கொச்சி மக்கள்
கொச்சிகள் அல்லது குச்சிகள் ( Kochis ) என்பவர்கள் கில்ஜி இனத்தைச் சேர்ந்த பஷ்தூன் நாடோடிகள் ஆவர். இவர்கள் ஆப்கானித்தானின் தெற்கு, மேற்கு மற்றும் வடக்குப் பகுதிகளில் இவர்கள் சில சமயங்களில் மால்தார் என்றும் குறிப்பிடப்படுகின்றனர் ( பஷ்தூவில் மால்தார் என்றால் "மந்தை-உரிமையாளர்"). [1] மிகவும் குறிப்பிடத்தக்க கில்ஜி கொச்சி பழங்குடியினரில் கரோட்டி, நியாசி, ஆந்தார், அககேல் மற்றும் நாசர், அக்மத்சாய் ஆகியோர் அடங்குவர்.
2004 ஆம் ஆண்டில் வெளியிடப்பட்ட தேசிய பல்துறை மதிப்பீடு ஆப்கானித்தானில் சுமார் 2.4 மில்லியன் கொச்சிகள் இருப்பதாகவும், சுமார் 1.5 மில்லியன் (60%) மக்கள் நாடோடிகளாக உள்ளனர் என்றும் கூறுகிறது. கடந்த சில ஆண்டுகளில் வெள்ளம் மற்றும் வறட்சி போன்ற இயற்கை பேரழிவுகளால் 100,000 க்கும் மேற்பட்டோர் இடம்பெயர்ந்துள்ளனர். [2]
வரலாறு
தொகுகொச்சிகள் வரலாற்றில் அரசியலில் இருந்து ஒதுங்கியே இருந்துள்ள்னர். ஏனெனில் அவர்கள் நாடோடிகள், ஆனால் ஆப்கானித்தானின் அரசியலமைப்பின் கீழ், இவர்களுக்கு பாராளுமன்றத்தில் பத்து இடங்கள் வழங்கப்பட்டன. ஆப்கானித்தான் அரசியலமைப்பில் (பிரிவு 14) வீட்டுவசதி, பிரதிநிதித்துவம் மற்றும் கல்விக்கான ஏற்பாடுகள் உட்பட கொச்சிகளின் நலனை மேம்படுத்துவதை நோக்கமாகக் கொண்ட விதிகள் எழுதப்பட்டுள்ளன. [3] அகதிகளுக்கான ஐக்கிய நாடுகளின் ஆணையத்தின் கூற்றுப்படி, 30 ஆண்டுகால போருக்கு முன்னர், கொச்சிகள் நாட்டின் செம்மறி ஆடுகளில் 30 சதவிகிதத்தையும் மற்றும் பெரும்பாலான ஒட்டகங்களையும் பல ஆண்டுகளாக வைத்திருந்தனர். மேலும் இவர்கள் பெரும்பாலும் விலங்கு அறுப்பு, கம்பளி விநியோகத்திற்கு பொறுப்பானவர்கள். ஆப்கான் உணவான குரூட் [4] மற்றும் நெய் போன்றவற்றின் மூலம் தேசிய பொருளாதாரத்திற்கும் உதவுகிறார்கள்.[5]
1880 களின் பிற்பகுதியில் இருந்து, கொச்சிகள் ஆப்கானித்தானின் மன்னர்களால் விரும்பப்பட்டனர். நாட்டின் வடக்குப் பகுதிகள் உட்பட ஆப்கானித்தான் முழுவதும் கோடை மேய்ச்சல் நிலங்களைப் பயன்படுத்துவதற்கு இவர்களுக்கு “பிர்மான்” அல்லது அரச அறிவிப்புகள் வழங்கப்பட்டன. [6] [7] [8] தாலிபான் காலத்தில், கொச்சிகள் அவர்களின் தலைவர் முல்லா உமரின் முக்கியக் காரணியாகவும் ஆதரவாளராகவும் இருந்தனர். [9] இதன் விளைவாக, வடக்கு இனக்குழுக்கள் ( கசாரா, தஜிக், உஸ்பெக்கியர் மற்றும் துருக்மெனியர்கள் ) கொச்சி மீது நீண்டகால அவநம்பிக்கை கொண்டுள்ளனர். கொச்சிகள் வடக்கு ஆப்கானித்தான் பகுதியை பூர்வீகமாகக் கொண்டவர்கள் என்றும், செங்கிஸ் கான் மற்றும் தைமூர் போன்ற பல வருட படையெடுப்பின் போது இவர்கள் தெற்கே தப்பித்து வந்ததாகவும் கூறுகிறார்கள்.
