விக்கிப்பீடியா

கிறிசு பிரவுண்

கிரிசு பிரவுண் என்று பொதுவாக அறியப்படும் கிறித்தோபர் மார்க் பிரவுண் (பிறப்பு 27 மார்ச் 1973), குக் தீவுகளின் முன்னாள் துடுப்பாட்ட வீரர் ஆவார். இவர் முன்பு நியூசிலாந்து உள்நாட்டு போட்டிகளில் ஆக்லாந்திற்காக விளையாடினார். ரரோடோங்காவில் பிறந்த பிரவுணின் சிறு வயதில் ஆக்லாந்து இள வயதுக்குட்பட்ட அணிகளுக்காக விளையாடினார். மேலும் அவர் வலது கை வேகப்பந்து வீச்சாளராக பல போட்டிகளில் நியூசிலாந்து தேசிய 19 வயதுக்குட்பட்ட அணியில் விளையாடினார். ஷெல் கோப்பை போட்டிகளின் 1993-94 பருவ காலத்தில் தனது முதல் தர அரங்கில் அறிமுகமானார். அவர் தனது முதல் போட்டியில் பத்து இலக்குகளை எடுத்தார். பின்னர் இரண்டு பருவகாலங்களில் நியூசிலாந்து துடுப்பாட்ட அகாடமியை பிரதிநிதித்துவப்படுத்தினார்.

கிரிசு பிரவுண்
தனிப்பட்ட தகவல்கள்
முழுப்பெயர்கிறித்தோபர் மார்க் பிரவுண்
பிறப்பு27 மார்ச்சு 1973 (1973-03-27) (அகவை 51)
ரரோட்டொங்கா, குக் தீவுகள், நியூசிலாந்து
மட்டையாட்ட நடைவலது கை
பந்துவீச்சு நடைவலது கை மிதவேகம்
பங்குபன்முக வீரர்
உள்ளூர் அணித் தரவுகள்
ஆண்டுகள்அணி
1993/94–1996/97ஆக்லாந்து
முத அறிமுகம்11 டிசம்பர் 1993 ஆக்லாந்து v கன்டர்பரி
பஅ அறிமுகம்6 சனவரி 1994 ஆக்லாந்து v Canterbury
நடுவராக
தேர்வு நடுவராக7 (2020–2023)
ஒநாப நடுவராக22 (2016–2023)
இ20ப நடுவராக47 (2017–2023)
பெஒநாப நடுவராக8 (2015–2021)
பெஇ20 நடுவராக6 (2016–2020)
வாழ்நாள் புள்ளிவிவரங்கள்
போட்டி வகை முத பஅ
ஆட்டங்கள் 19 25
ஓட்டங்கள் 132 55
மட்டையாட்ட சராசரி 6.94 7.85
100கள்/50கள் 0/0 0/0
அதியுயர் ஓட்டம் 19 13
வீசிய பந்துகள் 2,983 1,167
வீழ்த்தல்கள் 63 26
பந்துவீச்சு சராசரி 21.19 31.03
ஒரு முறையில்
5 வீழ்த்தல்கள்		 3 2
ஒரு போட்டியில்
10 வீழ்த்தல்கள்		 1 0
சிறந்த பந்துவீச்சு 6/50 5/16
பிடிகள்/இலக்கு
வீழ்த்தல்கள்		 2/– 8/–

பிரவுண் 1990களின் நடுப்பகுதியில் முதல்தர மற்றும் வரையறுக்கப்பட்ட நிறைவுகள் போட்டி ஆகிய இரண்டு வகைப் போட்டிகளிலும் ஆக்லாந்திற்காக தொடர்ந்து விளையாடினார். இருப்பினும், 1997-98 பருவகாலத்திற்குப் பிறகு, அவர் ஆக்லாந்திற்காக விளையாடுவதை நிறுத்தினார். பிரவுன் 2000 களின் முற்பகுதியில் குக் தீவுகளின் தேசிய துடுப்பாட்ட அணிக்காக விளையாடத் தொடங்கினார். பிராந்தியப் போட்டிகளில் கிழக்கு ஆசியா-பசிபிக் அணிக்காக விளையாடினார். அடுத்த பத்தாண்டுகளுக்கு அவர் பிறந்த நாட்டிற்கு தொடர்ந்து அணித்தலைவராக இருந்தார். அவர் குக் தீவுகளுக்காக விளையாடிய முதல்தர வீரர்களில் ஒருவராக ஆனார். விளையாடுவதில் இருந்து ஓய்வு பெற்ற பிறகு, பிரவுண் நடுவராகப் பொறுப்பேற்றார். தற்போது நியூசிலாந்து துடுப்பாட்ட நடுவர் "ஏ" குழுவில் உறுப்பினராக உள்ளார்.

