மூங்கில் (Bamboo) புல் வகையைச் சேர்ந்த ஒரு தாவரமாகும். புல் வகையிலேயே மிகவும் பெரிதாக வளரக்கூடியது மூங்கிலேயாகும். சில மரங்கள் ஒரு நாளில் ஒரு மீட்டர் உயரம் வரை வளர்கின்றன. இவற்றில் ஏறத்தாழ 1000 சிற்றினங்கள் உள்ளன. உலகம் முழுவதும் 1500க்கும் மேற்பட்ட இனவகை மூங்கில்கள் வளர்க்கப்படுகின்றன.[3] மூங்கில் புல் வகையைச் சேர்ந்த ஒரு மரம் ஆகும். மூங்கில் மரம் 40 மீட்டர் உயரம் வரை வளரக்கூடியது. இதன் அதிக அளவு பருமன் 1 சென்ட்டிமீட்டரிலிருந்து 30 சென்ட்டிமீட்டர் வரை இருக்கும். மூங்கில் மிகவும் வேகமாக வளரக்கூடிய ஒரு மரம். ஒரே நாளில் 250 cm (98 அங்) கூட தக்க சூழ்நிலையில் வளருவதாகத் தாவரவியலாளர் கண்டறிந்துள்ளனர்.[4] ஒரு மூங்கில் மரத்தின் வயது 60 ஆண்டுகள். ஆனால், அது 60 அடி உயரம் வரை வளரும் காலமே 59 நாட்கள்தான். கடல் மட்டத்திற்கு மேல் 4000 மீட்டர் உயரம் உள்ள பிரதேசங்களில்தான் மூங்கில் நன்றாக வளரும். எனவே மலைச்சரிவுகளும், மிக வறண்ட பகுதிகளும் மூங்கில் வளர்வதற்கு ஏற்ற இடங்கள். சீனா, இந்தியா, தாய்லாந்து, பிலிப்பைன்ஸ், இந்தோனேசியா, நேபாளம்,பங்களாதேசு, கோஸ்டிரிக்கா, கென்யா ஆகிய நாடுகள் மூங்கில் உற்பத்தியில் முன்னணி நாடுகளாக இருக்கின்றன.

மூங்கில்
மூங்கில், மஞ்சள் மலைகள்
உயிரியல் வகைப்பாடு e
திணை: தாவரம்
உயிரிக்கிளை: பூக்கும் தாவரம்
உயிரிக்கிளை: ஒருவித்திலையி
உயிரிக்கிளை: கமெலினிட்சு
வரிசை: Poales
குடும்பம்: Poaceae
உயிரிக்கிளை: BOP clade
துணைக்குடும்பம்: Bambusoideae

Tribes
  • Arundinarieae
  • Bambuseae
  • Olyreae
உயிரியற் பல்வகைமை[1]
>1,400 species in 115 genera
வேறு பெயர்கள் [2]
  • Olyroideae Pilg. (1956)
  • Parianoideae Butzin (1965)

இந்தியாவில் 156 வகை மூங்கில் இனங்கள் பயிரிடப்படுகின்றன. இந்தியாவின் வடகிழக்கு மாநிலங்கள், மேற்கு வங்காளம், ஒரிசா, ஆந்திரப்பிரதேசம், மகாராஷ்டிரா மாநிலங்கள் முதலிடம் பெற்று நிற்பவை. மூங்கிலின் வேர் நிலத்தை ஓர் அடிக்கு மேல் பற்றிக் கொண்டிருக்கும். மூங்கில் ஒன்றோடொன்று இணைந்து வளரும் தொகுப்பு 6 கியூபிக் மீட்டர் வரை இருக்கும்.

பயன்கள் தொகு

 
ஹொங்கொங் கட்டடக் கலையில் மூங்கில் இன்றும் ஒரு பிரதான அங்கமாக பயன்படுகின்றது.

மூங்கில் குடிசை வீடுகள் கட்டுவதில் மரமாகவும், கட்டிடம் கட்டும் தொழிலிலும் (சாரம் கட்ட), கைவினைப் பொருட்கள் செய்யவும், சிறு தொழில் மற்றும் குடிசைத் தொழில்கள் உள்ளிட்ட ஏராளமான தொழில்களிலும் மிக முக்கிய பொருளாகவும் பயன்படுத்தப்படுகிறது. கிட்டத்தட்ட 1500 பயன்களுக்கு மேல் தரக்கூடிய மூங்கில் மரத்திலிருந்து இன்றும் கூட பலப் பயன்களைப் பெற முடியும் என்று வேளாண் ஆய்வுகள் கூறுகின்றன. இந்தியாவில் வளர்க்கப்படும் மூங்கிலில் 40 சதவீதம் மரக்கூழ் செய்யவும், காகிதத் தொழிற்சாலைகளிலும் பயன்படுத்தப்படுகிறது. மற்றவை ஒன்று சேர்க்கப்படாத பகுதிகளில் பயன்படுத்தப்படுகின்றன.

விலங்குகளின் உணவு தொகு

இளம் மூங்கில் குருத்துகள், இலைகள் ஆகியன பாண்டா, சிவப்பு பாண்டா, மூங்கில் லெமூர் விலங்குகளின் முதன்மையான உணவாகும். எலிகளும் இவற்றின் பழங்களை உண்பதாகக் கண்டறியப்பட்டுள்ளது. [5]

இவற்றையும் பார்க்கவும் தொகு

மேற்கோள்கள் தொகு

  1. Kelchner S; Bamboo Phylogeny Working Group (2013). "Higher level phylogenetic relationships within the bamboos (Poaceae: Bambusoideae) based on five plastid markers". Molecular Phylogenetics and Evolution 67 (2): 404–413. doi:10.1016/j.ympev.2013.02.005. பன்னாட்டுத் தர தொடர் எண்:1055-7903. பப்மெட்:23454093. http://www.isu.edu/~kelchner/Kelchner_Lab/Publications_files/Kelchner%26BPG_MPE2013.pdf. 
  2. Soreng, Robert J.; Peterson, Paul M.; Romaschenko, Konstantin; Davidse, Gerrit; Zuloaga, Fernando O.; Judziewicz, Emmet J.; Filgueiras, Tarciso S.; Davis, Jerrold I. et al. (2015). "A worldwide phylogenetic classification of the Poaceae (Gramineae)". Journal of Systematics and Evolution 53 (2): 117–137. doi:10.1111/jse.12150. பன்னாட்டுத் தர தொடர் எண்:1674-4918.   
  3. "காப்பகப்படுத்தப்பட்ட நகல்". Archived from the original on 2019-12-09. பார்க்கப்பட்ட நாள் 2017-02-26.
  4. Farrelly, David (1984). The Book of Bamboo. Sierra Club Books. பன்னாட்டுத் தரப்புத்தக எண்:0-87156-825-X. https://archive.org/details/bookofbamboo00farr. 
  5. யானைகளுக்கான மூங்கில் கிடைப்பதில் தட்டுப்பாடு ஏற்படும்

வெளி இணைப்புகள் தொகு

 
விக்கியினங்கள் தளத்தில் பின்வரும் தலைப்பில் தகவல்கள் உள்ளன:
"https://ta.wikipedia.org/w/index.php?title=மூங்கில்&oldid=3862993" இலிருந்து மீள்விக்கப்பட்டது