விக்கிப்பீடியா

ஜீனடின் ஜிதேன்

ஜீனடின் யாசித் ஜிதேன் (பிறப்பு: 23 சூன் 1972) ஒரு பிரெஞ்சு கால்பந்து வீரர் ஆவார். பிரான்சு தேசிய அணிக்காக விளையாடிய இவர், 1998 காற்பந்து உலகக்கோப்பை மற்றும் 2000 ஐரோப்பிய கோப்பையை வென்ற அணிகளின் ஒரு அங்கமாக இருந்தார். 2006 உலகக் கோப்பை போட்டிகளில் சிறந்த வீரருக்கான தங்க பந்து விருதை வென்றார்.

ஜீனடின் ஜிதேன்
Zinedine Zidane
சுய தகவல்கள்
பிறப்புப் பெயர்ஜீனடின் யாசித் ஜிதேன்
பிறந்த நாள்23 சூன் 1972 (1972-06-23) (அகவை 51)
பிறந்த இடம்மர்சேய், பிரான்சு
உயரம்1.85 மீ
ஆடும் நிலை(கள்)நடுக்களம்
இளநிலை வாழ்வழி
1982–1983செயிண்ட்-ஹென்றி
1983–1987செப்டெமேஸ்-லெஸ்-வல்லோன்ஸ்
1987–1988கேன்ஸ்
முதுநிலை வாழ்வழி*
ஆண்டுகள்கழகம்தோற்.(கோல்)
1988–1992கேன்ஸ்61(6)
1992–1996போர்டோ139(28)
1996–2001யுவென்டசு151(24)
2001–2006ரியல் மாட்ரிட்155(37)
மொத்தம்506(95)
பன்னாட்டு வாழ்வழி
1994–2006பிரான்சு108(31)
மேலாளர் வாழ்வழி
2014–2016ரியல் மாட்ரிட் 'பி'
2016–2018ரியல் மாட்ரிட்
2019–2021ரியல் மாட்ரிட்
*கழக உள்ளூர் சுற்றுப் போட்டிகள் தோற்றங்களும் கோல்களும் அன்று சேகரிக்கப்பட்டது.

காற்பந்து வரலாற்றில் மிகச்சிறந்த நடுக்கள வீரர்களில் ஒருவராக பரவலாகக் கருதப்படும் ஜிதேன் ஒரு பாலோன் தி'ஓர் மற்றும் மூன்று பிபா ஆண்டின் சிறந்த வீரர் விருதுகளையும் வென்றுள்ளார். 2004 ஆம் ஆண்டில், பீலேவால் தொகுக்கப்பட்ட உலகின் சிறந்த வாழும் காற்பந்து வீரர்களின் பட்டியலில் இவர் பெயரிடப்பட்டார். அதே ஆண்டில் யூஈஎஃப்ஏ அமைப்பால் நடத்தப்பட்ட வாக்கெடுப்பில், கடந்த 50 ஆண்டுகளில் சிறந்த ஐரோப்பிய கால்பந்து வீரராக ஜிதேன் பெயரிடப்பட்டார். காற்பந்து உலகக் கோப்பை, யூஈஎஃப்ஏ வாகையர் கூட்டிணைவு, மற்றும் பாலோன் தி'ஓர் ஆகியவற்றை வென்ற ஒன்பது காற்பந்து வீரர்களில் இவரும் ஒருவர்.

ஒரு வீரராக ஓய்வு பெற்ற பிறகு, ஜிதேன் ஒரு பயிற்சியாளாராக தன வாழ்க்கையை தொடங்கினார். 2016 ஆம் ஆண்டில் இவர் ரியல் மாட்ரிட் அணியின் தலைமை மேலாளாராகப் பொறுப்பேற்றார். இவர் தொடர்ந்து மூன்று முறை யூஈஎஃப்ஏ வாகையர் கூட்டிணைவு கோப்பையை வென்ற முதல் பயிற்சியாளாராக ஆனார். ரியல் மாட்ரிட் அணியின் பயிற்சியாளாராக இவர் ஒரு யூஈஎஃப்ஏ உன்னதக் கோப்பை, இரண்டு பிபா கழக உலகக் கோப்பை மற்றும் இரண்டு லா லீகா பட்டங்களை வென்றார். 2017 இல் சிறந்த ஆடவர் பயிற்சியாளராக பன்னாட்டுக் காற்பந்துச் சங்கங்களின் கூட்டமைப்பு இவரை தேர்ந்தெடுத்தது.

ஆரம்பகால வாழ்க்கை தொகு

ஜீனடின் யாசித் ஜிதேன் 23 சூன் 1972 இல் பிரான்சு நாட்டின் மர்சேய் நகரத்தில் பிறந்தார்.[1] இவர் இசுமாயில் ஜிதேன் மற்றும் மலைக்கா ஆகியோருக்கு ஐந்தாவது குழந்தையாகப் பிறந்தார்.[2] இவருடைய பெற்றோர்கள் அல்ஜீரியாவின் கபைலா பிரதேசத்தில் உள்ள அகுமோன் கிராமத்திலிருந்து 1953 ஆம் ஆண்டு பாரீசுக்கு புலம்பெயர்ந்தவர்கள்.[3] 1960 களின் நடுப்பகுதியில், இவரது பெற்றோர்கள் மார்சேய் புறநகர்ப் பகுதிக்கு குடிபெயந்தனர்.[4] ஜிதேன் தன்னை 'சடங்குகளைப் பின்பற்றாத முஸ்லீம்' என்று குறிப்பிட்டுக்கொள்கிறார்.[3][5]

