திருவாவடுதுறை ஆதீனம்
திருக்கயிலாய பரம்பரைத் திருவாவடுதுறை ஆதீனம் தென் இந்தியாவிலுள்ள சைவ ஆதீனங்களில் முதன்மையான ஆதீனமாகும். இது மயிலாடுதுறை மாவட்டம் குத்தாலம் வட்டத்தில் மயிலாடுதுறை-கும்பகோணம் சாலையில் திருவாலங்காட்டிலிருந்து சுமார் இரண்டு கிலோ மீட்டர் தொலைவில் அமைந்துள்ளது.
 | |
| நிறுவனர் | நமசிவாய மூர்த்திகள் |
|---|---|
| தலைமையகம் |
|
முதல் ஆதீனம் | நமசிவாய மூர்த்திகள் |
தற்போதைய ஆதீனம் | ஸ்ரீலஸ்ரீ அம்பலவாண தேசிக பரமாச்சாரிய ஸ்வாமிகள் |
| சார்புகள் | சைவம் |
திருக்கயிலாய பரம்பரை குருமரபில் தழைத்தோங்கி வருகின்ற இவ்வாதீனம் ஸ்ரீ மெய்கண்டாரின் வழிவழி சித்தர் சிவப்பிரகாசரிடம் ஞானோபதேசம் பெற்ற அருள்திரு நமசிவாய மூர்த்திகள் அவர்களால் கி.பி. 14-ஆம் நூற்றாண்டில் தோற்றுவிக்கப்பெற்றது. சித்தர் சிவப்பிரகாசர், அருள் நமசிவாயரிடம் தீட்சை பெற்றவர். அருள் நமச்சிவாயர், உமாபதி சிவாச்சாரியாரிடம் உபதேசம் பெற்றவர்.[1]
கிளைகள்
தொகுதிருநெல்வேலி, கன்னியாகுமரி,திருவெண்ணெய்நல்லூர், திருவண்ணாமலை, காஞ்சிபுரம், திருநள்ளாறு, இராமேசுவரம், மதுரை, திருச்செந்தூர், மற்றும் காசி, காளஹஸ்தி உட்பட 50-இக்கும் மேற்பட்ட இடங்களில் இதன் கிளை மடங்கள் உள்ளன.
கோயில்கள்
தொகுதிருவாவடுதுறை ஆதீனத்தின் கட்டுப்பாட்டில் சிறியதும் பெரியதுமாக ஏறத்தாழ 75 கோவில்கள் உள்ளன. அவற்றில் சில கோவில்கள் மட்டும் கீழே பட்டியலிடப்பட்டுள்ளது[2].
- திருவாவடுதுறை கோமுக்தீசுவரர் கோயில்
- திருவிடைமருதூர் மகாலிங்கேஸ்வரர் கோயில்
- மயிலாடுதுறை மயூரநாதசுவாமி கோயில்
- திருவீழிமிழலை வீழிநாதேஸ்வரர் கோயில்
- இலுப்பைபட்டு நீலகண்டேஸ்வரர் கோயில்
- திருமாந்துறை அட்சயநாதசுவாமி கோயில்
- திருமங்கலக்குடி பிராணநாதேசுவரர் கோயில்
- திருநீலக்குடி நீலகண்டேஸ்வரர் கோயில்
- திருநல்லூர் பஞ்சவர்ணேசுவரர் கோயில்
- ஆவுடையார் கோயில் ஆத்மநாதசுவாமி கோயில்
- சூரியனார் கோவில்
- வானாபுரம் பாணபுரீஸ்வரர் கோயில்
- தென் திருவாலங்காடு
- அட்சயநாதசுவாமி கோயில், நரசிங்கம்பேட்டை
- சுயம்புநாதசுவாமி திருக்கோவில், நரசிங்கம்பேட்டை
- நரசிங்கன்பேட்டை கஸ்தூரிஅம்மன் கோயில்
- கரைகண்டம் விஸ்வநாத சுவாமி கோயில்
- சோமநாதசுவாமி திருக்கோயில் ஆறுமுகநேரி
- சந்திவிநாயகர் கோயில், திருநெல்வேலி டவுன்
- சுப்ரமணிய சுவாமி கோவில், குறுக்குத்துறை
தமிழ்நூல்கள் மற்றும் நூலகம்
தொகுஇந்த ஆதீனம் ஐந்நூறுக்கும் மேற்பட்ட தமிழ்நூல்களை வெளியிட்டும், மறுபதிப்புச் செய்தும் வெளியிட்டுள்ளது, திருக்குறளை முதன்முதலில் அடி, சீர் அமைத்து வெளியிடப்பட்டது, திருவாவடுதுறை ஆதீன சரஸ்வதி மகால் நூலகத்தில் சைவம், வைத்தியம், இலக்கணம், நாடகம், புராணம் எனப் பலதுறை சார்ந்த வேறெங்கும் காணக் கிடைக்காத அரிய பழமையான ஓலைச்சுவடிகள், பழைய அச்சுப் பதிப்புகள் பாதுகாத்து வைக்கப்பட்டுள்ளன. 23-ஆவது குருமகாசந்நிதானத்தின் ஒப்புதலின் பேரில், சரஸ்வதி மகால் நூலகத்தில் உள்ள ஓலைச்சுவடிகளின் மறுவடிவ பாதுகாப்பும் புகைப்படம் எடுத்தலும் பாரதிதாசன் பல்கலைக்கழகத்தாரால் மேற்கொள்ளப்பட்டது.[3]
