விக்கிப்பீடியா:ஆலமரத்தடி/தொகுப்பு13

கட்டாயம் செய்ய வேண்டியது

நம் வாசகர்களைப்பற்றி விரிவாக அறிந்து கொள்ள ஒரு அரிய வாய்ப்பு - m:General Survey Translation. நம்மில் சிலராவது இதில் இணைந்து கேள்விகளைத் தமிழில் மொழிபெயர்க்க வேண்டும். நான் ஏற்கனவே விண்ணப்பித்துள்ளேன். -- சுந்தர் ^{\பேச்சு} 04:53, 18 ஜூன் 2008 (UTC)

தமிழ் விக்கிப்பீடியாவின் தடங்கள்...சில சிந்தனைகள்

தமிழ் மொழி இலக்கிய மொழியாக, சிறப்பாக இன்ப இலக்கிய மொழியாகவே நெடுங்காலம் இருந்து வந்தது என்ற ஒரு குறை பலரால் முன்வைக்கப்படுகிறது. தொல்காப்பியம், திருக்குறள், திருமந்திரம், சித்தர்கள் ஆக்கங்கள் போன்றவை விதி விலக்குகளாக இருந்தாலும், தமிழ் மொழியில் நேரடியாக தகவல்களை சேர்த்து தரும் முயற்சிகள் அரிது என்றே சொல்லலாம். அதன் நீட்சியாக என்னவே அறிவியல் தமிழும், நுட்ப விடியங்களைப் பகிரும் தமிழும் இன்றும் பல சவால்களை எதிர்நோக்கியுள்ளன. தமிழில் அறிவியல் ஏடுகள் இன்னும் விருத்தி பெறாமை ஒரு குறிப்பிடத்தக்க பின்னடைவே. இந்த நிலையில் இன்றைய இணைய உலகில் சில ஆக்கபூர்வமான மாற்றங்களை அவதானிக்கலாம். பல இணையத்தளங்களில் அறிவியல் ஒரு பகுதியாக நிரந்தரமாக இடம்பெற்றுவருவதை காணக்கூடியதாக உள்ளது. ஒரு சில எழுத்தாளர்கள் மட்டும் எடுத்தாண்ட நுட்ப எழுத்து துறை இன்று சற்று விரிந்து பலரும் முயற்சி செய்யும் பங்களிக்கும் துறையாக மாறி வருகிறது. இந்த சூழலில்தான் தமிழ் விக்கிப்பீடியாவும் வளர்ந்து வருகிறது.

இயல்களின் பரப்பை கண்டறிதல்

தமிழ் விக்கிப்பீடியாவின் முதற்பணி நாம் பல இயல்களின் பரப்பை கண்டறிந்து அவற்றைப் பற்றிய குறிப்பை சேர்த்து வருவதுதான் எனலாம். இதை ஆங்கிலத்தில் Mapping of Human Knowledge or Subject Fields என்று சொல்லாம். தமிழில் எல்லாத் துறைகளைப் பற்றியும் எழுத முடியும், இந்த இந்த துறைகளில் கூடிய கவனம் தந்தால் நன்றாக இருக்கும் என்று இந்த செயற்பாடு சொல்ல முனைகிறது.

கலைச்சொற்களை கருத்துக்களத்தில் பயன்படுத்தல், தரப்படுத்தல்

இதுவரை கலைச்சொற்கள் அகரமுதலியாகவோ, அலல்து பட்டியலாகவோ மட்டும் தொகுக்கப்பட்டன. அது ஒரு பாரிய பணி என்பதில் சந்தேகமில்லை. எனினும் கருத்துக்களை அவற்றின் பயன்பாட்டுச் சூழலில் வைத்து, இணைத்து பார்க்க கூடிய சாத்தியக் கூறு தமிழி விக்கிப்பீடியாவில் சிறப்பாக இருக்கிறது. பல நாட்டு பயனர்களும் பங்கு கொள்வதால் கலைச்சொற்கள் தரப்படுத்தல், அல்லது ஒரு புரிந்துணர்வை நோக்கி நகரக் கூடியதாக இருக்கிறது. இது ஒரு முக்கிய செயற்பாடு. தமிழ் விக்கசனரியில் 100 000 சொற்களைச் சேர்த்திருப்பது தமிழ் நுட்ப எழுத்துலகில் ஒரு சிறு புரட்சியே.

ஆழமான கட்டுரைகள்

தமிழ் விக்கிப்பீடியாவில் இப்போதே பல ஆழமான கட்டுரைகள் உண்டு. குறிப்பாக கணிதத் துறையில் Pvk ஆக்கித் தந்த கட்டுரைகள், மற்றும் பலர் தமது அனுபவ கல்வி துணைகொண்டு தொடர்ந்தும் ஆக்கி தருகின்றார்கள். இவ்வாற கட்டுரைகள் காலப்போக்கில் பெருகும் என்பது பலரின் எதிர்பார்ப்பு. இது அறிவியல் தமிழில் ஒரு முக்கிய திருப்பு முனை. சிறு சிறு துணுக்குகளின் தொகுப்பு அல்லது இயல் அறிமுகங்கள் மட்டுமே அறிவியல் தமிழ் என்ற தோற்றப்பட்டை இது முறியடிக்கின்றது.

பார்வைகள்

பல சமூக இயல்கள் கருத்துருக்கள் சமூகத்தால் கட்டமைக்கப்படும் கருத்துருக்கள் (social constructs). இவை வேறு சமூகப் பிண்ணியில் வைத்துப் பார்க்கும் பொழுது பொருந்தி வராமல் போகலாம். அதனால், நாம் இவை பற்றி சற்று கூடிய விழிப்புணர்வுடன் கட்டுரைகளை எழுத வேண்டும். குறிப்பாக ஐரோப்பிய மையப் பார்வையை, வர்க்க பார்வைகளை அடையாளம் கொண்டு கொள்ளுதல் நன்று.

இடம் சார் சமூகம் சார் கட்டுரைகள்

ஆங்கில விக்கியில் National என்றால் US குறிப்பது போன்றும், Best என்றால் ஆங்கில உலகின் உற்பத்திகள் மட்டும் போன்ற ஒரு ஏற்பாடு இயல்பாக ஏற்படுகிறது. எ.கா Best Movies List என்றால் ஆங்கில படங்கள் மட்டுமே அங்கு இருக்கின்றன. தமிழில் ஒரு சில திரைப்படங்களாவது பாக்க கூடிய அளவில் இருக்கின்றன. எனவே, அவற்றைப் பற்றி அறிய தமிழர்களுக்கு ஆவலாக இருக்கலாம். இப்படி பல எடுத்துக்காடுகளை தரலாம். 1960 கள் என்றால் ஒரு சில புரிதல்கள் ஆங்கில உலகில் வரும், தமிழ்நாட்டு வரலாற்றிலோ, தமிழீழ வரலாற்றிலோ அதே மாதிரியான புரிதல்கள் வருவதில்லை.

தொலை தூரப் பார்வை

தமிழ்நாட்டில் 3 மில்லியன் இணைப்புகள், அதில் அனேகருக்கும் தமிழ் கணிமை தெரியாது. இந்த நிலை முன்னேறும் என்றே அனுமானிக்கலாம். இயந்திர மொழிபெயர்ப்பு வரலாம், ஆனால் இப்பொதைய நிலைமையும் இழுப்பறியையும் பார்க்கையில் அது 10-20 ஆண்டுகளுக்கு மேலாகலாம். கோபி முன்னர் சுட்டியது போல, அந்த நுட்பத்துக்கு தேவையான பரிசோதனைகளை மேற்கொள்ளவே தமிழில் தரவுகள் தேவையாக இருக்கலாம். மேலும் இயந்திரம் கருத்துக்களை ஆக்கி தராது. அதை மனிதர், அவர்களின் சிந்தனைகள், கதையாடல்களே ஆக்கி தரும். அதற்கு த.வி ஒரு முக்கிய தளம். --Natkeeran 17:22, 5 ஜூலை 2008 (UTC)

ஏற்கனவே மின்மடலில் நாம் பரிமாறிய சிந்தனைகள். பொதுவில் பகிர்ந்ததற்கு நன்றி. தமிழ், தமிழ் விக்கி திட்டங்கள் குறித்த உங்கள் திட்டமிட்ட அணுகுமுறை, முயற்சிகள் முக்கியத்துவம் வாய்ந்தது--ரவி 23:03, 16 ஜூலை 2008 (UTC)

நன்றி ரவி. நூலகத் திட்டத்திலும் சில முயற்சிகள் உண்டு. இந்த மாதிரி திட்டங்களுக்கு இடையே en:Synergy இருந்தால் நன்றாக இருக்கும். --Natkeeran 23:22, 16 ஜூலை 2008 (UTC)

விளையாட்டு

• விளையாட்டு
• 2008 ஒலிம்பிக் விளையாட்டுப் போட்டிகள்

பயனர்கள் இந்தக் கட்டுரைகளுக்கு சற்று கவனம் தந்தால் நன்றாக இருக்கும். --Natkeeran 18:16, 9 ஜூலை 2008 (UTC)

விக்கிப்பீடியாவில் பயனர் பங்களிப்பு..ஒர் அலசல்...சற்று பழையது

• Motivation and non-English versions of Wikipedia --Natkeeran 13:16, 15 ஜூலை 2008 (UTC)

தமிழ் நவீன பயன்பாட்டுக்கு உதவுகிறதா? ஜெயமோகன்

• தமிழ் நவீன பயன்பாட்டுக்கு உதவுகிறதா?

ஆம், பல தேவையற்ற சொற்கள் வரும். அதை தவிர்க்க முடியாது. சுருக்கம், பொருட்செறிவு, ஒலியிசைவு, விரிவாக்கப்பண்பு ஆகியவற்றின் அடிப்படையில் சொற்கள் நிலைபெறுகின்றன, அழிகின்றன. சிற்றிதழ் சூழலில் தினமும் கலைச்சொற்கள் பிறக்கின்றன. உலக சிந்தனைகளில் ஒரு முக்கிய பகுதி இங்கு பேசப்படுகிறது. அதற்கேற்ப கலைச்சொற்கள் பிறந்தபடியே இருக்கின்றன. நான் எப்போதுமே ஆங்கிலச்சொல்லை பயன்படுத்துவதில்லை. சொற்கள் இல்லையென்றால் நானே கண்டடைவேன், தமிழின் பழமரபில் அது இருக்கும். அப்படி நான் உருவாக்கிய 50 சொற்களேனும் இப்போது பரவலாக புழக்கத்தில் உள்ளன. [பட்டியலிட இரும்பவில்லை. என் ஏராளமான எதிரிகள் உடனே அச்சொற்களை தவிர்க்க ஆரம்பித்துவிடுவார்கள்.]

அறிவியல் மற்றும் தொழில்நுட்ப சொற்கள் தமிழில் குறைவே. காரணம் அவற்றை புழங்கும் சூழல் இங்கு இல்லை. ஆனால் அரசியல், இலக்கிய சித்தாந்த தளங்களில் எதையுமே சொல்லுமளவுக்கு கலைச்சொற்கள் உள்ளன. உண்மையில் சிற்றிதழ் சூழலின் வலிமையும் சிக்கலும் இதுவே. ஒரு தீவிர வாசகன் இரண்டு வருடம் இடைவெளி விட்டால் கூட சிற்றிதழ்களை புரிந்துகொள்வது கடினமானதாகிவிடும். புதியவர் ஒருவர் கலைச்சொற்களை புரிந்துகொண்டு உள்ளே நுழைவது அதற்குரிய உழைப்பிற்கு பிறகே சாத்தியமாகும். எத்தனையோ உலகியல் விஷயங்களில் கடுமையான உழைப்பையும் சிரத்தையையும் செலுத்தும் தமிழ் வாசகர்கள் இலக்கியத்தில் மட்டும் அதற்கு தயாராக இருப்பதில்லை. ஐம்பது வருடங்களாக சீரான வளர்ச்சி அடைந்துள்ள ஒரு துறைக்குள் சாதாரணமாகப் புகுந்து குழம்பி, மனம் புண்படுகிறார்கள். ‘எனக்கே புரியலை சார்!’ என்ற குற்றச்சாட்டை தமிழ் வாசகர்களிடமிருந்து சிற்றிதழ் எழுத்தாளர்கள் அனேகமாக தினமும் சந்திக்கிறார்கள். தாழ்வுணர்ச்சியின் விளைவான நக்கல் எரிச்சல் போன்றவை சாதாரணம். ஆனால் பலவிதமான பிழைகள், சிக்கல்கள் ஆகியவற்றைத் தாண்டி மிக ஆக்கபூர்வமான பணிகள் நடக்கும் தளம் இது.

விளையாட்டுப் போட்டிகள் பெயரிடல் ஒழுங்கு...பரிந்துரை

• 2008 ஒலிம்பிக் விளையாட்டுப் போட்டிகள்
• ஆசியக் கிண்ணம் 2008
• 2008 என்.பி.ஏ. இறுதிப்போட்டிகள்
• 2007 துடுப்பாட்ட உலகக்கிண்ணம்
• 2006 உலகக்கோப்பை கால்பந்து

மேலே உள்ள பெயர்களை வைத்து பின்வரும் பரிந்துரை முன்வைக்கப்படுகிறது.

• ஆண்டு, விளையாட்டு, கிண்ணப்/போட்டி பெயர்
• அதற்கமைய
• 2008 என்.பி.ஏ இறுதிப்போட்டிகள் - சரி
• 2007 துடுப்பாட்ட உலகக்கிண்ணம் - சரி
• 2008 ஒலிம்பிக் விளையாட்டுப் போட்டிகள் - சரி
• 2008 துடுப்பாட்ட ஆசியக்கிண்ணம் - பரிந்துரை
• 2006 கால்பந்து உலகக்கிண்ணம்/கோப்பை - பரிந்துரை
• அல்லது இனிமேல் இப்படி செய்யலாம்.

--Natkeeran 17:16, 17 ஜூலை 2008 (UTC)

அன்றாடப் பக்க வருகைகள்

இந்திய மொழி விக்கிப்பீடியாக்களில் பக்க வருகைகளின் புள்ளிவிவரங்கள்:

(மொழிப் பெயருக்கு அருகில் அடைப்புக் குறிக்குள் இருப்பது கட்டுரை எண்ணிக்கைப்படி மொழிகளின் நிலை)

ஹிந்தி (55)	76,264	- 47 ஆவது நிலை
தெலுங்கு (37)	65,308	- 50 ஆவது நிலை
வங்காளம் (60)	62,248	- 52 ஆவது நிலை
மராட்டி (58)	54,070	- 57 ஆவது நிலை
தமிழ் (66)	51,475	- 62 ஆவது நிலை
மலையாளம் (91)	41,183	- 70 ஆவது நிலை

கட்டுரை எண்ணிக்கைக்கும் வருகைகளுக்கும் இடையில் ஓரளவு தொடர்பு இருப்பதாகத் தெரிகிறது. மயூரநாதன் 17:30, 18 ஜூலை 2008 (UTC)

மகிழ்ச்சி. தமிழ் இணையத்தளங்களைப் பொருத்த வரை இது குறிப்பிடத்தக்கது., தரவுகள் எங்கிருந்து?--ரவி 19:14, 18 ஜூலை 2008 (UTC)

மேற்காட்டிய தரவுகளின் மூலத்தை இங்கே பார்க்கவும். தமிழ் விக்சனரி 20,962 வருகைகளுடன் 30 ஆவது இடத்தில் உள்ளது. மயூரநாதன் 20:16, 18 ஜூலை 2008 (UTC)

தரப்படுத்த வேண்டிய சொற்கள்

• விமானம் - வானூர்தி - aircraft, aeroplane
• விமான நிலையம் - வானூர்தி நிலையம் ??
• வானோடி - வானூர்தி ஓட்டுனர் - piolot
• விண்கலம் - spacecraft
• விண்ணோடி - astronaut

--Natkeeran 16:28, 20 ஜூலை 2008 (UTC)

தமிழ் விக்கிப்பீடியா செயற்பாடுகளை எளிமைப்படுத்தல்

• பக்க வகைகளின் கட்டமைப்பு தற்போதைய தமிழ் விக்கிப்பீடியாவின் நிலையில் இது அவ்வளவு பயன்படாது. இதன் பேச்சு பக்கத்தில் உள்ள பயன்மிக்க தகவல்கள் விக்கிப்பீடியா:வகைபடுத்துதல் சேர்க்கப்பட்ட பின்பு காப்பகத்தில் இடப்படும்.

