கப்பல்

கப்பல், ஒரு பெரிய கடலோடும் வாகனமாகும். சில வேளைகளில், கப்பலில் பல அடுக்குகளும் இருக்கக்கூடும். மேலும், கப்பலானது அதற்கு தேவையான அளவு பல்வேறு வகையான படகுகளையும் தன்னகத்தே வைத்திருக்கக் கூடியது. உயிர்காப்புப் படகுகள், திருப்புப்படகுகள், இழுவைப் படகுகள் போன்றன இவற்றுள் அடங்கும். "ஒரு படகை கப்பலில் உள்ளடக்க முடியும், ஆனால் கப்பலைப் படகில் உள்ளடக்க முடியாது". என்ற மரபுச் சொல் வழக்கானது ஒரு கப்பலுக்கும், படகுக்கும் இடையிலான அளவு வேறுபாட்டைக் குறிப்பிட்டுக் காட்டுகின்றது. இது எல்லாச் சந்தர்ப்பங்களிலும் சரியாக இருக்கும் என்பதற்கு இல்லை. பல்வேறு நாடுகளிலும் உள்ள உள்ளூர்ச் சட்டங்களும், விதிகளும் அளவு, பாய்மரங்களின் எண்ணிக்கை என்பவற்றை அடிப்படையாகக் கொண்டு படகு, கப்பல் என்பவற்றுக்கு இடையிலான வேறுபாடுகளை வரையறுக்கின்றன.

கப்பல்கள் மற்றும் படகுகள் மனித வரலாற்றுடன் இணைந்து வளர்ந்தது. ஆயுத மோதல் மற்றும் அன்றாட வாழ்வில் அவை நவீன வணிக மற்றும் இராணுவ அமைப்புகளில் ஒரு ஒருங்கிணைந்த பகுதியாக மாறிவிட்டது. உலகம் முழுவதும் லட்சக்கணக்கான மீனவர்களால் மீன்பிடி படகுகள் பயன்படுத்தப்படுகின்றன. இராணுவ படைகள் போர் மற்றும் படைகளின் போக்குவரத்திற்காக இயங்குகின்றன. கிட்டத்தட்ட 35,000 வர்த்தக கப்பல்கள் 2007 ல் 7.4 பில்லியன் டன் எடையுள்ள சரக்கை ஏற்றிசென்றன. ^[1]

கப்பல்கள் எப்போதும் வரலாற்றின் கண்டுபிடிப்புகள், அறிவியல் மற்றும் தொழில்நுட்ப வளர்ச்சியில் ஒரு முக்கிய காரணமாக இருந்தன. கடல்வழி பயணங்களால் தான் திசைகாட்டி, வெடிமருந்து போன்ற கண்டுபிடிப்புகள் பரவியது. கப்பல்கள் காலனித்துவம் மற்றும் அடிமை வர்த்தகம் போன்ற நோக்கங்களுக்காக பயன்படுத்தப்பட்டு வந்தன. 16 ஆம் நூற்றாண்டுக்கு பின்னர், ஐரோப்பிய மாலுமிகள் வழியாக அமெரிக்காவிற்கு வந்த புதிய பயிர்களினால் கணிசமாக உலக மக்கள் தொகை வளர்ச்சியடைந்தது. ^[2] கடல்வழி போக்குவரத்து இன்றைய உலக பொருளாதார முறையை உருவாக்கியுள்ளது.

வரலாறு

நீரில் பயணம் மேற்கொள்வதற்கு முதன் முதலில் பயன்பட்டது கட்டுமரம் (raft - தெப்பம் அல்லது மிதவை)

சுமார் 10,000 ஆண்டுகளுக்கு முன்பு கற்கால காலகட்டத்திற்கு முன்பிருந்தே, மனிதன் கப்பல்களை அறிந்திருந்தான். ஆனால் அவற்றை முறையான கப்பல்கள் என்று கொள்ள முடியாது. முதலில் விலங்கு தோல்கள் அல்லது நெய்த துணிகளை sails பயன்படுத்த தொடங்கினர். ஒரு படகில் நிமிர்த்தியவாறு அமைக்கப்பட ஒரு கம்பின் மேல் முனையில் இவற்றை இணைத்து, நெடுந்தூரப்பயணங்களுக்கு பயன்படுத்தினான்.

