புத்ரா ஜெயா-சைபர் ஜெயா விரைவுச்சாலை

புத்ராஜெயா-சைபர்ஜெயா விரைவுச்சாலை அல்லது மலேசிய கூட்டரசு சாலை 29 (ஆங்கிலம்: Malaysia Federal Route 29; அல்லது Putrajaya–Cyberjaya Expressway); மலாய்: Laluan Persekutuan Malaysia 29 அல்லது Lebuhraya Putrajaya-Cyberjaya) என்பது மலேசியா, சிலாங்கூர் மாநிலம்; கிள்ளான் பள்ளத்தாக்கு பகுதியில் ஒரு முக்கியமான சாலை ஆகும்.

மலேசிய கூட்டரசு சாலை 29 Malaysia Federal Route 29 Laluan Persekutuan Malaysia 29
புத்ராஜெயா-சைபர்ஜெயா விரைவுச்சாலை Putrajaya–Cyberjaya Expressway Lebuhraya Putrajaya-Cyberjaya
வழித்தடத் தகவல்கள்
நீளம்:	21.2 km (13.2 mi)
பயன்பாட்டு காலம்:	1997 –
வரலாறு:	கட்டுமானம் 2009
முக்கிய சந்திப்புகள்
வடக்கு முடிவு:	செர்டாங் மாற்றுச் சாலை
	டாமன்சாரா-பூச்சோங் தெற்கு கிள்ளான் பள்ளத்தாக்கு வடக்கு-தெற்கு மத்திய இணைப்பு புத்ராஜெயா–டெங்கில் சாலை பந்திங் சாலை–டெங்கில் லாபோகான் டாகாங்–நீலாய் கேஎல்ஐஏ வெளி வட்டச் சாலை கேஎல்ஐஏ விரைவுச்சாலை
தெற்கு முடிவு:	கோலாலம்பூர் பன்னாட்டு வானூர்தி நிலையம்
அமைவிடம்
முதன்மை இலக்குகள்:	புத்ராஜெயா; சைபர்ஜெயா; டெங்கில் கோலாலம்பூர் பன்னாட்டு வானூர்தி நிலையம்
நெடுஞ்சாலை அமைப்பு
மலேசிய நெடுஞ்சாலைகள் விரைவுச் சாலை கூட்டரசு மாநிலம்

21.2 கிமீ (13.2 மைல்) நீளம் கொண்ட இந்த விரைவுச்சாலை, டாமன்சாரா-பூச்சோங் விரைவுச்சாலையில் உள்ள செர்டாங் மாற்றுச் சாலை வழியாக, சிப்பாங்கில் உள்ள கோலாலம்பூர் பன்னாட்டு வானூர்தி நிலையத்துடன் (KLIA) இணைகிறது.

பொது

புத்ராஜெயா-சைபர்ஜெயா விரைவுச்சாலைக்கான கிலோமீட்டர் 0 குறிப்பானது; டாமன்சாரா-பூச்சோங் விரைவுச்சாலையின் தொடர்ச்சியாகும்.

எனவே, புத்ராஜெயா-சைபர்ஜெயா விரைவுச்சாலையானது டாமன்சாரா-பூச்சோங் விரைவுச்சாலையின் அதே கிலோமீட்டர் 0 என்பதைப் பகிர்ந்து கொள்கிறது.

வரலாறு

இந்தச் சாலை முன்பு பூச்சோங்கில் இருந்து டெங்கில் வரையிலான 15-ஆவது சிலாங்கூர் மாநிலச் சாலையாக அறியப்பட்டது. புதிய சாலைக்கான கட்டுமானம் 1997-இல் தொடங்கியது; மற்றும் நான்கு கட்டங்களாகப் பிரிக்கப்பட்டது.

• முதல் கட்டம்: டாமன்சாரா-பூச்சோங் விரைவுச்சாலையில் (Damansara–Puchong Expressway) இருந்து பெர்சியாரான் உத்தாரா மாற்றுச் சாலை (Persiaran Utara Interchange) வரை;
• இரண்டாவது கட்டம்: பெர்சியரான் உத்தாரா முதல் டெங்கில் வரை;
• மூன்றாவது கட்டம்: டெங்கிலில் இருந்து சிப்பாங் வரை;
• நான்காவது கட்டம்: சிப்பாங்கில் இருந்து கோலாலம்பூர் பன்னாட்டு வானூர்தி நிலையம் வரை;

சிப்பாங் நகரம்

முதல் கட்டம் 1999-ஆம் ஆண்டில் முடிவடைந்தது; இரண்டாவது கட்டம் 2001-ஆம் ஆண்டில் முடிவடைந்தது; மற்றும் மூன்றாவது கட்டம் 2006-ஆம் ஆண்டில் முடிவடைந்தது.

சிப்பாங் நகரத்தை கோலாலம்பூர் பன்னாட்டு வானூர்தி நிலையத்துடன் இணைக்கும் நான்காவது கட்டம் 2009-ஆம் ஆண்டில் நிறைவடைந்தது.

விளக்கம்

• மலேசிய கூட்டரசு சாலை (ஆங்கிலம்: Malaysia Federal Route; மலாய்: Laluan Persekutuan Malaysia)
• மலேசிய நெடுஞ்சாலை: (ஆங்கிலம்: Malaysian Highway; மலாய்: Laluan Malaysia)
• மலேசிய விரைவுச்சாலை: (ஆங்கிலம்: Malaysian Expressway; மலாய்: Lebuhraya Malaysia)

மேலும் காண்க

• சிப்பாங் பன்னாட்டு சுற்றுகை
• கோலாலம்பூர் மத்திய வட்டச் சாலை 1
• கேஎல்ஐஏ விரைவுச்சாலை
• கேஎல்ஐஏ வெளி வட்டச் சாலை