தேசிய நெடுஞ்சாலை 3 (இந்தியா)

; 3 தேசிய நெடுஞ்சாலை 3
	தேசிய நெடுஞ்சாலை 3 சிவப்பு வண்ணத்தில்
	ரோதங் கணவாய் on NH 3
வழித்தடத் தகவல்கள்
	AH1 AH2 இன் பகுதி
	பராமரிப்பு இந்திய தேசிய நெடுஞ்சாலை ஆணையம்
நீளம்:	556 km (345 mi)
முக்கிய சந்திப்புகள்
மேற்கு முடிவு:	அட்டாரி, பஞ்சாப்
	பட்டியல் தே.நெ. 54 அமிருதசரசு தே.நெ. 354 அமிருதசரசு தே.நெ. 503A அமிருதசரசு தே.நெ. 44 ஜலந்தர் தே.நெ. 703 ஜலந்தர் தே.நெ. 703A ஜலந்தர் தே.நெ. 344B ஹோஷியார்பூர் தே.நெ. 503A ஹோஷியார்பூர் தே.நெ. 503 முபாரக்பூர் தே.நெ. 303 நாதொளன் தே.நெ. 103 அமீர்பூர் தே.நெ. 305 ஆட் தே.நெ. 505 கிராம்பூ;
கிழக்கு முடிவு:	லே (நகரம்), இலடாக்கு
அமைவிடம்
மாநிலங்கள்:	பஞ்சாப் (இந்தியா), இமாச்சலப் பிரதேசம், இலடாக்கு
முதன்மை; இலக்குகள்:	அட்டாரி, அமிருதசரசு, கார்தர்பூர், ஜலந்தர், ஹோஷியார்பூர், காக்ரெட், நாதொளன், அமீர்பூர், சர்காகாட், கோட்லி, மண்டி நகரம், குலு, மணாலி, இமாச்சலப் பிரதேசம், Gramphoo, கேலாங், லே (நகரம்)
நெடுஞ்சாலை அமைப்பு

தேசிய நெடுஞ்சாலை 3, (National Highway 3 (India)) பொதுவாக தே. நெ. 3 எனக் குறிப்பிடப்படுகிறது. இது இந்தியாவின் தேசிய நெடுஞ்சாலை ஆகும்.

வரலாறு

2010ஆம் ஆண்டில் இந்தியத் தேசிய நெடுஞ்சாலை ஆணையத்தால் அனைத்துத் தேசிய நெடுஞ்சாலைகளும் மறுபெயரிடப்பட்ட பின்னர், முன்னாள் தேசிய நெடுஞ்சாலை 1 மற்றும் தேசிய நெடுஞ்சாலை 70 இன் சில பகுதிகள் முன்னாள் தேசிய நெடுஞ்சாலை 21-ன் சில பகுதிகளுடன் இணைக்கப்பட்டு புதிய தேசிய நெடுஞ்சாலை 3 உருவாக்கப்பட்டது.

பழைய தேசிய நெடுஞ்சாலை 1-ன் அட்டாரி-ஜலந்தர் பிரிவு.
பழைய தேசிய நெடுஞ்சாலை 70 இன் ஜலந்தர்-மண்டி பிரிவு.
பழைய தேசிய நெடுஞ்சாலை 21-ன் மண்டி-மணாலி பிரிவு.

மலைப்பாதைகள்

தேசிய நெடுஞ்சாலை 3-ன் ஒரு பகுதி இமாச்சலப் பிரதேசம் மற்றும் இலடாக்கின் மேல் பகுதிகள் வழியாகச் சென்று சில உயரமான மலைப்பாதைகளைக் கடந்து செல்கிறது. முதல் பெரிய கணவாய் மணாலிக்குப் பிறகு வருகிறது. இது 3,978 மீட்டர் உயரத்தில் உள்ள ரோத்தங் கணவாய் ஆகும். ரோத்தங் கனவாய் குலு பள்ளத்தாக்குக்கும் இமாச்சலப் பிரதேசத்தின் லாஹால் மற்றும் ஸ்பிதி பள்ளத்தாக்குகளுக்கும் இடையே இணைப்பை வழங்குகிறது. தேசிய நெடுஞ்சாலை 3-ல் அடுத்த பெரிய கணவாய் 4,890 மீட்டர் உயரத்தில் உள்ள பராலாச்சா லா ஆகும். லேஹ் மாவட்டத்தில், தே. நெ. 3 நகீ லா (4739 மீ, 15547 அடி) லாசுலுங் லா (5064 மீ, 16616 அடி) மற்றும் டாக்லாங் லா ஆகியவற்றைக் கடந்து செல்கிறது.^[1]

வழித்தடம்

தேசிய நெடுஞ்சாலை 3 பாதை மூன்று மாநிலங்கள் வழியாகச் செல்கிறது.

பஞ்சாப்

அட்டாரி, அமிருதசரசு, ஜலந்தர், ஹோஷியார்பூர்-இ. பி. எல்லை^[2]

இமாச்சலப் பிரதேசம்

பஞ்சாப் எல்லை-காக்ரெட், அம்ப், நாதாவுன், அமீர்பூர், டௌனி தேவி, அவா தேவி, சர்க்காகாட், கோட்லி, மண்டி, குலு, மணாலி, கிராம்பூ, கெய்லோங்-சம்மு காசுமீர் எல்லை (208 கி.மீ.).^[3]^[4]

இலடாக்கு

இமாச்சலப் பிரதேச எல்லை-லேஹ் (170 கி.மீ.) ^[4]

கட்டுமானமும் மேம்பாடும்

ஜலந்தர் முதல் ஹோஷியார்பூர் வரையிலான பகுதியில் இரண்டு வழிச் சாலையை நான்கு வழிச்சாலையாக மேம்படுத்துவதற்கான செயல்முறை தேசிய நெடுஞ்சாலை ஆணையத்தால் தொடங்கப்பட்டது. இந்த 58 கி. மீ. நீளப் பகுதியில் ஆதம்பூர் மற்றும் ராமா மண்டியில் போக்குவரத்து நெரிசல் ஏற்படுகிறது.^[5] இந்தத் திட்டத்தில் 39.4 கி.மீ. பணிகள் பஞ்சாபின் பொதுப்பணித் துறைக்கு ஒதுக்கப்பட்டுள்ளது.^[6]