மொகெஞ்சதாரோவில் காணப்பட்ட ஒரு பலகை மிதக்கும் படகோட்டத்தை சித்தரித்தது. கப்பல்கள் பல வகையாக இருந்தன; அவற்றின் கட்டுமானத்தை யுக்தி கல்ப தரு என்ற பண்டைய இந்திய உரை விவரிக்கிறது^{[சான்று தேவை]}. இது கப்பல் கட்டும் நுட்பங்களை அறிய ஒரு தொழில்நுட்ப விளக்கத்தை கொடுக்கிறது. இது பல்வேறு கப்பல்களின் வகைகள், அவற்றின் அளவுகள், மற்றும் அவை கட்டப் பயன்படுத்தப்பட்ட பொருட்கள் பற்றிய விவரங்களை கொடுக்கிறது.

21 ஆம் நூற்றாண்டு

ஹபக்-லாய்டு Hapag-Lloyd என்ற செருமனி நாட்டு நிறுவனத்துக்குச் சொந்தமான கொலம்போ எக்ஸ்பிரஸ் என்ற உலகின் மிகப்பெரிய கொள்கலக் கப்பல்

2007 ஆம் ஆண்டில், உலகிலுள்ள மொத்த கப்பல்களில் 1,000 டன்களுக்கும் அதிகமான வர்த்தக கப்பல்கள் 34,882 ஆகும். இவற்றின் மொத்த எடை 1.04 பில்லியன் டன்களாகும். இக்கப்பல்கள் 2006 ஆம் ஆண்டைய கணக்கின் படி 7.4 பில்லியன் சரக்குகளை ஏற்றிச்சென்றிருக்கின்றன. அது முந்தைய ஆண்டைக் காட்டிலும் 8% வளர்ச்சியாகும்.2016 ஆண்டு புள்ளி விவரப்படி 1000 டன்களுக்கும் அதிகமான எடையுள்ள கப்பல்களில் 27.9 சதவீதம் எண்ணெய்க் கப்பல்கள் (tankers) , 43.1 சதவீதம் பேரளவு சரக்குக்கப்பல்கள் (bulk carriers), 13.5 சதவீதம் கொள்கலக் கப்பல்களாகும் (container ships). 4.2 சதவீதம் பொதுச் சரக்குக் கப்பல்கள் (general cargo) , 11.3 சதவீதம் மற்ற பயன்பாட்டுக் கப்பல்களாகும் (வாயு, வேதிப்பொருள் பயணிகள் கப்பல்கள் உட்பட)^[3].

2002 ஆம் ஆண்டு நிலவரப்படி சிறிய வகை ரோந்துக் கப்பல்கள் தவிர்த்து 1,240 போர்க்கப்பல்கள் உலகளவில் உள்ளன . ஐக்கிய அமெரிக்காவிடம் 3 மில்லியன் டன் எடை மதிப்புடைய கப்பல்களும், 1..35 மில்லியன் டன் ரசியாவிடமும், ஐக்கிய இராச்சியத்திடம் 504,660 டன் எடைமதிப்புள்ள கப்பல்களும், சீனாவிடம் 402,830 டன் மதிப்புள்ள கப்பல்களும் உள்ளன.இரண்டு உலகப்போர்களின் போதும், பனிப்போரிலும்,கடற்படை நடவடிக்கைகள் மூலம் இரண்டு பிராந்தியங்களுக்கிடையே ஏற்பட்ட கடற்படை அதிகாரப் போட்டிகளை 21 ம் நூற்றாண்டு பார்த்திருக்கிறது.சமீபத்தில் உலகின் பெரிய வல்லரசுகளான ஐக்கிய இராச்சியம் பாக்லாந்து தீவுகளிலும் ^[4] அமெரிக்கா இராக்கிலும் ^[5] தமது கடற்படை அதிகாரத்தை பயன்படுத்தியது.

உலக மீன் பிடிக்கப்பல்களின் எண்ணிக்கையை கணிப்பதில் சிரமங்கள் உள்ளன.இவற்றுள் எண்ணக்கூடிய அளவில் பெருவணிக மீன்பிடி கலன்களும் மிகப்பெரும் எண்ணிக்கையில் சிறிய ரக மீன் பிடி கப்பல்களும் உள்ளன. பெரும்பாலான மீன் பிடி கப்பல்கள் கடற்கரைக் கிராமப்பகுதிகளில் இருப்பதால் அவற்றை எண்ணிக் கணிப்பதில் பல சிக்கல்கள் நிலவுகின்றன. 2004 ஆம் ஆண்டு நிலவரப்படி உலகளவில் 4 மில்லியன் மீன் பிடி கப்பல்கள் இருப்பதாக ஐக்கிய நாடுகளின் உணவு மற்றும் வேளாண்மை அமைப்பு கணித்துள்ளது.மேலும் அதே வருடத்தில் உலகம் முழுவதும் 29 மில்லியன் மீனவர்களால் 85,800,000 டன்கள் மீன்கள் மற்றும் நண்டு இறால் வகை மீன்கள் பிடிக்கப்பட்டுள்ளதாக அந்த அமைப்பின் புள்ளிவிவரம் தெரிவிக்கிறது ^[6].