நடுவர் தொழில் தொகு

ஆகத்து 2011 இல், பிரவுண் 2011-12 பருவகாலத்துக்கான நியூசிலாந்து துடுப்பாட்டத்தின் நடுவர் "A" குழுவிற்கு உயர்த்தப்பட்டதன் மூலம் நியூசிலாந்து நடுவர்களின் முதல் 20 பேருள் ஒருவரானார். [1] அவரது நியமனத்திற்கு முன்பு இரண்டு பருவகாலங்களுக்கு நடுவராக இருந்த அவர், [2] 2012-13 பருவகாலத்திலும் "A" குழுவில் இருந்தார். [3] 2012-13 பருவத்தில் நியூசிலாந்தின் முதல் தர மற்றும் ஒரு நாள் போட்டிகளில் பிரவுண் தனது முதல் போட்டிகளுக்கு நடுவராக இருந்தார். அதுவரை முக்கியமாக பெண்கள் போட்டிகள் மற்றும் தேசிய வயதுக்குட்பட்ட போட்டிகளுக்கு நடுவராக இருந்தார். [4] [5] [6] சூன் 2016 இல் அவர் பன்னாட்டு நடுவர்கள் மற்றும் முறையீடு நடுவர்கள் குழுவில் சேர்க்கப்பட்டார். [7]

29 டிசம்பர் 2016 அன்று, நியூசிலாந்து மற்றும் வங்காளதேசம் இடையேயான தனது முதல் ஒருநாள் பன்னாட்டுப் போட்டியில் கடமையாற்றினார். [8] 6 சனவரி 2017 அன்று, நியூசிலாந்து மற்றும் பங்களாதேஷ் இடையேயான தனது முதல் பன்னாட்டு இருபது20 போட்டியில் அவர் நின்றார். [9]

அக்டோபர் 2019 இல், ஐக்கிய அரபு எமிரேட்ஸில் 2019 ஐசிசி இருபது20 உலகக் கோப்பை தகுதிச் சுற்றுப் போட்டியில் நடுவராகப் பணியாற்றும் பன்னிரண்டு நடுவர்களில் ஒருவராக அவர் நியமிக்கப்பட்டார். [10] பிப்ரவரி 2020 இல், ஆஸ்திரேலியாவில் 2020 ஐசிசி மகளிர் இருபது20 உலகக் கோப்பையின் போது போட்டிகளில் நடுவராகச் செயல்படும் நடுவர்களில் ஒருவராக ஐசிசியால் தெரிவுசெய்யப்பட்டார். [11] 11 டிசம்பர் 2020 அன்று நியூசிலாந்துக்கும் மேற்கிந்திய தீவுகளுக்கும் இடையிலான போட்டியில் அவர் தனது முதல் தேர்வுப் போட்டியில் கடமையாற்றினார். [12]

மேற்கோள்கள் தொகு

  1. ↑ Cook Islander Makes NZ Cricket Umpires Panel – International Cricket Council. Published 15 September 2011. Retrieved 13 January 2013.
  2. ↑ Cricket: Umpires to raise a professional finger – Otago Daily Times. Published 30 August 2011. Retrieved 13 January 2013.
  3. ↑ NZC announce 2012-13 Umpire Panels பரணிடப்பட்டது 22 பெப்பிரவரி 2013 at the வந்தவழி இயந்திரம் – New Zealand Cricket. Published 17 August 2012. Retrieved 13 January 2013.
  4. ↑ Chris Brown as umpire in women's limited-overs matches (4) – CricketArchive. Retrieved 13 January 2013.
  5. ↑ Chris Brown as umpire in women's Twenty20 matches (5) – CricketArchive. Retrieved 13 January 2013.
  6. ↑ Chris Brown as umpire in miscellaneous matches (22) – CricketArchive. Retrieved 13 January 2013.
  7. ↑ "Bowden cut from NZC international panel". பார்க்கப்பட்ட நாள் 16 June 2016.
  8. ↑ "Bangladesh tour of New Zealand, 2nd ODI: New Zealand v Bangladesh at Nelson, Dec 29, 2016". ESPNcricinfo. பார்க்கப்பட்ட நாள் 29 December 2016.
  9. ↑ "Bangladesh tour of New Zealand, 2nd T20I: New Zealand v Bangladesh at Mount Maunganui, Jan 6, 2017". ESPNcricinfo. பார்க்கப்பட்ட நாள் 6 January 2017.
  10. ↑ "Match Officials announced for ICC Men's T20 World Cup Qualifier 2019". International Cricket Council. பார்க்கப்பட்ட நாள் 10 October 2019.
  11. ↑ "ICC announces Match Officials for all league matches". International Cricket Council. பார்க்கப்பட்ட நாள் 12 February 2020.
  12. ↑ "2nd Test, Wellington, Dec 11 – Dec 15 2020, West Indies tour of New Zealand". ESPNcricinfo. பார்க்கப்பட்ட நாள் 11 December 2020.
"https://ta.wikipedia.org/w/index.php?title=கிறிசு_பிரவுண்&oldid=3803765" இலிருந்து மீள்விக்கப்பட்டது