ஜோசு மாலிகாபாடி
புரட்சியின் கவிஞர் என்று பிரபலமாக அழைக்கப்படும் ஜோசு மாலிகாபாடி (Josh Malihabadi) (5 திசம்பர் 1898 - 22 பெப்ரவரி 1982) என்பவர் பிரிட்டிசு இந்தியாவின் சகாப்தத்தின் மிகச்சிறந்த உருது கவிஞர்களில் ஒருவராக கருதப்படுகிறார். ஜோசு எப்போதும் நிறுவப்பட்ட ஒழுங்கை சவால் செய்து தாராளவாத விழுமியங்களுக்காக நின்றார். இவர் தைரியமானவராக இருந்தார். இவர் ஒருபோதும் கொள்கைகளில் சமரசம் செய்யவில்லை. இவர் தனது வாழ்நாளில் 100,000 க்கும் மேற்பட்ட அழகான இணை கவிதைகளையும் 1,000 க்கும் மேற்பட்ட ரூபாயத்தையும் எழுதினார். இவரது சுயசரிதையான “யாதோன் கி பாரத்” என்பது உருது மொழியில் இதுவரையில் மிகச் சிறந்ததாகக் கருதப்படுகிறது. ஏனெனில் இது வெளிப்படையான மற்றும் நேர்மையான முறையில் எழுதப்பட்டுள்ளது. இந்தியாவின் முதல் பிரதம மந்திரி ஜவகர்லால் நேரு இவரை மிகவும் மதித்தார். லாலா கிஷண் லால் கல்ராவின் யுனைடெட் காபி இல்லத்தில் நடந்த கூட்டத்தில் கலந்து கொள்ளும் வாய்ப்பை தவறவிட்டார். அங்கு ஜோசு நட்சத்திர ஈர்ப்பாக இருந்தார்.[1][2] இவர் பாக்கித்தானுக்கு குடிபெயர்ந்து பாக்கித்தான் குடிமகனாக ஆன 1956 வரை இந்திய குடிமகனாக இருந்தார். இவரது சில படைப்புகள் ஆங்கிலத்திற்கு மொழிபெயர்க்கப்பட்டன. தி யூனிட்டி ஆஃப் மேன்கைண்ட் எலிஜீஸ் என்ற நூலை பாக்கித்தான் குடிமகனும் உயர் நீதிமன்ற வழக்கறிஞருமான சையத் அக்பர் பாசா திர்மிஜி என்பவர் மொழி பெயர்த்தார்.[3]
ஜோசு மாலிகாபாடி | |
|---|---|
 ஜோசு (1949) | |
| பிறப்பு | சபீர் அசன் கான் 1898 திசம்பர் 5 மாலிகாபாத், வடமேற்கு மாகாணங்கள், பிரித்தானிய இந்தியாவின் மாகாணங்களும், ஆட்சிப் பகுதிகளும் |
| இறப்பு | 22 பெப்ரவரி 1982 (அகவை 83) இஸ்லாமாபாத், பாக்கித்தான் |
| தேசியம் | இந்தியன் (1956 வரை) பின்னர் பாகிஸ்தானியர் |
| மற்ற பெயர்கள் | சயார்-இ-இன்குலாப் |
| கல்வி | புனித பீட்டர் கல்லூரி விஸ்வபாரதி பல்கலைக்கழகம் |
| பணி | கவிஞர், சிந்தனையாளர், தொலைநோக்கு பார்வையாளர், மொழியியலாளர் |
| அரசியல் இயக்கம் | முற்போக்கு எழுத்தாளர்களின் இயக்கம் |
| விருதுகள் | பத்ம பூசண் (1954) இலால்-இ-இம்தியாசு (2013) |
ஆரம்ப கால வாழ்க்கை
தொகுபிரிட்டிசு இந்தியாவின் ஐக்கிய மாகாணத்திலுள்ள மாலிகாபாத்தில் அப்ரிடி பதான் வம்சாவளியைச் சேர்ந்த உருது மொழி பேசும் ஒரு முஸ்லீம் குடும்பத்தில் ஜோசு பிறந்தார். இவர் தனது வீட்டில் அரபு, பாரசீகம், உருது மற்றும் ஆங்கிலம் போன்ற மொழிகளில் ஆரம்பக் கல்வியைப் பெற்றார். ஆக்ராவின் புனித பீட்டர் கல்லூரியில் படித்த இவர் 1914 இல் தனது பொது கல்வி சான்றிதழ் தேர்வில் தேர்ச்சி பெற்றார். பின்னர், இவர் அரபு மற்றும் பாரசீக மொழியைப் பயின்றார். 1918 இல், சாந்திநிகேதனில் உள்ள தாகூரின் பல்கலைக்கழகத்தில் ஆறு மாதங்கள் கழித்தார். 1916 இல் இவரது தந்தை பசீர் அகமது கான் மரணம் இவரை கல்லூரிக் கல்வியில் ஈடுபடுவதைத் தடுத்தது.
