இலங்கை ரூபாய்
இலங்கை ரூபாய் (Sri Lankan Rupee) இலங்கையின் உத்தியோகபூர்வ நாணய அலகு ஆகும். இலங்கை மத்திய வங்கி அனேக நாடுகளிலுள்ளதை போன்றே நாணயங்களை வெளியிடும் ஏகபோக உரிமையை கொண்டது. இலங்கை ரூபாய் பொதுவாக ரூ எனறே குறிக்கப்படுவதுடன், இதன் சீர்தரத்துக்கான அனைத்துலக நிறுவனக் குறியீடு (ஐ.எசு.ஓ 4217) LKR ஆகும்.[1][2][3]
| ශ්රී ලංකා රුපියල් (சிங்கள மொழி) Sri Lankan Rupee (ஆங்கிலம்) | |
|---|---|
| ஐ.எசு.ஓ 4217 | |
| குறி | LKR (எண்ணியல்: 144) |
| சிற்றலகு | 0.01 |
| அலகு | |
| குறியீடு | ரூ රු, Rs, /= |
| மதிப்பு | |
| துணை அலகு | |
| 1/100 | சதங்கள் cents |
| வங்கித்தாள் | Rs.10, Rs.20, Rs.50, Rs.100, Rs.500, Rs.1000, Rs.2000, Rs.5000 |
| Coins | |
| அடிக்கடி பயன்படுத்தப்படப்படும் உலோக நாணயம்(கள்) | Rs.1, Rs.2, Rs.5, Rs.10 |
| அரிதாக பயன்படுத்தப்படப்படும் உலோக நாணயம்(கள்) | 1, 2, 5, 10, 25, 50 சதங்கள் cents |
| மக்கள்தொகையியல் | |
| பயனர்(கள்) | இலங்கை |
| வெளியீடு | |
| நடுவண் வங்கி | இலங்கை மத்திய வங்கி |
| இணையதளம் | www.cbsl.lk |
| அச்சடிப்பவர் | De la Rue Lanka Currency and Securities Print (Pvt) Ltd |
| இணையதளம் | www.delarue.com |
| காசாலை | ரோயல் மிண்ட் |
| இணையதளம் | www.royalmint.com |
| மதிப்பீடு | |
| பணவீக்கம் | 19.7% |
| ஆதாரம் | இலங்கையின் பொருளாதாரம், 2007 ஆம் ஆண்டு மதிப்பீடு. |
மேலோட்டம்
தொகு_rupee.jpg)
இலங்கை ரூபாய் ஒன்று, 100 சதம் எனும் அலகுகளாக பிரிக்கப்பட்டுள்ளது. புழக்கத்துக்கு நாணயங்களை விடும்போது அவை, ரூபாய் 10க்கு கூடிய பெறுமானம் கொண்டவையாயின் தாள் நாணயங்களாகவும், ரூபாய் 10க்கு குறைந்த பெறுமானம் கொண்டவையாயின் உலோக நாணயங்களாகவும், ரூபாய் 10 பெறுமானம் கொண்டவையாயின், இரு விதமாகவும் தயாரித்து பாவனைக்காக விடப்படுகின்றன.
உலோக நாணயங்கள் ஐக்கிய இராச்சிய நாணய வார்ப்பகத்தில் வார்க்கப்படுகின்றன. தாள் நாணயங்கள் வரையறுக்கப்பட்ட தோமஸ் டீ லா ரு கம்பனியால் அச்சிடப்படுகின்றன. தொடக்கத்தில் அளவில் பெரியதாக இருந்தாலும், இப்பொழுது அளவில் சிறியதாகவே அவை தயாரிக்கப்படுகின்றன. நாணய தயாரிப்பில் ஏற்படும் செலவை குறைக்கவே இவ்வாறு செய்யப்பட்டதாக அறியப்படுகிறது. ரூபாய் 500க்கு கூடிய பெறுமானம் கொண்ட தாள் நாணயங்கள் 1970 - 77 காலப்பகுதியில் பாவனையிலிருந்து நீக்கப்பட்டிருந்தது.
வரலாறு
தொகு1825 ஆம் ஆண்டில் இலங்கையின் அதிகாரபூர்வ பணம் ரிக்சுடாலரில் இருந்து பிரித்தானிய பவுண்டுக்கு மாற்றப்பட்டது. £1Stg = 1 1⁄3 ரிக்சுடாலர் என்ற விகிதமாக மாற்ற்றப்பட்டது. அத்துடன் பிரித்தானிய வெள்ளி நாணயம் சட்டப்பூர்வமானது. பவுண்டுகளில் மதிப்பிடப்பட்ட கருவூலத் தாள்கள் 1827 இல் முந்தைய ரிக்ஸ்டாலர் தாள்களுக்குப் பதிலாக வழங்கப்பட்டன. ரிக்சுடாலர் தாள்கள் 1831 சூன் முதல் செல்லாததாக்கப்பட்டன.
