விக்கிப்பீடியா

சினேகா

இந்திய நடிகை
(ஸ்னேகா இலிருந்து வழிமாற்றப்பட்டது)

சினேகா எனப்படும் சுகாசினி இராசாராம் நாயுடு தென்னிந்தியத் திரைப்பட நடிகையாவார். இவர் தமிழ், தெலுங்கு, மலையாளத் திரைப்படங்களில் நடித்து வருகின்றார். குடும்பப் பாங்கான முகத்தோற்றத்துக்காகவும் நடிப்புத் திறனுக்காகவும் இவர் அறியப்படுகிறார். 2001 இல் இங்கே ஒரு நீலப்பக்சி என்ற மலையாளத் திரைப்படத்தின் மூலம் அறிமுகமானார். 2001 இல் என்னவளே என்ற திரைப்படத்தில் தமிழ்த் திரைப்படத்துறைக்கு அறிமுகமானார்.

சினேகா

இயற் பெயர் சுகாசினி ராஜாராம்
பிறப்பு அக்டோபர் 12, 1981 (1981-10-12) (அகவை 43)
மும்பை, இந்தியா[1]
நடிப்புக் காலம் 2000 - இன்றளவும்
குறிப்பிடத்தக்க படங்கள் சத்யா/ஜனனி - பார்த்திபன் கனவு
திவ்யா - ஆட்டோகிராப்
இணையத்தளம் http://www.sneha-online.com/

பிறப்பும் கல்வியும்

தொகு

சினேகா தமிழ்நாட்டில் இராசாராம் பத்மாவதி தம்பதியினருக்கு சுகாசினியாகப் பிறந்தார்[1]. இவரின் குடும்பம் இவரின் பிறப்புக்குப் பிறகு ஐக்கிய அரபு அமீரகத்தில் ஷார்ஜாக்குச் சென்றது, அங்கு அவர் ஓன் ஆங்கில உயர்நிலை பள்ளியில் படிப்பை முடித்தார். பின்னர் இவர் குடும்பத்தினர் தமிழ்நாட்டில் உள்ள பண்ருட்டி என்னும் ஊரில் குடியேறினர். அங்கே இவருக்கு சொந்தமாக திருமண மண்டபம் ஒன்றும் உள்ளது.[சான்று தேவை]

திரைப்பட வாழ்க்கை

தொகு

சினேகா முதலில் மலையாளத்தில் இங்கனே ஒரு நீல பக்சி என்ற படத்தில் நடனமாடி நடித்துள்ளார். பின்னர் தமிழ்த் திரைப்படங்களில் கவனம் செலுத்தினார். என்னவளே படத்தில் நடித்து புகழ் பெறத் தொடங்கினார். மம்மூட்டியுடன் ஆனந்தம் படத்தில் நடித்தார். இப்படத்தில் பல்லாங்குழியில் வட்டம் பார்த்தேன் பாடலில் நடித்து புகழ் பெற்றார். இதற்கு தமிழ்நாடு சிறந்த நடிகை விருது கிடைத்தது. தொடர்ந்து புன்னகை தேசம் , உன்னை நினைத்து, விரும்புகிறேன் ஆகிய படங்களில் விருது பெற்றார். பார்த்திபன் கனவு, ஆட்டோகிராப் என்று ஏறத்தாழ எழுபது படங்களில் நடித்துள்ளார்.

சொந்த வாழ்க்கை

தொகு

2009 இல் சினேகா முதல் முறையாக பிரசன்னாவுடன் அச்சமுண்டு அச்சமுண்டு படத்தில் இணைந்தார். பின்னர், பிரசன்னா சினேகாவின் வடிவழகு நிகழ்ச்சிகளில் காணப்பட்டார். ஊடகங்களில் அதை வதந்தியாக மறுத்த போதிலும் 2011 நவம்பர் 9 அன்று பிரசன்னா தனது காதலை உறுதிப்படுத்தி மே 11, 2012 இல் அவர்கள் திருமணம் செய்து கொண்டனர்.[2][2]. தற்போது சினேகா சென்னையில் கணவருடன் வசித்து வருகிறார். 2015 ஆகத்து 10 இல் இவர்களுக்கு ஆண் குழந்தை பிறந்தது. அக்குழந்தைக்கு விகான் என்று பெயர் சூட்டினார்கள். சினேகா தமது பெண் குழந்தைக்கு ஆத்யந்தா என்று பெயர் சூட்டியிருப்பதாக நடிகர் பிரசன்னா பேட்டி ஒன்றில் தெரிவித்திருந்தார்.

விளம்பர வடிவழகுத் தொழில்

தொகு

சரவண ஸ்டோர்ஸ், ஹார்லிக்ஸ், ஆஷிர்வாட் போன்ற பல விளம்பரங்களில் அவர் தோன்றினார். திருமணத்திற்குப் பின் சினேகா தன் கணவருடன் பிரசன்னாவுடன் இணைந்து யுனிவர்சல் விளம்பரங்களில் பணிபுரிந்தார், சென்னை சர்வதேச ஃபேஷன் வீக், சிட்னி ஸ்லேடன் பேஷன் வாரம் மற்றும் சென்னை மற்றும் மும்பையில் நடந்த பல நிகழ்ச்சிகளில் அவர் நடித்தார்.

