ஆர். சுந்தர்ராஜன் (இயக்குநர்)
ஆர். சுந்தர்ராஜன் (R. Sundarrajan) ஒரு இந்திய திரைப்பட இயக்குநரும், நடிகரும், நகைச்சுவை நடிகரும் மற்றும் திரைக்கதை ஆசிரியரும் ஆவார். 1980கள் மற்றும் 1990களில் ஒரு திரைப்படத் தயாரிப்பாளராக முதன்மையாக செயல்பட்ட இவர், அதன் பிறகு ஒரு நடிகராக நடிக்க ஆரம்பித்தார்.[1] [2] [3] பயணங்கள் முடிவதில்லை (1982), வைதேகி காத்திருந்தாள் (1984),ராஜாதி ராஜா (1989) மற்றும் திருமதி பழனிச்சாமி (1992) போன்ற வெள்ளி விழா படங்களுக்காக சுந்தர்ராஜன் அறியப்படுகிறார். இயக்குநராக தனது தொழில் வாழ்க்கையின் போது, இவர் அடிக்கடி மூத்த நடிகர் மோகனுடன் இணைந்து பணியாற்றினார்.
ஆர். சுந்தர்ராஜன் | |
|---|---|
 2015-இல் ஆர். சுந்தர்ராஜன் | |
| பிறப்பு | 9 சனவரி 1950 தாராபுரம், கோயம்புத்தூர் மாவட்டம், தமிழ்நாடு, இந்தியா (தற்போது திருப்பூர் மாவட்டம்) |
| பணி | நடிகர், இயக்குநர், திரைக்கதை ஆசிரியர் |
| செயற்பாட்டுக் காலம் | 1982–தற்போது வரை |
| வாழ்க்கைத் துணை | இராஜேஸ்வரி (தி. 1974) துர்கா (தி. 1982) |
| பிள்ளைகள் | 3 (1 மகன் இறந்துபோனார்.) |
இவர் தனது திரைவாழ்க்கையில் 25க்கும் மேற்பட்ட படங்களை இயக்கியுள்ளார். அவற்றில் பெரும்பாலானவை பாக்ஸ் ஆபிஸில் இலாபகரமான முயற்சிகளாக மாறின.[4] இவர் 14 இயக்குநர்களைக் கொண்ட சுயம்வரம் (1999) படத்திற்கு இணை இயக்குநராகப் பணியாற்றினார். இரசினிகாந்து, கமல்ஹாசன், விசயகாந்து, சத்யராஜ், அஜித் குமார், விஜய், சூர்யா உள்ளிட்ட முக்கிய நடிகர்களுடன் திரைவெளியைப் பகிர்ந்துள்ளார் .
தொழில்
தொகுஆர். சுந்தர்ராஜன் ஒரு நடிகராகவும், திரைப்படத் தயாரிப்பாளராகவும், புகழ்பெற்ற இயக்குநராகவும் பணியாற்றியுள்ளார். இவர் தமிழ் திரையுலகில் மிகவும் பாராட்டப்பட்டவராகவும் கௌரவப் பெயர் பெற்றவராகவும் இருக்கிறார்.[5] 1981 ஆம் ஆண்டு ஒரு நடிகராக தனது வாழ்க்கையைத் தொடங்கினார். ஆனால் பின்னர் ஒரு வருடம் கழித்து, பயணங்கள் முடிவதில்லை (1982) மூலம் இயக்குநராக அறிமுகமானார். தனது பயணங்கள் முடிவதில்லை படத்திற்காக நடிகர் மோகனுடன் இணைந்து பணியாற்றினார். மேலும் அந்த படம் திரையரங்கில் 175 நாட்களுக்கு மேல் ஓடியது.[6] [7] தூங்காத கண்ணின்று ஒன்று (1983), சரணாலயம் (1983), நான் பாடும் பாடல் (1984), குங்குமச்சிமிழ் (1985) மற்றும் மெல்லத் திறந்தது கதவு (1986) உள்ளிட்ட படங்களின் மூலம் மோகனுடன் இவர் இணைந்து பணியாற்றினார். தூங்காத கண்ணின்று ஒன்று தவிர, மற்ற படங்கள் பாக்ஸ் ஆபிஸில் நல்ல வரவேற்பைப் பெற்றன. மேலும் வணிக ரீதியாக வெற்றி பெற்றன.[8] [9]
விஜயகாந்துடன் முதன்முதலில் இணைந்து வைதேகி காத்திருந்தாள் படத்தை இயக்கினார். இது இறுதியில் விஜயகாந்தின் நடிப்பு வாழ்க்கையில் ஒரு திருப்புமுனையாக அமைந்தது.[10] அதுவரை அதிரடி படங்களில் நடித்துவந்த விஜயகாந்தை காதல் படத்தில் “மென்மையான வேடத்தில்” நடிக்க சம்மதிக்க வைத்தார்.[11] பின்னர் ஆர். சுந்தர்ராஜன் தனது நீண்டகால உதவி இயக்குனராக இருந்த பாலு ஆனந்துடன் இணைந்து பாலு ஆனந்தின் அறிமுக இயக்கத்தில் நானே ராஜா நானே மந்திரி (1985) படத்திற்கு திரைக்கதை எழுதினார். இதில் விஜயகாந்த் முக்கிய வேடத்தில் நடித்தார்.[12]
