வானதி சீனிவாசன்
வானதி சீனிவாசன் (Vāṉathi Srīṉivāsaṉ) ஓர் சமூக ஆர்வலர், வழக்கறிஞர், இந்திய அரசியல்வாதி. இவர் பாரதிய ஜனதா கட்சியின் மகளிரணி தேசியத் தலைவி, பாஜக தேசிய தேர்தல் குழு உறுப்பினர்[2] கோயம்புத்தூர் தெற்கு சட்டமன்றத் தொகுதி உறுப்பினர்[3] இவர் தாமரை சக்தி, புதிய இந்தியா மன்றம், கோவை மக்கள் சேவை மையம் போன்ற சமூக சேவை நிறுவனங்களை நிறுவியுள்ளார்.[4]
வானதி சீனிவாசன் | |
|---|---|
| பாஜக மகளிரணி தேசியத் தலைவி | |
பதவியில் உள்ளார் | |
| பதவியில் 28 அக்டோபர் 2020 | |
| உறுப்பினர் தமிழ்நாடு சட்டப் பேரவை | |
பதவியில் உள்ளார் | |
| பதவியில் 2 மே 2021 | |
| முன்னையவர் | அம்மன் கே. அர்ஜுனன் |
| தொகுதி | கோயம்புத்தூர் (தெற்கு) சட்டமன்றத் தொகுதி |
| பா.ஜ.க மத்திய தேர்தல் குழு உறுப்பினர் | |
பதவியில் உள்ளார் | |
| பதவியில் 17 ஆகஸ்ட் 2022 | |
| தனிப்பட்ட விவரங்கள் | |
| பிறப்பு | சூன் 1970 தொண்டாமுத்தூர், கோயம்புத்தூர் |
| தேசியம் | இந்தியர் |
| அரசியல் கட்சி | பாரதிய ஜனதா கட்சி |
| துணைவர் | சீனிவாசன்[1] |
| பிள்ளைகள் | ஆதர்ஷ் , கைலாஷ்.[1] |
| வாழிடம் | சென்னை, தமிழ்நாடு |
| தொழில் | வழக்குரைஞர், அரசியல்வாதி |
| சமயம் | இந்து(சைவம்) |
| இணையத்தளம் | Official website |
வாழ்க்கைக் குறிப்பு மற்றும் கல்வி
தொகுகோயம்புத்தூர் மாவட்டம், தொண்டாமுத்தூர் அருகே உள்ள உளியம்பாளையம் கிராமத்தில் மரபாக வேளாண்மை செய்யும் கொங்கு வேளாளர் சமூகத்தைச் சேர்ந்த கந்தசாமி, பூவாத்தாள் ஆகியோருக்கு 6 சூன் 1970 அன்று மகளாக வானதி சீனிவாசன் பிறந்தார்.[5]
இவரே குடும்பத்தில் மூத்த குழந்தை. இவருக்கு சிவகுமார் என்ற தம்பி உள்ளார். தொண்டாமுத்தூர் மேல்நிலைப் பள்ளியில் தனது பள்ளிப்படிப்பை முடித்தார். பி. எஸ். ஜி. கலை மற்றும் அறிவியல் கல்லூரியில் வேதியியலில் இளங்கலை பட்டம் பெற்றார். 1993 இல் சென்னை டாக்டர் அம்பேத்கர் அரசு சட்டக் கல்லூரியில் பட்டம் பெற்றார். 1995 இல் சர்வதேச அரசியலமைப்பின் கிளையில் மதராசு பல்கலைக்கழகத்தில் சட்டத்தில் முதுகலைப் பட்டமும் பெற்றார்.[6][7]
பணிகள்
தொகுவானதி சீனிவாசன் வழக்குரைஞராக இரண்டு பத்தாண்டுகளுக்கும் மேலாக சென்னை உயர்நீதிமன்றத்தில் பணி செய்து வந்தார்.[8] 2012 ஆம் ஆண்டில், வானதி சிறந்த பெண் வழக்கறிஞர் விருதை அப்போதைய சென்னை உயர் நீதிமன்றத்தின் தலைமை நீதிபதியாக இருந்த அறமன்ற நடுவர் இக்பால் அவர்களிடமிருந்து பெற்றார், பின்னர் அவர் இந்திய உச்ச நீதிமன்றத்திற்கு வழக்கறிஞராக உயர்த்தப்பட்டார். இவர் மத்திய திரைப்படச் சான்றிதழ் சபையின் உறுப்பினராக இருந்தார்.[9][10] மேலும் தெற்கு ரயில்வேயின் ஆலோசகராகவும் இருந்தார்.[11]
அரசியல்
தொகுஇராட்டிரிய சுயம்சேவக்கு சங்கத்தின் மாணவர் அமைப்பான அகில பாரத வித்தியார்த்தி பரிசத்து(ABVP)யில் 1989–ல் சேர்ந்த இவர் பா.ஜனதா மாநில மகளிர் அணி பொதுச் செயலாளராக நியமிக்கப்பட்டார். பின்னர் கட்சியின் மாநிலச் செயலாளர், மாநிலப் பொதுச் செயலாளராகப் பதவி வகித்தார். தற்போது மாநிலத் துணைத் தலைவராக உள்ளார். 28 அக்டோபர் 2020 அன்று, பாரதிய ஜனதா கட்சி தேசியத் தலைவர் ஜெகத் பிரகாஷ் நட்டா, பாஜக மகளிர் அணியின் தேசியத் தலைவராக வானதி சீனிவாசனை நியமித்தார்.