இவரது தந்தை ஒரு சேமிப்பு கிடங்கில் இரவு நேரக் காவலாளியாக பணிபுரிந்தார், இவரது தாயார் ஒரு இல்லத்தரசி.[6][5][7] ஜிதேன் தனது தந்தையை தனது வாழ்க்கையில் "வழிகாட்டி ஒளி" என்று கூறுகிறார்.[8] ஜிதேன் ஐந்து வயதில் கால்பந்தில் தனது ஆரம்பகால அறிமுகத்தைப் பெற்றார். அக்கம்பக்கத்து குழந்தைகளுடன் இணைந்து பொதுவெளியில் காற்பந்து விளையாடினார்.[9] ஜிதேன் தனது பத்தாவது வயதில் கேஸ்டலேன் மாவட்டத்தில் உள்ள அமெரிக்க செயிண்ட்-ஹென்றி இளநிலை அணியில் சேர்ந்தார்.[10] 14 வயதில், பிரெஞ்சு கால்பந்து கூட்டமைப்பு நடத்திய மூன்று நாள் பயிற்சி முகாமில் கலந்துகொள்ள இவர் தேர்ந்தெடுக்கப்பட்டார். இங்கு இவரின் திறமையைக் கண்ட முன்னாள் வீரர் ஜேன் வெராட், இவரை கேன்ஸ் கழகத்தின் பயிற்சி மைய இயக்குநருக்கு பரிந்துரைத்தார்.[11] 14 வயது இளைஞனாக 1986 உலகக் கோப்பையைப் பார்த்துக்கொண்டிருந்தபோது, ​​டீகோ மரடோனாவின் செயல்திறன் இவரிடத்தில் ஒரு அழியாத முத்திரையை ஏற்படுத்தியதாகக் கூறினார்.[12]

முதுநிலை கழக வாழ்வழி தொகு

 
ரியல் மாட்ரிட் அணிக்காக விளையாடிய போது சக வீரரான டேவிட் பெக்காம் உடன் ஜிதேன்

ஆரம்ப காலம் (1989-95) தொகு

கேன்ஸ் கழகத்துடன் ஆறு வார காலம் இருப்பதற்குச் சென்ற இவர், அடுத்து வந்த நான்கு வருடங்களுக்கு அங்கேயே விளையாட்டிக்கொண்டு இருந்தார்.[6] 18 மே 1989 அன்று கேன்ஸ் அணிக்காக ஜிடேன் தனது முதல் தொழில்முறை ஆட்டத்தில் பங்கேற்றார்.[13] இவர் 10 பிப்ரவரி 1991 அன்று தனது முதல் கோலை அடித்தார்.[14] இவர் 1992-93 ஆம் ஆண்டு போர்டேக்கு விளையாட ஒப்பந்தம் செய்தார்.[15]

யுவென்டசு (1996-2000) தொகு

1996 ஆம் ஆண்டு வசந்த காலத்தில் ஐரோப்பாவின் சிறந்த கழகங்களில் ஒன்றான இத்தாலியில் உள்ள யுவென்டசுக்கு செல்ல முடிவு செய்தார்.[16] இத்தாலியில் இவர் முதல் ஆண்டிலேயே சீரீ ஆ பட்டத்தை வென்றார்.[17] அடுத்த ஆண்டில், ஜிதேன் 32 போட்டிகளில் ஏழு கோல்களை அடித்து, சீரி ஆ பட்டதத்தை தக்கவைக்க உதவினார். ஐரோப்பாவில், யுவென்டசு தொடர்ந்து மூன்றாவது முறையாக யூஈஎஃப்ஏ வாகையர் கூட்டிணைவு இறுதிப்போட்டிக்கு முன்னேறியது.1998 ஆம் ஆண்டில், இவர் பிபா ஆண்டின் சிறந்த வீரர் என்று பெயரிடப்பட்டார். அதே ஆண்டில் பாலோன் தி'ஓர் விருதையும் வென்றார்.[18]

ரியல் மாட்ரிட் (2001-06) தொகு

2001 ஆம் ஆண்டில் ஜிதேன் உலக சாதனையாக 150 பில்லியன் இத்தாலியன் லிராவிற்கு (ஏறத்தாழ 75 பில்லியன் யூரோ) ரியல் மாட்ரிட் அணிக்காக விளையாட நான்கு வருட ஒப்பந்தத்தில் கையெழுத்திட்டார்.[19][20] இவர் தனது முதல் ஆண்டிலேயே யூஈஎஃப்ஏ வாகையர் கூட்டிணைவு இறுதிப்போட்டியில் கோல் அடித்து அணியை வெற்றிக்கு அழைத்துச் சென்றார்.[21] அடுத்த ஆண்டில், ஜிதேன் ரியல் மாட்ரிட் அணி லா லீகா பட்டத்தை வெல்வதற்கு உதவினார், மேலும் 2003 ஆம் ஆண்டில், உலகின் சிறந்த வீரர் விருதுக்காக மூன்றாவது முறையாகத் தேர்ந்தெடுக்கப்பட்டார்.[22] அதே ஆண்டில் யூஈஎஃப்ஏ அமைப்பால் நடத்தப்பட்ட வாக்கெடுப்பில், கடந்த 50 ஆண்டுகளில் சிறந்த ஐரோப்பிய கால்பந்து வீரராக ஜிதேன் பெயரிடப்பட்டார்.[23] இவர் 2006 ஆம் ஆண்டு ஓய்வு பெறுவதாக அறிவித்தார்.[24]

பன்னாட்டு வாழ்வழி தொகு

 
ஜிதேன் கால்பந்தாட்ட உடை, பிரான்சிற்கு எண் 10

ஆரம்ப காலம் (1994-97) தொகு

இவர் பிரான்சு தேசிய அணிக்காக 1994 ஆம் ஆண்டு ஆகத்து 17 ஆம் தேதி செக் குடியரசிற்கு எதிராக நடைபெற்ற நட்புரீதியான போட்டியில் முதன்முதலாக பங்கேற்றார்.[25] 1996 ஆம் ஆண்டு ஐரோப்பிய கால்பந்தாட்டப் போட்டியின் போது ஜிதேன் கால் இறுதி மற்றும் அரையிறுதி இரண்டிலும் பெனால்டி கோல்களை அடித்தார். பிரான்சு அரையிறுதியில் செக் குடியரசுக்கு எதிராக தோற்று போட்டிகளிலிருந்து வெளியேறியது.[26]