பொது வாழ்வும் உதவியும்

தொகு

விவசாயக் கடன்களை தள்ளுபடி செய்ய வேண்டும், காவிரி மேலாண்மை வாரியம் அமைக்க வேண்டும் உள்ளிட்ட கோரிக்கைகளை வலியுறுத்தி தமிழக விவசாயிகள் டெல்லியில் 41 நாளாக போராடினர். டெல்லியில் போராடிய விவசாய குடும்பத்தை சேர்ந்த 10 பேருக்கு நடிகர் பிரசன்னா, சினேகா தம்பதியினர் தலா ரூ.2 லட்சம் நிதியுதவி அளித்தனர். என்னுடைய சம்பளம் முழுவதும் கொடுக்கும் அளவுக்கு நான் ஊதியம் பெறவில்லை என்றாலும், இயன்றதைச் செய்து இன்பம் பெறும் முயற்சியாகவே நிதியுதவி அளித்துள்ளதாகவும், இதே போன்று நடிகர்கள் மட்டுமல்ல அனைத்துத் தரப்பினரும் நிதியுதவி அளிக்க முன் வர வேண்டும் என்று கேட்டுக் கொண்டார்.[சான்று தேவை]

திரைப்படங்கள்

தொகு
சினேகா நடித்த திரைப்படங்கள்
ஆண்டு திரைப்படம் கதாபாத்திரம் மொழி குறிப்புகள் மே.
2000 இங்கனே ஒரு நிலாபக்சி மானசி மலையாளம் மானசியாக நடித்தார். [3]
என்னவளே இலட்சுமி தமிழ்
2001 காதல் சுகமானது சந்தியா தெலுங்கு
ஆனந்தம் விஜி தமிழ்
தோலி வளபு சௌமியா தெலுங்கு
பார்த்தாலே பரவசம் செல்லா தமிழ்
ஹனுமன் ஜங்க்சன் மீனாட்சி தெலுங்கு
2002 பம்மல் கே. சம்பந்தம் மாலதி ஆனந்த் தமிழ்
புன்னகை தேசம் பிரியா
உன்னை நினைத்து இராதா
ஏய் நீ ரொம்ப அழகாய் இருக்கே இராஜி
கிங் தமிழ்
ஏப்ரல் மாதத்தில் சுவேதா
விரும்புகிறேன் தவமணி
2003 வசீகரா பிரியா விஸ்வநாதன்
பார்த்திபன் கனவு சத்யா, ஜனனி
2004 வசூல்ராஜா எம்.பி.பி.எஸ் ஜானகி விஸ்வநாதன்
ஜனா மணிமேகலை
போஸ் சாரு
ஆட்டோகிராப் திவ்யா
அது மீரா
வெங்கி சிரவாணி தெலுங்கு
2005 ஆயுதம் மகா தமிழ்
சங்கராந்தி அஞ்சலி தெலுங்கு
இராதா கோபாலம் இராதா
சின்னா காயத்ரி விக்ரம் தமிழ்
ஏ. பி. சி. டி. சந்தரா
தட் இஸ் பாண்டு அஞ்சலி தெலுங்கு
2006 ஸ்ரீ ராமதாஸு கமலா
எவண்டோய் ஸ்ரீவாரு திவ்யா
துருப்பு குலன் இலட்சுமி மலையாளம்
புதுப்பேட்டை கிருஷ்ணவேணி தமிழ்
இரவி சாஸ்திரி பானு கன்னடம்
மனசு பலிகே மௌனராகம் கௌரி தெலுங்கு
2007 மகாரதி பைரவி
மதுமாசம் அம்ச வாகினி
நான் அவனில்லை அஞ்சலி தமிழ்
பள்ளிக்கூடம் கோகிலா வெற்றிவேல்
2008 பிரிவோம் சந்திப்போம் விசாலாட்சி நடேசன்
இன்பா பிரியா
நீ சுகமே நீ கொருக்குன்னா சுவப்னா தெலுங்கு
பாண்டி புவனா தமிழ்
பாண்டுரங்கடு இலட்சுமி தெலுங்கு
குசேலன் அவராகவே தமிழ் "சினிமா சினிமா" பாடலில் கௌரவத் தோற்றம்
அடி விஷ்ணு அஞ்சலி தெலுங்கு
சிலம்பாட்டம் காயத்ரி தமிழ்
2009 அச்சமுண்டு அச்சமுண்டு மாலினி குமார்
அமராவதி இலதா வெங்கட் தெலுங்கு
2010 கோவா சுகாசினி பெர்னாண்டோ தமிழ்
தீராத விளையாட்டுப் பிள்ளை இரம்யா கௌரவத் தோற்றம்
அங்காடித் தெரு அவராகவே கௌரவத் தோற்றம்
பிரம்மானி ஜானகி மலையாளம்
சிக்கர், த கண்ட் காவேரி
வந்தே மாதரம் நந்தினி [4]
தமிழ்
2011 பவானி ஐ. பி. எஸ். பவானி
பொன்னர் சங்கர் அருக்காணி
இராஜண்ணா இலட்சம்மா தெலுங்கு
2012 ஒரு கல் ஒரு கண்ணாடி ஜெனிபர் தமிழ் கௌரவத் தோற்றம்
முரட்டுக் காளை புவனா
2013 ஹரிதாஸ் அமுதவல்லி
2014 பண்ணையாரும் பத்மினியும் சண்முகத்தின் மகள் கௌரவத் தோற்றம்
உன் சமையலறையில் கௌரி கன்னடம் மும்மொழித் திரைப்படம்
உன் சமையலறையில் தெலுங்கு
உன் சமையலறையில் தமிழ்
2015 த/பெ சத்தியமூர்த்தி இலட்சுமி தேவராஜ் தெலுங்கு
ஜேகே எனும் நண்பனின் வாழ்க்கை அவராகவே தமிழ் கௌரவத் தோற்றம்
காவல் அவராகவே கௌரவத் தோற்றம்
2016 ஜேகே எனும் நண்பனின் வாழ்க்கை அவராகவே தெலுங்கு கௌரவத் தோற்றம்
ஒரே முகம் பாமா மலையாளம் கௌரவத் தோற்றம்
2017 தி கிரேட் பாதர் மிச்சல்லி டேவிட்
வேலைக்காரன் கஸ்தூரி தமிழ்
2019 வினய வித்ய ராம கொனிடெலா காயத்ரி தேவி தெலுங்கு [5]
குருசேத்திரா திரௌபதி கன்னடம் [6]
2020 பட்டாஸ் கன்னியாகுமரி "கன்யா" தமிழ் [7]
2023 கிரிஷ்டோபர் பீனா மரியம் சாக்கோ மலையாளம் [8]
ஷாட் பூட் திரீ சியாமளா தமிழ் [9]
2024 தி கிரேட்டஸ்ட் ஆஃப் ஆல் டைம் அனுராதா [10]
2025 டிராகன் மருத்துவர் கௌரவத் தோற்றம் [11]

