கூச்சிங் நீர்சார் தேசியப் பூங்கா

கூச்சிங் நீர்சார் தேசியப் பூங்கா (மலாய்: Taman Negara Tanah Lembap Kuching; ஆங்கிலம்: Kuching Wetlands National Park) என்பது மலேசியா, சரவாக், கூச்சிங் பிரிவு பெட்ரா ஜெயாவில் உள்ள நீர்சார் தேசியப் பூங்கா ஆகும். ஏற்கனவே அப்பகுதியில் 170² கி.மீ. பரப்பளவைக் கொண்ட சரவாக் சதுப்புநிலக் காடுகள் (Sarawak Mangrove Forest Reserve) இருந்தன. அவற்றின் எச்சங்களே இந்த நீர்சார் தேசியப் பூங்காவாகும்.

கூச்சிங் நீர்சார் தேசியப் பூங்கா Kuching Wetlands National Park Taman Negara Tanah Lembap Kuching
ஐயுசிஎன் வகை II (தேசிய வனம்)
அமைவிடம்	கூச்சிங் பிரிவு சரவாக் மலேசியா
அருகாமை நகரம்	கூச்சிங்
ஆள்கூறுகள்	1°41′N 110°15′E
பரப்பளவு	84.95 km2 (32.80 sq mi)
நிறுவப்பட்டது	1992
நிருவாக அமைப்பு	சரவாக் வனவியல் கழகம் Sarawak Forestry Corporation (SFC)
ராம்சர் நீர்த்தடம்
தெரியப்பட்டது	8 நவம்பர் 2005
உசாவு எண்	1568

கூச்சிங்கில் இருந்து 30 கி.மீ தொலைவில் அமைந்துள்ள இந்த நீர்சார் தேசியப் பூங்கா 1992-இல் அரசிதழில் வெளியிடப்பட்டது. சிபு லாவுட் ஆறு மற்றும் சாலாக் ஆறு; ஆகிய இரண்டு ஆறுகளின் கரையோரப் பகுதிகளில் 66.1² கி.மீ. பரப்பளவைக் கொண்டுள்ளது.

பொது

இந்தப் பூங்கா, கடலோரச் சுற்றுச்சூழல்; கடல் சுற்றுச்சூழல் மற்றும் நன்னீர்ச் சுற்றுச்சூழல் ஆகிய நீர்த்தடச் சுற்றுச்சூழல் அமைப்புகளால் ஆனது. 12-ஆம் நூற்றாண்டில், இப்பகுதி உள்நாட்டு மக்களிடையே அவர்களின் காடுசார் பொருள்களுக்கு ஒரு முக்கிய வணிக நிலையமாக இருந்தது.

சீன மருத்துவத்தில் மதிப்புமிக்க பொருள்களாக விளங்கிய விலங்குகளின் பாகங்களை இப்பகுதியின் உள்நாட்டு மக்கள் உற்பத்தி செய்தார்கள். அந்த உள்நாட்டு உற்பத்திப் பொருள்களுக்குப் பதிலாக சீனா நாட்டு மண் பாத்திரங்கள் பண்டமாற்று செய்யப்பட்டது.

இங்கு நடத்தப்பட்ட அகழ்வாராய்ச்சிகளின் மூலமாக, பல நூற்றுக்கணக்கான ஆண்டுகளுக்கு முன்பு இப்பகுதியில் இருந்த இரும்பு உருக்கும் தொழில்களின் எச்சங்கள் கண்டுபிடிக்கப்பட்டு உள்ளன. சாந்துபோங் மலை இந்த வணிகர்களுக்கு ஒரு கலப்பயணப் புள்ளியாகச் செயல்பட்டு இருக்கலாம் என அறியப்படுகிறது.

உயிரினங்கள்

கூச்சிங் நீர்சார் தேசியப் பூங்கா பலவகையான உயிரினங்களைக் கொண்டுள்ளது. அவற்றில் சில முக்கியமான உயிரினங்கள்:

• தும்பிக்கை குரங்குகள் - (Proboscis monkey)
• நீண்ட வால் மக்கா குரங்கு - (Long-tailed Macaque)
• லங்கூர் குரங்கு - (Langur Monkey)
• வெள்ளை வயிற்றுக் கடற்கழுகு - White-bellied sea eagle
• கோபி மீன் - (Goby)
• குதிரைலாட நண்டு - (Horseshoe crab)
• நீர் நாய் - (Hairy-nosed otter)
• ஐராவதி ஓங்கில் - (Irrawaddy dolphin)
• உவர் நீர் முதலை - (Saltwater crocodile)
• இருவாய்ச்சி பறவை - (Hornbill)

காட்சியகம்

• 
  தும்பிக்கை குரங்குகள்
• 
  மக்கா குரங்கு
• 
  லங்கூர் குரங்கு
• 
  வெள்ளை வயிற்றுக் கடற்கழுகு
• 
  இருவாய்ச்சி பறவை
• 
  நீர் நாய்
• 
  குதிரைலாட நண்டு
• 
  ஐராவதி ஓங்கில்
• 
  உவர் நீர் முதலை
• 
  கோபி மீன்

மேலும் காண்க

• பத்தாங் ஆய் தேசியப் பூங்கா
• ராஜாங் சதுப்புநில தேசியப் பூங்கா
• மாலுடாம் தேசியப் பூங்கா
• பாக்கோ தேசியப் பூங்கா
• மலேசியத் தேசியப் பூங்காக்களின் பட்டியல்