வரப்புழா
வரப்புழா (Varapuzha) (இதன் முந்தைய பெயர் வெரப்போலி என்றும் அழைக்கப்பட்டது) கொச்சி நகரத்தின் வடக்கு புறநகர்ப் பகுதியாகும். இது இந்திய மாநிலமான கேரளாவின் எர்ணாகுளம் மாவட்டத்தின் பறவூர் வட்டத்திலுள்ள மக்கள் தொகை கணக்கெடுப்பு நகரமாகும். நகர மையத்திலிருந்து 15 கிமீ (9 மைல்) மற்றும் இடப்பள்ளியிலிருந்து 8 கிமீ (5 மைல்) தொலைவில் அமைந்துள்ள இந்த பகுதிகள் வைட்டிலாவை வடக்கு பறவூருடன் இணைக்கும் தேசிய நெடுஞ்சாலை 66 இல் அமைந்துள்ளது. வரப்புழாவின் மேற்குப் பகுதி தேவஸ்வம்பாடம் என்று அழைக்கப்படுகிறது. ஒரு தனித்துவம் வாய்ந்த உப்புத்தன்மையை ஏற்றுக்கொள்ளக்கூடிய ஒரு நெல் வகையான பொக்காலி நெல் சாகுபக்கு பெயர் பெற்றது. மீன்பிடித்தலும், விவசாயமும் இங்குள்ள பூர்வீக மக்களின் பொதுவான வேலையாகும்.
வரப்புழா
வெரப்போலி | |
|---|---|
புறநகர்ப் பகுதி | |
 வரப்புழா பாலம் | |
| ஆள்கூறுகள்: 10°06′41″N 76°15′27″E / 10.1113133°N 76.2575627°E | |
| நாடு | இந்தியா |
| மாநிலம் | கேரளம் |
| மாவட்டம் | எர்ணாகுளம் |
| அண்மையிலுள்ள நகரம் | எர்ணாகுளம் |
| பரப்பளவு | |
| • மொத்தம் | 7.74 km2 (2.99 sq mi) |
| மக்கள்தொகை (2001) | |
| • மொத்தம் | 24,516 |
| • அடர்த்தி | 2,909/km2 (7,530/sq mi) |
| மொழிகள் | |
| • அலுவல் | மலையாளம், ஆங்கிலம் |
| நேர வலயம் | ஒசநே+5:30 (இந்திய சீர் நேரம்) |
| அஞ்சல் குறியீட்டு எண் | 683517 |
| வாகனப் பதிவு | கேஎல்-42 |
| இணையதளம் | [1] |
வரப்புழாப் பாலம் (வரலாற்று வரப்புழாத் தீவுக்கு அருகில்) வரப்புழாவை (மன்னந்துருத்து) அண்டைப் பகுதியான சேரநல்லூருடன் இணைக்கிறது.
புள்ளிவிவரங்கள்
தொகு2001 இந்திய மக்கள் தொகைக் கணக்கெடுப்பின்படி,[1] வரப்புழாவின் மக்கள் தொகை 24,516 ஆகும். மக்கள்தொகையில் ஆண்கள் 48%, பெண்கள் 52%. ஊரின் சராசரி கல்வியறிவு விகிதம் 84% ஆகும். இது தேசிய சராசரியான 59.5% ஐ விட அதிகமாகும்: ஆண் கல்வியறிவு 85%, மற்றும் பெண் கல்வியறிவு 83%. இதன் மக்கள் தொகையில் 11% 6 வயதுக்குட்பட்டவர்கள்.
வழிபாட்டு மையங்கள்
தொகுபெரும்பான்மையான மக்கள் கிறிஸ்தவ சமூகத்தைச் சேர்ந்தவர்கள். சிரக்காக்கோம் மற்றும் தேவர்காட்டில் பெரும்பாலான மக்கள் இந்து குடும்பம் மற்றும் கொங்கணிச் சமூகத்தைச் சேர்ந்தவர்கள்.
மேலும் காண்க
தொகுகுறிப்புகள்
தொகு- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. பார்க்கப்பட்ட நாள் 2008-11-01.