2011, 2016 சட்டமன்றத் தேர்தல்
தொகு2011 சட்டமன்ற தேர்தலில் மயிலாப்பூர் தொகுதியிலும், 2016 சட்டமன்றத் தேர்தலில் கோவை தெற்கு தொகுதியிலும் பாஜக சார்பில் போட்டியிட்டுத் தோற்றார்.[1] கோயம்புத்தூர் தெற்கு சட்டமன்றத் தேர்தலில் 2016 இல் இவர் 33,113 வாக்குகள் பெற்று இரண்டாவது இடம் பிடித்தார்.[12]
2021 சட்டமன்றத் தேர்தல்
தொகுஅவர் 2021 தமிழ்நாடு சட்டமன்றத் தேர்தலில், கோயம்புத்தூர் தெற்கு தொகுதியில் இருந்து பாஜக வேட்பாளராக போட்டியிட்டு மக்கள் நீதி மய்யத்தின் நடிகர் கமல்ஹாசனை தோற்கடித்து வெற்றி பெற்று சட்டமன்ற உறுப்பினரானார்.[13][14] அவர் தனது பதவிக்காலத்தில் கொங்கு மண்டலத்தின் வளர்ச்சிக்கான குரல் கொடுத்து வருகிறார்.[15][16]
எழுத்தாளர்
தொகுஅவர் 2018 ஆம் ஆண்டில் ‘Women- You are the Great’ என்ற புத்தகத்தையும், 2020 ஆம் ஆண்டில் ‘Why we need CAA’ (தமிழில்) என்ற புத்தகத்தையும் எழுதினார்.
சமூக ஆர்வலர்
தொகுவானதி பெண்கள் அதிகாரமளிக்கும் தாமரை சக்தி அறக்கட்டளைக்காக ஒரு தன்னார்வ தொண்டு நிறுவனத்தை நிறுவினார். சகோதரி நிவேதிதாவின் 150வது பிறந்தநாள் விழாக்களுக்கான மாநில அமைப்பாளராக இருந்தார். விளையாட்டுப் போட்டிகளில் பெண்களுக்கான பாலின சரிபார்ப்புத் தேர்வை நிறுத்தக் கோரி ஆசிய விளையாட்டுப் பதக்கம் வென்ற சாந்தி சௌந்தரராஜனின், 'சாந்திக்கு நீதி' பிரச்சாரத்திற்கு வானதி ஆதரவு தெரிவித்தார். கோவையில் உள்ளுர் நீர்நிலைகளைப் பாதுகாக்கும் வகையில் நீர் சேமிப்புத் திட்டங்களையும் அவர் தொடங்கினார்.[17][17][18]
கோவை மக்கள் சேவை மையம் என்பது வானதி சீனிவாசனால் 2017 ஆம் ஆண்டு நிறுவப்பட்ட ஒரு தன்னார்வ தொண்டு நிறுவனம் ஆகும், இது கோயம்புத்தூர் மற்றும் அதைச் சுற்றியுள்ள பகுதிகளில் வசிப்பவர்களின் நலனில் கவனம் செலுத்துகிறது.[19][19]
தொழில்துறை உயரடுக்குகளையும் இளம் தொழில் வல்லுநர்களையும் ஒன்றிணைக்கும் ஒரு சிந்தனைக் குழுவாக வானதியால் 2019 இல் புதிய இந்தியா மன்றம்(New India Forum) நிறுவப்பட்டது.[20]
அருண் ஜெட்லி உட்பட சில அரசியல் கட்சி உறுப்பினர்களுடன் இணைந்து இந்தியாவில் பாலினம் மற்றும் பாலியல் சிறுபான்மையினரின் உரிமைகளை வானதி வெளிப்படையாக ஆதரிக்கிறார். கோபி ஷங்கர் மதுரையால் எழுதப்பட்ட தமிழ் மொழியில் எல்ஜிபிடி சமூகம் பற்றிய முதல் புத்தகத்தை அவர் வெளியிட்டார்.[21][22][23][24]
மேற்கோள்கள்
தொகு- ↑ 1.0 1.1 1.2 வானதி சீனிவாசன் வரலாறு [தொடர்பிழந்த இணைப்பு] மாலை மலர் தேர்தல் முடிவுகள்.
