ஜொகூர் பாரு மத்திய நிலையம்
ஜொகூர் பாரு மத்திய நிலையம் அல்லது லார்க்கின் சென்ட்ரல் எனும் ஜேபி சென்ட்ரல் (ஆங்கிலம்: Johor Bahru Sentral அல்லது JB Sentral மலாய்: Johor Bahru Sentral); ஜாவி: جوهر بهرو سينترال; சீனம்: 新山中央車站) என்பது மலேசியா, ஜொகூர், ஜொகூர் பாரு, புக்கிட் சாகார் (Bukit Chagar) பகுதியில் அமைந்துள்ள ஓர் ஒருங்கிணைந்த போக்குவரத்து மையம் ஆகும்.
ஜொகூர் பாரு மத்திய நிலையம் JB Sentral | |
|---|---|
| நகரங்களுக்கு இடையிலான தொடருந்து; பேருந்து நிலையம் | |
 | |
| இடம் | தெற்கு ஒருங்கிணைந்த நுழைவாயில்; புக்கிட் சாகர்,ஜொகூர் பாரு மலேசியா |
| அமைவு | 1°27′45″N 103°45′53″E / 1.46250°N 103.76472°Eஆள்கூறுகள்: 1°27′45″N 103°45′53″E / 1.46250°N 103.76472°E |
| உரிமம் | பிரதமர் துறையின் சொத்து மற்றும் நில மேலாண்மை பிரிவு |
| இயக்குபவர் | மலாயா தொடருந்து நிறுவனம் |
| தடங்கள் | மேற்கு கடற்கரை தொடருந்து தடம் (KTM West Coast railway line) |
| இருப்புப் பாதைகள் | 6 |
| கட்டமைப்பு | |
| மாற்றுத்திறனாளி அணுகல் | Yes |
| வரலாறு | |
| திறக்கப்பட்டது | 21 அக்டோபர் 2010 |
இந்தப் போக்குவரத்து மையம் 2010 அக்டோபர் 21-ஆம் தேதி திறக்கப்பட்டது. இது 200 மீ தெற்கே அமைந்து இருந்த ஜொகூர் பாரு தொடருந்து நிலையத்தில் (Johor Bahru Railway Stationn) இருந்து புக்கிட் சாகார் பகுதிக்கு மாற்றப்பட்டது. பழைய ஜொகூர் பாரு தொடருந்து நிலையம் தற்சமயம் மூடப்பட்டுவிட்டது.
ஒருங்கிணைந்த தெற்கு நுழைவாயிலின் (Southern Integrated Gateway) ஒரு பகுதியாக விளங்கும் இந்தப் போக்குவரத்து மையம், சுல்தான் இசுகந்தர் கட்டிடத்தில் அமைந்துள்ள சுங்கம், குடியேற்றம் மற்றும் தனிமைப் படுத்துதல் (Customs, Immigration and Quarantine (CIQ) Complex) வளாகத்துடன் இணைக்கப்பட்டுள்ளது.[1]
மலேசியா-சிங்கப்பூர் தரைப்பாலத்தின் (Johor–Singapore Causeway) வடக்கு முனையில் இந்த வளாகம் அமைக்கப்பட்டு உள்ளது. மலேசியா-சிங்கப்பூர் எல்லை வழியாக மலேசியாவிற்குள் நுழைவதற்கான இரண்டு தரைவழி இடங்களில் இதுவும் ஒன்றாகும். ஜொகூர் சுல்தான் இசுகந்தரின் (Sultan Iskandar of Johor) நினைவாக இந்தக் கட்டிடத்திற்குப் பெயரிடப்பட்டது.
சான்றுகள்தொகு
- ↑ "The Sultan Iskandar Complex Custom consists of an immigration checkpoint and a custom checkpoint. The Sultan Iskandar Complex Custom has a distinct look of Malaysian with a modern structure building". johor.attractionsinmalaysia.com. 18 April 2022 அன்று பார்க்கப்பட்டது.