• விக்கிப்பீடியா:கலந்துரையாடல் ஆலமரத்தடி காப்பகத்தில் இடப்பட்டுள்ளது. ஆலமரத்தடியில் கலந்துரையாடல் பெரிதும் இடம்பெறுகின்றன. இந்தப் பக்கம் 90% தற்போது பயன்படுத்தப்படுவதில்லை.

--Natkeeran 23:08, 20 ஜூலை 2008 (UTC)

அரபிய விக்கிப்பீடியாவின் பிரச்சினைகள்

• A Wikipedian Challenge: Convincing Arabic Speakers to Write in Arabic
• In Egypt, Wikipedia is more than hobby
• In Egypt, a Thirst for Technology and Progress

எகிப்து விக்கிமேனியாவை ஒட்டி அரபிய விக்கிப்பீடியாவின் பிரச்சினைகளைப் பற்றிய குறிப்புகள். ஆங்கிலமல்லா வளரும் நாட்டு மொழிகளுக்குப் பொதுவாக நிறைய பிரச்சினைகள் இருக்கின்றன போலும்..--ரவி 20:30, 23 ஜூலை 2008 (UTC)

உண்மைதான் ரவி. ஆங்கிலத்துக்கு அளவுக்கு மீறிய முதன்மை நிலை வழங்குவதால் தான் இந்நிலை என்பது எனது கருத்து. சொந்த மொழிகளை நடைமுறையில் புழங்குவதற்கு உள்ள தயக்கம் வளர்ந்து வரும் நாடுகளில் எல்லா மொழி பேசுவோரிடையேயும் உள்ளது. தொழில்நுட்ப விடயங்களில் சொந்த மொழிகளைப் பயன்படுத்துவதில் நியாயமான பல பிரச்சினைகள் இருக்கின்றன. அவற்றை ஒருபுறம் ஒதுக்கிவிட்டுப் பார்த்தால்கூட சமையல் போன்ற விடயங்களில் கூட 50% ஆங்கிலம் கலந்துதான் பேச முடியும், எழுத முடியும் என்றால் என்ன செய்ய முடியும்? மயூரநாதன் 15:21, 25 ஜூலை 2008 (UTC)

கவலைக்குரிய விசயம் என்னவென்றால், விக்கிபீடியா வளரவில்லை என்பது குறியீடு தான். பிரச்சினை இம்மொழிகளின் ஒட்டுமொத்த வருங்காலம் குறித்து. ஏதாவது ஒரு நாட்டின் தேசிய மொழியாக இல்லாத மொழிகள், வளரும் / வளரா நாட்டு மொழிகள், மருத்துவம்-பொறியியல் என்று அனைத்து துறையின் உயர் படிப்பு, ஆராய்ச்சியிலும் பயன்படாத மொழிகளின் வருங்காலம் கேள்விக்குறியே :( --ரவி 20:40, 25 ஜூலை 2008 (UTC)

ஆவார், ஆகும்

எல்லா கட்டுரைகளிலும் ஒவ்வொரு வரியிலும் ஆவார், ஆகும் என்று வருவது அலுப்பாக இருக்கிறது. இவற்றை விடுத்து எழுதுவது ஏற்புடையதா? பாடநூல் நடையில் இது போல் ஆகும், ஆவர் என்று முடிவது வழக்கம். ஆனால், நவீன இதழ்களில் அதை விடுத்தும் எழுதுகிறார்கள்.

எடுத்துக்காட்டுக்கு,

• பிள்ளையார், இந்து மதக் கடவுள் ஆவார்.
• பிள்ளையார், ஒரு இந்து மதக் கடவுள் ஆவார்.
• பிள்ளையார், ஒரு இந்து மதக் கடவுள்.

எப்படி எழுதுவது சரி, ஏற்புடையது?--ரவி 20:32, 23 ஜூலை 2008 (UTC)

நல்ல பரிந்துரை. நான் முயற்சி செய்வேன். --Natkeeran 21:06, 23 ஜூலை 2008 (UTC)

கூகுள் knol

விக்கிப்பீடியாவுக்குப் போட்டியாக ஊடகங்களால் வர்ணிக்கப்படும் கூகுள் knol (தமிழில் நால் என்று எழுதலாமா?) பொதுப் பார்வைக்கு வந்துள்ளது :) --ரவி 20:35, 23 ஜூலை 2008 (UTC)

மெருகூட்டிய வலைப்பதிவு திரட்டி! அவர்களின் பல செயற்திட்டங்களில் ஒன்றாகத்தான் இதைப் இப்ப பார்க்க முடியுது. எவ்வளவு வளங்களை இங்க செலுத்திறாங்க என்பதைப் பொறுத்து இருக்கு. --Natkeeran 21:05, 23 ஜூலை 2008 (UTC)

கூகுள் X Knol--ரவி 17:40, 24 ஆகஸ்ட் 2008 (UTC)

Prof. V. Krishnamurthy (Profvk) வாழ்த்துக்கள்

பயனர்:Profvk 150 கட்டுரைகளுக்கு மேலாக ஆக்கி பகுப்பு:கணிதம் வளர்த்து தந்தவர். அவர் மீண்டும் தமிழ் விக்கியில் பங்களிக்கு உள்ளார். அவருடன் மின்னஞ்சல் தொடர்பு கொண்ட போது பினவரும் வாழ்த்து செய்தி தந்தார்.

“ I have been busy in settling in the new home of mine in Bangalore. I would like to resume my contributions to the Tamil Wikepedia and I hope I will get the mood and time very soon. Please convey my best wishes and greetings to all the well-wishers of Tamil in the Wikepedia group. ”

- Profvk

--Natkeeran 14:30, 25 ஜூலை 2008 (UTC)

நல்ல செய்தி. மயூரநாதன் 15:22, 25 ஜூலை 2008 (UTC)

புதுப் பயனர்களை அணுகுவது எப்படி

• முன்குறிப்பு: இது பயனர்கள் ஏற்கனவே செய்யும் செயற்பாடுகளே. ஆவணப்படுத்தலுக்காக.
• ஒரு புதுப் பயனர் கட்டுரை இட முயன்றால், இயன்றவரை அந்த கட்டுரையை மேம்படுத்தி நல்ல எடுத்துக்காட்டு தரலாம்.
• ஒரு புதுப் பயனர் சார்புக் கட்டுரை இட்டால். இயன்றவரை அதன் தகவல்களை பேணி, கட்டுரையை மேம்படுத்த உதவலாம்.
• ஒரு புதுப் பயனர் த.வி கொள்கைகள் நடைமுறைகளை அறிந்து வருவார் என்று நாம் எதிர்பார்க்க கூடாது. குறைந்தது 10-20 கட்டுரைகளுக்கு பின்னரே அப்படி எதிர்பார்த்தல் தகும்.
• ஒரு புதுப் பயனரை நல்ல எதிர்பார்ப்புடன் அணுகுதல் வேண்டும்.
• ஒரு புதுப் பயனர் விசமியாக இனங்காணப்பட்டால் மேற்சொன்னவை பொருந்தாது.

--Natkeeran 22:38, 25 ஜூலை 2008 (UTC)

Clay Shirky: Institutions vs. collaboration

• http://www.ted.com/index.php/talks/clay_shirky_on_institutions_versus_collaboration.html

--Natkeeran 00:36, 26 ஜூலை 2008 (UTC)

காலத்தை குறிப்பிடுதல் - தரப்படுத்தல்

• ஆண்டு மட்டும்: XXXX நிகழ்வு
• திகதியும் : XX மாதம் XXXX நிகழ்வு

--Natkeeran 20:05, 26 ஜூலை 2008 (UTC)

புள்ளிவிவரங்கள்

த.வி வாசகர் வரத்து குறித்து விரிவாக அறிந்து அதன்படி செயல்படுவதற்காக google analytics நிரல் போன்றவற்றை ஒவ்வொரு பக்கத்திலும் தானியக்கமாகச் சேர்க்கலாமா? விக்கிப்பீடியா கொள்கைகள் இதை அனுமதிக்கும் பட்சத்தில் சுந்தர், வினோத் போன்றவர்கள் தானியக்கப் பணிக்கு உதவினால் நன்றாக இருக்கும்--ரவி 16:33, 27 ஜூலை 2008 (UTC)

கூட்டு முயற்சிக் கட்டுரைகள்

த.வி தொடக்கத்தில் நிறைய கூட்டு முயற்சிக் கட்டுரைகள் எழுதினோம். அதன் விளைவாகச் சில சிறப்புக் கட்டுரைகளும் பெற்றோம். தற்போது இரண்டு ஆண்டுகளாக இம்முயற்சிகள் இல்லை. முதற்பக்கக் கட்டுரைகளுக்குப் பிறகு சிறப்புக் கட்டுரைகள் உருவாக்கத்தில் கவனம் இல்லை. இவற்றை மீண்டும் கொண்டு வந்தால் பங்களிப்பாளர்களும் ஒருங்கிணைந்து பங்களிக்க உற்சாகமாக இருக்கும்.

• வாரம் ஒரு முதற்பக்கக் கட்டுரை
• மாதம் ஒரு சிறப்புக் கட்டுரை
• ஒரு பெரிய கட்டுரையை எடுத்துக் கொண்டு அதில் சிகப்புத் தொடுப்புகளே இல்லாத வண்ணம் புதிய குறுங்கட்டுரைகளை ஆக்கலாம்.

மேற்கண்ட திட்டங்களைக் கூட்டு முயற்சியாகச் செய்யலாம்--ரவி 19:55, 30 ஜூலை 2008 (UTC)

செய்யலாம் ரவி, சிவப்பு இணைப்புக்களைக் கட்டுரைகள் ஆக்குவது பல சந்தர்ப்பங்களில் இலகுவானது. இதன் மூலம் கட்டுரை எண்ணிக்கையையும் விரைவாக அதிகரிக்கலாம். மயூரநாதன் 20:06, 30 ஜூலை 2008 (UTC)

மயூரனாதனுக்குப் பாராட்டு

கடந்த 4 ஆண்டுகளாக மயூரனாதன் பல வகையான கட்டுரைகள் எழுதினாலும் அவருடைய கட்டிடக்கலை துறை குறித்து பல கட்டுரைகள் எழுதி உள்ளார். குறுகிய காலத்தில் நம்மால் அனைத்துத் துறைகளுக்குமான ஒரு முழுமையான கலைக்களஞ்சியத்தை உருவாக்க இயலாது. ஆனால், ஒரு சில புதிய துறைகளிலாவது இது போல் ஒரு அடிப்படையான கலைக்களஞ்சியத்தை உருவாக்குதல் சாத்தியமே. நான் உட்பட, அனைவரும் அவரவர் ஆர்வம், அறிவுக்கு ஏற்ப ஒரு துறையை எடுத்துச் செயல்படுத்த வேண்டும். பெரும்பாலும் குறுங்கட்டுரைகளாக இருந்தால் கூட பரவாயில்லை. --ரவி 19:57, 30 ஜூலை 2008 (UTC)

ரவி, உங்கள் பாராட்டுகளுக்கு நன்றி. இன்னும் சில வாரங்களில் தமிழ் விக்கிப்பீடியா தனது ஐந்தாண்டுகளை நிறைவு செய்து விடும். அடுத்த ஓரிரு ஆண்டுகளில், தமிழ் விக்கியை விரைவாக மேம்படுத்துவதற்குரிய வழிவகைகள் குறித்துச் சிந்திக்க வேண்டும். நற்கீரன் அண்மையில் கூட்டு முயற்சியாகத் தானியங்கிக் கட்டுரைகளை எழுதுவது பற்றிக் கருத்து வெளியிட்டு இருந்தார். இது தொடர்பில் கணினித் துறை சார்ந்தவர்களின் உதவியுடன் முயற்சிக்கலாம். எனினும் கட்டுரைகளின் தரத்தைப் பேணுவதிலும், பல்வேறு துறைகளுக்கு இடையிலான சமநிலையைப் பேணுவதிலும் கவனம் செலுத்துவது நல்லது. ஒரு சமயத்தில் 250 தொடக்கம் 300 வரையான கட்டுரைகளை எழுதக் கூடிய விடயங்கள் பல உள்ளன. எடுத்துக்காட்டாக இந்தியாவிலுள்ள 250 அளவிலான தேசிய நெடுஞ்சாலைகள் பற்றி ஏறத்தாழ 4.0 கிபை அளவிலான கட்டுரைகளைத் தானியங்கி மூலம் உருவாக்க முடியும் என்பது எனது கருத்து (இந்தக் கட்டுரையைப் பார்க்கவும்) மயூரநாதன் 20:28, 30 ஜூலை 2008 (UTC)

கண்டிப்பாக செய்வோம் மயூரனாதன். தானியங்கி செயற்பாட்டுக்கு உரிய கட்டுரைகள், தகவல் மூலங்களை விக்கிப்பீடியா:தானியங்கிக் கட்டுரையாக்கப் பரிந்துரைகள் பக்கத்தில் குறித்து வைப்போம்--ரவி 20:47, 30 ஜூலை 2008 (UTC)

இந்து நாளிதழ் கட்டுரை...தமிழ், தாய்மொழிக் கல்வி இழிவு

It’s Tamil medium, yet learning proves a challenge - The Hindu வினோத்☯ラージャン 01:30, 31 ஜூலை 2008 (UTC)

எதிர்க் கருத்துக்கள்

ஆங்கிலேயர்கள் தங்கள் அன்றாட வாழ்வில் Isosceles, duodecagon என்றெல்லாமும்தான் பேசிக்கொள்கிறார்களா? மீரா சீனிவாசன் எழுதி, இந்து நாளிதழ் வெளியிட்டுள்ளது ஒரு சிறிதும் பொறுப்பான நேர்மையான (அறிவான) செய்தி அல்ல. --செல்வா 02:18, 31 ஜூலை 2008 (UTC)

1. பதிவர் பத்ரியின் கட்டுரை
2. பயனர் புருனோவின் வலைப்பதிவு

--சிவக்குமார் ^{\பேச்சு} 02:41, 31 ஜூலை 2008 (UTC)

