அரசியலின் அடிப்படை கருத்தியல் கொள்கையாக ஏற்றுக்கொள்ளப்படவில்லை என்றும் லாங்கோவ் கூறுகிறார். [18]

  1. ↑ Armstrong 2012: "Among observers outside of North Korea, opinions about the 'ruling ideology' of juche range from the view that juche is a complete sham, merely disguising the Kim family despotism, to those who see it as a quasi-religion more or less believed by a majority of the population."
  2. ↑ Kelly 2015: "Brian Myers has led this school, which argues that North Korea is a misunderstood racist state based on Japanese and German fascist forms from the early twentieth century. It rallies its citizens through aggressive race-based nationalism (the defence of minjok), defends the racial 'cleanliness' of Korea in a big intrusive world, insists that ethnic Koreans of other nationalities are still Koreans, and routinely uses racist language in its diplomacy. On top of this, it is one of the most highly militarised states in the world. Racism plus hypermilitarism looks a lot more like fascism than communism."
  3. ↑ Fisher 2016: "[The Soviets] had a problem: There wasn't really a leftist intelligentsia or officialdom to draw upon. So the Soviets ended up recycling in many of the Koreans who'd been a part of the Japanese fascist project in Korea. ... 'Almost all intellectuals who moved to Pyongyang after liberation had collaborated with the Japanese so some degree,' the historian B.R. Myers writes in his book The Cleanest Race: How North Koreans See Themselves and Why It Matters."
  4. ↑ Suh 1988, ப. 309.
  5. ↑ Myers 2015, ப. 11.
  6. ↑ Myers 2015, ப. 12.
  7. ↑ Myers 2015, ப. 13.
  8. ↑ Cumings 1997, ப. 207, 403–04.
  9. ↑ Abt 2014, ப. 73–74.
  10. ↑ Robinson 2007, ப. 159.
  11. ↑ Myers 2015, ப. 13–14.
  12. ↑ Foreign Languages Publishing House 2014, ப. 1.
  13. ↑ Kim, Kim & Kim 2005, ப. 10.
  14. ↑ Asiatic Research Institute, Korea University 1970, ப. 63.
  15. ↑ Myers 2015, ப. 68.
  16. ↑ Suh 1981, ப. 109.
  17. ↑ Becker 2005, ப. 65.
  18. ↑ Lankov 2007.
"https://ta.wikipedia.org/w/index.php?title=பயனர்:Sriveenkat/மணல்தொட்டி&oldid=4041823" இலிருந்து மீள்விக்கப்பட்டது