உலகக்கோப்பை மற்றும் ஐரோப்பிய வெற்றி (1998-2000) தொகு

1998 ஆம் ஆண்டு இவர் காற்பந்து உலகக்கோப்பையில் முதன் முதலாக பங்கேற்றார். பிரான்சு நாட்டில் நடைபெற்ற இப்போட்டிகளில் பிரான்சு அணி பட்டம் வென்றது.[27][28]அதன் பிறகு 2000 ஆம் ஆண்டு நடந்த ஐரோப்பிய கால்பந்தாட்டப் போட்டியின் போது இரண்டு கோல்களை அடித்து பிரான்சு பட்டம் வெல்ல உறுதுணையாக இருந்தார்.[29][30] ஜிதேன் இந்த போட்டிகளின் சிறந்த வீரராக தேர்ந்தெடுக்கப்பட்டார்.[31]

இடைப்பட்ட வருடங்கள் (2001-05) தொகு

தொடையில் ஏற்பட்ட ஒரு காயம் 2002 ஆம் ஆண்டு உலகக் கோப்பையின் முதல் இரண்டு ஆட்டங்களில் ஜிதேனை விளையாட விடாமல் செய்தது. அவர் காயம் ஆறும் முன்பாக, முழு உடல்தகுதி பெறவில்லை என்றாலும் மூன்றாவது ஆட்டத்தில் களமிறங்கினார். ஆனால் கோல் அடிக்க இயலாமல் பிரான்சு வெளியேறுவதை அவரால் தடுக்க முடியவில்லை.[32] 2004 ஆம் ஆண்டு நடந்த ஐரோப்பிய கால்பந்தாட்டப் போட்டியின் காலிறுதி ஆட்டங்களின் முடிவில் கிரீசிடம் தொற்று வெளியேற்றப்பட்ட பின்னர் ஜிதேன் பன்னாட்டு கால்பந்தாட்டத்திலிருந்து ஓய்வுபெற்றார்.[33]

2006 உலகக்கோப்பை மற்றும் ஓய்வு (2005-06) தொகு

பிற முக்கியமான வீரர்கள் பெருமளவிற்கு ஓய்வுபெற்றதால் 2006 ஆம் ஆண்டு உலகக் கோப்பையில் தகுதிபெறுவதற்கு பிரான்சு அணி தடுமாறியது. பயிற்சியாளர் ரேமண்ட் டோமெனெச்சின் வலியுறுத்தலால் ஓய்விலிருந்து திரும்பிய ஜிதேன் உடனடியாக அணித்தலைவராக நியமிக்கப்பட்டார்.[34][35] 2006 ஆம் ஆண்டு மே 27 ஆம் தேதி, மெக்ஸிகோவிற்கு எதிரான நட்புரீதியான ஆட்டத்தில் 1-0 என்று வெற்றி பெற்றதில் பிரான்சிற்காக ஜிதேன் தன்னுடைய நூறாவது ஆட்டத்தில் பங்கேற்றார்.

 
2006 ஆம் ஆண்டு உலகக் கோப்பை இறுதியாட்டத்தில் ஜிதேன்

2006 உலகக்கோப்பை போட்டிகளில் எசுப்பானிய அணிக்கு எதிரான ஆட்டத்தில் தொன்றூற்றி ஒன்றாவது நிமிடத்தில் ஒரு கோலை அடித்தார். பிரேசில் அணிக்கெதிரான இரண்டாவது சுற்று ஆட்டத்தில் ஜிதேனின் உதவியுடன் தியெரி ஹென்றி அடித்த கோல் பிரான்சு வெற்றிபெற காரணமானது. ஜிதேன் ஃபிஃபாவால் ஆட்டநாயகனாக அறிவிக்கப்பட்டார்.[36][37][38] பிரான்சு அரையிறுதியில் போர்த்துகலை எதிர்கொண்டது, இதில் ஜிதேனின் பெனால்டி கோலானது போட்டியின் வெற்றியை தீர்மானித்தது.[39][3] இறுதியாட்டத்தில் ஏழாவது நிமிட பெனால்டியில் கோல் அடித்ததில், உலகக் கோப்பை வரலாற்றிலேயே இரண்டு வெவ்வேறு இறுதியாட்டங்களில் கோல் அடித்த நான்காவது வீரர் என்ற பெயரைப் பெற்றார் ஜிதேன்.[40] இத்தாலியரான மார்கோ மடராஸி தன்னை அவமானப்படுத்தியதால் ஜிதேன் அவரை தலையால் முட்டியதால் ஆட்டத்திலிருந்து வெளியேற்றப்பட்டார்.[41][42] இவர் வெளியேறிய பிறகு பிரான்சு ஆட்டத்தில் தோல்வியுற்றது.[43] இந்தப் உலகக்கோப்பை போட்டிகளின் சிறந்த வீரருக்கான தங்க பந்து விருதை ஜிதேன் வென்றார்.[44]

மேலாளர் வாழ்வழி தொகு

நவம்பர் 2010 இல், ரியல் மாட்ரிட்டின் முதல் அணிக்கு சிறப்பு ஆலோசகராக ஜிதேன் நியமிக்கப்பட்டார்.[45] சூலை 2011 இல், இவர் ரியல் மாட்ரிட்டின் புதிய விளையாட்டு இயக்குநராக பணியாற்றுவார் என்று அறிவிக்கப்பட்டது.[46] 2013 இல், ஜிதேன் ரியல் மாட்ரிட்டால் கார்லோ அன்செலோட்டிக்கு உதவி பயிற்சியாளராக நியமிக்கப்பட்டார்.[47] சூன் 2014 இல், ரியல் மாட்ரிட்டின் பி அணிக்கு ஜிதேன் பயிற்சியாளராக இருப்பார் என்று அறிவிக்கப்பட்டது.[48]

