பத்து ஈத்தாம்

பத்து ஈத்தாம் (மலாய் மொழி: Batu Hitam; ஆங்கிலம்: Batu Hitam; சீனம்: 黑淡) என்பது மலேசியா, பகாங், குவாந்தான் மாவட்டத்தில் உள்ள ஒரு கடற்கரை நகரம். மலேசியாவில் உள்ள முக்கியமான கடற்கரை நகரங்களில் இந்த நகரமும் ஒன்றாகும். குவாந்தான் நகரில் இருந்து 10 கி.மீ. தொலைவில் இந்தக் கடற்கரை நகரம் உள்ளது.

பத்து ஈத்தாம்
Batu Hitam
பகாங்
ஆள்கூறுகள்: 3°52′06.4″N 103°22′06.4″E
நாடு	மலேசியா
மாவட்டம்	குவாந்தான்
நேர வலயம்	மலேசிய நேரம் ஒ.ச.நே + 08:00
மலேசிய அஞ்சல் குறியீடு	25xxx
மலேசியத் தொலைபேசி எண்கள்	+6-09
மலேசியப் போக்குவரத்துப் பதிவெண்கள்	C

மலாய் மொழியில் பத்து (Batu) என்றால் கல்; (Hitam) என்றால் கருமை; பத்து ஈத்தாம் என்றால் கருங்கல் என பொருள்படும். குவாந்தான் மாவட்டத்தில் உள்ள இந்த நகரத்தின் கடற்கரைகளில் அதிகமான கருங்கற்கள் இருப்பதால் பத்து ஈத்தாம் என பெயர் வந்ததாக அறியப்படுகிறது.

பொது

இன்றைய நிலையில் பத்து ஈத்தாம் கடற்கரைகளில் நிறையவே கருங்கற்கள் காணப் படுகின்றன. இங்கு சுற்றிப் பார்க்க வரும் சுற்றுலாப் பயணிகள் அந்தக் கற்களை நினைவுப் பொருட்களாக எடுத்துச் செல்வது வழக்கமாக உள்ளது. கடற்கரைப் பகுதி பெரும்பாலும் வார இறுதிநாட்களில் சுற்றுலாப் பயணிகளால் நிறைந்து இருக்கும்.

குவாந்தான் மாவட்டம்

குவாந்தான் மாவட்டம், பகாங் மாநிலத்தின் வடகிழக்கில் அமைந்துள்ளது. இதன் வடக்கில் திராங்கானு மாநிலத்தின் கெமாமான் மாவட்டம்; கிழக்கில் தென்சீனக் கடல்; மேற்கில் மாரான் மாவட்டம் மற்றும் ஜெராண்டுட் மாவட்டம்; தெற்கில் பெக்கான் மாவட்டம் ஆகியவை எல்லைகளாக உள்ளன.

மாவட்டத்தில் உள்ள முக்கிய நகரங்கள் குவாந்தான் மற்றும் பண்டார் இந்திரா மக்கோத்தா (Bandar Indera Mahkota). இதர நகரங்கள் பஞ்சிங், சுங்கை லெம்பிங், கம்பாங் மற்றும் பெசெரா.

மேலும் காண்க

• ரந்தாவ் அபாங்
• பாகான் லாலாங்
• கிளேபாங்

வெளி இணைப்புக்கள்

• Official website of Kuantan Municipal Council பரணிடப்பட்டது 2021-02-12 at the வந்தவழி இயந்திரம்
• Rancangan Tempatan Daerah Kuantan 2035 பரணிடப்பட்டது 2017-12-22 at the வந்தவழி இயந்திரம்