அர்ச்சனா சந்தோக்

இந்தியத் தொலைக்காட்சி நிகழ்ச்சித் தொகுப்பாளர், நடிகை

அர்ச்சனா சந்தோக் (Archana Chandhoke) ஓர் இந்தியத் தொலைக்காட்சி தொகுப்பாளர் ஆவார். இவர் முதன்மையாக தமிழ் உண்மைநிலை நிகழ்ச்சிகளை தொகுத்து வழங்கி வருகிறார். [2]

அர்ச்சனா சந்தோக்
பிறப்பு2 சூலை 1982 (1982-07-02) (அகவை 40)
சென்னை
படித்த கல்வி நிறுவனங்கள்எத்திராஜ் மகளிர் கல்லூரி
பணி
  • Television host
  • Actress
செயற்பாட்டுக்
காலம்
1999–தற்போது வரை
வாழ்க்கைத்
துணை
வினீத் முத்துகிருஷ்ணன்[1]
(m. 2004–present)
பிள்ளைகள்1

தொழில்தொகு

தொலைக்காட்சிதொகு

சென்னையைச் சேர்ந்த அர்ச்சனா செப்டம்பர் 1999இல், கல்லூரியில் படிக்கும் போது ஜெயா தொலைக்காட்சியில் ஆங்கில செய்திகளில் செய்தி வாசிப்பாளராக தனது வாழ்க்கையைத் தொடங்கினார். பின்னர் இவர் சன் தொலைக்காட்சிக்குச் சென்றார். அங்கு, 'இளமை புதுமை', 'நகைச்சுவை நேரம்' போன்ற நிகழ்ச்சிகளை தொகுத்து வழங்கினார். மே 2007 இல், சன் தொலைக்காட்சியை விட்டு விலகி தனது குடும்பக் கடமைகளுக்கு முன்னுரிமை அளித்தார்.

இரண்டு வருட இடைவெளிக்குப் பிறகு, இவர் 2009இல் விஜய் தொலைக்காட்சியில் சேர்ந்து, 2013 ஆம் ஆண்டு வரை 'நம்ம வீட்டு கல்யாணம்' என்ற நிகழ்ச்சியைத் தொகுத்து வழங்கினார். செப்டம்பர் 2015 இல், ஜீ தமிழ் தொலைக்காட்சி நிறுவனம் 'அதிஷ்ட லட்சுமி' என்ற நிகழ்ச்சியை வழங்க இவரை அணுகியது. அடுத்த ஆண்டு, ஜூனியர் சூப்பர் ஸ்டார்ஸ் என்ற குழந்தைகள் போட்டித் திறமையை வெளிபடுத்தும் உண்மைநிலைநிகழ்ச்சியின் நடுவராக பாக்யராஜ் ,குஷ்பூ ஆகியோருடன் தோன்றினார்.

2020 ஆம் ஆண்டில், அர்ச்சனா பிக்பாஸில் சிறப்பு நுழைவுப் போட்டியாளராக நுழைந்தார். நிகழ்ச்சியில் தனது நடத்தைக்காக இவர் பார்வையாளர்களிடமிருந்து விமர்சனங்களைப் பெற்றார். [3] நிகழ்ச்சியில் இவர் தொடர்ந்து செயல்பட்டதைத் தொடர்ந்து, மீண்டும் விஜய் தொலைக்காட்சியுடன் சேர்ந்து பல்வேறு உண்மைநிலை நிகழ்ச்சிகளைத் தொகுத்து வழங்கினார்.[4] [5] [6]

திரைப்படங்கள்தொகு

அர்ச்சனா தமிழ் மொழிப் படங்களிலும் நடிகையாக பணியாற்றியுள்ளார். பெரும்பாலும் நகைச்சுவை வேடங்களை சித்தரிக்கிறார். என் வழி தனி வழி (2015) என்ற அதிரடி திரைப்படத்தின் மூலம் இவர் முதன்முதலில் தோன்றினார். தொழிலதிபர் ஆர்.கே. வெளியிட்ட படத்தின் இசை வெளியீட்டு விழாவில் போது, இவரை மேடையில் நடிகர் ராதாரவி எதிர்கொண்டார். அவரை மரியாதையுடன் அழைக்கத் தவறிவிட்டதாக உணர்ந்தார்.[7] ஆர்.கே பின்னர் இவரை தனது வைகை எக்ஸ்பிரஸ் (2017) என்ற அடுத்த படத்தில் மற்றொரு சிறிய பாத்திரத்தில் நடிக்க வைத்தார்.

