மேற்கு கோதாவரி மாவட்டம்
மேற்கு கோதாவரி இந்தியாவின் ஆந்திர மாநிலத்திலுள்ள ஒரு மாவட்டமாகும். இந்த மாவட்டம், ஆந்திர பகுதியில் மாநிலத்தின் கடலோரத்தில் அமைந்துள்ளது. இம்மாவட்டத்தின் நிர்வாக தலைமையகம் பீமாவரத்தில் அமைந்துள்ளது.[3] இந்தியாவின் 2011 மக்கள் தொகை கணக்கெடுப்பின்படி, மாவட்டத்தின் நிலவியல் பரப்பளவு 7,742 கி.மீ. என அளவிடப்பட்டுள்ளது. இம்மாவடத்தின் மொத்த மக்கள் தொகை, 2011 மக்கள் தொகை கணக்கீட்டின் படி, 3,936,966 ஆகும். இதன் மேற்கில் கிருஷ்ணா மாவட்டமும், கிழக்கில் கிழக்கு கோதாவரி மாவட்டமும், தெற்கே வங்காள விரிகுடாவும், வடக்கில் தெலுங்கானா மாநிலமும் அமைந்து, நில, நீர் எல்லைகளால் சூழப்பட்டுள்ளது.[4]
மேற்கு கோதாவரி மாவட்டம்
పశ్చిమ గోదావరి జిల్లా (தெலுங்கு) | |
|---|---|
     மேல் இடதுபுறத்தில் இருந்து கடிகார திசையில்: பீமாவரம் அருகே நெல் வயல்கள், ரச்சுரு கிராமம், க்ஷீராராமில் உள்ள ராமலிங்கேஸ்வரசுவாமி கோவில், அச்சந்தாவில் கோதாவரி ஆறு, சோமேஸ்வர சுவாமி கோவில் | |
.svg) ஆந்திரப் பிரதேசத்தில் மேற்கு கோதாவரி மாவட்டத்தின் இருப்பிடம் | |
 மேற்கு கோதாவரி மாவட்டம் | |
| நாடு |  இந்தியா |
| பகுதி | தென்னிந்தியா |
| மாநிலம் | ஆந்திரப் பிரதேசம் |
| பகுதி | கடற்கரை ஆந்திரா |
| நிறுவப்பட்ட நாள் | 1925[1] |
| மறுசீரமைக்கப்பட்டது | 4 ஏப்பிரல் 2022 |
| தலைமையிடம் | பீமவரம் |
| மண்டலங்கள் | 19 |
| அரசு | |
| • மாவட்ட ஆட்சித் தலைவர் | திருமதி. பி. பிரசாந்தி, இ.ஆ.ப |
| • காவல்துறைக் கண்காணிப்பாளர் | திரு. யு.ரவி பிரகாஷ், இ.கா.ப |
| பரப்பளவு | |
| • மொத்தம் | 2,178 km2 (841 sq mi) |
| மக்கள்தொகை (2011) | |
| • மொத்தம் | 17,79,935 |
| நேர வலயம் | ஒசநே+5:30 (இ.சீ.நே.) |
| தொலைபேசி குறியீடு | +91 |
| இணையதளம் | westgodavari |
மாவட்டம் பிரிப்பு
தொகு4 ஏப்ரல் 2022 அன்று இம்மாவட்டத்தின் சில பகுதிகளைக் கொண்டு புதிய ஏலூரு மாவட்டம் நிறுவப்பட்டது.[5][6]
வரலாறு