 
ரியல் மாட்ரிட் அணியின் பயிற்சியாளராக இருந்த போது

4 சனவரி 2016 அன்று ஜிதேன் இரண்டரை வருட ஒப்பந்தத்தில் ரியல் மாட்ரிட் அணியின் புதிய தலைமைப் பயிற்சியாளராக நியமிக்கப்பட்டார்.[49] மே 28 அன்று, ரியல் மாட்ரிட் அணி பதினொன்றாவது யூஈஎஃப்ஏ வாகையர் கூட்டிணைவு பட்டத்தை வென்றது.[50][51] ஜிதேன் ஒரு வீரர் மற்றும் பயிற்சியாளராக ஐரோப்பிய வாகையர் கூட்டிணைவு கோப்பையை வென்ற ஏழு நபர்களில் ஒருவரானார்.[52][53] அடுத்த ஆண்டின் மே மாதத்தில், மாட்ரிட் லா லீகா பட்டத்தை 33வது முறையாக வென்று சாதனை படைத்தது.[54] 3 சூன் 2017 அன்று, யூஈஎஃப்ஏ வாகையர் கூட்டிணைவு இறுதிப்போட்டியில் வெற்றி பெற்றதன் மூலமும், இந்த கோப்பையை தக்கவைத்துக்கொண்ட முதல் அணி என்ற பெருமையையும் பெற்றது.[55][56]

 
ஜிதேன் (வலது) 2016 ஆம் ஆண்டில் யூஈஎஃப்ஏ வாகையர் கூட்டிணைவு கோப்பையுடன். உடன் செர்ஜியோ ராமோஸ்

2017 ஆம் ஆண்டு மாட்ரிட் அணி யூஈஎஃப்ஏ உன்னதக் கோப்பையை வென்றது.[57]16 திசம்பர் 2017 அன்று, பிபா கழக உலகக் கோப்பையை வென்றதன் மூலம் பயிற்சியாளராக தனது எட்டாவது கோப்பையை வென்றார்.[58] 2017 இல் சிறந்த ஆடவர் பயிற்சியாளராக பன்னாட்டுக் காற்பந்துச் சங்கங்களின் கூட்டமைப்பு இவரை தேர்ந்தெடுத்தது.[59] 2018 இல் மாட்ரிட் அணி தொடர்ச்சியாக மூன்றாவது முறையாக யூஈஎஃப்ஏ வாகையர் கூட்டிணைவு கோப்பையை கைப்பற்றி சாதனை படைத்தது.[60] ஐந்து நாட்களுக்குப் பிறகு, மே 31 அன்று, ஜிதேன் ரியல் மாட்ரிட் பயிற்சியாளர் பதவியில் இருந்து விலகுவதாக அறிவித்தார்.[61][62]

2022 கோடை வரையிலான ஒப்பந்தத்தின் பேரில் ஜிதேன் 11 மார்ச் 2019 அன்று ரியல் மாட்ரிட் தலைமை பயிற்சியாளராக திரும்பினார்.[63][64] மார்ச் 2020 இல், லா லீகா பட்டத்தை வென்றதன் மூலம் தனது 34வது லீகா பட்டத்தை கைப்பற்றி மாட்ரிட் அணி சாதனை படைத்தது..[65]

பரோபகார செயல்பாடுகள் தொகு

 
டெனோன் தேசியக் கோப்பையின்போது ஜிதேன் (2008)

2007 ஆம் ஆண்டு பிப்ரவரி 24 ஆம் தேதி கேதரூன் குழந்தைகள் எய்ட்ஸ் அறக்கட்டளைக்காக வடக்கு தாய்லாந்தில் நடைபெற்ற ஆட்டத்தில் ஜிதேன் பங்கேற்றார். இந்த ஆட்டம் 260,000 (7,750 அமெரிக்க டாலர்கள்) தாய் பாத்களை நன்கொடையாக பெற்றுத்தந்தது. இந்தப் பணம் இரண்டு பள்ளிகளுக்கான கட்டிடத்திற்கும், மூன்று வீடுகளுக்கும் வழங்கப்பட்டது.[66]

2007 ஆம் ஆண்டு நவம்பர் 19 ஆம் தேதி, வறுமைக்கு எதிராக எசுப்பாயாவின் மலாகாவில் நடைபெற்ற ஐந்தாவது வருடாந்திர போட்டியில் ஜிதேன் பங்கேற்றார். 2001 ஆம் ஆண்டிலிருந்து ஐநாவின் நல்லெண்ணத் தூதுவராக இருக்கும் ஜிதேன் இந்த ஆட்டத்திற்கு முன்பாக "இந்த உலகத்தை ஒரு நல்ல இடமாக மாற்றுவதற்கு எல்லோராலும் ஏதாவது செய்ய முடியும்" என்று குறிப்பிட்டிருக்கிறார்.[67] இதன் ஒரு பகுதியாக இவர் பல நல்லெண்ண மற்றும் பணம் திரட்டும் நடவடிக்கைகளுக்கு உதவி செய்து வருகிறார்.[68]

