ஜிப்ரான்

ஜிப்ரான் (பிறப்பு: 12 ஆகத்து 1980) ஒரு தமிழ்நாட்டு இசையமைப்பாளர் ஆவார். இவர் 2011ஆம் ஆண்டு வாகை சூட வா என்ற திரைப்படத்தின் மூலம் இசையமைப்பாளராக அறிமுகமானார். அதைத் தொடர்ந்து குட்டிப் புலி, நையாண்டி போன்ற தமிழ் திரைப்படங்களுக்கும் மற்றும் ரன் இராஜா ரன் என்ற ஒரு தெலுங்கு திரைப்படத்திற்கும் இசையமைத்துள்ளார். மேலும் 800க்கும் மேற்பட்ட விளம்பரங்களுக்கும் இசையமைத்துள்ளார்.

ஜிப்ரான்
பிறப்பு	முகமது ஜிப்ரான் 12 ஆகத்து 1980 (1980-08-12) கோயம்புத்தூர், தமிழ்நாடு, இந்தியா
இருப்பிடம்	சென்னை, தமிழ்நாடு, இந்தியா
பணி	பாடலாசிாியர், இசையமைப்பாளர்.
செயற்பாட்டுக் காலம்	2011 – தற்போது

இளமை

கோவையில் பிறந்த ஜிப்ரான், பத்தாம் வகுப்பு படிக்கும் பொழுது அவரது தந்தையின் தொழில் முடங்கியதால், சென்னைக்குக் குடியேறினார்

தனது 8 ஆவது அகவையில், கிரேக்க இசைக்கலைஞர் யன்னியின் கின்னரப்பெட்டி வாசிப்பைக் கேட்டு அதில் மிக்க நாட்டம் கொண்டார். இசைப்பள்ளியில் சேர்ந்து படித்துக் கொண்டிருந்த வேளையில் ஒருசில தடங்கல்களால், கின்னரப்பெட்டி வகுப்பிற்குச் செல்லாமல் மாறாக பால் அகஸ்த்தின் என்பவரிடம் கிளபம் வாசிக்கக் கற்றுக் கொண்டார். இசைப்பள்ளி முடித்து இரண்டாண்டுகள் கழித்து (2000ம் ஆண்டு), சொந்தமாக இசைக்கூடம் ஒன்றை நிறுவினார். ஆறாண்டு காலத்தில், ஏறத்தாழ 700க்கும் மேற்பட்ட விளம்பரங்களுக்கு இசையமைத்துள்ளார்.

பின்னர் மேற்பட்டயப் படிப்பிற்காக சிங்கப்பூரின் பல்கலைக்கழகம் ஒன்றில் சேர்ந்தார். பகுதி நேர வேலையாக அங்கிருந்த சில இசைக்கூடங்களில் பின்னிசையாளராக பணியாற்றினார். போதிய வருமானமின்மையால், இந்தியா திரும்பினார். நீண்ட இடைவெளி காரணமாக, அவரது விளம்பரங்களுக்கு இசையமைக்கும் தொழில் பாதிப்படைந்தது.

இசையமைத்த படங்கள்

ஆண்டு	படத்தின் பெயர்	மொழி	குறிப்பு
2011	வாகை சூட வா	தமிழ்	வெற்றி: விஜய் விருதுகள் (இந்த ஆண்டின் சிறந்த கண்டுபிடிப்பு) பரிந்துரை: பிலிம்பேர் விருதுகள் (சிறந்த இசையமைப்பாளர்),
2013	வத்திக்குச்சி	தமிழ்
	குட்டிப் புலி	தமிழ்
	நய்யாண்டி	தமிழ்
2014	திருமணம் எனும் நிக்காஹ்	தமிழ்
	ரன் இராஜா ரன்	தெலுங்கு	தெலுங்கு திரைப்பட துறையில் முதல் படம்.
	அமரகாவியம்	தமிழ்
2015	ஜில்	தெலுங்கு
	உத்தம வில்லன்	தமிழ்
	பாபநாசம்	தமிழ்
	தூங்காவனம் (சீகட்டி ராஜ்ஜியம்)	தமிழ், தெலுங்கு
2016	பாபு பங்காரம்	தெலுங்கு
	ஹைபர்	தெலுங்கு	பாடல்களுக்கு மட்டும் இசை
2017	அதே கண்கள்	தமிழ்
	உங்காரலா ராம்பாபு	தெலுங்கு
	மகளிர் மட்டும் (2017)	தமிழ்
	அறம்	தமிழ்
	தீரன் அதிகாரம் ஒன்று	தமிழ்
	மாயவன்	தமிழ்
	சென்னை 2 சிங்கப்பூர்	தமிழ்
2018	விஸ்வரூபம் 2	தமிழ், இந்தி
	ஆண் தேவதை	தமிழ்
	ராட்சசன்	தமிழ்
2019 2020	அதிரன்	மலையாளம்
	ஹவுஸ் ஓனர்	தமிழ்
	கடாரம் கொண்டான் M	தமிழ்	Z

விருதுகள்

ஆண்டு	திரைப்படம்	மொழி	வகை	வழங்கியவர்	முடிவு
2011	வாகை சூட வா	தமிழ்	சிறந்த இசையமைப்பாளர்	பிலிம்பேர் விருதுகள்	பரிந்துரை
			ஆண்டின் சிறந்த கண்டுபிடிப்பு	விஜய் விருதுகள்	வெற்றி
			சிறந்த தன்னம்பிக்கையாளர்	ஆனந்த விகடன் விருதுகள்	வெற்றி
			சிறந்த இசையமைப்பாளர்	மிர்ச்சி திரையிசை விருதுகள்	வெற்றி
			சிறந்த அறிமுக இசையமைப்பாளர்	பிக் பண்பலை மெல்லிசை விருதுகள்	வெற்றி