மனோஜ் கியான்

மனோஜ் கியான் (Manoj Gyan) என்பது இசை இயக்குனர்களான மனோஜ் சரண் / மனோஜ் பட்நகர் மற்றும் கியான் வர்மா ஆகிய இருவரையும் குறிக்கப் பயன்படும் ஒரு பெயர் ஆகும். 1980 களில், இருவரும் இணைந்து ஒரு சில இந்தி, தமிழ் படங்களுக்கு இசையமைத்தனர். மனோஜ் உத்தரபிரதேச மாநிலத்தைச் சேர்ந்தவர், கியான் பஞ்சாபைச் சேர்ந்தவர் .

மனோஜ் கியான்
பிற பெயர்கள்	மனோஜ் கியான், மனோஜ் சரண் பட்நாகர் & கியான் வர்மா
இசை வடிவங்கள்	திரைப்பட பின்னணி இசையமைப்பு, திரைப்பட பாடல் இசையமைப்பு
தொழில்(கள்)	இசையமைப்பாளர், இசை இயக்குநர்

தொழில்

1980 களில் இருவரும் ஊமை விழிகள், செந்தூரப்பூவே, இணைந்த கைகள் போன்ற படங்களுக்கு இசையமைத்தனர். இந்தத் திரைப்படங்களில் ரசிகர்களைக் கவர்ந்த பல பாடல்கள் இருந்தன.

குறிப்பாக ஊமை விழிகள் படத்தில், பி. பி. ஸ்ரீனிவாஸ் பாடிய "தோல்வி நிலையென நினைத்தால்" மிகப்பெரிய வெற்றி பெற்றது. இலங்கையில் விடுதலைப் புலிகளின் அதிகாரப்பூர்வமற்ற கீதமாக இந்தப் பாடல் ஏற்றுக்கொள்ளப்பட்டது.

இருவரும் 1989 இல் பிரிந்தனர். பிரிந்ததைத் தொடர்ந்து கயன் வர்மா இணைந்த கைகள், சத்திய வாக்கு உள்ளிட்ட இரண்டு படங்களுக்கு சொந்தமாக இசை அமைத்தார். மனோஜ் பந்தய குதிரைகள் என்ற படத்திற்கு தனியாக இசையமைத்தார், ஆனால் படம் வெளியாகவில்லை.

பல ஆண்டுகளுக்குப் பிறகு, மனோஜ் ஒரு ஒலிப்பதிவுக் கூடத்தைக் கட்டினார். இறுதியில் மனோஜ் பட்நகர் என்ற பெயரோடு 1998 இல் தயாரிப்பாளர்-இசை இயக்குநராக திரும்பினார். "என்றென்றும் காதல்" (விஜய் நடிப்பில்), " குட்லக் " (பிரசாந்த் நடிப்பில்) ஆகிய இரண்டு படங்களையும் இயக்கி இசையமைத்தார். இரண்டு படங்களும் பார்வையாளர்களிடமும் விமர்சகர்களிடமும் நேர்மறையான விமர்சனத்தைப் பெற்றன.

திரைப்படவியல்

மனோஜ் - கியான்

ஆண்டு	படம்	மொழி	குறிப்புகள்	மேற்கோள்கள்
1981	ரூஹி	இந்தி
1986	ஏக் மிசால்	இந்தி
1986	ஊமை விழிகள்	தமிழ்
1987	மேகம் கறுத்திருக்கு	தமிழ்
1987	உழவன் மகன்	தமிழ்
1987	ஆனந்த ஆராதனை	தமிழ்
1987	பரிசம் போட்டாச்சு	தமிழ்
1987	வைராக்கியம்	தமிழ்
1987	வெளிச்சம்	தமிழ்
1987	இவர்கள் இந்தியர்கள்	தமிழ்
1988	செந்தூரப்பூவே	தமிழ்
1988	உரிமை கீதம்	தமிழ்
1988	ஓம் ஃபரிஷ்டே நஹின்	இந்தி
1988	பஹார்	இந்தி
1989	காதல் என்னும் நதியினிலே	தமிழ்
1989	தாய் நாடு	தமிழ்

கியான் வர்மா

ஆண்டு	படம்	மொழி	குறிப்புகள்	மேற்கோள்
1990	இணைந்த கைகள்	தமிழ்
1990	கல்யாண ராசி	தமிழ்
1990	சத்ய வாக்கு	தமிழ்
1992	அண்ணன் என்னடா தம்பி என்னடா	தமிழ்

மனோஜ் சரண் / மனோஜ் பட்நாகர்

ஆண்டு	படம்	மொழி	குறிப்புகள்	மேற்கோள்
1992	மிஸ்டர் பிரசாத்	தமிழ்
1993	தாதி	தெலுங்கு
1994	சிறகடிக்க ஆசை	தமிழ்
1994	ஊழியன்	தமிழ்
1994	பிரேமா ஷிகாரம் / அனோகா பிரேமியுத்	தெலுங்கு / இந்தி
1997	சாம்ராட்	தமிழ்
1999	என்றென்றும் காதல்	தமிழ்
2000	குட்லக்	தமிழ்