- ↑ தினத்தந்தி (2022-08-17). "பாஜக நாடாளுமன்ற குழு மாற்றியமைப்பு: வானதி ஸ்ரீனிவாசன் உட்பட 11 பேர் புதிதாக தேர்வு". www.dailythanthi.com. Retrieved 2022-08-17.
- ↑ "பாஜக மகளிரணி தேசியத் தலைவராக வானதி சீனிவாசன் நியமனம்". தினமணி நாளிதழ். 28 அக்டோபர் 2020. Retrieved 20 செப்டம்பர் 2016.
{{cite web}}: Check date values in:|accessdate=(help) - ↑ "Vanathi Srinivasan". Vanathi Srinivasan (in அமெரிக்க ஆங்கிலம்). Retrieved 2021-08-30.
- ↑ வானதி சீனிவாசன் உடன் சிறப்பு நேர்காணல் | Vanathi Srinivasan, retrieved 2021-09-01
- ↑ "vanathi srinivasan". Samayam Tamil. Retrieved 2021-09-01.
- ↑ "Vanathi Srinivasan". Vanathi Srinivasan (in அமெரிக்க ஆங்கிலம்). Retrieved 2021-09-01.
- ↑ "Vanathi Srinivasan(Bharatiya Janata Party(BJP)):Constituency- COIMBATORE (SOUTH)(COIMBATORE)". Retrieved 20 September 2016.
- ↑ "Censor Board, News Today". News Today. Jan 19, 2015. Retrieved Sep 27, 2016.[தொடர்பிழந்த இணைப்பு]
- ↑ "Actor Surya held, out on bail". Deccan Herald. Aug 24, 2005. Archived from the original on 27 செப்டம்பர் 2016. Retrieved Sep 27, 2016.
{{cite web}}: Check date values in:|archive-date=(help) - ↑ "Vanathi BJP - The Hindu".
- ↑ "In Coimbatore, BJP performs better than DMDK-PWF-TMC". The Hindu. 12 September 2016. Retrieved 26 January 2018.
- ↑ "16th Assembly Members". Government of Tamil Nadu. Retrieved 2021-05-07.
- ↑ https://www.indiatoday.in/elections/tamil-nadu-assembly-polls-2021/story/bjp-candidates-list-for-tamil-nadu-election-khushboo-sundar-vanathi-srinavasan-1779180-2021-03-14
- ↑ "Vanathi Srinivasan: A popular candidate from an unpopular party". The Indian Express (in ஆங்கிலம்). 2021-03-15. Retrieved 2021-08-01.
- ↑ "Vanathi Srinivasan beats Kamal Haasan to win seesaw battle in Coimbatore South". The News Minute (in ஆங்கிலம்). 2021-05-02. Retrieved 2021-08-01.
- ↑ 17.0 17.1 "Sister Nivedita ratha yatra flagged off". The Hindu. 2018-01-23. Retrieved 2018-01-26.
- ↑ "SISTER NIVEDITA 150th Rath Yatra Team". www.nivedita150.com. 2018-01-12. Archived from the original on 2018-01-26. Retrieved 2018-01-26.
- ↑ 19.0 19.1 "Uliyampalayam pond fills up". The Hindu. 2017-04-23. Retrieved 2018-01-26.
- ↑ "BJP Leader Vanathi Srinivasan launches Modi's Daughter scheme". Dinathanthi. 15 November 2020. Retrieved 13 January 2021.
- ↑ "Meet the BJP leader who released a book on LGBT rights". The News Minute. 2014-07-14. Retrieved 2018-01-26.
- ↑ "It's a great honour to be awarded for book on gender variants: Gopi Shankar - Times of India". Timesofindia.indiatimes.com. 2014-07-21. Retrieved 2018-01-26.
- ↑ Ashok Row Kavi (2016-03-19). "RSS flip-flop on homosexuality indicates gay men in India remain in exile, writes Ashok Row Kavi". Firstpost.com. Retrieved 2018-01-26.
- ↑ Emmanuel, Gladwin (11 July 2014). "BJP leader launches LGBT rights book in TN". Mumbai Mirror. https://mumbaimirror.indiatimes.com/news/india/BJP-leader-launches-LGBT-rights-book-in-TN/articleshow/38157614.cms.