நன்னீர் கப்பல் போக்குவரத்து

ரைன் ஆற்றில் பயணிகள் கப்பல் செல்லும் காட்சி

நன்னீர் கப்பல் போக்குவரத்தானது ஏரிகளிளும், ஆறுகளிலும், கால்வாய்களிலும் நடைபெறுகிறது.நன்னீரானது கடல்நீரை விட அடர்த்தி குறைவு. ஆகையால் அதற்கேற்றவாறு கப்பல்கள் வடிவமைக்கப்படுகின்றன. மேலும் ஒவ்வொரு நன்னீர் நீர்நிலைகளின் நிள அகலத்திற்கு ஏற்றவாறும் கப்பல்கள் உருவாக்கம் செய்யப்படுகின்றன. உதாரணமாக தன்யூப் ஆறு, மிசிசிப்பி ஆறு, ரைன் ஆறு, யாங்சி ஆறு, அமேசான் ஆறு மற்றும் அமெரிக்கப் பேரேரிகளில் மிகப்பெரிய கப்பல்கள் செல்லும் அளவுக்கு அகலமாகவும் மற்றும் ஆழமாகவும் காணப்படுகின்றன.

கப்பல்களின் வகைகள்

வர்த்தக கப்பல்கள்

சான் பிரான்சிஸ்கோவில் இரண்டு கொள்கலக் கப்பல்கள்

வர்த்தக கப்பல்கள் அல்லது வணிக கப்பல்களை மூன்று பெரும் பிரிவுகளாக பிரிக்கலாம் - சரக்குக் கப்பல்கள், பயணிகள் கப்பல்கள், மற்றும் சிறப்பு தேவை கப்பல்கள்.^[7] சரக்கு கப்பல்கள் உலர் மற்றும் திரவ சரக்கு போக்குவரத்திற்கு பயன்படுகிறது.

பயணிகள் கப்பல்களின் அளவு சிறிய ஆற்று படகுகளில் இருந்து மிக பெரிய கப்பல்கள் வரை செல்லும். ஒரு இடத்தில் இருந்து மற்றொரு இடத்திற்கு பயணிகளை கொண்டு செல்லும் கப்பல்கள், குறுகிய பயணங்களுக்கு பயணிகள் மற்றும் வாகனங்களை ஏற்றிச்செல்லும் கப்பல்கள், இன்ப பயணங்கள் மேற்கொள்ளப்படும் கப்பல்கள் இந்த வகையில் அடங்கும்.

கடற்படை கப்பல்கள்

அமெரிக்க வானூர்தி தாங்கிக் கப்பல்

கடற்படை கப்பல்கள், இராணுவ நோக்கங்களுக்காக பயன்படுத்தப்படும் கப்பல்கள் ஆகும். கடற்படை கப்பல் பல வகையாக உள்ளன. கடலின் மேற்பரப்பில் போர் புரியும் கப்பல்கள், நீர்மூழ்கி கப்பல்கள், மற்றும் ஆதரவு மற்றும் துணை கப்பல்கள்.

பெரும்பாலான இராணுவ நீர்மூழ்கி கப்பல்கள் தாக்குதல் நீர்மூழ்கி கப்பல்கள் அல்லது கண்டம் விட்டு கண்டம் பாயும் ஏவுகணை நீர்மூழ்கி கப்பல்கள் ஆகும். இரண்டாம் உலக போரின் முடிவு வரை டீசல் / மின்சார நீர்மூழ்கிகளின் முதன்மை பணி கப்பல் எதிர்ப்பு போர், இராணுவ படைகளுக்கு உதவி மற்றும் உளவு பணிகள். சிறந்த சோனார் அமைப்புகள், அணு உந்துவிசை வளர்ச்சி போன்ற காரணிகளால் நீர்மூழ்கி கப்பல்கள் திறம்பட பணிபுரிய முடிந்தது.