பிரபலமான கலாச்சாரத்தில் தொகு

2004 ஆம் ஆண்டில் ஃபோர்ப்ஸ் பத்திரிகை வருடத்திற்கு அவர் பெறும் 15.8 மில்லியன் அமெரிக்க டாலர்கள் வருமானத்தால் அவரை உலகிலேயே அதிக ஊதியம் பெறும் 42வது விளையாட்டு வீரராக குறிப்பிட்டிருக்கிறது.[69] படத்தயாரிப்பாளர்களான ஃபிலிப் பாரரினோ மற்றும் டக்ளஸ் கார்டன் ஆகியோர் ஜிதேனைப் பற்றிய ஒரு ஆவணப்படத்தை இயக்கியிருக்கிறார்கள்.[70] ஜிதேன் பின்வரும் பல்வேறு நிறுவனங்களுடன் ஒப்பந்தம் செய்திருக்கிறார்: அடிடாஸ், லிகோ, ஃபிரான்ஸ் டெலிகாம், ஆரன்ஞ், ஆடி, வோல்விக் மற்றும் கிறிஸ்டியன் டியோர். இந்த விளம்பர உதவிகள் பேரம் அவருடைய இறுதிப் பருவத்தில் ரியல் மேட்ரிட் ஊதியமான 6.4 மில்லியன் யூரோக்களுக்கும் அதிகமாக 8.6 மில்லியன் யூரோக்களை அவருக்கு ஈட்டித்தந்திருக்கிறது என்பதுடன் அவரை அதிக வருவாய் பெறும் ஆறாவது நபராகவும் ஆக்கியிருக்கிறது.[71][72]

தனிப்பட்ட வாழ்க்கை தொகு

ஜிதேன் தன்னுடைய மனைவி வெரோனிக்கை 1988-89 ஆண்டில் கேன்ஸில் விளையாடும்போது சந்தித்தார். அவர்களுக்கு நான்கு மகன்கள் இருக்கின்றனர்: என்ஸோ,[73] லுகா,[74] தியோ,[75] மற்றும் எல்யாஸ்.[76]

புள்ளிவிவரங்கள் தொகு

பருவம் கழகம் பிரிவு லீக் கோப்பை கண்டம் மொத்தம்
ஆட்டம் கோல் ஆட்டம் கோல் ஆட்டம் கோல் ஆட்டம் கோல்
1988-89 கேன்ஸ் பிரிவு 1 2 0 - - 2 0
1989-90 0 0 - - 0 0
1990-91 28 1 - - 28 1
1991-92 31 5 - 4 0 35 5
1992-93 போர்டோ பிரிவு 1 35 10 - - 35 10
1993-94 34 6 - 6 2 40 8
1994-95 37 6 3 2 4 1 44 9
1995-96 33 6 14 3 8 1 55 10
1996-97 யுவென்டசு சீரீ ஆ 29 5 9 1 10 2 48 8
1997-98 32 7 5 1 11 3 48 11
1998-99 25 2 6 0 10 0 41 2
1999-00 32 4 4 0 4 0 40 4
2000-01 33 6 2 0 4 0 39 6
2001-02 ரியல் மாட்ரிட் லா லீகா 31 7 9 1 9 3 49 11
2002-03 33 9 1 0 14 3 49 12
2003-04 33 6 7 1 10 3 50 10
2004-05 29 6 0 0 10 0 39 6
2005-06 29 9 5 0 4 0 38 9
மொத்தம் 506 95 66 9 118 18 689 122

கௌவரங்கள் தொகு

ஆட்டக்காரர் தொகு

போர்டோ
  • யூஈஎஃப்ஏ இண்டர்டோடோ கோப்பை: 1995
யுவென்டசு
ரியல் மாட்ரிட்
பன்னாட்டு
தனித்துவம்