குருமகா சந்நிதானம்
தொகுதிருக்கயிலாய பரம்பரை திருவாவடுதுறை ஆதீனத்தின் முதல் குரு மகா சந்நிதானம் திருவாவடுதுறை ஆதீனத்தைத் தோற்றுவித்த அருள்திரு நமசிவாயமூர்த்திகள் ஆவார்.[1]
| எண் | குருமகாசந்நிதானங்கள் | குறிப்பு |
|---|---|---|
| 1 | ஸ்ரீலஸ்ரீ நமசிவாய மூர்த்திகள் | ஆதின நிறுவனர், குரு முதல்வர் |
| 2 | ஸ்ரீலஸ்ரீ மறைஞான தேசிகர் | |
| 3 | ஸ்ரீலஸ்ரீ அம்பலவாண தேசிகர் | பண்டார சாத்திர நூல்களில் 10 நூல்கள் இவரால் இயற்றப்பட்டவை |
| 4 | ஸ்ரீலஸ்ரீ உருத்திரகோடி தேசிகர் | |
| 5 | ஸ்ரீலஸ்ரீ வேலப்ப தேசிகர் | |
| 6 | ஸ்ரீலஸ்ரீ குமாரசாமி தேசிகர் | |
| 7 | ஸ்ரீலஸ்ரீ குமாரசாமி தேசிகர் | காலம் 1622-1625 |
| 8 | ஸ்ரீலஸ்ரீ மாசிலாமணி தேசிகர் | காலம் 1625-1658 |
| 9 | ஸ்ரீலஸ்ரீ இராமலிங்க தேசிகர் | காலம் 1658-1678 |
| 10 | ஸ்ரீலஸ்ரீ வேலப்ப தேசிகர் | காலம் 1678-1700 |
| 11 | ஸ்ரீலஸ்ரீ வேலப்ப தேசிகர் | காலம் 1700-1730 |
| 12 | ஸ்ரீலஸ்ரீ திருச்சிற்றம்பல தேசிகர் | காலம் 1730-1770 |
| 13 | ஸ்ரீலஸ்ரீ அம்பலவாண தேசிகர் | காலம் 1770-1789 |
| 14 | ஸ்ரீலஸ்ரீ வேளூர் சுப்பிரமணிய தேசிகர் | காலம் 1789-1845 |
| 15 | ஸ்ரீலஸ்ரீ அம்பலவாண தேசிகர் | காலம் 1845-1869 |
| 16 | ஸ்ரீலஸ்ரீ மேலகரம் சுப்பிரமணிய தேசிகர் | காலம் 1869- 1888 |
| 17 | ஸ்ரீலஸ்ரீ அம்பலவாண தேசிகர் | காலம் 07-01-1888 - 15-04-1920 |
| 18 | ஸ்ரீலஸ்ரீ சுப்பிரமணிய தேசிகர் | காலம் 15-04-1920 - 05-02-1922 |
| 19 | ஸ்ரீலஸ்ரீ வைத்தியலிங்க தேசிகர் | காலம் 05-02-1922 - 1937 |
| 20 | ஸ்ரீலஸ்ரீ அம்பலவாண தேசிகர் | காலம் 1937 - 13-04-1951 |
| 21 | ஸ்ரீலஸ்ரீ சுப்பிரமணிய தேசிகர் | காலம் 13-04-1951 - 23-09-1967 |
| 22 | ஸ்ரீலஸ்ரீ அம்பலவாண தேசிகர் | காலம் 23-09-1967 - 07-04-1983 |
| 23 | ஸ்ரீலஸ்ரீ சிவப்பிரகாச தேசிக பரமாச்சாரிய ஸ்வாமிகள் | காலம் 07-04-1983 - 23-11-2012 |
| 24 | ஸ்ரீலஸ்ரீ அம்பலவாண தேசிக பரமாச்சாரிய ஸ்வாமிகள் | காலம் 23-11-2012 - தற்பொழுது வரை |
திருவாவடுதுறை ஆதீனத்தின் 23-ஆவது குருமகாசன்னிதானமாக 25 ஆண்டுகளாய் விளங்கியவர் சிவப்பிரகாச தேசிக பரமாச்சாரிய சுவாமிகள். 2012-ஆம் ஆண்டு நவம்பர் 21 தேதியன்று அன்று இச்சுவாமிகள் முக்தி அடைந்தார். திருவிடைமருதூர் கோவில் கட்டளைத் தம்பிரானாக இருந்த மீனாட்சிசுந்தர தம்பிரான்(பெரிய பூசை தம்பிரான்) சுவாமிகள் ஸ்ரீலஸ்ரீ அம்பலவாண தேசிக பண்டார சந்நிதிகள் என்ற பெயருடன் 24-ஆவது குருமகாசந்நிதானமாகப் பட்டமேற்றார்.[4]
(சில சமயங்களில் ஊடகங்களினால் பீடாதிபதி/மடாதிபதி பதவியும், உயர்வாக ஆதீனம் என்று வேறுபாடின்றி ஒரேபெயரால் பெருமையுடன் அழைக்கப்படுகின்றார்கள்.)
