அடல் பிகாரி வாச்பாய்

இந்தியாவின் பத்தாவது பிரதமர்

அடல் பிகாரி வாஜ்பாய் (Atal Bihari Vajpayee, திசம்பர் 25, 1924[1] - ஆகத்து 16, 2018[2]) 1996ம் ஆண்டு 13 நாட்களும், பின்னர் 1998 முதல் 1999 வரையிலான 13 மாதங்களுக்கு, அதைத் தொடர்ந்து 1999 முதல் 2004 வரையிலான முழு காலப்பகுதியாக இருந்து இந்தியாவின் பிரதமராக பதவி வகித்தவர். இவர் பாரதிய ஜனதா கட்சியை சேர்ந்தவர். மத்தியப் பிரதேச மாநிலத்தின் குவாலியரில் பிறந்த இவர் திருமணம் செய்து கொள்ளாதவர். 50 வருட நாடாளுமன்ற உறுப்பினரான இவர் மக்களவைக்கு 9 முறையும் மாநிலங்களவைக்கு 2 முறையும் தேர்ந்தெடுக்கப்பட்டார். இவர் 4 முறை வெவ்வேறு மாநிலங்களில் (உத்தர பிரதேசம், மத்திய பிரதேசம், குஜராத், டெல்லி) இருந்து தேர்ந்தெடுக்கப்பட்ட ஒரே உறுப்பினர் ஆவார். மொரார்ஜி தேசாய் அமைச்சரவையில், வெளியுறவுத் துறை அமைச்சராகவும் இவர் பணியாற்றியுள்ளார்.[3]

அடல் பிகாரி வாஜ்பாய்
Atal Bihari Vajpayee tribute image (cropped).jpg
10ஆம் இந்தியப் பிரதமர்
பதவியில்
19 மார்ச் 1998 – 22 மே 2004
குடியரசுத் தலைவர் கே. ஆர். நாராயணன்
ஆ. ப. ஜெ. அப்துல் கலாம்
துணை லால் கிருஷ்ண அத்வானி
முன்னவர் ஐ. கே. குஜரால்
பின்வந்தவர் மன்மோகன் சிங்
பதவியில்
16 மே 1996 – 1 சூன் 1996
குடியரசுத் தலைவர் சங்கர் தயாள் சர்மா
முன்னவர் பி. வி. நரசிம்ம ராவ்
பின்வந்தவர் தேவகவுடா
வெளிவிவகாரத் துறை அமைச்சர்
பதவியில்
19 மார்ச் 1998 – 5 திசம்பர், 1998
முன்னவர் ஐ. கே. குஜ்ரால்
பின்வந்தவர் ஜஸ்வந்த் சிங்
பதவியில்
16 மே 1996 – 21 மே 1996
முன்னவர் பிரணப் முக்கர்ஜி
பின்வந்தவர் சிக்கந்தர் பகத்
பதவியில்
26 மார்ச் 1977 – 28 சூலை 1979
பிரதமர் மொரார்ஜி தேசாய்
முன்னவர் யசுவந்த்ராவ் சவாண்
பின்வந்தவர் சியாம் நந்தன் பிரசாத் மிஸ்ரா
தனிநபர் தகவல்
பிறப்பு திசம்பர் 25, 1924(1924-12-25)
குவாலியர், [ இந்தியப் பேரரசு
இறப்பு 16 ஆகத்து 2018(2018-08-16) (அகவை 93)
தில்லி, இந்தியா
அரசியல் கட்சி பாரதிய ஜனதா கட்சி (1980 முதல்)
பிற அரசியல்
சார்புகள்
பாரதிய ஜனசங்கம் (1951–1977)
ஜனதா கட்சி (1977–1980)
படித்த கல்வி நிறுவனங்கள் ஸ்ரீ சரஸ்வதி தேவி வித்யாலயா குவாலியர்
மகாராணி லட்சுமி பாய் கல்லூரி (இளங்கலை), குவாலியர்
டி.ஏ.வி கல்லூரி (முதுகலை), கான்பூர்
தொழில் அரசியல்வாதி, கவிஞர்
சமயம் இந்து சமயம்
இணையம் http://www.atalbiharivajpayee.in

ஆரம்ப வாழ்க்கை மற்றும் கல்விதொகு

அடல் பிஹாரி வாஜ்பாய் அவர்கள் கிருஷ்ணபிஹாரி வாஜ்பாய்–கிருஷ்ணவேணிதேவி தம்பதியருக்கு திசம்பர் 25, 1924 அன்று மத்திய பிரதேசத்தில் உள்ள குவாலியரில் பிறந்தார். இவருக்கு பிரேம்நாத் வாஜ்பாய் என்ற ஒரு இளைய சகோதரர் உள்ளார். இவருக்கு பெற்றோர்கள் தனது குல கடவுளான ஸ்ரீ கிருஷ்ணரின் தந்தையான வாசுதேவன் என்கிற பெயரை வாசு+நன்றி மறவாதவன்/தேவன்(ஆண்மகன்)+பாய் ஆங்கிலோ இந்திய பெயராக மாற்றி வாசுபாய் என்று பெயரிட்டனர். இவரது தாத்தா பண்டிட் ஷியாம் லால் வாஜ்பாய், உத்தரப்பிரதேசத்தின் பாதேஷ்வர் என்ற அவரது பூர்வீக கிராமத்திலிருந்து குவாலியருக்கு குடியேறினார். அவரது தந்தை, கிருஷ்ணா பிஹாரி வாஜ்பாயி, தனது சொந்த ஊரில்  ஒரு கவிஞரும் பள்ளிக்கூட ஆசிரியருமாவார். வாஜ்பாயி சரஸ்வதி ஷிஷு மந்திர், கோர்கி, பரா, குவாலியரில் தனது ஆரம்ப பள்ளி படிப்பை முடித்தார். வாஜ்பாய் குவாலியரின் விக்டோரியா கல்லூரியில் (தற்போது லக்ஷ்மி பாய் கல்லூரி) சேர்ந்தார். மேலும் இந்தி, ஆங்கிலம் மற்றும் சமஸ்கிருத மொழிகளில் தனி தகுதியுடன் பட்டம் பெற்றார். கான்பூரில் உள்ள டி.ஏ.ஏ. கல்லூரியில் எம்.ஏ., அரசியல் அறிவியல் துறையில் முதல் வகுப்பு பட்டம் பெற்றார்.