தொகுகிழக்கு சாளுக்கியர்கள், 700 முதல் 1200 வரை கடலோர ஆந்திராவை ஆட்சி செய்தனர். அப்பொழுது வெங்கியுடன் பெடவேகி கிராமத்திற்கு அருகில், அவர்களின் தலைநகர் அமைந்து இருந்தது. பெடவேகி மற்றும் குண்டுப்பள்ளி ஜிலகரகுடம் கிராமங்களில், இதற்குரிய வரலாற்று சான்றுகள் காணப்படுகின்றன. எலுரு பின்னர் கலிங்கப் பேரரசின் ஒரு பகுதியாக, 1471 வரை இருந்தது. அதன் பின்னர், அது கஜபதிகளின் கைப் பற்றி ஆட்சி நடத்தினர். 1515 இல், ஸ்ரீ கிருஷ்ண தேவ ராயர் இ்ந்த நிலப்பகுதியைக் கைப்பற்றினார். இறுதியாக, விஜயநகர இராச்சியத்தின் வீழ்ச்சிக்குப் பிறகு, இந்நிலப்பகுதியினை கோல்கொண்டாவின் சுல்தான், குதுப் ஷா ஆட்சி செய்தார்.[7]
1925 ஆம் ஆண்டு, ஏப்ரல் மாதம்15 ஆம் நாள், மேற்கு கோதாவரி மாவட்டம் எலுருவுடன் அதன் தலைமையகமாக உருவாக்கப்பட்டது. அதன் பின்னர், அனைத்து மாவட்ட அலுவலகங்களும், வட்டார அலுவலகங்களும் எலுரு நகரில் அமைக்கப்பட்டன.[8] மேற்கு கோதாவரி மாவட்டம், 1925 ஆம் ஆண்டில் ஏப்ரல் 15 ஆம் தேதி பழைய கோதாவரி மாவட்டத்தில் இலிருந்து உருவாக்கப்பட்டது. கோதாவரி மாவட்டம் பின்னர், கிழக்கு கோதாவரி மாவட்டம் எனப்பெயர் மாற்றப்பட்டது. இந்த புதிய மாவட்டத்திற்கு, மேற்கு கோதாவரி மாவட்டம் என்று பெயரிடப்பட்டது.[9]
ஆங்கிலேயர்கள், மெட்ராஸ் ராஜதானியில் மசுலீபட்டணத்தை மையமாகக் கொண்டு இப்பகுதியை ஆண்டனர். 1794-ல் காகினாடவிலும் ராஜமுந்திரியிலும் இரண்டு ஆட்சியாளர்கள் நியமிக்கப்பட்டனர். 1859-ல் கிருஷ்ணா மற்றும் கோதாவரி மாவட்டங்கள் அமைக்கப்பட்டன. 1925 ஏப்ரல் 15 அன்று கிருஷ்ணா மாவட்டத்தை இரண்டாக பிரித்தும், புதிதாக மேற்கு கோதாவரி மாவட்டத்தை அமைத்தும் சென்னை அரசு முடிவெடுத்தது. முந்தைய கோதாவரி மாவட்டத்தின் பெயர் கிழக்கு கோதாவரி மாவட்டம் என பெயர் மற்றப்பட்டது.
ஆட்சிப் பிரிவுகளும் தொகுதிகளும்
தொகுஆட்சிப் பிரிவுகள்
தொகு
இம்மாவட்டத்தை 19 மண்டலங்களாகப் பிரித்துள்ளனர்.[10]
| # | நரசாபுரம் வருவாய் கோட்டம் | பீமவரம் வருவாய் கோட்டம் |
|---|---|---|
| 1 | நரசாபுரம் | அத்திலி |
| 2 | மொகல்தூர் | பீமவரம் |
| 3 | பாலகொல்லு | வீரவாசரம் |
| 4 | போடூர் | உண்டி |
| 5 | எலமஞ்சிலி | காள்ளா |
| 6 | ஆச்சண்டா | பாலகோடுறு |
| 7 | பெனுகொண்டா | ஆகிவீடு |
| 8 | பெனுமண்ட்ரா | தாடேபள்ளிகுடெம் |
| 9 | தணுக்கு | பெண்டபாடு |
| 10 | இரகவரம் |
தொகுதிகள்
தொகுஇதன் தலைநகரம் பீமவரம் ஆகும். இம்மாவட்டத்தை 19 மண்டலங்களாகப் பிரிக்கப்பட்டுள்ளது. இம்மாவட்டத்தின் பகுதிகள் நரசாபுரம் மக்களவை தொகுதிகளில் உள்ளன.[11]
7 சட்டமன்றத் தொகுதிகள் உள்ளன.