மீன்பிடி படகுகள்

மீன்பிடி படகுகள் வர்த்தக கப்பல்களின் ஒரு துணைக்குழு, ஆனால் அளவு சிறியதாகவும் பல்வேறு கட்டுப்பாடுகள் விதிக்கப்பட்டும் இருக்கும். அவற்றை பல விதங்களிலும் வகைப்படுத்த முடியும்: கட்டுமானம், அவற்றல் பிடிக்கப்படும் மீன்களின் வகை, பயன்படுத்தப்படும் மீன்பிடி முறை, புவியியல் தோற்றம், மற்றும் தொழில்நுட்ப அம்சங்கள்.

படகுகளும், கப்பல்களும்

கட்டுமானம்

கப்பல் கட்டுமானம் கப்பல் கட்டும் தளத்தில் நடைபெறுகிறது. கட்டப்படும் கப்பலின் அளவை பொருத்து அது ஒரு சில மாதங்கள் முதல் 10 ஆண்டுகளுக்கு மேலும் நீடிக்கும். கப்பல் கட்ட பயன்படுத்தப்படும் பொருட்கள் மற்றும் கப்பலின் அளவு போன்றவை கட்டுமான முறையை தீர்மானிப்பதில் ஒரு பெரிய பங்கு வகிக்கும். ஒரு கண்ணாடியிழை படகு மேலோடு அச்சிலிருந்தும், ஒரு சரக்கு கப்பல் எஃகு பாகங்களை ஒன்றாக பற்ற வைத்தும் கட்டப்படுகிறது.

பொதுவாக, கப்பலின் கட்டுமானம் அதன் வெளிப்புற சுவர் கட்டப்படுவதுடன் தொடங்குகிறது. இது பெரும்பாலும் நிலப்பகுதியில் செய்யப்படுகிறது. வர்ணம் பூசப்பட்ட பின், அது மிதக்கவிடப்படுகிறது. மேல் பகுதிகளை கட்டுவதும் உபகரணங்களை நிறுவுவதும் பின்னர் செய்யப்படும். கப்பல் தொடங்குதல் ஒரு முக்கியத்துவம் வாய்ந்த விழாவாக இருக்கிறது. வழக்கமாக கப்பல் அப்போது தான் முறையாக பெயரிடப்படும்.

கடல் வணிகக் கப்பல்கள்

சான் பிரான்சிஸ்கோ துறைமுகத்தில் செல்லும் இரண்டு நவீன கொள்கலக் கப்பல்கள்

வர்த்தக கப்பல்கள் அல்லது வணிக கப்பல்களானது, மீன்பிடி கப்பல்கள் (fishing vessels), சரக்குக் கப்பல்கள் (cargo ships), பயணிகள் கப்பல்கள் ( passenger ships) மற்றும் சிறப்பு-நோக்க கப்பல்கள் (special-purpose ships) என நான்கு பெரும் பிரிவுகளாக பிரிக்கப்படுகின்றன.ஐக்கிய நாடுகள் சபையின் வர்த்தக மற்றும் வளர்ச்சி அமைப்பின் (UNCTAD) கடல் வழி வர்த்தகம் தொடர்பான ஆய்வறிக்கையில் (UNCTAD review of maritime transport ) கப்பல்களை பின்வருமாறு வகைப்படுத்தியுள்ளது ^[8].

எண்ணெய்க் கப்பல்கள் (oil tankers)
பெரும் கொள்கலக் கப்பல்கள் (bulk (and combination) carriers)
பொதுச் சரக்குக் கப்பல்கள் (general cargo ships)
கொள்கலக் கப்பல்கள் (container ships)
மற்ற கப்பல்கள் (other ships)

இதில் மற்ற கப்பல்கள் என்பதில் திரவ பெட்ரோலிய வாயு ,திரவ இயற்கை எரிவாயு , வேதியப் பொருட்கள் ஆகியவற்றை சுமந்து செல்லும் கப்பல்கள், தூர்வாரி (dredgers) , இழுவை, மரச்சட்டங்கள் ஏற்றிச்செல்லும் கப்பல்கள் (reefers),பயணிகள் கப்பல்கள், உல்லாசக் கப்பல்கள் (cruise) போன்ற சிறப்பு வகைக் கப்பல்களும் அடங்கும். ^[9]

சிறப்புப் பயன்பாட்டுக் கப்பல்கள்

வானிலைக் கப்பல்கள் (weather ships) போன்ற சிறப்பு வகைக் கப்பல்கள் கடல் வளிமண்டலத்தில் புவி வெப்பமயமாதல் கணிப்புகள் மேற்கொள்ளவும் கடல் மேற்பரப்பு வானியல் ஆய்வுகளுக்கும் ஒரு தளமாக கடல் பரப்பில் நிறுத்திவைக்கப்படுகின்றன.

