சுங்கை தொடருந்து நிலையம்

அமைவிடம்
	சுங்கை தொடருந்து நிலையம்

சுங்கை
Sungkai
சுங்கை Sungkai
	சுங்கை தொடருந்து நிலையம்
பொது தகவல்கள்
அமைவிடம்	30100, சுங்கை, மலேசியா
ஆள்கூறுகள்	4°00′N 101°19′E / 4.000°N 101.317°E
உரிமம்	மலாயா தொடருந்து
தடங்கள்	1 மலாயா மேற்கு கடற்கரை ETS கேடிஎம் இடிஎஸ்
நடைமேடை	2 நடை மேடை
இருப்புப் பாதைகள்	3
கட்டமைப்பு
தரிப்பிடம்	இலவசம் ; KTMB நிறுத்துமிடம்
மாற்றுத்திறனாளி அணுகல்	உண்டு
வரலாறு
திறக்கப்பட்டது	1893
மறுநிர்மாணம்	2007
மின்சாரமயம்	2007
சேவைகள்
அமைவிடம்
	சுங்கை தொடருந்து நிலையம்

சுங்கை தொடருந்து நிலையம் (ஆங்கிலம்: Sungkai Railway Station மலாய்: Stesen Keretapi Sungkai); சீனம்: 宋溪火车站) என்பது மலேசியா, பேராக், பத்தாங் பாடாங் மாவட்டம், சுங்கை நகரில் அமைந்துள்ள ஒரு தொடருந்து நிலையம் ஆகும்.

சுங்கை, பீடோர், பீக்காம் நகரங்களுக்கும் மற்றும் அதன் அருகிலுள்ள கிராமப் பகுதிகளுக்கும் இந்த நிலையம் சேவை செய்கிறது. 2007 மார்ச் மாதத்தில் சுங்கை நகருக்கான புதிய தொடருந்து நிலையம் கட்டப்பட்டது.^[1]

பொது

இந்த நிலையம் மலாயா தொடருந்து நிறுவனத்தின் (Keretapi Tanah Melayu Berhad) கீழ் கேடிஎம் இடிஎஸ் (KTM ETS) தொடருந்து சேவைகளை வழங்குகிறது. அத்துடன் சுங்கை நகரத்திற்கான முக்கிய தொடருந்து முனையமாகவும் செயல்படுகிறது.^[2]

இந்த நிலையத்தின் ஒரு முனையில் சரக்கு முற்றம் உள்ளது. இது ரவாங்-ஈப்போ மின்மயமாக்கப்பட்ட இரட்டை வழித்தடத் திட்டத்திற்கு (Rawang-Ipoh Electrified Double Tracking Project) முன்னதாக உருவாக்கப்பட்டது.

அமைவிடம்

பேராக், பத்தாங் பாடாங் மாவட்டத்தில் சுங்கை நகருக்கு அருகில் உள்ள தாமான் பெர்மாய் ஜெயா (Taman Permai Jaya) எனும் வீடுமனைப் பகுதியில் இந்த நிலையம் அமைந்துள்ளது. ^[3]

பேராக் இரயில்வே

1901-ஆம் ஆண்டில், பேராக் இரயில்வே எனும் பேராக் தொடருந்து சேவைக்கான (Perak Railway) தொடருந்து சேவை; சிலாங்கூர் தொடருந்து சேவையுடன் (Selangor Railways) ஒன்றிணைக்கப்பட்டு பின்னர் மலாயா கூட்டமைப்பு மாநிலங்களின் தொடருந்து சேவை (Federated Malay States Railways) என அறியப்பட்டது.

பேராக் இரயில்வே எனும் பேராக் தொடருந்து சேவைக்கான தொடருந்து பாதைகள் முதன்முதலில் ஈப்போவில் தான் அமைக்கப்பட்டன. அதன் தொடர்ச்சியாக தாப்பாவிலும் அமைக்கப்பட்டன. பேராக் தொடருந்து சேவை 20 ஆண்டுகள் சேவை செய்தது. ^[4]