புரோட்டோன் சிட்டி
புரோட்டோன் சிட்டி (ஆங்கிலம்: Proton City; மலாய்: Bandar Raya Proton; சீனம்: 拉雅普腾镇) என்பது மலேசியா, பேராக் மாநிலம், முவாலிம் மாவட்டத்தில் (Muallim District) அமைந்துள்ள ஒரு தொழில்துறை, வணிக நகரம் ஆகும். இதன் குடியிருப்பு பகுதிகள் 4,000 ஏக்கர் பரப்பளவு (16 கிமீ²) கொண்டவை. RM 1.8 பில்லியன் செலவிலான புரோட்டான் வாகன உதிரி பாகங்கள் தயாரிக்கும் ஆலையும் இங்குதான் உள்ளது.[1]
| புரோட்டோன் சிட்டி | |
|---|---|
| Proton City | |
 பேராக் | |
 புரோட்டோன் சிட்டி பூங்கா தஞ்சோங் சாலை | |
 | |
  புரோட்டோன் சிட்டி | |
| ஆள்கூறுகள்: 3°44′26″N 101°30′23″E / 3.74056°N 101.50639°E | |
| நாடு |  மலேசியா |
| மாநிலம் | பேராக் |
| மாவட்டம் | முவாலிம் |
| நேர வலயம் | மலேசிய நேரம் ஒ.ச.நே + 08:00 |
| மலேசிய அஞ்சல் குறியீடு | 35900 |
| மலேசிய தொலைபேசி எண் | +60-05-459000 |
| போக்குவரத்துப் பதிவெண்கள் | P |
புரோட்டோன் சிட்டி 2027-ஆம் ஆண்டிற்குள் முழுமையாக வளர்ச்சி அடைவதை நோக்கமாகக் கொண்டுள்ளது. டிஆர்பி-ஐகோம் (DRB-HICOM) நிறுவனம்; மற்றும் புரோட்டோன் நிறுவனம் ஆகிய நிறுவனங்களுக்கு இடையிலான கூட்டு முயற்சியில் புரோட்டோன் சிட்டி கட்டுமானம் மேற்கொள்ளப்படுகிறது. புரோட்டோன் சிட்டி 1996-இல் RM 2.5 பில்லியன் தொடக்க முதலீட்டில் தொடங்கப்பட்டது. [2]
புரோட்டோன் சிட்டி நகரம் வடக்கு-தெற்கு நெடுஞ்சாலையின் வலது புறத்தில், தஞ்சோங் மாலிம் மற்றும் சிலிம் ஆற்றுக்கும் இடையில் அமைந்துள்ளது. இந்தப் பகுதி ரப்பர் மற்றும் செம்பனை தோட்டங்கள் நிறைந்த பகுதியாகும்
பொது தொகு
புரோட்டான் வாகன உதிரி பாகங்கள் தயாரிக்கும் ஆலையின் (Proton Car Assembly Plant) கட்டுமானத்துடன் புரோட்டோன் சிட்டி தொடங்கியது. அந்த ஆலையில் தற்சமயம் 2,000-க்கும் அதிகமான பணியாளர்கள் பணிபுரிகின்றனர்.
மேலும் அவர்களில் பெரும்பாலோர் அப்பகுதியில் வசிக்கிறார்கள் என்றும் கணிக்கப்படுகிறது. புரோட்டோன் சிட்டி 2027-ஆம் ஆண்டு முழுமையாக வளர்ச்சி அடைந்த நிலையில், அது சுமார் 240,000 மக்கள்தொகையைக் கொண்டு இருக்கும்.[3][4]
புரோட்டான் சிட்டியில் சுல்தான் இட்ரிஸ் கல்விப் பல்கலைக்கழகம் (Sultan Idris Education University - UPSI) எனும் பல்கலைக்கழகத்தின் மாணவர்களும் மற்றும் ஊழியர்களும் உள்ளனர், இந்தப் பல்கலைக்கழகம் சில ஆண்டுகளுக்கு முன்பு சுல்தான் இட்ரிஸ் ஆசிரியர் கல்லூரி (Sultan Idris Teachers Institute) என்று அறியப்பட்டது. இந்தப் பல்கலைக்கழகம் புரோட்டான் நகரத்திற்குள் 800 ஏக்கர் (3.2 கிமீ²) பரப்பளவில் 20,000 மாணவர்களைக் கொண்டுள்ளது.
மேற்கோள்கள் தொகு
- ↑ "Infrastructure boost for Tanjung Malim as Proton City takes shape". The Star (in ஆங்கிலம்). பார்க்கப்பட்ட நாள் 20 January 2024.
- ↑ "Proton Holdings Bhd (Proton), a subsidary of DRB-Hicom Bhd, is investing RM1 billion to RM2 billion under its restructuring plan for Proton City in Tanjung Malim, Perak, over the next four to five years". Borneo Post Online. 7 January 2013. பார்க்கப்பட்ட நாள் 20 January 2024.
- ↑ Arif, Zahratulhayat Mat (12 April 2023). "Proton Holdings to fully relocate to Tanjung Malim by 2027 | New Straits Times". NST Online (in ஆங்கிலம்). பார்க்கப்பட்ட நாள் 20 January 2024.
- ↑ "Proton Holdings set to fully shift to Tanjung Malim by 2027". focusmalaysia.my. 12 April 2023. பார்க்கப்பட்ட நாள் 20 January 2024.