மேற்கோள்கள்

தொகு
  1. ↑ 1.0 1.1 "Southern star Sneha completes 50 films". Daily News & Analysis. IANS. 30 July 2008. Retrieved 2016-09-08.
  2. ↑ 2.0 2.1 "Sneha and Prasanna Marriage". The Times of India. Archived from the original on 2012-05-14. Retrieved 22 May 2012. {{cite web}}: Unknown parameter |= ignored (help)
  3. ↑ "Aishwarya Rajinikanth to debut as singer". Rediff.com. 31 May 2000. Archived from the original on 28 September 2022. Retrieved 20 November 2022.
  4. ↑ "Vande Mataram to release on July 15"[usurped!]. Sify.com (30 June 2010). Retrieved 25 October 2015.
  5. ↑ Dundoo, Sangeetha Devi (11 January 2019). "Vinaya Vidheya Rama review: Not a single redeeming factor". The Hindu. https://www.thehindu.com/entertainment/movies/vinaya-vidheya-rama-review-not-a-single-redeeming-factor/article25968199.ece. 
  6. ↑ "An epic realised on screen". தி இந்து. 3 August 2017. Retrieved 24 August 2017.
  7. ↑ "Sneha in Dhanush's next with Durai Senthilkumar". தி டைம்ஸ் ஆஃப் இந்தியா. 5 March 2019 இம் மூலத்தில் இருந்து 21 March 2022 அன்று. பரணிடப்பட்டது.. https://web.archive.org/web/20220321111658/https://timesofindia.indiatimes.com/entertainment/tamil/movies/news/sneha-in-dhanushs-next-with-durai-senthilkumar/articleshow/68267807.cms. 
  8. ↑ "It's a wrap for Mammootty-B Unnikishnan's film 'Christopher'". The Times of India. 30 September 2022. Archived from the original on 14 October 2022. Retrieved 12 February 2023.
  9. ↑ "Trailer of Shot Boot Three is here". Cinema Express. 10 September 2023. Archived from the original on 9 October 2023. Retrieved 8 October 2023.
  10. ↑ "Thalapathy 68:Vijay welcomes Meenakshi Chaudhary, Prabhu Deva, Sneha and Other Cast Members". timesnownews.com. 24 October 2023. Retrieved 24 October 2023.
  11. ↑ "DRAGON (2025) Tamil Movie Review - Pradeep Ranganathan Scores Again With An Emotional Twist". indiaherald.com (in ஆங்கிலம்). Retrieved 2025-02-25.

வெளி இணைப்புகள்

தொகு
"https://ta.wikipedia.org/w/index.php?title=சினேகா&oldid=4267603" இலிருந்து மீள்விக்கப்பட்டது