ஆர்வ சமாஜின் இளைஞர் பிரிவான ஆர்யா குமாரின் ஆர்யா குமார் சபாவுடன் 1944ல் பொதுச் செயலாளராகப் பணியாற்றினார். 1939ல் ராஷ்டிரிய ஸ்வயம்சேவக் சங்கம் (ஆர்.எஸ்.எஸ்) ஒரு ஸ்வேயெம்சேவாவில் இணைந்தார். பாபா சாஹேப் ஆப்டி அவர்கள் மீதான ஈடுபாடு காரணமாக 1940-44ல் ஆர்.எஸ்.எஸ் அதிகாரிகளின் பயிற்சி முகாமுக்குச் சென்று 1947 ஆம் ஆண்டில் ஒரு முழுநேர ஊழியர் ஆனார். பிரிவினை கலவரம் காரணமாக சட்ட படிப்பினை அவரால் தொடர இயலவில்லை. உத்தரபிரதேசத்திற்கு ஒரு விஸ்டாராக (probationary pracharak) அனுப்பப்பட்டார். விரைவில் டீன்யல் உபாடியாயா, ராஷ்டிரதர்மம் (இந்தி மாதத்தில்), பஞ்சஜானியா (ஒரு இந்தி வார இதழ்) மற்றும் நாவல்கள் ஸ்வாதேஷ் மற்றும் வீர் அர்ஜூன் ஆகியோரின் பத்திரிகைகளில் பணிபுரியத் தொடங்கினார். இவர் திருமணம் செய்து கொள்ளவில்லை, இவருடைய முழு வாழ்வும் இந்த இந்திய தேசத்திற்கு அர்ப்பணித்தார்.

அரசியலில் ஈடுபாடுதொகு

 
வெள்ளை மாளிகையில் அடல் பிகாரி வாச்பாயும் அதிபர் புஷ் சந்திப்பு,2001

இவர் மூன்றாவது முறையாகப் பிரதமராகப் தேர்ந்தெடுக்கப்பட்ட பின் நாடு பல கோணங்களில் முன்னேறியது. குறிப்பாகத் தகவல் தொழில்நுட்பத் துறை மற்றும் சாலைப் போக்குவரத்துத் துறைகள் போன்றவையாகும்.

விருதுதொகு

இந்தியாவின் உயரிய பாரத் ரத்னா விருதினை, 27 மார்ச் 2015 அன்று இந்தியக் குடியரசுத் தலைவரும் மற்றும் இந்தியப் பிரதமரும், வாஜ்பாயின் இல்லம் சென்று வழங்கி கௌரவித்தனர்.[4]

மறைவுதொகு

வயது மூப்பு மற்றும் உடல்நலக்குறைவு காரணமான 16 ஆகஸ்டு 2018ல் மறைந்தார் அடல் பிகாரி வாஜ்பாய். அவரது பூத உடலுக்கு, இந்திய அரசு இராணுவ மரியாதையுடன், ராஜ்காட் அருகே உள்ள தேசிய நினைவிடத்தில் (இராஷ்டிரிய ஸ்மிரதி ஸ்தல்) வைத்து, அவரது வளர்ப்பு மகள் நமிதா பட்டாச்சாரியா கொள்ளி வைத்தார்.[5]

இவற்றையும் பார்க்கவும்தொகு

மேற்கோள்கள்தொகு

  1. "Atal Bihari Vajpayee Biography – About family, political life, awards won, history". www.elections.in. 2017-07-24 அன்று பார்க்கப்பட்டது.
  2. "Atal Bihari Vajpayee, Former Prime Minister and BJP Stalwart, Passes Away Aged 93 at AIIMS". News18. 2018-08-16. https://www.news18.com/news/india/atal-bihari-vajpayee-former-prime-minister-and-bjp-stalwart-passes-away-aged-93-1845937.html. 
  3. "வாஜ்பாய்' எனும் அரசியல் சகாப்தம்... பிறந்ததின சிறப்பு பகிர்வு". (திசம்பர் 25, 2016) புதிய தலைமுறை
  4. வாஜ்பாய்க்கு பாரத ரத்னா விருதை வழங்கினார் பிரணாப்
  5. Former PM Vajpayee cremated with full state honour, daughter Namita lights funeral pyre

வெளி இணைப்புகள்தொகு

"https://ta.wikipedia.org/w/index.php?title=அடல்_பிகாரி_வாச்பாய்&oldid=3495153" இருந்து மீள்விக்கப்பட்டது