தாப்பா தொடருந்து நிலையம்

அமைவிடம்
	தாப்பா தொடருந்து நிலையம்

தாப்பா ரோடு
Tapah Road
தாப்பா ரோடு Tapah Road
	தாப்பா தொடருந்து நிலையம்
பொது தகவல்கள்
அமைவிடம்	35000, தாப்பா, மலேசியா
ஆள்கூறுகள்	4°10′22″N 101°11′21″E / 4.17278°N 101.18917°E
உரிமம்	மலாயா தொடருந்து
தடங்கள்	1 மலாயா மேற்கு கடற்கரை ETS கேடிஎம் இடிஎஸ்
நடைமேடை	2 நடை மேடை
இருப்புப் பாதைகள்	3
கட்டமைப்பு
தரிப்பிடம்	இலவசம் ; KTMB நிறுத்துமிடம்
மாற்றுத்திறனாளி அணுகல்	உண்டு
வரலாறு
திறக்கப்பட்டது	1893
மறுநிர்மாணம்	2007
மின்சாரமயம்	2007
சேவைகள்
அமைவிடம்
	தாப்பா தொடருந்து நிலையம்

தாப்பா தொடருந்து நிலையம் எனும் தாப்பா ரோடு தொடருந்து நிலையம் (ஆங்கிலம்: Tapah Road Railway Station மலாய்: Stesen Keretapi Tapah Road); சீனம்: 打巴路火车站) என்பது மலேசியா, பேராக், பத்தாங் பாடாங் மாவட்டம், தாப்பா ரோடு, தாப்பா நகரில் அமைந்துள்ள ஒரு தொடருந்து நிலையம் ஆகும்.^[1]

தாப்பா ரோடு, தாப்பா, லங்காப், ஆயர் கூனிங் நகரங்களுக்கும் மற்றும் அதன் அருகிலுள்ள கிராமங்களுக்கும் இந்த நிலையம் சேவை செய்கிறது.^[2]

இந்த நிலையம் மலாயா தொடருந்து நிறுவனத்தின் (Keretapi Tanah Melayu Berhad) கீழ் கேடிஎம் இடிஎஸ் (KTM ETS) தொடருந்து சேவைகளை வழங்குகிறது. அத்துடன் தாப்பா பெரு நகரத்திற்கான முக்கிய தொடருந்து முனையமாகவும் செயல்படுகிறது.^[3]

பொது

இந்த நிலையத்தின் ஒரு முனையில் சரக்கு முற்றம் உள்ளது. இது ரவாங்-ஈப்போ மின்மயமாக்கப்பட்ட இரட்டை வழித்தடத் திட்டத்திற்கு (Rawang-Ipoh Electrified Double Tracking Project) முன்னதாக உருவாக்கப்பட்டது.

அமைவிடம்

பேராக், பத்தாங் பாடாங் மாவட்டத்தில் உள்ள தாப்பா ரோடு நகருக்கு அருகில் உள்ள கம்போங் சங்காட் டெர்மவான் எனும் கிராமப் பகுதியில் இந்த நிலையம் அமைந்துள்ளது. தாப்பா ரோடு நகரம், தாப்பா நகரத்திலிருந்து மேற்கே பத்து கி.மீ. தொலைவில் அமைந்துள்ள ஒரு சிறிய நகரம் ஆகும். தாப்பா மாரா தொழிநுட்பப் பல்கலைக்கழகத்தின் (Universiti Teknologi MARA) (UiTM) வளாகம் இங்கு அமைந்துள்ளது.

வரலாறு

இந்த நிலையம் 1880 மற்றும் 1885-ஆம் ஆண்டுகளுக்கு இடையில் கட்டப்பட்டது. முதல் தொடருந்து நிலையம் மலேசியாவில் உள்ள பழைமையான தொடருந்து நிலையங்களில் ஒன்றாகும். மே 18, 1893-இல், சர் சிசில் கிளெமென்டி இசுமித் (Sir Cecil Clementi Smith) எனும் பிரித்தானிய அதிகாரி, தாப்பா ரோடு தொடருந்து நிலையத்தை திறந்து வைத்தார்.^[4]

இந்த நிலையம் முக்கியமாக, தாப்பா மாவட்டத்தில் இருந்த ஈயச் சுரங்கங்களின் போக்குவரத்திற்காக உருவாக்கப்பட்டது. அதன் பின்னர் மலாயா கூட்டமைப்பு மாநிலங்களின் தொடருந்து சேவையில் (Federated Malay States Railways) ஒருங்கிணைக்கப்பட்டது.

பேராக் இரயில்வே

1901-ஆம் ஆண்டில், பேராக் இரயில்வே எனும் பேராக் தொடருந்து சேவைக்கான (Perak Railway) தொடருந்து சேவை; சிலாங்கூர் தொடருந்து சேவையுடன் (Selangor Railways) ஒன்றிணைக்கப்பட்டு பின்னர் மலாயா கூட்டமைப்பு மாநிலங்களின் தொடருந்து சேவை (Federated Malay States Railways) என அறியப்பட்டது.

பேராக் இரயில்வே எனும் பேராக் தொடருந்து சேவைக்கான தொடருந்து பாதைகள் முதன்முதலில் ஈப்போவில் தான் அமைக்கப்பட்டன. அதன் தொடர்ச்சியாக தாப்பாவிலும் அமைக்கப்பட்டன. பேராக் தொடருந்து சேவை 20 ஆண்டுகள் சேவை செய்தது. ^[5]