பூவிழி வாசலிலே

பூவிழி வாசலிலே என்பது 1987 ஆவது ஆண்டில் வெளியான ஒரு இந்தியத் தமிழ்த் திரைப்படமாகும். ஃபாசில் இயக்கிய இத்திரைப்படத்தில் சத்யராஜ், சுஜிதா ஆகியோர் முன்னணி கதாபாத்திரங்களில் நடித்திருந்தனர். இப்படத்திற்கு இளையராஜா இசையமைத்திருந்தார். இத்திரைப்படம் பூவினு புதிய பூந்தென்னல் என்னும் மலையாள மொழித் திரைப்படத்தின் மீளுருவாக்கம் ஆகும்.

பூவிழி வாசலிலே
குறுந்தகுடு அட்டைப்படம்
இயக்கம்	ஃபாசில்
தயாரிப்பு	இலட்சுமி பிரியா கம்பைன்சு
கதை	ஃபாசில் கோகுல கிருஷ்ணா (வசனம்) சித்திக், லால், பாபு, பால்சன் (கதை உதவி)
இசை	இளையராஜா
நடிப்பு	சத்யராஜ் சுஜிதா கார்த்திகா ரகுவரன் பாபு ஆண்டனி நிழல்கள் ரவி
ஒளிப்பதிவு	ஆனந்தகுட்டன்
படத்தொகுப்பு	டி. ஆர். சேகர்
கலையகம்	இலட்சுமி பிரியா கம்பைன்சு
விநியோகம்	இலட்சுமி பிரியா கம்பைன்சு
வெளியீடு	சனவரி 14, 1987 (1987-01-14)
ஓட்டம்	155 நிமிடங்கள்
நாடு	இந்தியா
மொழி	தமிழ்

வெளியீடு

1987 சனவரி 14 அன்று வெளியான இத்திரைப்படம் ரசிகர்கள் மட்டுமின்றி திரைப்பட விமர்சகர்களாலும் பாராட்டு பெற்ற திரைப்படமாகும். இப்படம் சென்னை, கோவை, மதுரை, திருச்சி உள்ளிட்ட தமிழகத்தின் பல்வேறு பகுதிகளிலும் 100 நாட்களைக் கடந்து வெற்றிகரமாக ஓடியது. இது சிறந்த வெற்றித் திரைப்படம் என அறிவிக்கப்பட்டது.

நடிகர்கள்

• சத்யராஜ் - ஜீவா
• சுஜிதா - பென்னி
• கார்த்திகா - யமுனா
• ரகுவரன் - ஆனந்த்
• பாபு ஆண்டனி - ரஞ்சித்
• நிழல்கள் ரவி - காவல் ஆய்வாளர்
• டி. எஸ். இராகவேந்திரா - விஸ்வநாதன்
• ராஜ்யலட்சுமி - கங்கா/ஸ்டெல்லா
• சார்லி - சிறப்புத் தோற்றம்
• டெல்லி கணேஷ் - சிறப்புத் தோற்றம்

பாடல்கள்

இப்படத்தின் பின்னணி இசை மற்றும் இப்படத்தின் பாடல்களுக்கு இசையமைத்தவர் இளையராஜா ஆவார். இப்படத்தின் ஆறு பாடல்களையும் இளையராஜா, கங்கை அமரன், முத்துலிங்கம், மற்றும் காமகோடியன் ஆகியோர் எழுதியிருந்தனர்.

எண்	பாடல்	பாடகர்(கள்)	பாடலாசிரியர்	நீளம் (நி:நொ)
1	"ஆட்டம் இங்கே"	சித்ரா, மலேசியா வாசுதேவன், எஸ். பி. சைலஜா		4:27
2	"அண்ணே அண்ணே"	மனோ		4:14
3	"சின்ன சின்ன ரோஜாப்பூவே"	கே. ஜே. யேசுதாஸ்	முத்துலிங்கம்	4:29
4	"ஒரு கிளியின்" (ஆண்)	கே. ஜே. யேசுதாஸ்		4:35
5	"ஒரு கிளியின்" (பெண்)	சித்ரா		4:31
6	"பாட்டு எங்கே"	சித்ரா, மலேசியா வாசுதேவன்		4:27