இவரது குடும்பத்தினருக்கு கடிதங்களை உருவாக்கும் நீண்ட பாரம்பரியம் இருந்தது. உண்மையில், இவரது தாத்தா, நவாப் பாகீர் முகம்மது கான் கோயா, தாத்தா நவாப் முகம்மது அஹ்மத் கான், தந்தைவழி மாமா அமீர் அகமது கான் மற்றும் தந்தை பசீர் அகமது கான் ஆகியோர் ஏராளமான படைப்புகளை (கவிதைத் தொகுப்புகள், மொழிபெயர்ப்புகள் மற்றும் கட்டுரைகள்) கொண்ட கவிஞர்கள் ஆவர்.[4] பத்திரிகையாளரும் அறிஞரும் மற்றும் அபுல் கலாம் ஆசாத்தின் நம்பிக்கையான அப்துர் ரசாக் மாலிகாபாடி இவரது உறவினர் ஆவார்.[5]
தொழில்
தொகு1925 ஆம் ஆண்டில், ஜோசு ஐதராபாத் மாநிலத்தில் உள்ள உசுமானியா பல்கலைக்கழகத்தில் மொழிபெயர்ப்பு பணிகளை மேற்பார்வையிடத் தொடங்கினார். இருப்பினும், அப்போதைய மாநில ஆட்சியாளராக இருந்த ஐராபாத்தின் நிஜாமுக்கு எதிராக ஒரு கவிதையை எழுதியதற்காக நாடுகடத்தப்படும்வரை அங்கு தங்கியிருந்தார்.
அதன்பிறகு, இவர் கலீம் (அதாவது உருது மொழியில் "பேச்சாளர்") என்ற பத்திரிகையை நிறுவினார். அதில் இவர் இந்தியாவில் பிரிட்டிசு இராச்சியத்திடமிருந்து சுதந்திரத்திற்கு ஆதரவாக கட்டுரைகளை எழுதினார். உசேன் அவுர் இங்குலாப் (உசேன் மற்றும் புரட்சி) இவரது கவிதை இவருக்கு ஷேர்-இ-இன்குலாப் (புரட்சியின் கவிஞர்) என்ற பட்டத்தை பெற்றுத் தந்தது. பின்னர், இவர் சுதந்திரப் போராட்டத்தில் தீவிரமாக ஈடுபட்டார். மேலும் அந்தக் காலத்தின் சில அரசியல் தலைவர்களுடன், குறிப்பாக ஜவகர்லால் நேருவுடன் (பின்னர் சுதந்திர இந்தியாவின் முதல் பிரதமரானார்.) நெருக்கமாக இருந்தார். 1947 இல் இந்தியாவில் பிரிட்டிசு இராச்சியம் முடிந்த பிறகு, ஜோசு ஆஜ்-கல் என்ற பத்திரிக்கையின் ஆசிரியரானார்.[6]
பாக்கித்தானில் ஜோசு
தொகுஜோசு 1956 இல் பாக்கித்தானுக்கு குடிபெயர்ந்தார் - இதற்கு எதிராக ஜவகர்லால் நேரு வற்புறுத்திய போதிலும் - இந்தியாவில் ஜோசு மற்றும் உருது மொழியின் எதிர்காலம் குறித்து நேரு கவலைப்பட்டதாக பொதுவாக நம்பப்படுகிறது,[7] அங்கு இந்து பெரும்பான்மை உருதுவை விட இந்தி பயன்பாட்டை ஊக்குவிக்கும் என்று இவர் நினைத்தார். குடியேற்றத்திற்குப் பிறகு, ஜோசு கராச்சியில் குடியேறி, பாக்கித்தான் மற்றும் இந்தியாவில் உருது மொழி, இலக்கியம் மற்றும் கலாச்சாரத்தை மேம்படுத்துவதற்கும் பரப்புவதற்கும் செயல்படும் அஞ்சுமான் தாரக்கி உருது என்ற ஒரு அமைப்பில் இணைந்து பணியாற்றினார்.[8]
இறப்பு
தொகு1982 பிப்ரவரி 22 அன்று இஸ்லாமாபாத்தில் இறக்கும் வரை அவர் பாக்கித்தானில் இருந்தார்.[9].