இந்தக் கட்டுரையில் கட்டுரை ஆசிரியர் என்ன சொல்ல வருகிறார்? தமிழில் பேச்சுக்கும், எழுத்துக்கும் வேறுவேறான இரண்டு வடிவங்கள் இருப்பது சிரமமாக இருக்கிறது அதனால் பேசாமல் ஆங்கிலத்தையே இரண்டுக்கும் வைத்துக் கொள்ளலாம் என்கிறாரா?. எந்த மொழியிலுமே கலைச் சொற்கள் பேச்சு மொழியில் இருந்து வருவதில்லை. தற்காலத்தில் ஒவ்வுரு நாளும் பல துறைகளையும் சேர்ந்த கலைச் சொற்கள் உருவாகிக் கொண்டுதான் இருக்கின்றன. இவையெல்லாம் பேச்சு மொழியில் புழங்குவதும் இல்லை. அதற்கான தேவையும் கிடையாது. பல கலைச் சொற்கள் பேச்சு மொழியிலும் புழக்கத்துக்கு வருவது உண்டு. புவி ஈர்ப்பு அல்லது புவியீர்ப்பு என்பது முடியைப் பிய்த்துக்கொள்ளும் அளவுக்குத் தமிழ் நாட்டில் பிரச்சினை கொடுக்கும் சொல்லாக இருக்கிறது என்பது வியப்பாக இருக்கிறது. இலங்கையில் தமிழ்ப் பிள்ளைகள் 12 ஆம் வகுப்பு வரை பல பத்தாண்டுகளாகத் தமிழிலேயே பல துறைக் கல்வியையும் கற்று வருகிறார்கள். புவியீர்ப்பு என்பது அங்கே ஒரு சாதாரண மனிதனுக்கும் புரியும். செல்வா சுட்டிக்காட்டியிருப்பதுபோல், ஆங்கிலேயரும் கலைச்சொற்கள் மூலம் வீட்டில் பேசிக்கொள்வதும் இல்லை, பேச்சு மொழியில் இருந்து கலைச் சொற்களை உருவாக்குவதும் இல்லை. பெரும்பாலான கலைச்சொற்கள் துறை வல்லுனர்களுக்கும், மாணவர்களுக்கும் மட்டுப்படுத்தப்பட்டவை தான் அவற்றைப் புதிதாகக் கற்றுக் கொள்ளத்தான் வேண்டும். ஒரு சாதாரண தமிழனுக்குப் புவியீர்ப்பு என்ற சொல் மூலம் அதன் பொருளைப் புரிந்து கொள்ளச் சிரமமாக உள்ளது ஆனால் gravity என்பது அதன் பொருளைத் தமிழனுக்கு இலகுவாகப் புரிய வைக்கிறது என்றால் சிரிக்காமல் என்ன செய்ய முடியும். ஆங்கிலத்தில் அறிவியல் படிக்கும் மாணவர்கள், Archaeopteryx, Archosauromorpha போன்ற சொற்களையெல்லாம் அவற்றின் பொருளைப் புரிந்து கொள்ளாமலே மனப்பாடம் செய்யவேண்டும் என்பதை மிக மகிழ்ச்சியாக ஏற்றுக் கொள்பவர்கள் தமிழில் புரிந்து கொள்ளக்கூடிய சொற்களை நினைவில் வைத்துக் கொள்வதையிட்டு ஏன் இவ்வளவு அலட்டிக் கொள்கிறார்கள்?. மரபு வழியாக விவசாயம் செய்வதானால் கூட ஏராளமான புதிய சொற்களைப் பயின்று கொள்ளத்தான் வேண்டும். பூச்சிகொல்லி, சொட்டு நீர்ப்பாசனம் போன்ற பயன்பாடுகள் மக்களிடையே இலகுவாகப் புழங்கவில்லையா? Insecticide, drip irrigation என்றால் இன்னும் இலகுவாக இருந்திருக்கும் என்கிறார்களோ? மயூரநாதன் 05:43, 31 ஜூலை 2008 (UTC)

மேம்படுத்த வேண்டிய கட்டுரை

• புவி ஈர்ப்பு விசை

பெயர்க் குழப்பங்கள்

• பகுப்பு:திரைப்படம்
• பகுப்பு:தமிழ்த் திரைப்படம்
• பகுப்பு:தமிழ்த் திரைப்படங்கள்

தமிழ்த் திரைப்படம் என்ற பகுப்பு பொதுப் பகுப்பு போன்று இருக்கின்றது. அதாவது தமிழ்த் திரைப்படத்துறையை குறித்து நிற்கின்றது. தமிழ்த் திரைப்படங்கள் என்ற பகுப்பில் தனி தனி திரைப்படங்கள் இருக்கின்றன. இவை இரண்டும் பொருள் குழப்பத்தை தருகின்றன. பகுப்பு:நாடு வாரியாக திரைப்படத்துறை என்று பகுக்க போனால் பொது பகுப்பை திரைப்படத்துறை என்பது கூடிய பொருத்தமாக இருக்கும். எனினும் இதுவரை பகுப்பு:திரைப்படம் என்று இருப்பதாலும், அத்வே எளிமையாக பொதுப் பயன்பாட்டில் இருப்பதாலும் திரைப்படம் என்பதை திரைப்படத்துறை போன்றும் பயன்படுத்தலாம். மேல் நிலையில். ஆனால் தமிழ்த் திரைப்படத்துறை என்பது கூடிய பொருத்தமாகப் படுகிறது.

--Natkeeran 14:00, 1 ஆகஸ்ட் 2008 (UTC)

கட்டுரைக்கு ஒரு படம்

குறுங்கட்டுரையாக இருந்தாலும் அதில் ஒரு படம் இருப்பது அழகு தான். படமில்லா கட்டுரைகளில் படங்கள் சேர்ப்பதை ஒரு திட்டமாகக் கொண்டு செய்யலாம். த.வி தரம் உயரவும் உதவும்--ரவி 18:12, 6 ஆகஸ்ட் 2008 (UTC)

இந்தத் திட்டத்தில் தமிழ் விக்கியையும் இணைக்கலாம். -- சுந்தர் ^{\பேச்சு} 06:40, 12 ஆகஸ்ட் 2008 (UTC)

108 கணினி துணைகள் :)

https://translate.fedoraproject.org/POT/comps.HEAD/comps.HEAD.ta.po வினோத்☯ラージャン 06:19, 10 ஆகஸ்ட் 2008 (UTC)

சிறுவர் கலைக்களஞ்சியம்

என்னுடைய பத்து வயது அக்கா மகள் தன்னுடைய எல்லா ஆர்வங்களுக்கும் விக்கிப்பீடியாவையே நாடுகிறாள். அவளைப் பொருத்தவரை கூகுள், விக்கிப்பீடியா இரண்டும் தான் இணையம் :) சிறுவர்கள் பயன்படுத்தக்கூடிய, அவர்களுக்குப் புரியக்கூடிய அடிப்படைக் கலைக்களஞ்சியம் ஒன்றை உருவாக்கினாலே நாம் தமிழ் விக்கிப்பீடியாவின் தரத்தில் பெருமளவு முன்னேற்றம் கண்டு விடுவோம். சிறுவர்கள், பள்ளி மாணவர்கள் நல்ல இலக்கு வாசகர்களாக இருப்பார்கள். ஏனெனில் அவர்களின் ஆங்கில அறிவு மட்டுப்படுத்தப்பட்டிருக்கும் நிலையில் தமிழே முதன்மை தகவல் அறியும் மொழியாக இருக்கும். சிறு வயதில் ஒருவருக்கு ஒன்றின் மேல் வரும் ஈடுபாடு வயதான பின்னும் தொடர்வதைக் காணலாம். சிறுவர்களை நாம் தமிழ் விக்கிப்பீடியா பக்கம் ஈர்ப்போமானால் அவர்கள் வளர்ந்த பின்னும் தமிழ் விக்கிப்பீடியாவைப் பயன்படுத்த, பங்களிக்க முன்வருவார்கள் என்று எதிர்ப்பார்க்கலாம். விலங்குகள், பறவைகள், விளையாட்டுகள் போன்று சிறுவர்களுக்கு ஆர்வமூட்டக்கூடிய துறைகளில் கூடிய முன்னுரிமை கொடுத்து நாம் கட்டுரை ஆக்கலாம். --ரவி 12:20, 10 ஆகஸ்ட் 2008 (UTC)

கட்டாயம் செய்வோம் ரவி. ஒரு விக்கித்திட்டம் தொடங்கினால் நன்றாக செய்யலாம். --சிவக்குமார் ^{\பேச்சு} 03:06, 11 ஆகஸ்ட் 2008 (UTC)

அதனால்தான் நான் தொடக்க நாட்களில் இருந்து நாய், கரடி என்றும் பட்டாம்பூச்சி, தட்டாரப்பூச்சி, வண்டு என்றும் எளிமையான உயிரினங்கள் பற்றி அவ்வப்பொழுது எழுதி வருகிறேன். விக்கி நூல்களில் யானை என்று ஒரு பக்கம் முன்னர் ஆக்கினேன். அது போல எளிதாக மழலையர் முதல் 6-7 ஆவது படிக்கும் மாணர்வர்கள் வரை சிறுவர்களுக்குப் பயன்படுமாறு நன்றாக எழுதலாம். ஆனால் எல்லாவற்றையும் ஒரு 8-10 பேரே செய்வதால் எதனையும் நிறைவாக செய்ய முடியவில்லை. எத்தனைதான் பணிகள் செய்தாலும், ஒரு சிறிதாயினும் புதுக் கட்டுரையாக்கத்திலும் பங்களிக்க வேண்டும். பலர் அளிப்பதில்லை, பலர் வேறு பல பணிகளுக்குச் சென்று விட்டார்கள். சிறுதுளி பெருவெள்ளம் என்பது ஒரு மாமந்திரம். எண்ணிப்பாருங்கள் 75 மில்லியன் மக்களில் ஒரு 1000 பேர் முன் வந்து ஆளுக்கு ஒரு 20 கட்டுரைகள் எழுதியிருந்தால் இன்று நாம் 20,000 கட்டுரைகள் கொண்டிருப்போம். மாறாக மயூரநாதன் 2000, கனகு 1000 என்றும் ஒரு சிலர் மட்டுமே ஆயிரம், நூறு என்று கட்டுரைகள் எழுத வேண்டியுள்ளது. இது இன்பம் பயக்கும், பயன்மிகுந்த பணி என்றாலும், இன்னும் பலரும் வந்து ஒருசிறிதாவது பங்களிக்க வேண்டும். தற்பொழுது 4,000 பயனர்கள் பதிவு செய்துள்ளார்கள் (இது மிகவும் குறைவான எண்ணிக்கை), ஆனால், அதிலும் பங்களிப்பவர்கள் இன்னும் அணுவளவகாக இருக்கின்றார்கள். விக்கி முறைகளில் தடைகள் இருக்கலாம். புதிதாக வருபவர்களுக்குத் தயக்கம் குழப்பங்கள் இருக்கலாம். இவற்றையெல்லாம் தகர்த்தெறிந்து, தாண்டி நாம் இன்னும் மிக மிக விரைவாக முன்னேற வேண்டும். வியட்நாமிய விக்கியில் 81,000 பயனர்கள் இருக்கிறார்கள், 'டச்சு விக்கியில் 180,000 பயனர்கள் இருக்கிறார்கள், மிகச்சிறு மக்கள்தொகையே கொண்ட இசுரேலியர் (ஈபுரு மொழியினர்) 60,000, பின்னி^ச் மொழியினர் 80,000 என்று பங்களிக்கிறார்கள். தமிழர்கள் ஏன் இப்படி உறங்கிக்கொண்டிருக்கின்றனர்? திட்டங்கள் பல வகுக்கலாம், ஆனால், சிறப்புடன் செய்ய ஆட்கள் வேண்டுமே! --செல்வா 13:09, 11 ஆகஸ்ட் 2008 (UTC)

ஒரு நாளைக்கு 30 புதிய கட்டுரைகள் வேண்டும்

எண்ணிக்கை மட்டுமே தமிழ் விக்கிக்கு முக்கியம் இல்லை, ஆனால் மற்ற தரம்கூட்டும் தன்மைகளைப் பெருக்குவது மட்டுமல்லாமல், கட்டுரை ஆக்க விரைவைக் கூட்டுதல் வேண்டும். ஒரு நாளைக்குக் குறைந்தது 30 கட்டுரைகளாவது நாம் ஆக்குதல் வேண்டும். நாம் ஒரு நாளைக்கு 7-10 கட்டுரைகள்தான் எழுதுகிறோம். மார்ச் 2007ல் நாளொன்றுக்கு 51 கட்டுரைகளும், ஏப்பிரல் 2007ல் நாளொன்றுக்கு 44 கட்டுரைகள் எழுதியது விதிவிலக்கு. விக்கி ஆர்வலர்களே, கட்டுரை ஆக்க எண்ணிக்கையை, தரம் தளரவிடாமல் முடுக்கி விடுங்கள்!--செல்வா 22:06, 11 ஆகஸ்ட் 2008 (UTC)

நடுவில் தனிவாழ்வில் ஏற்பட்ட சில சிக்கல்களாலும் பணிச்சுமையாலும் என்னால் கட்டுரைகளை எழுத முடியவில்லை. இப்போது சிக்கல்கள் ஓரளவு தணிந்துள்ளன. சிறிதளவாவது பங்களிக்க முயலுகிறேன். -- சுந்தர் ^{\பேச்சு} 06:44, 12 ஆகஸ்ட் 2008 (UTC)

சுந்தர், என் கூற்றை அருள்கூர்ந்து தவறாக எண்ணிவிடாதீர்கள். நான் யாரொருவரையும் குறிப்பிட்டு எழுதவில்லை. என் நினைப்பு என்னவென்றால், ஒரு கிழமைக்கு (வாரத்திற்கு) ஒரு 4-5 வரிக் கட்ட்டுரை ஒருவர் எழுதினாலும், ஓராண்டில் அவர் 52 கட்டுரைகள் எழுதிவிடுவார். இப்படி ஒரு 1000 பேர் முன் வந்தால் நாம் ஓராண்டில் 52,000 கட்டுரைகள் எழுத முடியுமே. ஏன் ஒரு 500 பேர் முன்வந்தாலும் 26,000 கட்டுரைகள் எழுதமுடியுமே. ஏறத்தாழ 4,000 பயனர்கள் பதிவு செய்துள்ளார்கள், அவர்களுள் ஒரு 500 பேராவது கிழமைக்கு ஒரு 4-5 வரிக் கட்டுரை எழுதலாமே. அதாவது சிறுதுளி பெருவெள்ளம் என்பதை ஒவ்வொருவரும் மனதில் கொண்டு சிறிளவாவது ஆக்கம் தரலாமே என்பதுதான். பல புதுப்பயனர்கள் முன்வந்து கட்டுரையாக்கம் செய்ய வேண்டுகிறேன்.--செல்வா 13:25, 12 ஆகஸ்ட் 2008 (UTC)

தவறாகக் கொள்ளவில்லை, செல்வா. உங்கள் கூற்றின் பின்னிருக்கும் எண்ணத்தைத் தெளிவாக அறிவேன். உண்மையாகவே எனது ஆற்றாமையைத் தான் பதிந்தேன். -- சுந்தர் ^{\பேச்சு} 14:28, 12 ஆகஸ்ட் 2008 (UTC)

என்ன திட்டம் போட்டாலும், முனைப்பாகப் பங்களிப்பவர் எண்ணிக்கை குறிப்பிடத்தக்க அளவில் கூடினால் மட்டுமே முறையான வளர்ச்சியைப் பெறமுடியும். கட்டுரைகள் எண்ணிக்கை பங்களிப்பவர்களின் எண்ணிக்கைக்கேற்ப கூடும் என்பது ஒருபுறம் இருக்க, அத்தகைய அதிகரிப்பு புதிய புதிய துறைகள் சார்ந்த கட்டுரைகள் எழுதப்படுவதற்கும் வழிவகுக்கும். அத்துடன் கூடிய உறுப்பினர் கொண்ட குழுக்களில் பல்வேறுபட்ட திறமைகளையும் ஆர்வங்களையும் கொண்டவர்களும் அடங்கும் வாய்ப்பு கூடுதல் என்பதால் பரவலாகத் தமிழ் விக்கியின் தரம் கூடுவதற்கான வாய்ப்புக்களும் உண்டு. எடுத்துக்காட்டாக Trengarasu உருவாக்கிய வார்ப்புருக்கள் பல ஏராளமான கட்டுரைகளுக்கு வளம் சேர்த்தபடியுள்ளன. இது போல இன்னும் பலர் தங்களுக்குரிய தனித்துவமான திறமைகளைப் பயன்படுத்தித் தவிக்கு வளம் சேர்த்துள்ளார்கள். எனவே பங்களிப்பவர் எண்ணிக்கை அதிகரிப்பது தமிழ் விக்கியின் வளர்ச்சிக்கு மிகவும் முக்கியமானது. தமிழ் விக்கிப்பீடியா பற்றிய தகவல் செல்ல வேண்டிய இடங்களுக்கு இன்னும் சென்றடையவில்லை என்றே தோன்றுகிறது. அடிக்கடி இது பற்றிய கலந்துரையாடல்களை நாம் நடத்தியிருந்தாலும், இது குறித்த தெளிவு ஏற்படவில்லை என்பதுடன் இந் நிலைமையில் முன்னேற்றம் ஏற்படுத்தக்கூடிய வழிமுறைகளும் கண்டறியப்படவில்லை. விக்கிப்பீடியாவை உரிய இடங்களில் அறிமுகப்படுத்துவதற்கு ஊடகங்களின் துணையும், பல்கலைக்கழக, கல்லூரி மாணவர்களின் துணையும் தேவை. இது போதிய அளவில் நடைபெறாமைக்குத் தமிழ் நாட்டிலிருந்து போதிய அளவு முனைப்பான பயனர்கள் இல்லாததே காரணம் எனத் தோன்றுகிறது. பங்களிக்கும் பயனர்களில் மிகப் பெரும்பாலானோர் தமிழ்நாட்டுக்கும், இந்தியாவுக்கும் கூட வெளியிலிருந்துதான் பங்களிப்புச் செய்கிறார்கள். இது களத்தில் மக்களுடனான தொடர்புகளை வைத்துக்கொள்வதற்குச் சாதகமாக இல்லை. எனவே ஏற்கெனவே களத்திலிருந்து நீண்ட காலமாகப் பங்களிப்புச் செய்யும் சுந்தர், சிவகுமார் போன்றோருடன் இன்னும் பலர் இணைந்து கொள்ளவேண்டும். மயூரநாதன் 17:14, 16 ஆகஸ்ட் 2008 (UTC)