பின்னர் விஜயகாந்துடன் அம்மன் கோவில் கிழக்காலே (1986) படத்தை இயக்கினார். இந்த படமும் பாக்ஸ் ஆபிஸில் வெற்றி பெற்றது. அம்மன் கோவில் கிழக்காலே படத்தில் நடித்ததற்காக விஜயகாந்த் சிறந்த நடிகருக்கான பிலிம்பேர் விருதையும் வென்றார்.[6] 23 மணி நேரம் 58 நிமிடங்களுக்குள் படமாக்கப்பட்டு படமாக்கப்பட்ட சுயம்வரம் (1999) திரைப்படத்தை இயக்க உதவிய 14 இயக்குனர்களில் இவரும் ஒருவர். சுயம்வரம் திரைப்படம் ஒரு படத்தில் அதிக நட்சத்திரங்களை நடிக்க வைத்ததற்காகவும், உலகில் மிக விரைவாக தயாரிக்கப்பட்ட முழு நீள திரைப்படம் என்ற பெருமையுடனும் கின்னஸ் உலக சாதனையைப் படைத்தது.
நடிகர்
தொகுஆர். சுந்தர்ராஜன் திரைப்படங்களில் நகைச்சுவை நடிப்பிற்காகவும் அறியப்படுகிறார். சூர்யவம்சம் (1997) படத்தில் இவரது நகைச்சுவை குறிப்பிடத்தக்கது.[13] காலம் மாறி போச்சு (1996) படத்தில் வடிவேலுவுடன் சேர்ந்து நடித்திருந்தார்.[14]
ஆர். சுந்தர்ராஜன் சித்திரையில் நிலாச்சோறு (2013) என்ற திரைப்படத்தை கடைசியாக இயக்கியிருந்தார்.[15]
சொந்த வாழ்க்கை
தொகுஆர். சுந்தர்ராஜன், இராஜேஸ்வரி என்பவரை முதலில் 1974 இல் மணந்தார். பின்னர் துர்கா என்பவரை இரண்டாவது மனைவியாக்கி கொண்டார். இவருக்கு அசோக், கார்த்திக் மற்றும் தீபக் என்ற மூன்று மகன்கள் பிறந்தனர். கார்த்திக் 2004 ஆம் ஆண்டு ஒரு சாலை விபத்தில் இறந்தார்.[16] [17] தீபக் 2021 ஆம் ஆண்டு வெளியான அனபெல் சேதுபதி படத்தின் மூலம் இயக்குநராக அறிமுகமானார்.[18] அசோக் தனது தந்தை இயக்கிய ‘சித்திரையில் நிலச்சோறு’ படத்தில் நடித்திருந்தார்.[19]
திரை வாழ்க்கை
தொகுஇயக்குநராக
தொகு| ஆண்டு | திரைப்படம் | குறிப்பு |
|---|---|---|
| 1977 | அன்று சிந்திய ரத்தம் | |
| 1982 | பயணங்கள் முடிவதில்லை | |
| 1982 | அந்த ராத்திரிக்கு சாட்சி இல்லை | |
| 1983 | சரணாலயம் | |
| 1983 | தூங்காத கண்ணின்று ஒன்று | |
| 1984 | நான் பாடும் பாடல் | |
| 1984 | வைதேகி காத்திருந்தாள் | |
| 1985 | குங்குமச் சிமிழ் | |
| 1985 | சுகமான இராகங்கள் | |
| 1986 | அம்மன் கோயில் கிழக்காலே | |
| 1986 | மெல்லத் திறந்தது கதவு | |
| 1986 | தழுவாத கைகள் | |
| 1988 | என் ஜீவன் பாடுது | |
| 1988 | காலையும் நீயே மாலையும் நீயே | |
| 1989 | ராஜாதிராஜா | |
| 1990 | எங்கிட்ட மோதாதே | |
| 1990 | தாலாட்டு பாடவா | |
| 1991 | ஒயிலாட்டம் | |
| 1991 | சாமி போட்ட முடிச்சு | |
| 1992 | திருமதி பழனிச்சாமி | |
| 1994 | என் ஆசை மச்சான் | |
| 1995 | காந்தி பிறந்த மண் | |
| 1995 | சீதனம் | |
| 1997 | காலமெல்லாம் காத்திருப்பேன் | |
| 1999 | சுயம்வரம் | |
| 2013 | சித்திரையில் நிலாச்சோறு |
நடிகராக
தொகுமேற்கோள்கள்
தொகு- ↑ "Successive hits - Who gave the most in Tamil cinema? | R Sundarrajan". Behindwoods. Archived from the original on 11 September 2019. Retrieved 1 October 2019.