மரியாதை
தொகு- 1954 இல் இந்தியாவின் மூன்றாவது மிக உயர்ந்த குடிமை விருதான பத்ம பூசண் வழங்கப்பட்டது.[10]
- "நூற்றாண்டின் கவிஞர்" என்ற தலைப்பை 1992 ஆம் ஆண்டில் "கப்லா-பெரா" என்ற அமைப்பு வழங்கியது.
- எமர்சன் கல்லூரியின் முன்னாள் மாணவர்கள் சங்கத்தின் கமல்-இ-சுக்கன் விருது அறிவிக்கப்பட்டது, முல்தான் 1999 .
- 23 மார்ச் 2013 அன்று பாக்கித்தானின் இரண்டாவது மிக உயர்ந்த குடிமை விருதான இலால்-இ-இம்தியாசு வழங்கப்பட்டது.[11]
- அலி சர்தார் சாப்ரி என்பவரால் இயக்கப்பட்ட ஜோசியின் வாழ்க்கை வரலாறான ககாசன் என்ற தொடர் தூர்தர்ஷன் நேசனல் தொலைக்காட்சியில் ஒளிபரப்பப்பட்டது.
குறிப்புகள்
தொகு- ↑ https://www.asian-voice.com/News/India/Josh-Malihabadi%E2%80%99s-defection-to-Pakistan
- ↑ http://www.nation.com.pk/pakistan-news-newspaper-daily-english-online/Karachi/07-Nov-2009/Research-work-on-Josh-Malihabadi-underway பரணிடப்பட்டது 2013-02-23 at the வந்தவழி இயந்திரம், published 7 November 2009, Retrieved 6 March 2016
- ↑ "காப்பகப்படுத்தப்பட்ட நகல்". Archived from the original on 2019-07-25. பார்க்கப்பட்ட நாள் 2020-07-26.
- ↑ "Malihabad: An Oasis of Poets" by Dr. Navras Jaat Aafreedi, Azad Academy Journal, XIX, 3
- ↑ Ghulam Akbar, He was not hanged, Midas (1989), p. 109
- ↑ http://allpoetry.com/Josh-Malihabadi, Biography of Josh Malihabadi on allpoetry.com website, Retrieved 6 March 2016
- ↑ "Partition's unresolved business". The Hindu (Chennai, India). 6 March 2016 இம் மூலத்தில் இருந்து 30 ஜூன் 2003 அன்று. பரணிடப்பட்டது.. https://web.archive.org/web/20030630232658/http://www.hindu.com/thehindu/mag/2002/10/06/stories/2002100600210400.htm.
- ↑ http://www.thefreelibrary.com/Josh+Malihabadi+remembered+on+his+31st+death+anniversary.-a0320041947, Retrieved 7 March 2016
- ↑ http://www.dawn.com/news/607275/biography-josh-the-man-the-vision, Biography of Josh Malihabadi on Dawn newspaper, Karachi, published 19 Feb 2011, Retrieved 6 March 2016
- ↑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 November 2014. பார்க்கப்பட்ட நாள் 21 July 2015.
- ↑ http://nation.com.pk/national/24-Mar-2013/president-decorates-civil-and-mily-awards-on-pakistan-day, Hilal-i-Imtiaz Award conferred on Josh, The Nation newspaper, published 24 March 2013, Retrieved 6 March 2016
வெளி இணைப்புகள்
தொகு- Josh Malihabadi at Rekhta.com (Roman Script)
- Josh Malihabadi at Kavita Kosh பரணிடப்பட்டது 2020-07-26 at the வந்தவழி இயந்திரம் (Hindi)
- Josh Malihabadi at Jakhira.com (Hindi)