புனே மண்டலம்

புணே மண்டலம் , கோலாப்பூர் மாவட்டம், புணே மாவட்டம், சாதாரா மாவட்டம், சாங்குலி மாவட்டம் மற்றும் சோலாப்பூர் மாவட்டம் என 5 மாவட்டங்களைக் கொண்டுள்ளது.

புணே
மண்டலம்
நாடு	இந்தியா
பகுதி	மேற்கு இந்தியா
மாநிலம்	மகாராட்டிரம்
தலைமையிடம்	புனே
மாவட்டங்கள்	கோலாப்பூர் மாவட்டம் புணே மாவட்டம் சாதாரா மாவட்டம் சாங்குலி மாவட்டம் சோலாப்பூர் மாவட்டம்

மகாராட்டிரா மாநிலத்தின் தென்மேற்கில் அமைந்த புணே மண்டலம் (பச்சை நிறம்) மற்றும் அதன் 5 மாவட்டங்கள்

புணே மண்டலம்

இது இந்தியாவின் மகாராட்டிர மாநிலத்தின் ஏழு மண்டலங்களில் ஒன்றாகும். இந்த மண்டலத்தின் எல்லைகளாக மேற்கில் கொங்கண் மண்டலமும், வடக்கே நாசிக் மண்டலமும், கிழக்கே ஔரங்காபாத் மண்டலம் (மராத்வாடா)வும், தெற்கே கர்நாடகமாநிலமும் அமைந்துள்ளன.

சில புள்ளிவிவரங்கள்

• பரப்பளவு: 58,268 கிமீ²
• மக்கட்தொகை (2001 கணக்கெடுப்பு): 19,973,761
• மாவட்டங்கள்: கோலாப்பூர், புணே, சாங்கிலி, சோலாப்பூர்
• படிப்பறிவு: 76.95%
• பாசன பரப்பு: 8,896 கிமீ²
• முக்கியப் பயிர்கள்: சோளம்,கம்பு,கரும்பு,கோதுமை,அரிசி,சோயா, வெங்காயம், நிலக்கடலை, காய்கறிகள், மஞ்சள், திராட்சை, மாதுளை

2013 ஆண்டில் மாநில சராசரியை விட கூடுதலாக பள்ளி இறுதித் தேர்வில் 81.91 விழுக்காடு மாணவர்கள் வெற்றி பெற்றுள்ளனர்.

வரலாறு

இந்திய விடுதலைக்குப் பின்னரும் மகாராட்டிரம் உருவானபின்னரும் மாவட்டங்களின் பெயர்களில் மாற்றமும் சில சேர்க்கைகளும் உண்டாயின. சில குறிப்பிடத்தக்க நிகழ்வுகள்:

• முந்தைய சிற்றரசுகளான மீரஜ், ஔந்த், சாங்க்லி, டஸ்காவ்ன் மற்றும் குருந்த்வாட் இவற்றை இணைத்து புதிய சாங்கிலி மாவட்டம் உருவானது.
• பூனா என அழைக்கப்பட்ட மாவட்டப பெயரை புணே என மாற்றியது.
• தற்போதைய சோலாப்பூர் மாவட்டத்திலிருந்து சில பகுதிகள் பிரிக்கப்பட்டு பந்தர்பூர் மாவட்டம் உருவாக்கத் திட்டமுள்ளது.
• தற்போதைய புணே மாவட்டத்திலிருந்து கிழக்கு பகுதிகளான புரந்தர் தாலுகா, தௌந்து தாலுகா, பாராமதி தாலுகா மற்றும், இந்தாப்பூர் தாலுகாக்களைக் கொண்டு புதிய பாராமதி மாவட்டம் உருவாக்க திட்டமிடப்பட்டுள்ளது.

இதனையும் காண்க

• மகாராட்டிரம்
• மகாராஷ்டிர அரசு
• மகாராஷ்டிர மாவட்டப் பட்டியல்
• மாவட்டம் (இந்தியா)