சூலூர்

சூலூர் (ஆங்கிலம்:Sulur), இந்தியாவின் தமிழ்நாடு மாநிலத்தில் அமைந்துள்ள கோயம்புத்தூர் மாவட்டம், சூலூர் வட்டத்தில் இருக்கும் ஒரு பேரூராட்சி ஆகும்.

சூலூர்
—  பேரூராட்சி  —
சூலூர் அமைவிடம்: சூலூர்,
ஆள்கூறு	11°02′N 77°08′E
நாடு	இந்தியா
மாவட்டம்	கோயம்புத்தூர்
வட்டம்	சூலூர்
பேரூராட்சி மன்றத் தலைவர்
மக்களவைத் தொகுதி	சூலூர்
சட்டமன்றத் தொகுதி	சூலூர்
சட்டமன்ற உறுப்பினர்	வி. பி. கந்தசாமி (அதிமுக)
மக்கள் தொகை • அடர்த்தி	27,909 (2011) • 2,546/km2 (6,594/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	10.96 சதுர கிலோமீட்டர்கள் (4.23 sq mi) • 340 மீட்டர்கள் (1,120 அடி)
குறியீடுகள் • அஞ்சல் குறியீட்டு எண் • 641 402 • தொலைபேசி • +0422 • வாகனம் • TN 38,39,66
இணையதளம்	www.townpanchayat.in/sulur

அமைவிடம்

இது கோவை - திருச்சி நெடுஞ்சாலையில், கோயம்புத்தூருக்கு கிழக்கில் 19 கிமீ தொலைவில் உள்ளது.

பேரூராட்சியின் அமைப்பு

10.96 சகிமீ பரப்பும், 18 பேரூராட்சி மன்ற உறுப்பினர்களும், 222 தெருக்களும் கொண்ட இப்பேரூராட்சி சூலூர் (சட்டமன்றத் தொகுதி)க்கும், கோயம்புத்தூர் மக்களவைத் தொகுதிக்கும் உட்பட்டது.

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 8,014 வீடுகளும், 27,909 மக்கள்தொகையும் கொண்டது.

பழம்பெயர்

சூலூர், வடகரைச் சூலூர், தென்கரைச் சூலூர் என சர்க்கார் பெரியபாளையம் கல்வெட்டு தெரிவிக்கிறது.

புவியியல்

இவ்வூரின் அமைவிடம் 11.03°N 77.13°E / 11.03; 77.13 ஆகும். கடல் மட்டத்தில் இருந்து இவ்வூர் சராசரியாக 340 மீட்டர் (1115 அடி) உயரத்தில் இருக்கின்றது. நொய்யல் ஆறு இவ்வூரின் வழியாகச் செல்கிறது. இங்கு பெரிய குளம் ஒன்றும் உள்ளது. இவ்வூருக்கு அருகில் சூலூர் ரோடு இரயில் நிலையம் உள்ளது. மேலும் கோயமுத்தூர்-நாகப்பட்டினம் நெடுஞ்சாலை சூலூரின் வழியாகச் செல்கிறது.