பரசுராம் (2003 திரைப்படம்)

பரசுராம் (Parasuram) என்பது 2003ஆம் ஆண்டில் வெளியான ஒரு இந்தியத் தமிழ் அதிரடித் திரைப்படம் ஆகும். அர்ஜுன் இயக்கி, நடித்த இப்படத்தில், அப்பாஸ், கவுண்டமணி, கிரண் ராத்தோட், காயத்திரி ரகுராம், ராகுல் தேவ் ஆகியோர் முக்கிய கதாபாத்திரங்களில் நடித்துள்ளனர். இப்படத்திற்கு ஏ. ஆர். ரகுமான் இசையமைத்துள்ளார். இந்த படம் 2003 மே 30 அன்று வெளியிடப்பட்டது.

பரசுராம்
இயக்கம்	அர்ஜுன்
தயாரிப்பு	கே. பிரபாகரன்
கதை	அர்ஜுன்
இசை	ஏ. ஆர். ரகுமான் (பாடல்கள்) பிரவீண் மணி (பின்னணி இசை)
நடிப்பு	அர்ஜுன் அப்பாஸ் கிரண் ராத்தோட் காயத்திரி ரகுராம் கவுண்டமணி இராகுல் தேவ்
ஒளிப்பதிவு	கே. எஸ். செல்வராஜ்
படத்தொகுப்பு	பி. சாய் சுரேஷ்
கலையகம்	அன்பாலயா பிலிம்ஸ்
வெளியீடு	மே 30, 2003 (2003-05-30)
ஓட்டம்	155 நிமிடங்கள்
நாடு	இந்தியா
மொழி	தமிழ்

கதை

ஆகாஷ் தலைமையிலான ஒரு நிழலுலக பயங்கரவாதக் குழுவானது வேலையில்லாத இளைஞர்களை வேலைக்கு அமர்த்தி அவர்களை பாக்கித்தானுக்கு அனுப்பி தற்கொலைக் குண்டுதாரிகளாக மாற்றுகிறது. இந்த வழக்கு உதவி காவல் ஆணையர் பரசுராமினம் ( அர்ஜுன் ) ஒப்படைக்கப்படுகிறது. அவர் எப்படி அந்த கும்பலை ஒழிக்கிறார் என்பதே கதை.

நடிப்பு

• அர்ஜுன் - காவல் துணை ஆணையர் பரசுராம் ஐ.பி.எஸ்
• அப்பாஸ் -சிவாவாக
• கிரண் ராத்தோட் - அஞ்சலி / ராதிகா
• காயத்திரி ரகுராம் - மீனாவாக
• கவுண்டமணி காவல் துணை ஆய்வாளர் தங்கராஜாக
• இராகுல் தேவ் ஆகாஷ் / சங்கரன் குட்டி
• ராஜேஷ் காவல் துறைத் தலைவர்
• சியாம் கணே@் - சிவாவின் அண்ணன் நகுலன்
• வெண்ணிற ஆடை மூர்த்தி அஞ்சலியின் தந்தை
• வையாபுரி (நடிகர்) அஞ்சலியின் மாமா
• ராம்ஜி
• மன்சூர் அலி கான் உள்துறை அமைச்சர் விசுவநாதன்
• ராஜ்யலட்சுமி பரசுராமின் தாய்
• சாருஹாசன் நீதியரசர்
• வினு சக்ரவர்த்தி காதர் முகமது

தயாரிப்பு

இந்த படம் துவக்கத்தில் அசோகா என்ற பெயரில் சாஜி கைலாஸ் இயக்குவதாகவும், சம்யுக்தா வர்மாவும், அர்ஜுனும் முன்னணி பாத்திரங்களில் நடிப்பதாக முடிவு செய்யப்பட்டது. பின்னர் படைப்பு வேறுபாடுகள் காரணமாக சாஜி படத்திலிருந்து விலகினார், அர்ஜுன் தானே இயக்குனராக பொறுப்பேற்றார்.

வரவேற்பு

Sify.com, இந்த திரைப்படத்தை "பரிதாபம்" என்று அழைத்தது.

இசை

இப்படத்தின் படல்களுக்கு ஏ. ஆர். ரகுமான் இசையமைத்க, பின்னணி இசையை ரகுமானின் உதவியாளர் பிரவின் மணி அமைத்தார். இதில் ரகுமானின் இசையானது சராசரி ரகமாக கருதப்படுகிறது.

பாடல்	பாடகர் (கள்)	காலம்	பாடல் வரிகள்
"டோல்னா டோல்னா"	ஹரிஹரன், சுஜாதா மோகன்	5:25	பா. விஜய்
"காதல் வெட்டுக்கிளி"	கார்த்திக், சாதனா சர்கம்	5:58	கபிலன்
"சிட்டுக்குருவி"	சுவர்ணலதா, அர்ஜுன், ஸ்ரீராம் பார்த்தசாரதி	5:48	பழனி பாரதி
"முப்பது நிமிடம்"	உன்னிகிருஷ்ணன், சுஜாதா மோகன்	4:32	வைரமுத்து
"ஜாக் அண்ட் ஜில்"	சுர்ஜோ பட்டாச்சார்யா, நித்யஸ்ரீ மகாதேவன், மாதங்கி	5:57	பழனி பாரதி

 

வெளி இணைப்புகள்

• இணையதள திரைப்பட தரவுத்தளத்தில் Parasuram