Manual for new and small Wikipedias

Hello, at Meta there are pages created to help new and small Wikipedias: Manual and Wikipedia and help pages. You are welcome to have a look and comment. Kind regards --Ziko 22:57, 15 ஆகஸ்ட் 2008 (UTC)

15,000 கட்டுரைகளை எட்ட இருக்கின்றோம்

இன்னும் ஓரிரு நாட்களில் 15,000 கட்டுரைகளை எட்ட இருக்கின்றோம்! நவம்பர் 7, 2007 அன்று 12,000 கட்டுரைகளை தமிழ் விக்கிப்பீடியா எட்டியது என்று கருதும்பொழுது, நாம் சற்று மெதுவாகவே நகர்வதாக உணர்கிறேன். அதாவது பங்களிப்புகள் செய்வதை விட்டுப் போவோரைக் காட்டிலும் வந்து சேர்வோர் எண்ணிக்கை கூடுதலாகவும், ஆளொருவருக்கான சராசரி கட்டுரை ஆக்க எண்ணிக்கையும் ஓரளவுக்குக் கூடுதல் ஆக வேண்டும். மலையாள விக்கியில் ஏறத்தாழ 50 கட்டுரைகள் சிறப்புக் கட்டுரைகளாக அறிவித்து இருக்கின்றார்கள். நெடிய கட்டுரைகளாகவும் (80-100 கிலோபைட் போன்ற அளவில்) அவை இருக்கின்றன. உள்ளடக்கத்தின் சிறப்பை ஓரளவுக்கு உணரமுடிந்தாலும், எழுத்துநடையின் சிறப்பு என்னவாக உள்ளது என்பதை நான் அறியேன். பொதுவாக மலையாளமும், அண்மையில் இந்தியும் மிக நன்றாக முன்னேறி வருவதாக உணர்கிறேன். இதுகாறும் தமிழ் விக்கி அடைந்துள்ள முன்னேற்றம், தரம் பெருமை உடையதாக உள்ளது. பங்களித்த யாவரும் உண்மையிலேயே பெருமை கொள்ளலாம். வரும் ஓராண்டில் குறைந்தது 7,000 புதிய கட்டுரைகளும் (முடிந்தால் 10,000மும்), பெருமை சேர்க்கும் ஒரு 100 அருமையான நடுநீள (30-50 கி'பைட்), அல்லது நெடிய (>50 கி 'பைட்) கட்டுரைகளும் நம் பங்களிப்பாளர்கள் ஆக்க முற்பட வேண்டும் என்பது என் அவா! பங்களிப்பாளர்களுக்கு என் வாழ்த்துகள்!--செல்வா 15:02, 16 ஆகஸ்ட் 2008 (UTC)

செல்வா சொல்வது சரிதான். தமிழ் விக்கிப்பீடியா தொடங்கி 5 ஆண்டுகள் ஆகப்போகின்றன. 15,000 கட்டுரைகளையும் எட்ட இருக்கிறோம். ஏறத்தாழ சராசரியாக ஓராண்டுக்கு 3,000 கட்டுரைகள். நவம்பர் 2007 தொடக்கம் இன்று வரையான சுமார் 10 மாதகாலத்தில் 3,000 கட்டுரைகள் எழுதியிருப்பது சராசரியிலும் கூடவாக இருப்பினும், ஏற்பட்டிருக்க வேண்டிய வளர்ச்சி வீதத்தையும் கணக்கில் கொண்டு பார்க்கும்போது வேகம் போதாது என்பது உண்மைதான். செல்வா குறிப்பிட்டது போல், மலையாள விக்கி பல அம்சங்களிலும் சிறப்பாக முன்னேறி வருகிறது. குறிப்பிடத்தக்க அளவில் பெரிய கட்டுரைகளை அவர்கள் எழுதி வருகிறார்கள். அந்த விக்கியின் "Depth" 117 ஆக இருக்க தமிழ் விக்கியின் "Depth" 20 மட்டுமே. இது அவர்களது பங்களிப்புச் செறிவைக் காட்டுகிறதா எனத் தெரியவில்லை. எதிர்வரும் ஆண்டுகளில் தமிழ் விக்கியில் கட்டுரை ஆக்க வேகத்தைக் கூட்டவேண்டும். தானியங்கிக் கட்டுரை ஆக்க விடயத்தில் ஓரளவு கவனம் செலுத்தலாம். ஆனால், நல்ல பயனுள்ள கட்டுரைகளை எழுத முயலவேண்டும். திட்டமிட்டுச் செயல்பட்டால் தற்போதுள்ள வளங்களுடனேயே கூடிய பயனைப் பெறலாம் என்பது எனது கருத்து. தமிழ் விக்கியிலும் தற்போது நீளம் கூடிய கட்டுரைகள் எழுதப்படுகின்றன. எனது பங்குக்கு நானும் ஏற்கெனவே இருக்கும் சில கட்டுரைகளை விரிவு படுத்துவதுடன் புதிய சில பெரிய கட்டுரைகளை எழுதவும் எண்ணியுள்ளேன். கட்டுரையின் நீளம் கூடுதலாக இருப்பது மட்டுமன்றி அவை முழுமையானவையாகவும் இருக்கவேண்டும். அத்துடன், சான்றுகள் கொடுத்தல் போன்ற விடயங்களிலும் கவனம் செலுத்த வேண்டும். மயூரநாதன் 16:09, 16 ஆகஸ்ட் 2008 (UTC)

முக்கிய கருத்துருக்களும் (concepts) தலைப்புகளுக்கும் கவனம் தாருங்கள். கோயில் என்ற கட்டுரை முக்கியம். ஆனால் எல்லா இடங்களிலும் இருக்கும் கோயில்கள் பற்றி தீவர பங்களிப்பாளர்கள் எழுதுவது அவசியமில்லை (ஆர்வம் இருந்தால் நிச்சியம் எழுதலாம், ஆனால் தரம் எண்ணிக்கை என்ற நோக்கில் அப்படி எழுத தேவையில்லை). அதற்கு அவை பற்றி சிறப்பு ஈடுபாடுள்ள பயனர்கள் வந்து எழுதலாம். நிச்சியமாக தமிழில் எல்லா நிகழ்பட ஆட்டங்கள் பற்றியும் கட்டுரைகள் எழுதப்பட கூடிய சாத்தியக் கூறு குறைவு. ஆனால் நாம் கணிதத் துறையின் முக்கிய தலைப்புகள் அனைத்திலும் கட்டுரைகளை எழுத முடியும், எழுத வேண்டும். --Natkeeran 16:46, 16 ஆகஸ்ட் 2008 (UTC)

15,000 கட்டுரைகளை எட்டும்போது நாம் அவற்றில் எத்தனை கலைக்களஞ்சியக் கட்டுரையாகக் கருதப்படக் கூடியன என்பதையும் நோக்க வேண்டியுள்ளது. கட்டுரை அளவு 2 கி'பைட் என்றாலும் 20 கி'பைட் என்றாலும் ஒவ்வொரு கட்டுரையும் தன்னளவில் முழுமையாக இருப்பது முக்கியமென நினைக்கிறேன். முக்கிய கட்டுரைத் தலைப்புக்கள் அனைத்திற்கும் குறைந்தது 2 கி'பைட் அளவிலேனும் கட்டுரைகள் வேண்டும். அவற்றில் பல தொடங்கப்படாமலேயே உள்ளன. (பொருத்தமான இணைய இணைப்பின்மையால் பங்களிக்க முடியாதுள்ளேன். இனிவரும் காலங்களில் அவ்வப்போதேனும் பங்களிக்க முயல்கிறேன்.) நன்றி. கோபி 16:59, 16 ஆகஸ்ட் 2008 (UTC)

திருகோணமலையில் தங்கியிருக்கும் இடத்தில் ஒழுங்கான இணைப்பு இல்லை. டயல்-அப் இணைப்பில் தான் பங்களித்து வருகின்றேன். மோசமான ஆமைவேக இணைப்பால் பெரும்பாலும் இரவு காத்திருந்தே பங்களிக்கவேண்டிய துர்பாக்கிய நிலையில் இருக்கின்றேன். திருகோணமலையில் அகலப்பட்டை இணைப்பை வழங்க ஆரம்பித்து விட்டனர். தற்போது அலுவலகங்களுக்கு மாத்திரமே வழங்கிவருகின்றனர். தொடர்ந்து வீடுகளுக்கு வழங்குவார்கள் என திடமாக நம்புகின்றேன். இணைப்பு ஒழுங்காகியுடன் நிச்சமாயாக என்பங்களிப்பை அதிகரிக்க முயல்கின்றேன். --உமாபதி ^{\பேச்சு} 17:05, 16 ஆகஸ்ட் 2008 (UTC)

SUL request

Dear bureaucrat. This is joseph from Turkish Wikipedia. I want to usurp the account named locally as "joseph" for SUL merge. Here is confirmation Thanks. (any message here please) --88.227.206.227 16:59, 17 ஆகஸ்ட் 2008 (UTC)

புதிய விக்கி சின்னம்

[[படிமம்:புதிய விக்கி சின்னம்.png]] புதிய விக்கி சின்னம் ஒன்றை பதிவேற்றியுள்ளேன் உங்கள் கருத்துக்களைக் கூறினால் தேவையான மாற்றங்களைச் செய்யலாம்.பின்னர் உத்தியோகபட்ச சின்னத்தை மாற்றீடு செய்யலாம்.--Terrance ^{\பேச்சு} 00:27, 19 ஆகஸ்ட் 2008 (UTC)

நன்றி டெரன்சு. எழுத்துக்களை சற்று பெரிதாக்கி, sharpen செய்ய முடியுமா. இல்லாவிட்டால் இதுவே நன்றாக இருக்கின்றது. --Natkeeran 01:01, 19 ஆகஸ்ட் 2008 (UTC)

[[படிமம்:புதிய விக்கி சின்னம் 2.png]] இன்னொரு பதிப்பு.--Terrance ^{\பேச்சு} 01:21, 19 ஆகஸ்ட் 2008 (UTC)

டெரன்சு, பாராட்டுக்கள். இரண்டுமே நன்றாக உள்ளன. கீழே உள்ள 'கட்டற்ற கலைக்களஞ்சியம்' என்பது சற்று தடித்த எழுத்துக்களில் தந்தால் இன்னும் நன்றாக இருக்கும் என நினைக்கிறேன்.--சிவக்குமார் ^{\பேச்சு} 01:22, 19 ஆகஸ்ட் 2008 (UTC)

டெரன்ஸ், விக்கிப்பீடியா என்பதில் இருக்கும் "வி" ஐயும், "யா" வையும், சற்றுப் பெரிதாக்கினால், ஏனைய விக்கிச் சின்னங்களில் உள்ளதுபோல் இருக்கும். சரிந்த எழுத்துக்களுக்குப் பதிலாக நேரான எழுத்துக்களைப் பயன்படுத்தியும் ஒன்று வரைந்து பாருங்களேன். மயூரநாதன் 02:35, 19 ஆகஸ்ட் 2008 (UTC)

டெரன்சு, பாராட்டுகள்! இரண்டுமே நன்றாக உள்ளன. மயூரநாதன் கூறியுள்ளது போல வி, யா ஆகிய எழுத்துக்களைப் பெரிதாக்கவேண்டுமா என்பது தெரியவில்லை. இலத்தீன் எழுத்து முறையல்லா இந்திய மொழிகள், பல பிற மொழிகளில் அப்படி முதல், கடைசி எழுத்துக்கள் பெரியனவாக இல்லை, எனவே எனது ஐயம். கீழே உள்ள "கட்டற்ற கலைக்களஞ்சியம் " என்பது சிவக்குமார் கூறியதுபோல கட்டாயம் சற்று பெரிதாக இருக்கலாம் என்று நானும் நினைக்கிறேன். மயூரநாதன் கூறியதுபோல எழுத்துக்கள் சாய்வெழுத்துக்களாக இல்லாமல் நேர் எழுத்துக்களாக இருக்கலாம். மீண்டும் பாராட்டுகள், நன்றிகள், டெரன்சு! --செல்வா 03:23, 19 ஆகஸ்ட் 2008 (UTC)

[[படிமம்:புதிய விக்கி சின்னம் 3.png]] அடுத்த பதிப்பு.--Terrance ^{\பேச்சு} 03:55, 19 ஆகஸ்ட் 2008 (UTC)

மூன்றாவது படம் நன்று டெரன்சு.--சிவக்குமார் ^{\பேச்சு} 04:31, 19 ஆகஸ்ட் 2008 (UTC)

ஆம், மூன்றாவதாக உள்ள படம் நன்றாக உள்ளது. -- சுந்தர் ^{\பேச்சு} 15:14, 19 ஆகஸ்ட் 2008 (UTC)

ஆமாம், மூன்றாவது வடிவம் நன்றாக உள்ளது. முடிந்தால் "கட்டற்ற கலைக்களஞ்சியம் " என்னும் தொடரை சற்று பெரிதாக்கலாம். நன்றி டெரன்சு! --செல்வா 16:46, 19 ஆகஸ்ட் 2008 (UTC)

புதிய விக்கி சின்னம் பதிவேற்றப்பட்டுள்ளது. இதன் மூல காவிப்படம்(SVG) என்னிடம் உள்ளது தேவையானால் பதிவேற்றி விடுகிறேன்.--Terrance ^{\பேச்சு} 01:25, 20 ஆகஸ்ட் 2008 (UTC)

பதிவேற்றலாம் என்றுதான் நினைக்கிறேன். பிறர் என்ன சொல்கிறார்கள் என்று பார்ப்போம்.--செல்வா 02:02, 20 ஆகஸ்ட் 2008 (UTC)

Digital, Analog தமிழ் என்ன?

• digital - எண்முறை, இலக்கமியல்
• analog - ??