மேலாளர் தொகு

ரியல் மாட்ரிட்
தனித்துவம்

ஃபிஃபா சிறந்த ஆடவர் பயிற்சியாளர் - 2017

மேற்கோள்கள் தொகு

  1. ↑ Fort, Patrick; Philippe, Jean (2018). Zidane: The Biography. London: Ebury Press. பக். 1. பன்னாட்டுத் தரப்புத்தக எண்:978-1-78503-848-8. 
  2. ↑ "Far-right politician booted out of Zinedine Zidane's football club". The Guardian இம் மூலத்தில் இருந்து 19 December 2022 அன்று. பரணிடப்பட்டது.. https://web.archive.org/web/20221219012420/https://www.theguardian.com/world/2022/apr/03/french-far-right-politician-eric-zemmour-booted-out-of-zinedine-zidane-football-club. 
  3. ↑ 3.0 3.1 3.2 Hussey, Andrew (4 April 2004). "ZZ top". The Guardian (London) இம் மூலத்தில் இருந்து 12 February 2014 அன்று. பரணிடப்பட்டது.. https://web.archive.org/web/20140212173600/http://www.theguardian.com/football/2004/apr/04/sport.features. 
  4. ↑ Fort; Philippe. Zidane: The Biography. 
  5. ↑ 5.0 5.1 "Why France still loves Zidane". The Independent (London). 11 July 2006 இம் மூலத்தில் இருந்து 25 September 2015 அன்று. பரணிடப்பட்டது.. https://web.archive.org/web/20150925214248/http://www.independent.co.uk/sport/football/news-and-comment/john-lichfield-why-france-still-loves-zidane-407511.html. 
  6. ↑ 6.0 6.1 Hussey, Andrew (4 April 2004). "ZZ top". The Guardian (London) இம் மூலத்தில் இருந்து 12 February 2014 அன்று. பரணிடப்பட்டது.. https://web.archive.org/web/20140212173600/http://www.theguardian.com/football/2004/apr/04/sport.features. 
  7. ↑ "Soccer: Zidane, the political footballer". The New Zealand Herald. Independent. 8 July 2000 இம் மூலத்தில் இருந்து 11 September 2017 அன்று. பரணிடப்பட்டது.. https://web.archive.org/web/20170911204806/http://www.nzherald.co.nz/sport/news/article.cfm?c_id=4&objectid=143329. 
  8. ↑ Pomroy, Matt (8 August 2016). "Zinedine Zidane: What I've Learned". Esquire. Archived from the original on 18 October 2020. பார்க்கப்பட்ட நாள் 14 July 2018.
  9. ↑ [https://www.independent.co.uk/news/world/europe/in-the-footsteps-of-zidane-652076.html In the footsteps Of Zidane, The Independent (London)
  10. ↑ Clemente A. Lisi (2011). "A History of the World Cup: 1930–2010". p. 349. Scarecrow Press
  11. ↑ "French heir who became king" பரணிடப்பட்டது 22 சூன் 2018 at the வந்தவழி இயந்திரம். FIFA.com. Retrieved 17 November 2013.
  12. ↑ "Maradona was on another level – Zidane" இம் மூலத்தில் இருந்து 6 December 2020 அன்று. பரணிடப்பட்டது.. https://web.archive.org/web/20201206013751/https://www.goal.com/en-gb/news/7138/goal-hall-of-fame/2014/11/12/6070971/maradona-was-on-another-level-zidane. 
  13. ↑ "Zidane swansong" பரணிடப்பட்டது 20 அக்டோபர் 2020 at the வந்தவழி இயந்திரம், BBC Sport
  14. ↑ Agence France-Press பரணிடப்பட்டது 9 சூலை 2013 at the வந்தவழி இயந்திரம் from 10 February 1991
  15. ↑ "1995: Bordeaux lay down Intertoto gauntlet". UEFA. 1 August 1995 இம் மூலத்தில் இருந்து 31 July 2013 அன்று. பரணிடப்பட்டது.. https://web.archive.org/web/20130731054558/http://en.archive.uefa.com/competitions/intertotocup/history/season%3D1995/intro.html. 
  16. ↑ V.K.S. Radhesh. "2002 World Cup Football Super Stars". p. 20. Sura Books
  17. ↑ "Toyota Cup 1996". FIFA. 26 November 1996. Archived from the original on 21 January 2012. பார்க்கப்பட்ட நாள் 28 April 2011.
  18. ↑ "Five-match ban for Zidane". BBC Sport. 27 October 2000 இம் மூலத்தில் இருந்து 28 May 2021 அன்று. பரணிடப்பட்டது.. https://web.archive.org/web/20210528190506/http://news.bbc.co.uk/sport2/hi/football/champions_league/994847.stm. 
  19. ↑ "Zidane al Real". Juventus FC. 2001-07-09 இம் மூலத்தில் இருந்து 2001-08-06 அன்று. பரணிடப்பட்டது.. https://web.archive.org/web/20010806031702/http://www.juventus.com/news/0,,A_336083. பார்த்த நாள்: 2010-04-06. 
  20. ↑ "Reports and Financial Statements at 30 June 2002" (PDF). Juventus FC. 2002-10-28. Archived from the original (PDF) on 2008-12-07. பார்க்கப்பட்ட நாள் 2010-03-08.
  21. ↑ "2001 – present – Real Madrid surpasses the century mark". Real Madrid CF. Archived from the original on 22 November 2019. பார்க்கப்பட்ட நாள் 12 July 2008.
  22. ↑ "2002–03 Real Madrid". BDFutbol. Archived from the original on 24 May 2021. பார்க்கப்பட்ட நாள் 10 June 2012.
  23. ↑ "Zidane voted Europe's best ever" பரணிடப்பட்டது 8 மார்ச்சு 2021 at the வந்தவழி இயந்திரம் The Guardian. London. Retrieved 17 November 2013.
  24. ↑ "Zidane revels in maiden hat-trick". UEFA. 16 January 2006. Archived from the original on 18 November 2018. பார்க்கப்பட்ட நாள் 28 April 2011.
  25. ↑ "Cantona and Ginola omitted by France". The Independent. 16 April 2015 இம் மூலத்தில் இருந்து 7 May 2022 அன்று. பரணிடப்பட்டது.. https://ghostarchive.org/archive/20220507/https://www.independent.co.uk/sport/cantona-and-ginola-omitted-by-france-1348207.html. 
  26. ↑ "Czechs prevail on penalties to reach final". UEFA. 16 April 2015 இம் மூலத்தில் இருந்து 12 October 2019 அன்று. பரணிடப்பட்டது.. https://web.archive.org/web/20191012155750/https://www.uefa.com/uefaeuro/season=1996/matches/round=224/match=52915/postmatch/report/index.html. 
  27. ↑ Wilson, Jonathan (21 March 2020). "Ranked! The 10 best players of France 98". FourFourTwo. Archived from the original on 3 March 2021. பார்க்கப்பட்ட நாள் 1 April 2020.