1836 செப்டம்பர் 26 அன்று இந்திய ரூபாய் இலங்கையின் நிலையான நாணயமாக மாற்றப்பட்டது, மேலும் இலங்கை இந்திய நாணயப் பகுதிக்கு திரும்பியது. பிரித்தானியப் பவுண்டு மதிப்புள்ள கருவூலத் தாள்கள் 1836 இற்குப் பிறகும், ரூபாயுடன் புழக்கத்தில் இருந்தன. சட்ட நாணயம் பிரித்தானிய வெள்ளியாக இருந்தது, கணக்கு வழக்குகள் பவுண்டு, வெள்ளி (சில்லிங்கு) மற்றும் பென்சு ஆகியவற்றில் வைக்கப்பட்டன. இருப்பினும், பணம் ரூபாயிலும் அணாவிலும் ஒரு ரூபாய்க்கு 2 ஷில்லிங் (அதாவது £1Stg = ₨ 10) என்ற கணக்கில் செலுத்தப்பட்டது.
இலங்கை வங்கியே முதன் முதலாக இலங்கையில் வங்கித் தாள்களை வழங்கிய முதலாவது தனியார் வங்கி ஆகும் (1844), கருவூலத் தாள்கள் (treasury notes) 1856 இல் திரும்பப் பெறப்பட்டன.
1869 சூன் 18 இல் இந்திய ரூபாய் வரம்பற்ற சட்டமுறைச் செலவாணிப் பணம் ஆக்கப்பட்டது. 1871 ஆகத்து 23 இல் ரூபாய் தசம முறைக்கு மாறியது. இதனால், 100 சதம் ஒரு ரூபாய் ஆக இலங்கையின் பணமாக ஆனது. 1872 சனவரி 1 முதல் இது நடைமுறைக்கு வந்தது. ₨ 1 = 2s.3d.
உள்ளடக்கம்
தொகுஉலோக நாணயங்களின் தலைப்பாகத்தில் நாட்டின் பெயர், அது வெளியிடப்பட்ட ஆண்டு, நாணயத்தின் பெறுமதி என்பனவும், பூப்பாகத்தில் இலங்கையின் தேசியச் சின்னமும் பொறிக்கப்பட்டுள்ளன.
தாள் நாணயங்களின் மேற்படி விபரங்களுக்கு மேலதிகமாக இயற்கை அழகு, பண்பாடு, வரலாறு போன்றவற்றைக் குறிக்கும் சித்திரங்கள் இரு பாகத்திலும் காணப்படுவதுடன், பூப்பாகத்தில் மத்திய வங்கியின் பெயர், கொடுப்பனவு விபரம், நிதி அமைச்சர், மத்திய வங்கியின் ஆளுனர் ஆகியோரின் கையொப்பங்களும் காணப்படுகின்றன.
இவற்றில் எண் குறியீடுகள் தவிர்ந்த ஏனையவை இலங்கையின் தேசிய மொழிகளான சிங்களம், தமிழ் ஆகியவற்றிலும், ஆங்கில மொழியிலும் இடம் பெற்றுள்ளன. புதிதாக வெளியிடப்படும் நாணயங்களில் கண்பார்வையற்றோரின் நன்மை கருதி பிரேல் முறையிலும் பெறுமானம் பொறிக்கப்பட்டுள்ளது.
நாணயங்கள்
தொகுஉலோக நாணயங்கள்
தொகு
இலங்கையில் உலோக நாணயங்கள் தற்போழுது 1, 2, 5, 10, 25, 50 ஆகிய பெறுமானம் கொண்ட சதங்களாகவும் 1, 2, 5, 10 ஆகிய பெறுமானம் கொண்ட ரூபாய்களாகவும் வார்க்கப்பட்டு வெளியிடப்படுகின்றன.
இலங்கையின் 50வது விடுதலை நாளை நினைவு கூறும் வகையில் 1998-ம் ஆண்டில் 1000 ரூபாய் பெறுமானம் கொண்ட வெள்ளி நாணயங்களும், 5000 ரூபாய் பெறுமானம் கொண்ட தங்க நாணயங்களும் வெளியிடப்பட்டன.