ஆப்கானித்தானில் உள்ள ஐக்கிய நாடுகளின் உதவிக் குழுவால் கொச்சிகள் நாட்டின் மிகப்பெரிய பாதிக்கப்படக்கூடிய மக்களில் ஒன்றாக அடையாளம் காணப்பட்டுள்ளனர். ஆப்கானித்தானின் மக்கள்தொகை பெருகும்போது, கோடை மேய்ச்சல் நிலங்களில், மானாவாரி சாகுபடிக்காகவும், குடியேறிய சமூகங்களின் கால்நடைகளை மேய்வதற்காகவும் போட்டியிடுவது, மத்திய மற்றும் வடக்கு ஆப்கானித்தான் முழுவதும் நிலம் தொடர்பான மோதலை உருவாக்கியுள்ளது. வேறொருவரின் சொத்தை கடக்கும் ஒவ்வொரு விலங்குக்கும் தலை எண்ணும் கட்டணம் செலுத்துவது கொச்சிகளின் வாழ்க்கை முறைக்கு கடுமையான பொருளாதார பாதிப்பை ஏற்படுத்துகிறது. இது ஏற்கனவே அதிகரித்து வரும் அடிக்கடி ஏற்படும் வறட்சியை எதிர்த்துப் போராட வேண்டியுள்ளது. [10] கரீபியன், ஆப்பிரிக்கா மற்றும் ஐரோப்பா உட்பட உலகின் பிற பகுதிகளிலும் பஷ்தூன் கொச்சியைச் சேர்ந்த சமூகங்கள் உள்ளன. பாக்கித்தானின், கைபர் பக்துன்க்வாவிலும் சில கொச்சிகள் காணப்படுகின்றன.
பிரபலமான கலாசாரங்களில்
தொகுஜேம்ஸ் ஏ. மைச்செனர் தனது 1963 ஆம் ஆண்டு புதினமான கேரவன்ஸில் கொச்சியின் வாழ்க்கையை விவரிக்கிறார். இது 1946 ஆப்கானித்தானில் நடப்பதாக எழுதப்பட்டது.
புகைப்படங்கள்
தொகு-
ஆப்கானித்தானின் ஒரூசுகான் மாகாணத்தின் தரின்கோட்அருகே உள்ள கொச்சிகள் -
காபூல்-ஜலாலாபாத் சாலைக்குஅருகில் அமைக்கப்பட்டுள்ள கொச்சிகளின் கூடாரம் -
ஒரு இளம் கொச்சிப் பெண்
மேற்கோள்கள்
தொகு- ↑ Tapper, Richard (March 2008). "Who Are the Kuchi? Nomad Self-Identities in Afghanistan". The Journal of the Royal Anthropological Institute 14 (1): 97–116. doi:10.1111/j.1467-9655.2007.00480.x. https://www.jstor.org/stable/20203586. பார்த்த நாள்: 7 May 2021.
- ↑ World Food Program, Socio-economic profile, Population and Demography, Afghanistan. Retrieved at "Archived copy". Archived from the original on 2012-12-18. பார்க்கப்பட்ட நாள் 2012-03-29.
{{cite web}}: CS1 maint: archived copy as title (link) - ↑ "Afghanistan Online: The Constitution of Afghanistan". afghan-web.com. Archived from the original on 2013-10-28. பார்க்கப்பட்ட நாள் 2024-01-13.
- ↑ "About Afghan food". SBS. 31 March 2021. Archived from the original on 12 November 2021. பார்க்கப்பட்ட நாள் 13 November 2021.
- ↑ UNHCR, Formation of 4 Kuchi sheep/goat breeders’ service centres, Durable solutions for Kuchi IDP's in the south of Afghanistan: Options and opportunities, Asia Consultants International, pg. 15
- ↑ Lansford, Tom (2003) A Bitter Harvest: US foreign policy and Afghanistan Ashgate, Aldershot, Hants, England, பன்னாட்டுத் தரப்புத்தக எண் 0-7546-3615-1, page 16: "The modern history of Afghanistan has witnessed a "Pashtunization" of the state as the customs, traditions and language of the Pashtuns have combined with the groups political power to erode the distinctive underpinnings of Afghanistan's other groups.FN20". FN20 cites: US, Department of the Army, Afghanistan: A Country Study, 5th ed. reprint (Washington, DC.: GPO, 1985) page 108.
- ↑ O. Roy, Ethnic Identity and Political Expression in Northern Afghanistan, in Muslims in Central Asia: Expressions of Identity and Change, 1992, பன்னாட்டுத் தரப்புத்தக எண் 0-8223-1190-9.
- ↑ Afghanistan, by Gilles Dorronsoro
- ↑ "Wandering Kuchis pay for their Taliban links". theage.com.au. 27 August 2005.
- ↑ "Archived copy". Archived from the original on 2008-12-10. பார்க்கப்பட்ட நாள் 2008-12-22.
{{cite web}}: CS1 maint: archived copy as title (link)
குறிப்புகள்
தொகு- Vogelsang, Willem. 2002. The Afghans. Blackwell Publishers, Oxford. பன்னாட்டுத் தரப்புத்தக எண் 0-631-19841-5
வெளி இணைப்புகள்
தொகு