  28. ↑ Will Magee (23 June 2017). "How Zinedine Zidane's France Won World Cup '98". Vice Sports. Archived from the original on 26 February 2019. பார்க்கப்பட்ட நாள் 25 February 2019.
  29. ↑ "Raul miss sends France through". BBC Sport. 25 June 2000 இம் மூலத்தில் இருந்து 28 July 2003 அன்று. பரணிடப்பட்டது.. https://web.archive.org/web/20030728034640/http://news.bbc.co.uk/1/hi/euro2000/805574.stm. 
  30. ↑ "Zidane sends France through". BBC Sport. 28 June 2000 இம் மூலத்தில் இருந்து 3 September 2017 அன்று. பரணிடப்பட்டது.. https://web.archive.org/web/20170903162622/http://news.bbc.co.uk/1/hi/euro2000/810547.stm. 
  31. ↑ "Euro 2000: The French Revolution" பரணிடப்பட்டது 26 மே 2015 at the வந்தவழி இயந்திரம். BBC Sport. Retrieved 22 August 2014.
  32. ↑ Brewin, John (12 June 2002). "Arrogant approach finishes favourites". ESPNsoccernet. http://worldcup.espnsoccernet.com/story?id=216185. 
  33. ↑ "Zidane quits French national team". CNN International. 12 August 2004. http://edition.cnn.com/2004/SPORT/football/08/12/zidane.retirement/. பார்த்த நாள்: 11 July 2006. 
  34. ↑ "Zidane & Makélélé back for France". BBC Sport. 3 August 2005. http://news.bbc.co.uk/sport2/hi/football/internationals/4743069.stm. பார்த்த நாள்: 11 July 2006. 
  35. ↑ "France 3-0 Faroe Islands: Cisse double strike". ESPNsoccernet. 3 September 2005 இம் மூலத்தில் இருந்து 2 ஏப்ரல் 2009 அன்று. பரணிடப்பட்டது.. https://web.archive.org/web/20090402075815/http://soccernet.espn.go.com/report?id=178912. பார்த்த நாள்: 11 July 2006. 
  36. ↑ "Man of the Match: Stage 2". FIFA. 1 July 2006. Archived from the original on 11 July 2006. பார்க்கப்பட்ட நாள் 2 July 2006.
  37. ↑ "Brazil 0–1 France". BBC Sport. 1 July 2006 இம் மூலத்தில் இருந்து 22 January 2009 அன்று. பரணிடப்பட்டது.. https://web.archive.org/web/20090122073411/http://news.bbc.co.uk/sport1/hi/football/world_cup_2006/4991616.stm. 
  38. ↑ "Man of the Match: Stage 2". FIFA. 1 July 2006. Archived from the original on 11 July 2006. பார்க்கப்பட்ட நாள் 2 July 2006.
  39. ↑ "Zidane and France seize their final chance". The Guardian. 5 July 2006 இம் மூலத்தில் இருந்து 1 March 2021 அன்று. பரணிடப்பட்டது.. https://web.archive.org/web/20210301213827/https://www.theguardian.com/football/2006/jul/06/worldcup2006.match. 
  40. ↑ "The cult of the Panenka penalty". FIFA. 25 June 2012. Archived from the original on 28 June 2012. பார்க்கப்பட்ட நாள் 12 January 2018.
  41. ↑ "Italy – France". FIFA.com. Fédération Internationale de Football Association. Archived from the original on 12 April 2020. பார்க்கப்பட்ட நாள் 9 August 2016.
  42. ↑ "And Materazzi's exact words to Zidane were... , Football, guardian.co.uk". The Guardian (London). 18 August 2007 இம் மூலத்தில் இருந்து 26 April 2021 அன்று. பரணிடப்பட்டது.. https://web.archive.org/web/20210426205721/https://www.theguardian.com/football/2007/aug/18/newsstory.sport2. 
  43. ↑ "Materazzi admits to insulting Zidane". ESPN Soccernet. Archived from the original on 15 January 2014. பார்க்கப்பட்ட நாள் 16 November 2009.
  44. ↑ "Zidane: I'd "rather die" than say sorry". ESPN. 2010-03-01. Archived from the original on 2010-03-04. பார்க்கப்பட்ட நாள் 2010-03-01.
  45. ↑ "Zidane made special adviser to Real Madrid first team". Reuters. 12 November 2010 இம் மூலத்தில் இருந்து 19 October 2020 அன்று. பரணிடப்பட்டது.. https://web.archive.org/web/20201019111611/https://uk.reuters.com/article/idUKTRE6AB4K120101112. 
  46. ↑ "Zinedine Zidane to become Real Madrid sporting director". BBC Sport. 7 July 2011 இம் மூலத்தில் இருந்து 10 July 2011 அன்று. பரணிடப்பட்டது.. https://web.archive.org/web/20110710042419/http://news.bbc.co.uk/sport2/hi/football/14067827.stm. 
  47. ↑ "La Liga: Zinedine Zidane named as one of Carlo Ancelotti's Real Madrid assistant coaches". Sky Sports இம் மூலத்தில் இருந்து 17 October 2013 அன்று. பரணிடப்பட்டது.. https://web.archive.org/web/20131017170831/http://www1.skysports.com/football/news/11095/8793891/. 
  48. ↑ "Zidane to manage Castilla in the 2014/2015 season". Real Madrid CF. Archived from the original on 5 March 2021. பார்க்கப்பட்ட நாள் 25 June 2014.
  49. ↑ "Zidane: a club legend in the Real Madrid dugout". Real Madrid CF. 4 January 2016 இம் மூலத்தில் இருந்து 20 November 2020 அன்று. பரணிடப்பட்டது.. https://web.archive.org/web/20201120220536/https://www.realmadrid.com/en/news/2016/01/zidane-a-club-legend-in-the-real-madrid-dugout. 
  50. ↑ "1-1: La Undécima is oursfinal". Real Madrid. Archived from the original on 31 May 2016. பார்க்கப்பட்ட நாள் 28 May 2016.
  51. ↑ "Spot-on Real Madrid defeat Atlético in final again". UEFA.com. 28 May 2016. Archived from the original on 10 January 2018. பார்க்கப்பட்ட நாள் 29 May 2016.
  52. ↑ "Spot-on Real Madrid defeat Atlético in final again". UEFA. 28 May 2016. Archived from the original on 10 January 2018. பார்க்கப்பட்ட நாள் 29 May 2016.
  53. ↑ "Real Madrid were crowned champions of Europe for the 11th time after beating Atletico Madrid in a dramatic penalty shootout in Milan". BBC Sport. 29 May 2016 இம் மூலத்தில் இருந்து 25 January 2021 அன்று. பரணிடப்பட்டது.. https://web.archive.org/web/20210125121852/https://www.bbc.com/sport/football/36254652. 