--Natkeeran 21:35, 19 ஆகஸ்ட் 2008 (UTC)

digital - எண்மயம் எனப் பயன்படுத்தலாமா? எண்மயமாக்கம் (digitalisation), எண்மய இடைவெளி (digital divide).... கோபி 01:00, 20 ஆகஸ்ட் 2008 (UTC)

dDgital என்பதற்கு எண்மியம் எனலாம், ஆனால் octal என்பதுடன் இது முரண்படும். எண்ணி அறியப்படுவது என்பதால் எண்ணிமம் எனலாம். Digital Camera என்பதை எண்ணிம ஒளிப்படக் கருவி எனலாம். எண்ணிமிய என்றும் கூறலாம் ஆனால் அது சற்று கடினமானது. Digitalization என்பதை எண்ணிமமாக்கல், எண்ணிமப்படுத்தல். Digital System = எண்ணிம ஒருங்கியம். அல்லது எண்ணிம சமைதியம். System என்பதற்கான பரிந்துரையை இங்கு காணலாம். Analog என்பதை இரு விதமாக பெயர்க்கலாம். அளவிடக்கூடிய பண்பு ஒன்று தொடர்ந்து மாறுபடுவது என்னும் கருத்தில் தொடர்மிய, தொடரொழுஙகு எனலாம், ஆனால் உண்மையான பொருள் ஒன்றோடு ஒப்பிட்டு அறிவது என்பதாகும். எனவே ஒப்பளவிய (ஒப்புஅளவு +இயம்) எனலாம். Analog meter = ஒப்பளவிய மானி, Analog computer = ஒப்பளவிய கணினி, Analog Circuit = தொடரொழுங்கு மின்சுற்று அல்லது தொடர்மிய மின்சுற்று. Analog devices = தொடர்மியக் கருவிகள். தொடர்ச்சியாக மாறும் இயல்புகள் அல்லது பண்புகளின் அடிப்படையில் இயங்கும் ஒன்றை தொடர்மியம் எனலாம் என்று நினைக்கீறேன்.--செல்வா 02:32, 20 ஆகஸ்ட் 2008 (UTC)

தாய்ப் பகுப்புகள்

தமிழ் | தமிழர் | பண்பாடு | கலை | சமயம் | வரலாறு | அறிவியல் | கணிதம் | புவியியல் | சமூகம் | தொழினுட்பம் | மக்கள்

இந்த வார்ப்புருவை எல்லா தாய்ப் பகுப்புகளிலும் இடவா. navigate பண்ண இலகுவாக இருக்கும். --Natkeeran 22:07, 19 ஆகஸ்ட் 2008 (UTC)

Suggestions from Shijualex about Embassy

Go to/பார்க்க: விக்கிப்பீடியா:தமிழ்த் தூதரகம் (Tamil Embassy)

கரடி கட்டுரை

கரடி கட்டுரையை படித்தேன். இக்கட்டுரை மிகவும் பொதுவானதாக இருக்கிறது. கரடிகளில் பல்வேறு பேரினங்களும் பல உள்ளினங்களும் உண்டு மற்றும் ஒவ்வொன்றிற்கும் தனித்தனி பண்புகள் உண்டு. இந்தியா மற்றும் இந்தியாவின் சற்றுப்புற நாடுகளில் காணப்படுவது Melursus ursinus என்ற சிற்றினவகையாகும் (http://en.wikipedia.org/wiki/Sloth_Bear) இவ்வினத்தை பற்றி விரிவாக எழுத நினைக்கிறேன்.

முன் எழுதியுள்ளதை என்ன செய்ய? அழித்துவிட்டு புதிதாய் எழுதவா? உதவி தேவை --கார்த்திக் 17:53, 21 ஆகஸ்ட் 2008 (UTC)

தற்போது இருக்கும் கரடி கட்டுரை ஒரு குறுங்கட்டுரையே. விருன்பினால் நீங்கள் அதை விரிவாக்கலாம். உங்கள் எழுத்து நடைக்கு பொருந்தி வரவிட்டால் தகவல்களை பேச்சு பக்கத்தில் இட்டு விட்டு நீங்கள் எழுதுங்கள். சிற்றினவகை Melursus ursinus கரடி பற்றி ஒரு தனிக் கட்டிரை எழுதலாம். --Natkeeran 18:33, 21 ஆகஸ்ட் 2008 (UTC)

கார்த்திக், வேண்டியவாறு விரிவுபடுத்துங்கள். முன் எழுதியுள்ளதை தேவை இருந்தால் முற்றிலும் அழித்தும் எழுதலாம், ஆனால் கூடியமட்டிலும், ஒருசிலவாவது அதில் இருக்கச்செய்யுங்கள். ஆனால் முழுவதுமே மாற்றி எழுதினால்தான் நன்றாக இருக்கும் என்றால் அப்படியே செய்வதில் எனக்கு மறுப்பு ஏதும் இல்லை, மற்ற பயனர்களின் கருத்தையும் அறிந்து கொள்ளுங்கள். எல்லா வரிகளையும் நீக்கி எழுதினாலும், கட்டுரையின் வரலாறு அங்கு இருக்கும். முன்னுள்ள பதிவுகளையும் யாரும் பார்க்கவும் இயலும். இது விக்கியில் உள்ள ஓர் அருமையான பண்புகளில் ஒன்று. --செல்வா 19:17, 21 ஆகஸ்ட் 2008 (UTC)

நன்றி:) முடிந்தவரை தற்போது இருக்கும் விவரத்தை வைத்திருக்கிறேன். Melursus ursinusசை பற்றி புதிய கட்டிரையை ஆரம்பித்தால் அது பெயர் குழப்பத்திற்கு வழிவகுக்கலாம் தோழரே !

நான் ஆரம்பிக்கும் கட்டுரைகளில் முடிந்தவரை பெயர் குழப்பத்தை தவிர்க்க விரும்புகிறேன். பின்பொரு நாள் இவற்றையெல்லாம் ஒன்றாக் பார்க்கும் பொழுது குழப்பம் ஏற்படுத்தக்கூடாது.

தற்போது தமிழ் நாட்டு பறவைகள் இக்குழப்பத்தில் முழ்கியுள்ளது :( ஒவ்வொருவரும் ஒவ்வொரு பறவைக்கும் தங்கள் விருப்பம்போல் பெயர் வைத்ததன் விளைவு. பல பெயர்கள் வெறும் ஆங்கிலத்தின் மொழி/ஒலி பெயர்ப்பு (எ. கா:எழுத்தாணி குருவியின் ஆங்கில பெயர்: Hoopee தமிழில் : ஹீப்பி!

(--கார்த்திக் 19:42, 21 ஆகஸ்ட் 2008 (UTC)

googleblog.blogspot.com/2008/08/google-in-tamil.html

• http://googleblog.blogspot.com/2008/08/google-in-tamil.html

--Natkeeran 18:39, 21 ஆகஸ்ட் 2008 (UTC)

தங்களைப் பற்றிய கட்டுரைகள்

தமிழ் விக்கிப்பீடியாவில் அண்மைக் காலத்தில் தங்களைப்பற்றித் தாங்களே கட்டுரைகள் எழுதிக் கொள்ளும் பழக்கம் பெருகி வருவதுபோல் தெரிகிறது. சுமார் ஓராண்டுக்கு முன்னரே இப்படியான கட்டுரை ஒன்று வந்தபோது இது பற்றி நான் குறிப்பிட்டிருக்கிறேன். இந்நிலை தொடர்ந்தால் இதற்கு எல்லையே இல்லாமல் போகும். தமிழ் எழுதத் தெரிந்த ஒவ்வொருவரும் தங்களைப்பற்றிக் கட்டுரைகள் எழுதி தமிழ் விக்கியில் மில்லியன் கணக்கில் கட்டுரைகளை எழுதிவிடுவார்கள். சிலவேளை ஆங்கில விக்கியின் கட்டுரை எண்ணிக்கையை மிஞ்சிவிடவும் கூடும். இந்தப் போக்கைப் பயனர்கள் நிறுத்தவேண்டும் என்பது எனது கருத்து. இதைத் தொடர்ந்து அநுமதித்தால் பிற்காலத்தில் இதை ஒருவராலும் கட்டுப்படுத்த முடியாமல் போகும். ஒரு கதை, கவிதை எழுதியவர்கள், ஒருபடம் நடித்தவர்கள் பற்றி எல்லாம் கட்டுரைகள் வரும்போதே நான் இது பற்றிக் குறிப்பிட்டிருக்கிறேன். இவ்வாறு முன்னுதாரணங்கள் இருப்பதால் என்னைப்பற்றி என் நண்பரைக் கொண்டும், என் நண்பரைப் பற்றி நானும் கட்டுரை எழுதினால் எப்படித் தடுக்கமுடியும். வாழ்ந்து கொண்டிருப்பவர்கள் பற்றிக் கட்டுரை எழுதும் போது சில கட்டுப்பாடுகள் இருக்கவேண்டும் என்பது எனது கருத்து. தயவு செய்து தமிழ் விக்கிப்பீடியா வளர்ச்சியில் அக்கறை உள்ள பயனர்கள் ஒத்துழைக்கவேண்டும். மயூரநாதன் 12:10, 22 ஆகஸ்ட் 2008 (UTC)

நம்புவீர்களோ மாட்டீர்களோ, உங்களிடம் உங்களைப் பற்றிய தன்வரலாற்றுக் குறிப்புகளைத் தரவேண்டும் என்று தனிமடல் எழுதிக் கேட்கவேண்டும் என்று முன்னரே பல முறை எண்ணியிருந்தும், நேற்றுதான் உரத்து எண்ணினேன். கட்டாயம் உங்களைப் பற்றிய ஒரு வாழ்க்கைக் குறிப்பு இங்கே விக்கியில் இருக்க வேண்டும் என்பது என் கருத்து. பொதுவாக நீங்கள் மேலே குறிப்பிட்ட கொள்கையுடன் நான் மிகவும் உடன்படுகின்றேன் (அதுவும் ஒரு படத்தில் நடித்தவர் போன்ற தன்வரலாறுகள்), ஆனால் ஒரே ஒரு நூலே எழுதியிருந்தாலும், அவர் பற்றிய கட்டுரை இருக்கலாம் (அது சிறந்த நூலென மதிக்கத்தக்க இடங்களில் இருந்து வரும் மதிப்பீடுகள் இருந்தால்). அப்படி மதிக்கத்தக்க மதிப்பீடுகள் இருந்தாலும் இல்லாவிடிலும், நூலாசிரியர்கள் பற்றிய தன்வரலாறுகள் இருக்கத்தேவை இல்லை (அவர்களின் ஆக்கங்கள் பற்றி இருத்தலே போதும்). நான் இப்படிக் கூறினாலும், நூலெழுதியவர்கள் (40-100 பக்க நூலாக இருப்பினும்) பற்றிய கட்டுரைகளை நான் எதிர்க்கமாட்டேன் :) நேர்மையாக எண்ணினால், தகுதி கருதியே தன்வரலாறுகள் இருக்க வேண்டும். குறிப்பிடத்தகுந்தவை என்னும் தேர்வு பெற்றவையாக நூலும் இருத்தல் வேண்டும். இன்றைய தமிழ்ச்சுழலில், ஒரு நூலைப் பற்றிய தகவல் இருந்தாலும் அதனை ஆவணப்படுத்தும் முகமாக (கலைக்களைஞ்சியம் என்பது ஆவணப்படுத்துவதல்ல) இங்கு இடுதல் பொருந்துமோ என நினைக்க வேண்டியுள்ளது. திரைப்படங்கள் அப்படித்தானே இங்கு பதிவாகியுள்ளன? குட்டி நடிகர்கள் நடிகைகள்? இதே போல எல்லா நிகழ்வுகளையும் பற்றிய கட்டுரைகள் இருக்கத்தேவை இல்லை. ஒருவர் இன்னொருவரைப் பற்றிக் கூறிய செய்தியெல்லாம் ஒரு கட்டுரையாக இங்கு இருப்பது சரியல்ல.--செல்வா 12:36, 22 ஆகஸ்ட் 2008 (UTC)

தங்களைப் பற்றி எழுதியாவது விக்கிப்பீடியாவுக்குப் பங்களிக்கிறார்களே என்று எண்ண வேண்டி இருக்கிறது. தவிர, தங்களைப்பற்றிய விரிவான தகவல்களுக்கு மூலமகாவும்விளங்குகிறார்கள். இந்த வகையில் K. S. பாலச்சந்திரன் போன்றவர்கள் சேர்த்த கட்டுரைகள் ஏற்புடையவையே. எனவே, தமிழ் விக்கிப்பீடியா தொடக்க நிலையில் இருப்பதால் அறியப்பெற்றவர்கள் தங்களைப் பற்றி, தங்கள் ஆக்கங்களைப் பற்றி தாங்களே எழுதுவதை அவ்வளவாக எதிர்க்க முடியவில்லை. ஆனால், யார் எழுதினாலும் ஒவ்வொரு கட்டுரையின் கலைக்களஞ்சியக் குறிப்பிடத்தக்க தன்மையில் விட்டுக் கொடுக்க கூடாது என்பதில் உடன்படுகிறேன். --ரவி 12:50, 22 ஆகஸ்ட் 2008 (UTC)

நூல்களை பற்றிய கட்டுரைகள்

தமிழ்ச் சூழலில் வெளி வரும் நூல்களைப் பற்றிய கட்டுரைகள் எழுதுவது நன்றே. போதிய உரையாடல் இல்லாமல் நீக்கு என்ற வார்ப்புரு இட்டது அவ்வளவு பொருந்தமாக இல்லை. அண்மையில் நூல்கள் குறுங்கட்டுரைகள் இட்ட பயனர் எமது நடைமுறைகள் பற்றி முற்றும் அறிந்து இருக்க இயலாது. ஒரு கட்டுரையைத் தவிர மற்றய அனைத்து நல்ல குறுங்கட்டுரைகளே. இப்படி புதுப் பயனர்களை சலிக்க செய்வது எமது நீண்ட நோக்க வளர்ச்சிக்கு பயனளிக்கா. --Natkeeran 13:56, 22 ஆகஸ்ட் 2008 (UTC)

கலைக்களஞ்சிய நடையில் குறைந்த பட்சத் தகவல்களுடன் நூற்கள் பற்றிய தகவல்கள் இருந்தால் அவற்றை அழிக்கத் தேவையில்லை. எனவே கால அவகாசம் கொடுப்பது நல்லது.--Kanags ^{\பேச்சு} 14:02, 22 ஆகஸ்ட் 2008 (UTC)

நூல்களைப் பற்றிக் கட்டுரைகள் எழுதுவது வரவேற்கப்படவேண்டியதே. ஆனால் நீக்குவதற்கான வார்ப்புரு இடப்பட்ட பக்கங்கள் நூல்களுக்கான விளம்பரங்களே ஒழிய கட்டுரைகள் அல்ல. கிழக்கு, காலச்சுவடு பதிப்பகங்கள் இணையத்தில் வெளியிட்டுள்ள விளம்பரங்கள் இவற்றைவிடக் கட்டுரைத்தன்மை வாய்ந்தவை. ஒரு பக்கம் விக்கிப்பீடியாவில் இருப்பதற்கு அடிப்படைத் தகைமைகளாவது இருக்க வேண்டும். அவ்வாறற்ற பக்கங்கள் ஏனைய எல்லாப் பக்கங்களையும் மதிப்பிறக்குவனவாகும். நன்றி. கோபி 00:58, 23 ஆகஸ்ட் 2008 (UTC)

தமிழ்ச் சொற்றொடர் அமைப்பு

ஆங்கிலச் சொற்றொடர்களைத் தமிழாக்கும்போது, ஆங்கிலத்திலேயே சிந்தித்து தமிழாக்கி எழுதும்போது, தமிழ்ச் சொற்றொடர் அமைப்புகளுக்கு முரணாக எழுதுகிறோமோ என்று எண்ணுகிறேன். எடுத்துக்காட்டுக்கு,

//உலகின் பணக்காரர்களுள் ஒருவரான லக்சுமி மிட்டலால் இது நவம்பர் 2005 இல் தொடங்கப்பட்டது.// (அ)

//உலகின் பணக்காரர்களுள் ஒருவரான லக்சுமி மிட்டலால் அவர்களால் இது நவம்பர் 2005 இல் தொடங்கப்பட்டது.//

என்ற சொற்றொடரை எப்படி எழுதினால் சரியாக இருக்கும்?

• இது, உலகின் பணக்காரர்களுள் ஒருவரான லக்சுமி மிட்டலால் நவம்பர் 2005 இல் தொடங்கப்பட்டது.
• இது, நவம்பர் 2005 இல், உலகின் பணக்காரர்களுள் ஒருவரான லக்சுமி மிட்டலால் தொடங்கப்பட்டது.
• நவம்பர் 2005இல், உலகின் பணக்காரர்களுள் ஒருவரான லக்சுமி மிட்டல் இதைத் தொடங்கினார்.
• இதை, நவம்பர் 2005ல், உலகின் பணக்காரர்களுள் ஒருவரான லக்சுமி மிட்டல் தொடங்கினார்.
• இதை, உலகின் பணக்காரர்களுள் ஒருவரான லக்சுமி மிட்டல் நவம்பர் 2005ல் தொடங்கினார்.
• உலகின் பணக்காரர்களுள் ஒருவரான லக்சுமி மிட்டல் நவம்பர் 2005ல் இதைத் தொடங்கினார்.