- ↑ "From Visu to Samuthirakani: Kollywood's director turned actors". தி நியூஸ் மினிட். 12 February 2018. Archived from the original on 26 September 2021. Retrieved 12 May 2023.
- ↑ S, Bala (2023-08-21). "ஆர் சுந்தர்ராஜன் இத்தனை படங்கள் இயக்கியுள்ளாரா? அதில் ஒன்று ரஜினி படம்..!". Tamil Minutes. Retrieved 2023-11-08.
- ↑ "#UnforgettableOnes: Multi-hyphenate R Sundarrajan". The Times of India. 2022-02-09. பன்னாட்டுத் தர தொடர் எண்:0971-8257. https://timesofindia.indiatimes.com/entertainment/tamil/movies/news/unforgettableones-multi-hyphenate-r-sundarrajan/articleshow/89447524.cms.
- ↑ "R. Sundarrajan". Nettv4u. Archived from the original on 23 May 2021. Retrieved 23 May 2021.
- ↑ 6.0 6.1 Jayabalan, Suriyakumar. "R.Sundarrajan: விடாமுயற்சியால் வெள்ளிவிழா படங்களை கொடுத்த நாயகன்". Tamil Hindustan Times. Retrieved 2024-01-15.
- ↑ மலர், மாலை (2016-06-01). "டைரக்டராக ஆர்.சுந்தர்ராஜன் அறிமுகம்". www.maalaimalar.com. Retrieved 2024-01-15.
- ↑ "மைக் மோகனை வைத்து ஆர் சுந்தர்ராஜன் ஹிட் அடித்த 5 படங்கள்.. வெள்ளி விழா கண்ட பயணங்கள் முடிவதில்லை". March 2023.
- ↑ "Tamil Film Mella Thirandhathu Kadhavu Completes 37 Years Of Its Release". News18 (in ஆங்கிலம்). 2023-09-13. Retrieved 2024-01-15.
- ↑ "The Ilayaraaja interview: the maestro narrates how his songs inspired the story of Vaidehi Kaathirunthaal". The Hindu. 2018-05-31. பன்னாட்டுத் தர தொடர் எண்:0971-751X. https://www.thehindu.com/entertainment/movies/tamil-film-composer-ilayaraaja-interview-on-his-75th-birthday/article59851815.ece.
- ↑ கண்ணன், சுரேஷ் (2023-05-04). "வைதேகி காத்திருந்தாள்: ஆக்ஷன் ஹீரோ விஜயகாந்த் 'வெள்ளைச்சாமி'யான கதை - ஒரு நாஸ்டால்ஜியா பார்வை!". Vikatan. Retrieved 2024-01-15.
- ↑ Exclusive Interview with Film Director And Actor Balu Ananth (in ஆங்கிலம்), 19 September 2015, retrieved 2024-01-15
- ↑ Sundarrajan Comedy (in ஆங்கிலம்), 7 September 2018, retrieved 2024-01-15
- ↑ "HBDVadivelu: Netizens soar social media with his memes". indiaherald.com (in ஆங்கிலம்). Retrieved 2024-01-15.
- ↑ "Shocking rumour about R. Sundarrajan clarified". IndiaGlitz. 29 February 2020. Archived from the original on 23 May 2021. Retrieved 23 May 2021.
- ↑ "Film director's son killed in accident". தி இந்து. 6 March 2004. Archived from the original on 12 May 2023. Retrieved 1 October 2019.
- ↑ "Director's son dies in a road accident". Cinesouth. 6 March 2004. Archived from the original on 8 March 2004. Retrieved 5 September 2023.
- ↑ "Entertainment for everyone: 'Annabelle Sethupathi' director Deepak Sundarrajan's vision for future films". தி நியூ இந்தியன் எக்சுபிரசு. 23 September 2021. Archived from the original on 6 October 2021. Retrieved 12 May 2023.
- ↑ "Chithirayil Nilachoru Movie Review" இம் மூலத்தில் இருந்து 6 April 2019 அன்று. பரணிடப்பட்டது.. https://web.archive.org/web/20190406082514/https://timesofindia.indiatimes.com/entertainment/tamil/movie-reviews/Chithirayil-Nilachoru/movie-review/24467135.cms.
வெளி இணைப்புகள்
தொகுஇணைய திரைப்பட தரவுதளத்தில் ஆர். சுந்தர்ராஜன் குறித்த பக்கம்.