விக்கிப்பீடியா:இன்றைய சிறப்புப் படம்/2024
வெற்று வயல்வெளிகளில் பச்சைப் புல் பாதையில் ஒரு தனிமையான பேரி மரம். இடம்: நியூடெனாவ், ஜெர்மனி. பேரி ஒரு தாவரப் பேரினமும் பழமும் ஆகும். சீனா, இத்தாலி, ஐக்கிய அமெரிக்கா போன்ற நாடுகளில் இது பெரிதும் பயிரிடப்படுகிறது. தமிழ்நாட்டின் சில இடங்களிலும் இலங்கையின் மலைநாட்டுப் பகுதிகளிலும் இந்தோனேசியா உட்பட தென்கிழக்காசிய நாடுகளிலும் இது பயிரிடப்படுகிறது. படம்: Roman Eisele |
யெல்லோஸ்டோன் தேசியப் பூங்காவிலுள்ள பிரம்மாண்ட பட்டக ஊற்று. இது அமெரிக்க ஐக்கிய நாடுகளின் பெரிய வெந்நீரூற்றும் நியூசிலாந்து, டொமினிக்கா ஆகிய நாடுகளை அடுத்துள்ள, உலகிலுள்ள மூன்றாவது பெரிய வெந்நீரூற்றும் ஆகும். இது கிட்டத்தட்ட 370 அடிகள் (110 m) விட்டமும் 121 அடிகள் (40 m) ஆழமும் கொண்டது. படம்: Carsten Steger |
உலகின் மிகப் பெரிய தேசியப் பூங்காவும் பாதுகாக்கப்பட்ட பகுதியுமான வடகிழக்கு கிரீன்லாந்து தேசியப் பூங்காவிலுள்ள ஒரு பனிமலை. பனியாறு, பனியடுக்கு போன்றவற்றில் ஏற்படும் பனித் தகர்வு செயல்முறையினால், அவற்றிலிருந்து திடீரென உடைந்து, பிரிந்து செல்லும் பெரும்பகுதி பனிக்கட்டியை மலைபோலக் கொண்ட அமைப்பாகும். இந்த பனிமலைகள் திறந்த நீர்நிலைகளில் தாமாக மிதந்தபடி இருக்கும். படம்: Rita Willaert |
செருமனியின் பவேரியா எனும் இடத்திலுள்ள வளைவுப் பாலம். கட்டிடக்கலையில் 'வளைவு' என்பது வளைவான வடிவத்தில் உள்ள ஓர் அமைப்பு ஆகும். இது நுழைவழிகள், சாளரங்கள், சுவர்களில் அமையும் வேறு துவாரங்களுக்கு மேல் சுமத்தப்படக்கூடிய சுமைகளைத் தாங்குவதற்கான ஓர் அழகான அமைப்பு முறைமை ஆகும். படம்: Derzno |