  54. ↑ "Real Madrid won their first La Liga title since 2012 thanks to a final-day victory at Malaga". BBC.com. 21 May 2017. Archived from the original on 26 December 2018. பார்க்கப்பட்ட நாள் 14 February 2018.
  55. ↑ Daniel Taylor (3 June 2017). "Real Madrid win Champions League as Cristiano Ronaldo double defeats Juve". The Guardian இம் மூலத்தில் இருந்து 11 June 2019 அன்று. பரணிடப்பட்டது.. https://web.archive.org/web/20190611041136/https://www.theguardian.com/football/2017/jun/03/juventus-real-madrid-champions-league-final-match-report. 
  56. ↑ Andrew Haslam (3 June 2017). "Majestic Real Madrid win Champions League in Cardiff". UEFA.com. Archived from the original on 31 March 2019. பார்க்கப்பட்ட நாள் 3 June 2017.
  57. ↑ "Real Madrid v Manchester United: Super Cup – as it happened". The Guardian. 8 August 2017. Archived from the original on 26 April 2021. பார்க்கப்பட்ட நாள் 9 August 2017.
  58. ↑ "Ramos and Real make history in the Emirates". FIFA. 17 December 2017. Archived from the original on 23 December 2018.
  59. ↑ "FIFA Football Awards 2017 – Voting Results" (PDF). FIFA. 23 October 2017. Archived from the original (PDF) on 24 October 2017. பார்க்கப்பட்ட நாள் 23 October 2017.
  60. ↑ Haldevang, Max de (26 May 2018). "The records broken in Real Madrid's Champions League final victory". Quartz இம் மூலத்தில் இருந்து 27 May 2021 அன்று. பரணிடப்பட்டது.. https://web.archive.org/web/20210527113550/https://qz.com/1290231/cristiano-ronaldo-mohamed-salah-and-zinedine-zidane-can-set-records-in-real-madrid-vs-liverpool-champions-league-final/. 
  61. ↑ Pope, Nick (31 May 2018). "Zinedine Zidane Announces His Resignation From Real Madrid". Esquire இம் மூலத்தில் இருந்து 11 March 2021 அன்று. பரணிடப்பட்டது.. https://web.archive.org/web/20210311212221/https://www.esquire.com/uk/latest-news/a20973571/zinedine-zidane-announces-his-resignation-from-real-madrid/. 
  62. ↑ "Zinedine Zidane: Real Madrid boss stands down five days after Champions League win". BBC Sport. 31 May 2018 இம் மூலத்தில் இருந்து 13 January 2021 அன்று. பரணிடப்பட்டது.. https://web.archive.org/web/20210113121505/https://www.bbc.com/sport/football/44315700. 
  63. ↑ "Zinedine Zidane: Real Madrid reappoint Frenchman to replace Santiago Solari". BBC Sport. 11 March 2019 இம் மூலத்தில் இருந்து 21 February 2021 அன்று. பரணிடப்பட்டது.. https://web.archive.org/web/20210221230214/https://www.bbc.co.uk/sport/football/47528561. 
  64. ↑ "Official Announcement". Real Madrid C.F. 11 March 2019. Archived from the original on 30 March 2019. பார்க்கப்பட்ட நாள் 11 March 2019.
  65. ↑ "Real Madrid win the longest LaLiga Santander season". marca.com. 17 July 2020. Archived from the original on 18 July 2020. பார்க்கப்பட்ட நாள் 17 July 2020.
  66. ↑ "ஜிதேன் செல்டிக் நடிகர் நாகமுராவின் பெரிய ரசிகர்". Archived from the original on 2011-07-14. பார்க்கப்பட்ட நாள் 2010-06-03.
  67. ↑ United Nations Information Service Vienna(7 March 2001). "French Soccer Champion Zinédine Zidane to Be Appointed". செய்திக் குறிப்பு.
  68. ↑ "Football legends Ronaldo, Zidane to play AS St-Etienne All Stars for Ebola recovery". United Nations Development Programme. 12 February 2015. Archived from the original on 21 June 2018. பார்க்கப்பட்ட நாள் 14 July 2018.
  69. ↑ "The Best Paid Athletes". Forbes.com. 24 June 2004. http://www.forbes.com/2004/06/23/04athletesland.html. பார்த்த நாள்: 19 July 2006. 
  70. ↑ Harrington, Rob (1 April 2009). "Dreams don't cost a thing". Independent Weekly இம் மூலத்தில் இருந்து 14 ஏப்ரல் 2009 அன்று. பரணிடப்பட்டது.. https://web.archive.org/web/20090414030605/http://www.indyweek.com/gyrobase/Content?oid=oid%3A355289. 
  71. ↑ Stehli, Jean-Sébastien; Anne Vidalie, Paul Miquel (8 June 2006). "Icône malgré lui" (in French). L'Express இம் மூலத்தில் இருந்து 14 அக்டோபர் 2007 அன்று. பரணிடப்பட்டது.. https://web.archive.org/web/20071014204041/http://lexpress.fr/mag/sports/dossier/mondial-2006/dossier.asp?ida=438679&p=3. பார்த்த நாள்: 11 July 2006. 
  72. ↑ Berthold, Von Norbert (10 July 2006). "Warum verdienen Fußballspieler so viel Geld?". FAZ.net. http://www.faz.net/s/RubEC1ACFE1EE274C81BCD3621EF555C83C/Doc~E0DB6C733FD4B4271BB2DF785640AD9EA~ATpl~Ecommon~Scontent.html. பார்த்த நாள்: 11 July 2006. 
  73. ↑ "Enzo Zidane reforzará esta temporada al Real Madrid C". Diario AS (Madrid). 5 August 2013 இம் மூலத்தில் இருந்து 5 August 2017 அன்று. பரணிடப்பட்டது.. https://web.archive.org/web/20170805105310/https://futbol.as.com/futbol/2013/08/05/primera/1375658605_791775.html. 
  74. ↑ Victor García (22 November 2007). "Mi papá es jugador del Real Madrid". ElConfidencial.com. பார்க்கப்பட்ட நாள் 12 January 2008.
  75. ↑ "Portada > Plantilla > Otras Categorías > Benjamín B". RealMadrid.com. Archived from the original on 2 January 2008. பார்க்கப்பட்ட நாள் 12 January 2008.
  76. ↑ "Elyaz: "Me gusta dar pases a mis compañeros"". Real Madrid. Archived from the original on 30 November 2020. பார்க்கப்பட்ட நாள் 6 October 2020.

வெளியிணைப்புகள் தொகு

"https://ta.wikipedia.org/w/index.php?title=ஜீனடின்_ஜிதேன்&oldid=3920253" இலிருந்து மீள்விக்கப்பட்டது