தற்காலத்தில் 1 சதம், 2 சதம், 5 சதம், 10 சதம், 25 சதம் ஆகியன மிக மிக அரிதாகவே புழக்கத்தில் உள்ளன.
நாணய வடிவங்கள்
தொகுஇலங்கையில் தற்போது புழக்கத்திலுள்ள உலோக நாணயங்களில் 2 சதம், 10 சதம் ஆகியவை அலை போன்ற விளிம்புடன் கூடிய வட்ட வடிவானவை. 5 சதம் வளைந்த விளிம்புடைய சதுர வடிவானது. மற்றைய சதங்களனைத்தும் வட்ட வடிவானவை. 1 ரூபாய், 2 ரூபாய், 10 ரூபாய் ஆகியவை வட்ட வடிவானவை. 5 ரூபாயும் வட்ட வடிவானபோதும், சில சமயங்களில் மட்டும் ஐங்கோண வடிவமுடையது.
வார்க்கும் உலோகங்கள்
தொகுஇலங்கை உலோக நாணயங்கள் தங்கம், வெள்ளி, நிக்கல், செம்பு, நிக்கல்-செம்பு, பித்தளை, நிக்கல்-பித்தளை, அலுமினியம், வெண்கலம், அலுமினிய-வெண்கலம் ஆகிய பல்வேறு உலோகங்களில் வார்க்கப்பட்டன. முன்னர் கால், அரை மற்றும் ஒரு சதம் போன்ற பெறுமதி குறைவான நாணயங்கள் செப்பு உலோகத்தில் வார்க்கப்பட்டன. 10 மற்றும் 20 சத பெறுமானம் கொணட நாணயங்கள் 1920களின் இறுதிவரையிலும், 50 சத நாணயங்கள் 1942 வரையும் வெள்ளியில் வார்க்கப்பட்டன. ஆனால் தற்பொழுது 5 ரூபாய், 10 ரூபாய் தவிர்ந்த அனைத்து நாணயங்களும் பெறுமதி குறைந்த அலுமினிய உலோகத்திலேயே வார்க்கப்படுகின்றன. 5 ரூபாய் செம்பிலும், 10 ரூபாய் செம்பு-வெண்கலத்திலும் வார்க்கப்படுகின்றன.
தாள் நாணயங்கள்
தொகு
இலங்கையில் தற்போது புழக்கத்திலுள்ள தாள் நாணயங்கள் 10, 20, 50, 100, 200, 500, 1000, 2000, 5000 ஆகிய பெறுமானங்களில் அச்சிடப்பட்டு வெளியிடப்படுகின்றன.
இலங்கையில் வெளியிடப்படும் அனைத்து தாள் நாணயங்களும்(200 ரூபாய் தவிர்ந்த) விசேடமாக பண்படுத்தப்பட்டு இரும்பு நூல் கோர்த்த காதிதத்திலேயே அச்சிடப்பட்டுகின்றன. 200 ரூபாய் நாணயம் மட்டும் விசேட பிளாஸ்டிக் தாளில் அச்சிடப்பட்டுகின்றது. இந்த பிளாஸ்டிக் நாணயம் பல பாதுகாப்பு அம்சங்களை தன்னகத்தே கொண்டுள்ளது.
இலங்கை தாள் நாணயங்கள் பல வர்ணங்களிலும், தலைப்பாகம் அகலவாக்கிலும் அச்சிடப்படுவது தனித்துவமான விடயங்களாகும்.
தற்போதைய நாணயமாற்று விகிதம்
தொகுமேலும் காண்க
தொகுஆதாரங்கள்
தொகு- ↑ "World Bank Editorial Style Guide 2020 - page 138" (PDF). openknowledge.worldbank.org. பார்க்கப்பட்ட நாள் 2022-08-22.
- ↑ Wijewardena, W. A.. "A child's guide to currency board systems – Part I: How colonial Ceylon did it?". The Financial Times இம் மூலத்தில் இருந்து 3 May 2022 அன்று. பரணிடப்பட்டது.. https://web.archive.org/web/20220503050249/https://www.ft.lk/columns/A-child-s-guide-to-currency-board-systems-Part-I-How-colonial-Ceylon-did-it/4-734214.
- ↑ Shenoy, B. R. (December 1941). "The New Currency Law in Ceylon". The Economic Journal 51 (204): 512–515. doi:10.2307/2226385. https://archive.org/details/sim_economic-journal_1941-12_51_204/page/512.