???--ரவி 14:55, 22 ஆகஸ்ட் 2008 (UTC)

கடைசி நல்லா இருக்கு! --Natkeeran 14:59, 22 ஆகஸ்ட் 2008 (UTC)

நற்கீரன், அவர்கள் சேர்த்து எழுதுவது மரியாதை பொருட்டான ஒரு தமிழ் மரபு. எனினும், தமிழ் விக்கிப்பீடியாவில் நடுநிலைமை பேணல் பொருட்டு எல்லாரையும் "அவர்கள்" என்று சேர்த்து குறிப்பிடாமல் விடலாம். கொலைகாரர் முனுசாமி அவர்கள் 20 பேரைக் கொன்றார் என்று எழுத முடியாது அல்லவா? :)

சில சொற்றொடர் அமைப்புகள் படிக்க நன்றாக இருப்பது போல் இருக்கின்றன. ஆனால், எது தமிழ் இலக்கணத்துக்கு உட்பட்ட அமைப்பு என்பதில் குழப்பமாக இருக்கிறது. யாராவது தெளிவுபடுத்தினால் நன்றாக இருக்கும். --ரவி 15:08, 22 ஆகஸ்ட் 2008 (UTC)

ரவி, தமிழில் பலவிதமாக எழுதலாம் எனினும், பொதுவாக சூழலை விளக்கிய பின்னரே செய்தியைச் சொல்லுதல் வேண்டும். சூழலிலும் முதலில் காலம் வருதலும் பின்னர் இடம் முதலான சூழமைப்புகளைச் சொல்லிப் பின்னர் செய்தியை கூறுதல் வேண்டும். இது கணித அடிப்படியிலும், அடிப்படையன கருத்தடிப்படையிலும் ஓர் அமைதி கொண்டது. ஆங்கிலத்திலே domain என்பார்களே, அதனை முதலில் தமிழில் முன்வைப்பது மரபு. தமிழர்கள் மட்டுமல்லாமல், நிப்பனியர்களும், பல கிழக்குநாடுகளின் மக்களும் இவ்வகையான போக்கு உடையவர்கள். ஒரு மீனை ஒரு மீன் தொட்டியில் கண்டாலும், தமிழர்களும், பெரும்பானமையான கிழக்கு நாட்டவர்களும், மீனைப் பார்ப்பது மட்டுமல்லாமல், மீன்தொட்டியில் உள்ள பிற செடி, கொடி, பாறை முதலினவற்றையும் கணிசமான அளவு காண்கின்றனர் என்றும் அதன் சூழலுடனேயே மீனையும் இணைத்துப் பார்கின்றனர் என்று கண்விழி ஓட்டங்களை அளந்து அலசும் புகழ்மிக்க ஆய்வாளர் (மிச்சிகனைச் சேர்ந்தவர், பெயர் நினைவில்லை) கண்டு கூறியுள்ளனர். ஆனால் அமெரிக்கர்கள் அப்படி அல்ல என்றும் அவர் நிறுவியுள்ளார். அது போலவே மொழியின் சொற்றொடர்களிலும் சூழலை சுட்டிய பிறகே செய்தியை கூறுவது வழக்கு. ஆங்கிலத்திலே He is the tallest என்றால் பொருள் நிறைவுறாது (எக்குழு ஒப்பீட்டில் அவன் மற்றவர்களினும் உயரமானவன்? என்னும் கேள்வி எழும்). எனவே தான் தமிழில் எப்பொழுதும் சூழலைக் குறிப்பிடல் வேண்டும். வகுப்பிலேயே, உலகத்திலேயே, ஆண்களிலேயே, யாவரினும் முதலான முன்னுறும் சூழல் விளக்கங்கள் இன்றியமையாதவை. சூழலின்றி கூறும் செய்தி நிறைவானதல்ல என்பது தமிழரின் கொள்கைபோலும் என்று உய்த்து அறிய வேண்டியுள்ளது. எனவே,

• நவம்பர் 2005இல், உலகின் பணக்காரர்களுள் ஒருவரான லக்சுமி மிட்டல் இதைத் தொடங்கினார்.

என்னும் தொடரே சிறந்ததாக நான் கருதுகிறேன். வேறு ஒரு சிலவும் ஏற்கக் கூடியன.

--செல்வா 15:44, 22 ஆகஸ்ட் 2008 (UTC)

லக்குமி என்பது சரியல்ல என்று கருதுகிறேன், இலக்குமி மிட்டால், லட்சுமி மிட்டால் எது சரியானது? தவியில் லக்ஸ்மி என்று உள்ளது, அதை வழிமாற்றிவிடலாமா? --குறும்பன் 16:42, 22 ஆகஸ்ட் 2008 (UTC)

சமகால அரசியல் பதிவுகள்

அளவுக்கு அதிகமாக நிகழ்கால அரசியலை உள்ளிடுவது தமிழ் விக்கியின் வளர்ச்சிக்கு உகந்ததல்ல என ஏற்கெனவே இணங்கியுள்ளோம். அண்மைக் காலத்தில் இப் போக்கு மீண்டும் அதிகரித்து வருகிறது. தயவு செய்து நிலைமையைக் கவனித்துச் செயல்படவும். அரசியல் பதிவதற்கு நூற்றுக்கணக்கில் தளங்களும் களங்களும் உள்ளன. தமிழ் விக்கிபோன்ற நோக்கங்களுடன் கூடிய தளம் தமிழருக்கு விக்கி மட்டும்தான் அதைக் நாம் கைநழுவவிடக்கூடாது. தமிழ் விக்கியை முதலில் இந்தியாவிலும் இலங்கையிலும் உள்ளவர்கள் பார்க்கக்கூடிய நிலை இருக்கவேண்டும். இந்த நிலை தொடர்ந்தும் இருக்க வேண்டுமானால் பயனர்கள் தங்களைத் தாங்களே கட்டுப்படுத்திக் கொள்ள வேண்டும் எனக் கேட்டுக் கொள்கிறேன். மயூரநாதன் 15:33, 23 ஆகஸ்ட் 2008 (UTC)

ஆம். உங்கள் கருத்துடன் முற்றிலும் ஒத்துப் போகிறேன். தமிழ் விக்கிப்பீடியாவின் உயிர்ப்புக்கும் இருப்புக்கும் வளமான எதிர்காலத்துக்கும் ஊறு ஏற்பட்டால் ஒரு தனிப்பெரும் வாய்ப்பை நம் மொழியும் சமுதாயமும் இழந்துவிடும் தீவாய்ப்பு உள்ளது. -- சுந்தர் ^{\பேச்சு} 16:02, 23 ஆகஸ்ட் 2008 (UTC)

சமகால அரசியல், ஈழப் போராட்டம், விடுதலைப் புலிகள் குறித்த கட்டுரைகளால் தமிழ் விக்கிப்பீடியா எங்கு என்னவிதமான பிரச்சினைகள், சிக்கல்கள், தடைகளை எதிர்நோக்கக்கூடும் என்று தெளிவுபடுத்தினால் இத்தகைய கட்டுரைகளை எழுதுவோர் சிந்தித்துச் செயற்படக்கூடும். இக்கட்டுரைகள் குறித்த வழிகாட்டிக் கையேடும் தரலாம்--ரவி 16:59, 23 ஆகஸ்ட் 2008 (UTC)

ரவி, இத்தலைப்புகளை முற்றிலும் தவிர்க்க வேண்டியதில்லை. ஆனால், நடுநிலையுடன் நம்மால் எழுதக்கூடிய அளவுக்கு எழுதலாம். நம்மில் பலருக்கு இவ்விடையங்களில் அழுத்தமான கருத்துகள் இருக்கக்கூடும் என்பதால் கூடுதல் எச்சரிக்கையுணர்வு தேவை. நீங்கள் கூறியுள்ளதுபோல் வழிகாட்டிக் கையேடு எழுதுவது நலம். -- சுந்தர் ^{\பேச்சு} 17:09, 23 ஆகஸ்ட் 2008 (UTC)

மாவீரர்கள் பற்றிய ஆக்கங்களை விக்கி மூலத்தில் சேர்க்கலாம்

மாவீரர்கள் பற்றிய கட்டுரைகளை விக்கி மூலத்தில் எந்த வித நடையிலும் பகிரலாம். இவை போராட்டத்தின் ஒரு வகை வரலாற்று ஆவணங்களே. எனவே அங்கு ஏதும் சிக்கல்கள் இருக்காது என்று நினைக்கிறேன். --Natkeeran 01:19, 24 ஆகஸ்ட் 2008 (UTC)

விக்கி மூலத்தில் என்னென்ன சேர்க்கலாம் என்று தெளிவில்லை. GNU FDLல் கிடைக்கும் எந்த தகவலையும் விக்கி மூலத்தில் சேர்க்கலாமா? இல்லை படைப்பின் வயது, அறியப்பெற்றமை, குறிப்பிடத்தக்க இதழில் பதிப்பித்திருமை போன்றவை தேவையா? யார் வேண்டுமானால் கதை, கவிதை, கட்டுரை என்று எழுதி விக்கி மூலத்தில் சேர்க்கலாமா? ஒரு படைப்பு நேரடியாக விக்கி மூலத்தில் மட்டுமே இடம்பெறுவது குறித்து எனக்குத் தயக்கங்கள் உண்டு. இது குறித்து நாம் வழிகாட்டல்களை வகுக்க வேண்டும். எப்படி விக்கிப்பீடியாவில் நேரடியாக ஆய்வுக் கட்டுரைகளை எழுத முடியாதோ அதே போல் விக்கி மூலத்திலும் நேரடியாக படைப்புகளைச் சேர்க்கக்கூடாது என்று நினைக்கிறேன். விக்கி மூலம் ஒரு நூலகம் போன்றதே. அங்கு ஏற்கனவே பதிப்பிக்கப்பட்ட ஆக்கங்களையே சேர்க்க வேண்டுமே அன்றி நேரடியாக படைப்புகளைச் சேர்ப்பது சரியாக இருக்காது. --ரவி 04:29, 24 ஆகஸ்ட் 2008 (UTC)

முந்தி அச்சில் பதித்த என்ற வரையறை தற்போதைய இணைய சூழலுக்கு எவ்வளவு பொருந்தும். அப்படி பாத்தாலும் பல போராளிகள் பற்றிய பதிவுகள் அச்சில் வந்தவைதான். அரசர் மற்றி மாத்திரம் ஆவணங்கள் சேர்பப்து மரபுவழிச் சிந்தனை. பல தரப்பட்ட ஆவணங்கள் அக்காலத்தில் சூழலை, வாழ்வியலை அறிய உதவும். --Natkeeran 15:02, 24 ஆகஸ்ட் 2008 (UTC)

விக்கிமூலத்தில் மூல ஆவணங்களை மட்டுமே சேர்க்க முடியும். நாங்களாக எழுதும் ஆக்கங்களைச் சேர்க்க முடியாது. நிற்க இவ்வாறான கட்டுரைகளை விக்கியில் எங்காவது சேர்த்துவிடவேண்டும் என்ற அவசியம் இருப்பதாக எனக்குத் தெரியவில்லை. உண்மையில் இவ்வாறான தகவல்களைச் சேகரிப்பதற்கும் ஆவணப்படுத்துவதற்கும் விக்கியைவிடச் சிறப்பாக ஒழுங்கமைக்கப்பட்ட களங்கள் உள்ளன. எனவே விக்கியைத்தான் இதற்கும் பயன்படுத்திக் கொள்ள வேண்டும் என்பது இல்லை. தமிழ் விக்கிக்குத் தனித்துவமான நோக்கங்களும் பயன்பாடுகளும் உண்டு. இவற்றை வேறு வழிகளில் இலகுவில் அடைந்துவிட முடியாது. தமிழ் விக்கியில் நாங்கள் செய்ய முயல்வதும் ஒருவகையான போராட்டம் தான். நமது பண்பாட்டின் அடிப்படையான தமிழை, வாழும் மொழியாக வைத்திருப்பதற்கான போராட்டம். இதற்கு விக்கி ஒரு பொருத்தமான களமாக இருக்கும் என்பதால் இதை நாங்கள் பயன்படுத்திக் கொள்கிறோம். இதற்காக தமிழ் விக்கியை வேண்டாத சர்ச்சைகளுக்குள் சிக்கவைக்காது பாதுகாப்பது எங்கள் பொறுப்பு. ஒவ்வொரு சாதாரண தமிழனும் தன்னை விக்கிப்பீடியாவில் ஈடுபடுத்திக் கொள்வதில் பாதுகாப்புச் சிக்கல்கள் இருப்பதாக உணரும் நிலையை ஏற்படுத்தக்கூடாது. வெளிநாடுகளில் இருக்கும் எம்போன்றவர்களுக்கு இருக்கும் பாதுகாப்பு உணர்வு இந்தியாவில் அல்லது இலங்கையில் இருப்பவர்களுக்கும் இருக்கும் என எதிர்பார்க்கக் கூடாது. தவி இன்னும் போதிய பிரபலம் அடையவில்லை. அதனால் தவி அதிகம் பிரச்சினையின்றி முன்னேற முடிகிறது. ஆனால் மேலும் பிரபலமாகும்போது பலரும் இது பற்றிக் கூடுதலாக ஆராய முயல்வார்கள். இதன் மூலம் பல விதமான இடைஞ்சல்கள் ஏற்படக் கூடிய சாத்தியம் உண்டு. எனவே, நமது முதன்மை இலக்குக்குப் பாதகமான விடயங்களைத் தவிர்த்து நடப்பது நல்லது என்பது எனது கருத்து. மயூரநாதன் 15:52, 24 ஆகஸ்ட் 2008 (UTC)

நற்கீரன், நான் விடுதலைப் புலிகள், ஈழப் போராட்டம் என்ற நோக்கில் மட்டுமே சொல்லவில்லை. எந்த ஒரு விசயம் குறித்தும், எங்கு எப்படி சேர்க்க வேண்டும் என்பது குறித்து நாம் தெளிவு கொள்ள வேண்டும். எந்த ஒரு திட்டத்துக்கும் ஏதாவது ஒரு வரைமுறை தேவை. விக்கிப்பீடியாவில் கூட கலைக்களஞ்சியக் கட்டுரை தகைமை, குறிப்பிடத்தக்கமை இருக்கிறதா என்று பார்க்கிறோம் அல்லவா? விக்கி மூலம் திட்டத்தை மதுரைத் திட்டம், நூலகம் திட்டம், கூட்டன்பெர்க் திட்டம் போன்று ஒரு ஆவணக்காப்பகமாகவே நோக்க இயலும். எல்லாவற்றையும் சேர்ப்போம் என்று சேர்த்தால் விக்கிமூலம் திட்டம் ஒரு வலைப்பதிவு போலவோ வலையிட வழங்கி போலவோ ஆகிவிடும்.

சட்ட நோக்கிலும் இவற்றைப் பார்க்க வேண்டி இருக்கிறது. முன்பு உங்கள் தொடர்பில் உள்ள ஒரு எழுத்தாளர் மூலம் திரட்டிய ஆக்கங்களை விக்கிமூலத்தில் சேர்ப்போமா என்று எண்ணினோம். ஆனால், விக்கி மூல ஆக்கங்கள் பொதுக்களத்தில் காப்புரிமை அற்று இருக்கின்றன. நாளை யாராவது இவ்வாக்கங்களைப் பதிப்பித்து விலை வைத்து விற்கவும் இயலும். இப்படி செய்வது அவ்வெழுத்தாளர்களுக்கு உவப்பாக இருக்குமா என்று முன் கூட்டியே அறிய வேண்டும்.

