மலேசிய இந்திய சட்டமன்ற உறுப்பினர்கள்

மலேசியாவில் 13 மாநிலங்கள் உள்ளன. இந்த மாநிலங்களில் மலேசியாவில் நடைபெற்ற பொதுத் தேர்தல்களில் இந்திய வம்சாவளியைச் சேர்ந்த சட்டமன்ற உறுப்பினர்கள் பலர் தேர்வு செய்யப்பட்டு உள்ளனர்.

2008-ஆம் ஆண்டு பொதுத் தேர்தலில் 24 இந்தியர்கள் சட்டமன்ற உறுப்பினர்களாகத் தேர்வு செய்யப் பட்டனர். இவர்களில் மலேசிய அரசாங்க உயர்ப் பதவிகளை வகித்தவர்கள்:

ஜொகூர், மலாக்கா, நெகிரி செம்பிலான், பகாங், சிலாங்கூர் மாநிலங்களில் 5 அமைச்சர்கள்
பினாங்கு மாநிலத்தின் துணை முதல்வராக பேராசிரியர் ராமசாமி
பேராக் மாநிலத்தின் முதல் தமிழர் சபாநாயகர் வி. சிவகுமார்^[1]^[2]
பேராக் மாநிலத்தின் இரண்டாவது தமிழர் சபாநாயகர் டத்தோ ஆர்.கணேசன்

பெரும்பாலான இந்திய வேட்பாளர்கள், இந்தியர்கள் அதிகமாக வாழும் இடங்களில் போட்டியிட்டனர். மலேசியாவில் ஒரு சட்டமன்ற உறுப்பினர் வெற்றி பெற வேண்டுமானால் அவருக்கு மலாயர், சீனர், இந்தியர்(தமிழர்) ஆகிய மூன்று இனத்தவர்களின் வாக்குகள் அவசியம் தேவை.

இந்திய வேட்பாளர்கள்

மலேசியச் சட்டமன்ற, நாடாளுமன்றத் தொகுதிகளில் பலவற்றின் வெற்றித் தோல்விகளை மலேசிய இந்திய வாக்காளர்கள் தான் முடிவு செய்கின்றனர்.

மலேசிய நாடாளுமன்றத்தில் 13 இந்திய உறுப்பினர்கள் உள்ளனர். அவர்களைப் பற்றிய விவரங்களை மலேசிய இந்திய நாடாளுமன்ற உறுப்பினர்கள் எனும் பகுதியில் தெரிந்து கொள்ளலாம்.

மலேசிய இந்திய சட்டமன்ற உறுப்பினர்களைப் பற்றிய விவரங்கள்.