அய்யலூர்

அய்யலூர் (ஆங்கிலம்:Ayyalur), இந்தியாவின் தமிழ்நாடு மாநிலத்தில் அமைந்துள்ள திண்டுக்கல் மாவட்டம், வேடசெந்தூர் வட்டத்தில் இருக்கும் ஒரு பேரூராட்சி ஆகும். அய்யலூர் பேரூராட்ட்சி 21 சகிமீ பரப்பும், 2011-இல் 17100 மக்கள்தொகையும், 15 வார்டுகளும், 52 தெருக்களும் கொண்டது. இப்பேரூராட்சியி்ல் 52 உட்கடை கிராமங்கள் அடங்கியுள்ளது. அய்யலூர் பேரூராட்சி வேடசந்தூர் சட்டமன்றத் தொகுதிக்கும், கரூர் மக்களவைத் தொகுதிக்கும் உட்பட்டது.

அய்யலூர்
—  பேரூராட்சி  —
அய்யலூர் அமைவிடம்: அய்யலூர், தமிழ்நாடு , இந்தியா
ஆள்கூறு	10°28′51″N 78°09′23″E
நாடு	இந்தியா
மாநிலம்	தமிழ்நாடு
மாவட்டம்	திண்டுக்கல்
வட்டம்	வேடசெந்தூர்
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்	மொ.நா. பூங்கொடி, இ. ஆ. ப
மக்கள் தொகை • அடர்த்தி	17,100 (2011) • 814/km2 (2,108/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	21 சதுர கிலோமீட்டர்கள் (8.1 sq mi)
குறியீடுகள் • அஞ்சல் குறியீட்டு எண் • 624801 • வாகனம் • TN57
இணையதளம்	www.townpanchayat.in/ayyalur

அமைவிடம்

திண்டுக்கல் - திருச்சி நெடுஞ்சாலையில் அமைந்த அய்யலூர் பேரூராட்சி, திண்டுகல்லிருந்துயிலிருந்து 25 கிமீ; வேடசந்தூரிலிருந்து 16 கிமீ தொலைவில் உள்ளது.

பேரூராட்சியின் அமைப்பு

21 சகிமீ பரப்பும், 15 பேரூராட்சி மன்ற உறுப்பினர்களையும், 52 தெருக்களையும் கொண்ட இப்பேரூராட்சி வேடசந்தூர் (சட்டமன்றத் தொகுதி)க்கும், கரூர் மக்களவைத் தொகுதிக்கும் உட்பட்டது.

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 3,824 வீடுகளும், 17,100 மக்கள்தொகையும் கொண்டது. மேலும் இப்பேரூராட்சியின் எழுத்தறிவு 61.6% மற்றும் பாலின விகிதம் 1,000 ஆண்களுக்கு, 999 பெண்கள் வீதம் உள்ளனர். குழந்தைகள் பாலின விகிதம் 1000 ஆண் குழந்தைகளுக்கு, 961 பெண் குழந்தைகள் வீதம் உள்ளனர். பட்டியல் சாதியினரும் பட்டியல் பழங்குடியினரும் முறையே 915 மற்றும் 6 ஆகவுள்ளனர்.