தவிர, விக்கி மூல ஆக்கங்கள் மூலப் படைப்புகள். அவை ஒருவராலோ விரும்பிச் சேர்ந்த ஓரிருவராலோ மட்டும் ஏற்கனவே ஆக்கி முடிக்கப்பட்ட, மூடப்பட்ட, மாற்ற இயலாத ஆக்கங்கள். விரிவான ஆக்கங்களைக் கூட்டு முயற்சியில் நிகழ்நிலையில் உருவாக்க அக்களம் உதவாது.

எந்த விசயம் குறித்தும் விக்கி நூல்கள் தளத்தில் கூட்டு முயற்சியில் (கருத்துச் சாய்வுகளுக்குட்பட்டும் கூட) எழுதலாம் என்று நினைக்கிறேன். எனினும், விக்கி நூல்கள் தளத்தின் முதன்மை நோக்கமும் கூட பாடநூல்கள் போன்றவற்றை உருவாக்குவது தான். அரசியல் ஆக்கங்களை அங்கு உருவாக்குவது குறித்து தெளிவில்லை.

தமிழ் இணையத்தில் இருக்கிற எல்லாவற்றையும் மீடியாவிக்கி திட்டங்களிலேயே குவிக்கவேண்டும் என்று எதிர்ப்பார்க்க இயலாது. அது மையப்படுத்துவதாகவும் விக்கிமீடியா திட்டங்களின் நோக்கங்களை மிகவும் இளக்குவதாகவும் இருக்கும். மீடியாவிக்கி கூட்டு முயற்சிகளுக்கு உதவுமே ஆனால், நம் நோக்கங்களுக்கு ஏற்ப அம்மென்பொருளைப் பயன்படுத்தி தனி வலைமனைகள் துவங்கலாம். இங்கிருந்து ஆர்வமுடையோர் கூட அங்கு சேர்ந்து கொள்ளலாம். --ரவி 16:43, 24 ஆகஸ்ட் 2008 (UTC)

ஆவணங்கள் என்றால் என்ன என்பதற்கு வரையறை தரவும். விக்கி நூல்கள், விக்கி மூலங்களில் எப்படியான ஆக்கங்கள் சேர்கலாம் என்பதற்கு வரையறை தந்தாலும் நன்று. இது censorship மாதிரி ஆகிவிடாமல் இருந்தால் சரிதான்.

"தமிழ் இணையத்தில் இருக்கிற எல்லாவற்றையும் மீடியாவிக்கி திட்டங்களிலேயே குவிக்கவேண்டாம்." என்று நீங்கள் மீண்டும் மீண்டும் சொல்வது ஏன் என்று தெரியவில்லை. அப்படி தமிழ் இணையத்தில் எதுவும் கொட்டி கிடக்க வில்லை, கொண்டு வந்து குவிப்பதற்கு. இருப்பதை எப்படி எப்படி பயன்படுத்தலாம் என்றுதான் நாம் நோக்குகிறோம். இருக்கும் விக்கியில் எழுதலாம் என்றால் ஏன் ஒரு தனி தளம் எடுத்து நேரத்தை வளங்களை வீணடிக்க வேண்டும். --Natkeeran 21:02, 24 ஆகஸ்ட் 2008 (UTC)

//Wikisource collects and stores in digital format previously published texts; including novels, non-fiction works, letters, speeches, constitutional and historical documents, laws and a range of other documents. All texts collected are either free of copyright or released under the GNU Free Documentation License. Texts in all languages are welcome, as are translations.

Wikisource does not host "vanity press" books or documents produced by its contributors.//

- விக்கிமூலம் குறிக்க ஆங்கிலக் கட்டுரையில் இருந்து

Wikisource inclusion policyயும் பார்க்கவும். தமிழ்ச் சூழலில் வளங்கள் குறைவு பற்றிய உங்கள் கவலையை நாம் அனைவருமே பகிர்கிறோம். அதே வேளை உலகாளவிய திட்டங்களின் ஒரு பகுதியாக நாம் செயல்படுகிறோம் என்பதையும் நினைவில் கொண்டு, அத்திட்டங்களின் நோக்கங்களை ஒரேயடியாக இளக்காமல் இருப்பதும் அவசியம் என்று நினைக்கிறேன்.--ரவி 22:57, 24 ஆகஸ்ட் 2008 (UTC)

போராளிகள் பற்றி முன்னர் அச்சு பதிக்கப்பட்டவை பதிவேற்றலாம். சரியா. மேலும் "உலகளாவிய திட்டங்களின் நோக்கங்களை" இதுவரை எந்த அளவுக்கு இளந்து இருக்கிறோம் என்று விபரித்தாலும் நன்று. --Natkeeran 01:44, 25 ஆகஸ்ட் 2008 (UTC)

நற்கீரன். விசயம் போராளிகளைக் குறித்தல்ல. எதைப் பற்றிய ஆவணமாக இருந்தாலும்,

• அது இதற்கு முன் எங்கேனும் அச்சு, எண்ம வடிவில் பதிப்பிக்கப்பட்டிருக்க வேண்டும். விக்கி மூலத்தில் சேர்க்கும் போது, இந்த தகவல் ஆதாரமும் கண்டிப்பாக குறிப்பிடப்பட வேண்டும். இது ஆவணத்தை ஒப்பிட்டு உறுதி பார்க்க உதவும். இது ஒரு நூலகத்தின் செயற்பாட்டை ஒத்தது. ஏற்கனவே பதிப்பிக்கப்பட்ட நூல்களைத் தான் நூலகத்தில் சேர்க்க முடியும். நூலகமே நேரடியாக நூல்களைப் பதிப்பிக்க இயலாது. நமது பணி சேகரிப்பே. பதிப்பித்தல் அல்ல.
• GNU FDL உரிமத்தில் கிடைக்க வேண்டும்.

குறைந்தது, இந்த இரண்டு விசயங்களில் நாம் விட்டுக் கொடுக்காமல் இருக்க வேண்டும் என்று நினைக்கிறேன். தற்போது விக்கிமூலத்தில் உள்ள சில ஆவணங்கள் மேற்கண்ட எதிர்ப்பார்ப்புகளை நிறைவு செய்யவில்லை. அல்லது, தெளிவாக குறிப்பிடவில்லை. எடுத்துக்காட்டுக்கு, செயமோகன், வெங்கட் சாமினாதன் போன்றோரின் ஆக்கங்கள். இதனால், விக்கிமூலத்துக்குப் பெரிய ஆபத்து என்று சொல்ல வரவில்லை. ஆனால், விக்கிப்பீடியாவில் காப்புரிமை விலக்கு அற்ற படங்களை நீக்குவது போல, விக்கிமூலத்துக்கும் நாம் சில அடிப்படைக் கொள்களைகளையேனும் முடிவு செய்ய வேண்டும். --ரவி 02:20, 25 ஆகஸ்ட் 2008 (UTC)

அந்த இரு எழுத்தாளர்களின் ஆக்கங்கள் முன்பது அச்சு பெற்றவை. அவர்களின் எழுத்து அனுமதி உண்டு. --Natkeeran 13:37, 25 ஆகஸ்ட் 2008 (UTC)

நிரோஜன் கருத்து

நிரோஜன் என்னுடைய பயனர் பக்கத்தில் பதிந்துள்ளவற்றை கீழே தந்துள்ளேன். இது பற்றி நான் விளக்கம் தர விரும்பவில்லை. தமிழ் விக்கியின் வளர்ச்சியை விரும்பும் பயனர்களுக்கு இது சமர்ப்பணம். மயூரநாதன் 16:03, 24 ஆகஸ்ட் 2008 (UTC)

விடுதலைப் புலிகளினைப் பற்றி தமிழ் விக்கி ந்டைக்கேற்ப அதாவது விடுதலைப் புலிகளின் மாவீரர்கள் பட்டியல் கட்டுரை போன்று நான் உருவாக்குவதன் காரணம் விடுதலைப் புலிகளின் வரலாற்றுத் தகவல்கள் என்றும் அழியாது இருப்பது அவசியம் பல இணையத்தளங்கள் உள்ளாதும் எனக்குத் தெரிந்ததே ஆனாலும் விக்கியில் எகழுதுபவை யாராலும் அழிக்கமுடியாத ஒரு சிறந்த இணையம் ஆகையாலேயே அனைத்துத் தகவல்களும் இங்கும் சேர்க்கப்படவேண்டும் என்பது எனது விருப்பம். விக்கிபீடியா என்பது யாரும் தனக்கு விரும்ப்யதற்கேற்றவாறு எழுத முடியுமான ஒரு இணையம் இது பாடசாலையோ அல்லது கல்லூரியோ அல்ல குறிப்பிட்ட தகவல்களை மட்டும் சேர்ப்பதற்கு. உங்களுக்கு இன்றைய அரசியல் பிடிக்காமல் போகலாம் ஆனால் எனக்குப் பிடித்துள்ளாது ஆகையால இத்தகவல்களை நான் அறிய விரும்புகின்றேன். இத்தகவல்களை சேர்ப்பதனால் விடுதலைப் புலிகள் இயக்கத்தினை நான் ஆதரிப்பதாக எண்ணினால் அது தவறு. நான் இலங்கையில் நடப்பவைகளாஇ இங்கு பதிகின்றேன் அவ்வளாவுதான். குமரிக்கண்டம் என்று ஒன்று பண்டைக்காலங்களினல் இருந்திருக்கலாம் என்பதனை நாம் அறிகின்றோம் அது போல நாளைய சந்ததிகள் விடுதலைப் புலிகளினைப் பற்றியும் அறிய வேண்டும் இது வரலாற்று முக்கியத்துவம் வாய்ந்தது. பிறா இணையங்களில் இவ்வாறு ஒரு நீளமான விரிவான தகவல்கள் இல்லை அப்படி இருந்தும் இலகுவில் ஒரே இணையத்தில் அனைத்துத் தகவல்களும் இருப்பதாகத் தெரியவில்லை. ஆகையால் ஒருவரது எழுத்துச் சுதந்திரத்தை இலங்கையில் தடை செய்வது போல் உங்கள் சொந்தக் காரணங்களினை மையமாக வைத்து இங்கும் தடை செய்ய முயற்சிக்கவேண்டாம். மேலும் இது ஒரு வரலாற்றுப் பதிவே. இங்கு பதிவதனால் அது தமிழ் விக்கிக்கு பிற பயனர்களை அழைத்து வரத் தடையாக உள்ளது எனக் கூறுவது எனக்கு வேடிக்கை. என்னைப் போன்றா தமிழ்ப் பற்று சிறிதேனும் உள்ளவர்கள் இங்கு வருவது எது உண்மை என்பதனை அறிவதற்கு பிற பயனர்களைக் கவர்வதற்காக மசாலாத் திரைப்படங்கள் எடுக்கும் இயக்குனர்களாக என்னை எண்ணுவது தவறு. மேலும் தமிழ் விக்கியினை தமிழர்களுக்குப் பிடித்த வகையில் அவர்களது பண்பாட்டிற்கிணைய ஒரு வரையறை போட்டு கட்டுரைகள் எழுதுவதும் வேடிக்கை. ஆகையால் பயனர்களின் ஆர்வத்தினை இங்கு கோபி , மயூரனாதன் போன்றவர்கள் இந்திய பாடசாலை ஆசிரியர்கள் போல மாணவர்களின் ஆசையினைக் கட்டுப்படுத்தி அவர்களின் எதிர்காலக் கனவுகளினை உடைப்பது போன்று உள்ளதும் வேடிக்கை.--நிரோஜன் சக்திவேல் 15:39, 24 ஆகஸ்ட் 2008 (UTC)

நிரோ, மயூரநாதனின் நோக்கத்தை நீங்கள் புரிந்து கொள்ளவில்லை. உணர்வு அடிப்படையிலான விசயங்களில் இதுபோன்ற புரிந்துணர்வுச் சிக்கல்கள் ஏற்படுவது இயல்பே. அவரது கருத்தும் நான் உட்பட பல பயனர்கள் கருதுவதும் தமிழ் விக்கி தடை செய்யப்படும் தீவாய்ப்பைப் பற்றியதே. அதன்பின் நீங்கள் குறிப்பிடும் இவ்வழியா ஆவணத்தை வெளிநாட்டுத் தமிழர்கள் மட்டுமே படிக்கும் நிலை வரலாம். அதற்காக, விடுதலை உணர்வுடன் தகவல்கள் அளிப்பதை தடை செய்ய வேண்டியதில்லை. நடுவுநிலையுடன் நம்மால் எழுத முடிபவற்றைத் தயங்காமல் எழுதலாம். ஆனால், தமிழர்களாக இருந்து கொண்டு ஒரு போர்ச்சூழலில் எவ்வளவு நடுவுநிலை கொள்ள முடியும் என்பதை நம்மை நாமே கேட்டுக் கொள்ள வேண்டும். விடுதலைப்புலிகள் அமைப்பைச் சேர்ந்த போராளிகளை மாவீரர்கள் என்று கட்டுரைத் தலைப்பிலேயே தெரிவித்து விட்டால் அங்கே நடுவுநிலை வருமா? (அவர்கள் மாவீரர்கள் என்பதை எனது முந்தைய வரியில் உறுதிப்படுத்தவோ மறுக்கவோ இல்லை என்பதை கருத்தில் கொள்க.) எதிரணியில் உள்ள இலங்கை இராணுவப் போராளிகளை எப்படி விளிப்பது? மாவீரர்கள் என்றா? தமிழ் விக்கிப்பீடியா ஒரு கலைக் களஞ்சிய ஆவணம். இதன் கொள்கைகளுக்குட்பட்டு எவ்வித தணிக்கையும் இன்றி எழுதுங்கள். ஆனால் நடுநிலை பொருட்டு மற்ற பயனர்கள் தம் விருப்பப்படி மாற்றியமைத்தால் உணர்வு அடிப்படையிலல்லாமல் நோக்க உறுதியாய் இருங்கள். பிபிசி போன்ற மூன்றாம் தரப்பு மதிப்புடைய (தோற்றத்திலேனும்) ஊடகங்களை சுட்டுங்கள். புகழுரைகளாக இல்லாமல் விசய நோக்கோடு எழுதுங்கள், யாரும் எதுவும் தடை செய்யப் போவதில்லை. -- சுந்தர் ^{\பேச்சு} 16:45, 24 ஆகஸ்ட் 2008 (UTC)

நிரோ, போராளிகள், இயக்கம் குறித்து விக்கிப்பீடியாவில் எழுத வேண்டாம் என்று யாரும் தடை போட இயலாது. எனினும், நியாயமான நடைமுறை காரணங்கள், கவலைகளை முன்வைத்து ஒரு வேண்டுகோளாக விடுக்க இயலும். எவ்வளவு கவனமாக, நடுநிலையாக எழுத இயலுமோ எழுதுங்கள்.

இது விசயத்தில் நியாயமான சில கவலைகள் உண்டு:

புலிகள் இயக்கம் இரு நாட்டிலும் தடை செய்யப்பட்ட இயக்கம் என்ற சட்ட உண்மையைக் கருத்தில் கொள்கையில்,

• தமிழ்நாடு, இலங்கையில் தமிழ் மீடியாவிக்கித் திட்டத் தளங்கள் தடை செய்யப்பட்டு யாருமே பார்க்க இயலாமல் போகும் வாய்ப்பு. இரு நாட்டு அரசியல் சூழல்களைக் கவனிப்போருக்கு இதன் சாத்தியம் புரியும். Blogger.com தளத்தில் சில வலைப்பதிவுகள் உவப்பாக இல்லை என்று இந்திய அரசு ஒரு முறை ஒட்டு மொத்தமாக Blogger தளத்தையே தடை செய்தது. WordPress.com தளத்தில் ஒரு வலைப்பதிவைத் தூக்கும் பொருட்டு ஒட்டு மொத்த WordPress.com தளத்தையே பிரேசில் அரசு முடக்கியது. இலங்கையின் கருத்துச் சுதந்திரம் பற்றி விவரிக்கத் தேவை இல்லை. Tamilnet.com தடை செய்யப்பட்டது. நாம் போராளிகளுக்குச் சார்பாக கூட எழுத வேண்டாம். நடுநிலையாக எழுதினாலே கூட அது இலங்கை அரசுக்கு உறுத்தலாக அமையலாம். இந்த நிலையில், தமிழ் விக்கிமீடியா திட்டங்களோ ஒட்டு மொத்த விக்கிமீடியா திட்டங்களோ கூட இலங்கையில் தடை செய்யப்படுவதற்கான சாத்தியம் என்ன என்று இலங்கைச் சூழலை நேரடியாக அறிந்தவர்கள் தான் சொல்ல வேண்டும். இது தேவையற்ற அச்சம் என்றாலும் சுட்டிக்காட்டுங்கள். இவ்வாறு தடை செய்யும் அரசுகள் தளத்தின் ஒட்டு மொத்த நோக்கம், வேண்டாத பக்கங்களை முடக்குவதற்கான சரியான நுட்ப அணுகுமுறைகள் குறித்து அலட்டிக் கொள்வதில்லை.