.svg)
.svg)
.svg)
.svg)
| தொகுதி எண் | தொகுதி பழைய எண் | சட்டப் பேரவையின் தொகுதிகள் | ( பட்டியல் சாதி / பட்டியல் பழங்குடி / எதுவுமில்லை) க்கு ஒதுக்கப்பட்டது | தொகுதி எண் | தொகுதி பழைய எண் | மக்களவை தொகுதிகள் | ( பட்டியல் சாதி / பட்டியல் பழங்குடி / எதுவுமில்லை) க்கு ஒதுக்கப்பட்டது |
|---|---|---|---|---|---|---|---|
| 56 | 175 | ஆச்சண்டா சட்டமன்றத் தொகுதி | எதுவுமில்லை | 9 | 26 | நரசாபுரம் மக்களவைத் தொகுதி | எதுவுமில்லை |
| 57 | 176 | பாலகொல்லு சட்டமன்றத் தொகுதி | |||||
| 58 | 177 | நரசாபுரம் சட்டமன்றத் தொகுதி | |||||
| 59 | 178 | பீமவரம் சட்டமன்றத் தொகுதி | |||||
| 60 | 179 | உண்டி சட்டமன்றத் தொகுதி | |||||
| 61 | 180 | தணுக்கு சட்டமன்றத் தொகுதி | |||||
| 62 | 181 | தாடேபல்லிகூடம் சட்டமன்றத் தொகுதி |
சுற்றுலா
தொகுபீமவரத்தில் பஞ்சாராமர் கோயில் (ஸோமாராமம்), பால்கொல்லில் பஞ்சாராமர் கோயில் (க்ஷீராராமம்), சின்னத் திருப்பதி எனப்படும் துவாரகா திருமலையும், படட்டிசீமையில் உள்ள ஶ்ரீ வீரபத்திரர் திருக்கோயில் ஆகிய புகழ் பெற்ற இந்து கோயில்களாகக் கருதப்படுகின்றன. கொல்லேரு ஏரியும், பாபி மலையும், சின்ன திருமலையும் கண்கவர் காட்சிகளைத் தன்னகத்தே உடைய சுற்றுலா இடங்களாக அமைந்துள்ளது. நரசபுரம், மேற்கு கோதாவரி மாவட்டத்தில் உள்ள பெருபாலம் கடற்கரையும், சர் ஆர்தர் காட்டன் பேரேசும், ஹேவ்லாக் பாலமும், சுற்றுலா முக்கியத்துவம் வாய்ந்த இடங்களாகத் திகழ்கிறது. ராஜமுந்திரி விமான நிலையத்தைப் பன்னாட்டு வானூர்தி நிலையமாக மேம்பாடு செய்வதில் ஆர்வமாக உள்ளது. அவ்வாறு மாறினால், வெளிநாட்டுப் பயணிகளாலும், இம் மாவட்டம் சுற்றுலாவுக்கு முக்கிய இடம் பெறும். கோதாவரி மாவட்டங்களின் சுற்றுலா இடங்களைக் காண, ராஜமுந்திரி விமான நிலையத்திலிருந்து, உலங்கு வானூர்திச் சுற்றுலாவும் அறிமுகப் படுத்தப்பட்டுள்ளது. மேலும், சுற்றுலா பொருளாதாரத்தினை பெருக்க தனித்திட்டமும் வகுத்து வருகிறது.
இதனையும் காண்க
தொகுசான்றுகள்
தொகு- ↑ "West Godavari district profile". The Hindu. 15 April 2008. பார்க்கப்பட்ட நாள் 28 December 2017.
- ↑ https://westgodavari.ap.gov.in/whos-who/
- ↑ "காப்பகப்படுத்தப்பட்ட நகல்". Archived from the original on 2015-04-29. பார்க்கப்பட்ட நாள் 2019-11-07.
- ↑ "West Godavari". Official portal of Andhra Pradesh Government. Archived from the original on 6 ஏப்ரல் 2016. பார்க்கப்பட்ட நாள் 13 March 2016.
{{cite web}}: Check date values in:|archive-date=(help) - ↑ With creation of 13 new districts, AP now has 26 districts
- ↑ ஆந்திராவில் 13 புதிய மாவட்டங்கள் உதயம்: திருப்பதி தனி மாவட்டமானது
- ↑ "FOCUS: WEST GODAVARI DISTRICT FORMATION DAY". பார்க்கப்பட்ட நாள் 16 August 2017.
- ↑ "Ellora – "Encyclopedia". பார்க்கப்பட்ட நாள் 16 August 2017.
- ↑ "West Godavari district profile". The Hindu. 15 April 2008. http://www.thehindu.com/todays-paper/tp-national/tp-andhrapradesh/west-godavari-district-profile/article1239278.ece. பார்த்த நாள்: 9 June 2015.
- ↑ "District Census Handbook – West Godavari" (PDF). Census of India. p. 24. பார்க்கப்பட்ட நாள் 18 January 2015.
- ↑ "மக்களவைத் தொகுதிகளும், சட்டமன்றத் தொகுதிகளும் , மாவட்டங்களுடனும் வட்டங்களுடனும் (எல்லை பங்கீடு, 2008) - இந்திய தேர்தல் ஆணையம்" (PDF). Archived from the original (PDF) on 2010-10-05. பார்க்கப்பட்ட நாள் 2014-10-31.