"ஏன்டா தலையில் உள்ள வெண்ணை வைக்கல" (2018) படத்தில் இவரது தோற்றம் யோகி பாபு சித்தரித்த கதாபாத்திரத்தை காதலித்து ஏமாற்றும் மனைவியாக இவரது அம்சத்தைக் கண்டது. ஒரு விமர்சகர் அந்தக் காட்சிகள் "வயது வந்தோருக்கான உள்ளடக்கம் அதிகம். ஆனாலும் ஒரு புன்னகையைத் தூண்டுகிறது" என்று குறிப்பிட்டார். [8] இவர் அடுத்து வெளியாகவுள்ள "டாக்டர்" (2021) படத்தில் நடித்து வருகிறார். அந்தப் படத்தில் தனது மகள் சாராவுடன் துணை வேடத்தில் நடிக்கிறார். [9]

சொந்த வாழ்க்கைதொகு

அர்ச்சனா, இராகேஷ் லால் சந்தோக் - நிர்மலா லால் தம்பதியினருக்கு சென்னையில் பிறந்தார். இவருக்கு அனிதா என்ற ஒரு தங்கை உள்ளார். இவர் சென்னை கோபாலபுரத்தில் உள்ள டிஏவி மூத்தோர் மேல்நிலைப் பள்ளியில் பயின்றார். 1999இல் பள்ளிப் படிப்பை முடித்த பிறகு, அர்ச்சனா எத்திராஜ் மகளிர் கல்லூரியில் நிறுவனச் செயலாளராகப் பட்டம் பெற்றார். பின்னர் எம். ஓ. பி. வைணவ மகளிர் கல்லூரியில் தொடர்புத் துறையில் முதுகலைப் பட்டம் பெற்றார். இவர் இந்திய கடற்படையில் பணியாற்றும் தளபதி வினீத் முத்துகிருஷ்ணனை மே 2004 இல் திருமணம் செய்து கொண்டார். இந்த தம்பதியருக்கு சாரா என்ற மகள் மே 2007 இல் பிறந்தார்.

மேற்கோள்கள்தொகு

  1. "Anchor Archana shares a throwback picture on her wedding anniversary". The Times of India (in ஆங்கிலம்). 29 June 2019 அன்று பார்க்கப்பட்டது.
  2. "'I want to live my childhood days again': Archana Chandhoke". The Times of India (in ஆங்கிலம்). 29 June 2019 அன்று பார்க்கப்பட்டது.
  3. https://www.sify.com/movies/archana-chandhoke-gets-evicted-netizens-feel-happy-news-tamil-umvfqxafefggg.html
  4. "'Bossy Kumaru' Archana's first photo after Bigg Boss 4 eviction turns viral! - Tamil News". IndiaGlitz.com. 21 December 2020.
  5. subhakeerthana, s (6 September 2015). "I love being a part of television: Archana Chandhoke". Deccan Chronicle (in ஆங்கிலம்). 26 June 2019 அன்று பார்க்கப்பட்டது.
  6. "Archana Chandhoke gets nostalgic as she shares daughter Zaara's childhood pictures - Times of India". The Times of India (in ஆங்கிலம்). 26 June 2019 அன்று பார்க்கப்பட்டது.
  7. https://www.dtnext.in/News/TamilNadu/2019/03/26030547/1111839/Kollywood-promos-stoop-to-alltime-low-with-participation-.vpf
  8. https://www.indiaglitz.com/yenda-thalaila-yenna-vekkala-review-tamil-movie-21379
  9. https://www.deccanchronicle.com/entertainment/kollywood/290220/popular-tv-anchors-daughter-debuts-in-doctor.html

வெளி இணைப்புகள்தொகு

"https://ta.wikipedia.org/w/index.php?title=அர்ச்சனா_சந்தோக்&oldid=3294475" இருந்து மீள்விக்கப்பட்டது