இந்தியா சுதந்திரம் பெற்ற நிகழ்வில் திருவாவடுதுறை ஆதீனத்தின் பங்களிப்பு
தொகுஆங்கிலேயரிடம் இருந்து இந்தியா சுதந்திரம் பெற்றதை அடையாளப்படுத்த என்ன செய்யலாம் என்ற கேள்வி எழுந்தது.
முற்காலத்தில் மன்னர்கள் முடிசூடும் பொழுது ராஜகுருவாக இருப்பவர், செங்கோல் ஒன்றை மன்னருக்குக் கொடுத்து, ஆட்சி மாற்றம் செய்வார். அதையே கடைபிடிக்க மூதறிஞர் ராஜாஜியிடம் யோசனை கூறினார். ராஜகுருவாக இருந்து இந்த நடைமுறையை செய்துதர அப்போதைய திருவாவடுதுறை மடத்தின் 20வது குருமகாசந்நிதானம் ஸ்ரீலஸ்ரீ அம்பலவாண தேசிககளை தொடர்பு கொண்டார் ராஜாஜி.
ராஜாஜியின் வேண்டுகோள் படி ஆகஸ்ட் 15ஆம் நாள் நள்ளிரவில், மவுண்ட் பேட்டனிடம் இருந்து செங்கோலை, திருவாவடுதுறை இளைய தம்பிரான் பண்டார சுவாமிகள் பெற்றார். செங்கோலுக்கு புனித நீர் தெளித்து, ஓதுவா மூர்த்திகள், வேயுறு தோளிபங்கன் விடமுண்ட கண்டன் என்கிற தேவார திருப்பதிகத்தை முழுவதுமாகப் பாடி முடிக்கும்போது செங்கோலை திரு. நேருவிடம் வழங்கி இந்தியா சுதந்திரம் பெற்றதை அடையாளப்படுத்தினார்.
திரு.நேரு அவர்கள் சுதந்திர உரையாற்றுவதற்கு முன் ஆதீன நாதஸ்வர வித்வான் டி.என். இராஜரத்தினம் பிள்ளை அவர்கள் மங்கள வாத்திய வாசித்தார் [5]
திருவாவடுதுறை ஆதீன ஆசிரியர்கள்
தொகு- மீனாட்சிசுந்தரம் பிள்ளை
- புலவர் கீரன்
- ச.தண்டபாணி தேசிகர்
- ஆதி.முருகவேள்
- சு.குஞ்சிதபாதம்
ஆதீனத்தின் புகழ் பெற்ற மாணவர்கள்
தொகு- உ.வே.சாமிநாதையர் (உ.வே.சா.) மற்றும் பலர்
- Tunchatth Ezhuthachhan (തുഞ്ചത്തെഴുത്തച്ചന്)
கருவிநூல்
தொகு- ஊரன் அடிகள், சைவ ஆதீனங்கள் புத்தகம், 2022, நான்காம் பதிப்பு 2018
இதனையும் காண்க
தொகுமேற்கோள்கள்
தொகு- ↑ 1.0 1.1 குமுதம் ஜோதிடம்; 10.05.2013; திருமூலர் திருமந்திரம் தந்தருளிய திருவாவடுதுறை திருத்தலம்
- ↑ திருவாவடுதுறை ஆதீனத்தின் ஆன்மீகப் புரட்சி!
- ↑ "மின்னணுச் சுவடிகள், பாரதிதாசன் பல்கலைக்கழகம்". Archived from the original on 2014-09-03. பார்க்கப்பட்ட நாள் 2012-11-24.
- ↑ திருவாவடுதுறை ஆதீனம் காலமானார் தினமணி நவம்பர் 23, 2012.
- ↑ "சுதந்திரச் செங்கோல்! | பட்டம் | PATTAM | tamil weekly supplements". www.dinamalar.com. பார்க்கப்பட்ட நாள் 2022-08-14.
வெளி இணைப்புகள்
தொகு- [சைவ சித்தாந்த நேர்முக பயிற்சி மையங்கள்] உலகலாவிய..
- [திருமுறை நேர்முக பயிற்சி மையங்கள்] உலகலாவிய..