கடற்படைக் கப்பல்கள்

இந்திய மற்றும் அமெரிக்க கடற்படைப் போர்க் கப்பல்கள் வங்காள விரிகுடா கடலில் கூட்டு இராணுவப் பயிற்சியில் ஈடுபடும் காட்சி

நாட்டின் இராணுவ மற்றும் கடற்படைப் பாதுகாப்பிற்காகவும், ரோந்துப் பணிக்காகவும் ஆயுதங்கள், விமானங்கள், சிறப்பு வகை பாதுகாப்பு உபகரணங்கள்,தொலைக்கண்டுணர்வி (radar) உள்ளிட்ட வசதிகளைக் கொண்ட கப்பல்கள் கடற்படைக்கப்பல்களாகும். இவை பலவாறு வகைப்படுத்தப்படுகின்றன.

மேலும் காண்க

பட்டியல்கள்

புகழ் பெற்ற கப்பல்கள்

மேற்கோள்கள்

↑ UNCTAD 2007, p. x and p. 32.
↑ "The Columbian Exchange"வடக்கு கரோலினா பல்கலைக்கழகம்.
↑ UNCTAD (2016). REVIEW OF MARITIME TRANSPORT 2016. ஜெனீவா: ஐக்கிய நாடுகள் பதிப்பகம். p. 31. பன்னாட்டுத் தரப்புத்தக எண் ISBN 978-92-1-112904-5. {{cite book}}: Check |isbn= value: invalid character (help)
↑ https://en.wikipedia.org/wiki/Operation_Black_Buck
↑ https://www.voanews.com/a/a-13-a-2003-02-18-16-us-66843702/375375.html
↑ name="fao9">UNFAO 2005, p.9.
↑ UNCTAD 2007, p. xii இதே போன்ற, ஆனால் சற்றே விரிவான வகைப்பாடு முறையை பயன்படுத்துகிறது.
↑ name="unctadxii">UNCTAD 2007, p. xii uses a similar, but slightly more detailed classification system.
↑ Hoffmann, Jan; Asariotis, Regina; Benamara, Hassiba; Premti, Anila; Valentine, Vincent; Yousse, Frida (2016), Review of Maritime Transport 2016 (PDF), United Nations, p. 104, பன்னாட்டுத் தரப்புத்தக எண் 978-92-1-112904-5, பன்னாட்டுத் தர தொடர் எண் 0566-7682

[unctad07x-1] UNCTAD 2007, p. x and p. 32.

[2] "The Columbian Exchange"வடக்கு கரோலினா பல்கலைக்கழகம்.

[UNCTAD/RMT/2016-3] UNCTAD (2016). REVIEW OF MARITIME TRANSPORT 2016. ஜெனீவா: ஐக்கிய நாடுகள் பதிப்பகம். p. 31. பன்னாட்டுத் தரப்புத்தக எண் ISBN 978-92-1-112904-5. {{cite book}}: Check |isbn= value: invalid character (help)

[4] ttps://en.wikipedia.org/wiki/Operation_Black_Buck

[5] ttps://www.voanews.com/a/a-13-a-2003-02-18-16-us-66843702/375375.html

[6] ="fao9">UNFAO 2005, p.9.

[unctadxii-7] UNCTAD 2007, p. xii இதே போன்ற, ஆனால் சற்றே விரிவான வகைப்பாடு முறையை பயன்படுத்துகிறது.

[8] ="unctadxii">UNCTAD 2007, p. xii uses a similar, but slightly more detailed classification system.

[UNCTAD-9] Hoffmann, Jan; Asariotis, Regina; Benamara, Hassiba; Premti, Anila; Valentine, Vincent; Yousse, Frida (2016), Review of Maritime Transport 2016 (PDF), United Nations, p. 104, பன்னாட்டுத் தரப்புத்தக எண் 978-92-1-112904-5, பன்னாட்டுத் தர தொடர் எண் 0566-7682

[1]

[2]

[3]

[4]

[5]

[6]

[7]

[8]

[9]