• தமிழ்நாடு, இலங்கையில் வாழும் பங்களிப்பாளர்களிடையே அச்சம், பாதுகாப்பற்ற உணர்வு, கைது செய்யப்படும் வாய்ப்பு - இலங்கையில் வாழும் ஓரிரு நண்பர்கள் மூலம் இத்தகைய ஆக்கங்களை எழுதுவது எத்தகைய பாதுகாப்பற்ற சூழலைத் தரும் என்று அறிவேன். இப்பங்களிப்பாளர்கள் நேரடியாக இக்கட்டுரையில் ஒரு சிறு திருத்தம் செய்யவும் தயங்கலாம். நேரடியாக இக்கட்டுரைகளைத் தொகுக்காவிட்டாலும் திட்டத்தில் பெரிதும் ஈடுபாடு உடையவர்கள் என்ற நிலையில், எதிரி இயக்கங்கள், அரசின் கண்காணிப்புக்கு உட்படலாம். இக்கருத்துகளைப் பதிய வேண்டிய வரலாற்றுக் கடமைக்கு வெளிநாட்டு வாழ்க்கை பாதுகாப்பு அளிக்கிறது என்றாலும், அதன் தீவிளைவுகளை உள்நாட்டில் வாழ்வோர் அனுபவிக்குமாறு ஆகி விடக்கூடாது. பார்க்க - வலைப்பதிவர்களைக் கைது செய்ய முடியுமா?
• அளவுக்கு மீறிய கட்டுரைகள் இது குறித்து இருக்கையில் தமிழ் விக்கிப்பீடியா மேல் விழக்கூடிய முத்திரை. ஒரு சில பேச்சுப் பக்கங்களில் தமிழ் குறித்து உரையாடினாலேயே தமிழ்த் தீவிரவாதிகள் முத்திரை விழுகிறது. ஓரிரு கட்டுரைகள் புலிகள் பத்தி எழுதினாலே இந்திய இறையாண்மைக்கு எதிரானவர்கள் என்றும் தீவிரவாதிகள் என்றும் முத்திரைகள் உண்டு. போராட்டச் சூழல் குறித்து நியாயமான புரிதல் இல்லா நிலையில், இது "இப்படியான ஆக்கங்கள் உள்ள தளம், இதைப் பார்க்க வேண்டாம்" என்று பெற்றோரோ, பள்ளிகளோ சொல்லுமே ஆனால் அது நமக்கே இழப்பு. இது போராளிகள் குறித்த கட்டுரைகளுக்கு மட்டும் எழும் சிக்கல் அல்ல. நடைமுறைச் சமூகத்தின் சிந்தனைகளுக்கு எதிராக உள்ள எந்த ஒரு சிந்தனைக்கும் பொருந்தும். பார்க்க - பேச்சு:பாலியல் வசைச் சொற்கள்

தமிழ் இணையத்தில் இருக்கிற எல்லாவற்றையும் மீடியாவிக்கி திட்டங்களிலேயே குவிக்கவேண்டும் என்று எதிர்ப்பார்க்க இயலாது. அது மையப்படுத்துவதாகவும் விக்கிமீடியா திட்டங்களின் நோக்கங்களை மிகவும் இளக்குவதாகவும் இருக்கும். மீடியாவிக்கி மென்பொருள் கூட்டு முயற்சிகளுக்கு உதவுமே ஆனால், நம் நோக்கங்களுக்கு ஏற்ப அம்மென்பொருளைப் பயன்படுத்தி தனி வலைமனைகள் துவங்கலாம். இங்கிருந்து ஆர்வமுடையோர் கூட அங்கு சேர்ந்து கொள்ளலாம். இது விசயத்தில் மயூரனாதனின் கருத்தையோ மற்ற பலரின் கருத்தையோ தடை என்பது போல் நோக்க வேண்டாம். பழமை வாய்ந்த சிந்தனைகள் உடைய எவரும் விக்கிப்பீடியா என்று புரட்சிகரமான திட்டத்துக்காக தங்கள் உழைப்பைத் தருவர் என்று எதிர்ப்பார்க்கவில்லை. நம் எல்லோருடைய தனிப்பட்ட கருத்துகளும் நிச்சயம் முற்போக்கானவையாக இருக்கலாம். ஆனால், பெரும் உழைப்பைச் செலுத்தி முன்னெடுக்கும் ஒரு கூட்டு முயற்சித் திட்டத்தை, நடைமுறைச் சூழல்களைக் கருத்திற் கொண்டு காப்பதும் நம் பொறுப்பாகும். இது விசயத்தில் அறிவு, அனுபவம், முதிர்ச்சி கூடியோரின் கருத்துகளையும் நாம் கவனிக்க வேண்டும். --ரவி 17:04, 24 ஆகஸ்ட் 2008 (UTC)

நிரோ, உங்கள் கருத்தும் விருப்பமும் எனக்கு நன்றாக விளங்குகின்றது. நடுநிலைமையுடன் (இது உங்கள் கருத்துக்கு எதிரானதல்ல) வலுவான சான்றுகோள்களுடன் தக்க நடையில் கட்டுரைகள் இருப்பதை வரவேற்கிறேன். மேலே சுந்தர், ரவி கூறியுள்ளவற்றைப் பொறுமையாகப் படித்துப் பார்த்து எப்படிச் செய்தால் நல்லதோ அப்படிச் செய்யுங்கள். ஆங்கிலத்திலே Reginald Dyer என்பாரைப் பற்றியும், மகாத்மா காந்தியைப் பற்றியும், உத்தம் சிங்கைப் பற்றியும் கோட்சேயைப் பற்றியும் கட்டுரைகள் இருப்பது போலவும், நெல்சன் மண்டெல்லா பற்றிப் பல மொழிகளில் இருப்பதுபோலவும், கட்டாயம் கட்டுரைகள் இருக்கலாம். வரலாற்றில் அறியத்தக்க எல்லோரைப்பற்றியும் கட்டுரைகள் இருக்கலாம். மாவீரர் என்றும் கூறலாம், ஆனால், புலிகளின் மாவீரரகள் என்று கூறுங்கள், சிறீலங்காவின் ஜெனரல் என்று கூறுங்கள். சிறீலங்கா அரசின் படையாளி, படைவீரர் என்று கூறுங்கள், அதாவது எதிர்க்கருத்து உள்ளவரும் மறுக்கமுடியாதவாறு நடையும் கருத்துப்போக்கும் இருப்பது நல்லது. வெளியிணைப்புகள் தருவதாயின், எதிர்-எதிர் கருத்துக்கள் என்று கூறித்தாருங்கள். நீங்கள் விரும்பும் கருத்துள்ள கட்டுரைகள் இருப்பதில் தவறில்லை என்றுதான் நினைக்கிறேன், ஆனால் ரவி, சுந்தர், மயூரநாதன் கூறிய கருத்துக்களை உள்வாங்கி பங்களிக்க வேண்டுகிறேன். பிறர் வந்து திருத்தினால், சொற்களை மாற்றினால், மனம் வருந்தாமல், உங்கள் மறுப்புகளை முன்வைத்து, எப்படி எழுதினால் இருபக்கத்த்துக் கருத்துடையவர்களும் இணங்கி ஏற்பார்கள் என்னும் போக்கில் பங்களிக்க வேண்டுகிறேன். இது இயலும். அருள்கூர்ந்து இங்கு முன்வைத்துள்ள கருத்துகளை சற்று ஊன்றி எண்ணிப்பாருங்கள்.--செல்வா 18:40, 24 ஆகஸ்ட் 2008 (UTC)

உங்கள் அனைவரது கருத்தினையும் ஏற்கின்றேன். தமிழீழ விடுதலைப் புலிகளின் மாவீரர்கள் பட்டியல் எனக் கட்டுரையினை மாற்றுகின்றேன். இவற்றினை இங்கு சேர்ப்பதன் காரணம் எளிதான முறையில் த்கவல்களை இங்கு ஒரே பக்கத்திலேயே சேர்க்க முடிகின்றது குறிப்பாக ஒரு பட்டியல் போல் இட முடிகின்றது. பிற இணையங்களில் அவ்வாறு இருப்பதில்லைதான். ஆனாலும் பிற நாடுகளின் சட்ட திட்டங்களை நான் மதிப்பளிக்கின்றேன். இருப்பினும் நாடுகளின் சட்ட திட்டமங்கள் அனைவரும் முழுமையாகக் கட்டிக் காட்பது நூறூ சதவீத உண்மை என்பது எனக்கு வேடிக்கை தான்! இருப்பினும் வயதில் முதிர்ந்த பலரது பேச்சுக்கு மதிப்பளித்து இச்சமயம் அதனை நிறுத்துகின்றேன்.--நிரோஜன் சக்திவேல் 20:57, 24 ஆகஸ்ட் 2008 (UTC)

நிரோ, சட்டத்துக்கு கட்டுப்பட்டு நடப்பதற்காகச் சொல்லவில்லை. சட்டம் நம்மை ஒட்டு மொத்தமாக கட்டிப் போட்டு விடக்கூடாது என்ற முன்னெச்சரிக்கையே. இந்த முன்னெச்சரிக்கைக்கு ஏற்ப நம் செயல்பாடுகளை வகுத்துக் கொள்ளலாம் தானே? நன்றி--ரவி 23:00, 24 ஆகஸ்ட் 2008 (UTC)

விக்கிப்பீடியாவை சீனா தடை செய்தது

இலங்கையிலோ அல்லது தமிழ்நாட்டிலோ விக்கி தடை செய்யப்பட்டால் என்ற ஒரு case scenario இங்கு முன்வைக்கப்பட்டது. அப்படி செய்தால் அந்த நாடுகளில் இருக்கும் கருத்து சுதந்திரதுக்கு ஒரு எடுத்துக்காட்டாகவே அது அமையும். நடுநிலையை வேண்டுவது சரி. ஆனால் ஒரு தலைப்பை தவிர் என்ற கருத்துப்பாடு சரியல்ல. இருப்பினும் நடுநிலைமை மிச்சம் மீறிய கட்டுரைகளை due process பின்பு நீக்கி விடலாம். விக்கிப்பீடியாவை சீன தடை செய்த போது அதன் உள்ளடக்கத்தை மாற்றி அமைக்க வேண்டும் என்று முடிவெடுக்க வில்லை என்பது இங்கு குறிப்பிடத்தக்கது. --Natkeeran 21:23, 24 ஆகஸ்ட் 2008 (UTC)

நற்கீரன், இப்போது நாம் அனைவரும் கிட்டத்தட்ட ஒருமித்த கருத்தை எட்டிவிட்டோமெனத் தெரிகிறது. மகிழ்ச்சி. கட்டாயம் சிக்கலான தலைப்புகளிலும்கூட நடுநிலை தவறாமல் எழுதுவோம். சீனத்தின் கதைக்கும் இங்கும் உள்ள வேறுபாடுகளை மட்டும் சுட்ட விரும்புகிறேன். ஆங்கில விக்கிப்பீடியா ஒரு வலுவான, அடக்க முடியாத அமைப்பு. அதனால் அதை சீனாவில் தடை செய்ததில் குறிப்பிடத்தக்க இழப்பு விக்கிக்கு ஏற்படவில்லை. ஆனால், ஒரு அரசு சார்பு கொண்ட தனியார் நிறுவனம் விக்கியின் உள்ளடக்கத்தைப் பெற்று தணிக்கை செய்து விளம்பரங்களுடன் சீனாவில் வழங்கியது. சீனத்தின் பெரும்பாலான மக்கள் இவற்றை மட்டுமே பெற முடிந்தது. இருந்தாலும் நாம் ஆங்கில விக்கியளவிற்கு வலுவாக இருந்தால் இதே நிலைப்பாட்டை எடுத்திருக்கலாம். தவிர, ஆங்கில விக்கியின் நடுவுநிலைமை கட்டுப்பாடுகள் பல விசயங்களில் (சில விலக்குகள் உண்டு) நன்கு சமைந்துள்ளன.

அடுத்தது சீன மொழி விக்கிப்பீடியா. இது பல்லாயிரம் பங்களிப்பாளர்களைக் கொண்டிருந்தும் நூற்றுக்கணக்கான வெளிநாட்டுப் பங்களிப்பாளர்கள் இருந்தும் இந்தத் தடையினால் பெரும் பாதிப்புக்குள்ளானது. -- சுந்தர் ^{\பேச்சு} 03:37, 25 ஆகஸ்ட் 2008 (UTC)

அடிப்படையில் நான் உங்களுடன் உடன்படுகிறேன். இருப்பினும் போராளிகள் பற்றிய தரமான, கட்டற்ற கட்டுரைகளை இட விக்கியில் விக்கி நூல்களிலோ, விக்கி மூலத்திலோ, விக்கிப்பீடியாவிலோ ஒரு இடம் இருக்கு என்றே நினைக்கிறேன். உங்கள் வாதங்களை நான் ஏற்றாலும், அவை அரசியல் அக்கறை உள்ள ஒருவருக்கு பொருந்துமா என்றும் அலச வேண்டும். என்னப் பொறுத்த வரை நாம் கணிதம், அறிவியல், தொழில்நுட்பம் ஆகிய தலைப்புகளில் அக்கறை காட்டலாம். அதே வேளை இன்று எமக்கு முன் நடக்கும் நிகழ்வுகளை பதியாமல் போவதும் கடினம். இனி இதைப் பற்றி அதிகம் அலட்ட விரும்பவில்லை. --Natkeeran 14:08, 25 ஆகஸ்ட் 2008 (UTC)

போராளிகள் என்பதைக் காட்டிலும் இந்த சிக்கலான நிலையைப் பற்றியும், அதன் பின்னால் அமைந்த வரலாறைப் பற்றியும் தரமான, நடுநிலையுடன் கூடிய கட்டுரைகள் போதிய மேற்கோள்களுடன் எழுதப்பட வேண்டும். அவற்றிலிருந்து தொடர்புடைய போராளிகள் கட்டுரைகளுக்கும் இணைப்பு தர வேண்டும். அறிவியல் கணிதம் நுட்பம் போன்றே அரசியல் கட்டுரைகளும் தேவையானவை. எனக்கு ஈழ அரசியலைப் பற்றி உங்கள் அளவிற்கு அறிமுகமில்லைதான். இதனால் என்னை ஓரளவிற்கு நடுநிலையானவனாக எடுத்துக் கொள்ளலாம். உணர்வு அடிப்படையிலான வாதங்கள் தவிர்க்கப்பட்டால் யார் மனதும் புண்படாதென்றால் நான் சில தலைப்புகளில் கட்டுரை எழுத முயல்கிறேன். -- சுந்தர் ^{\பேச்சு} 14:37, 25 ஆகஸ்ட் 2008 (UTC)

சிங்களமயமாக்கம், திட்டமிட்ட சிங்கள குடியேற்றம், இலங்கை கல்வி தரப்படுத்தல் என்ற தலைப்புகளில் நடுநிலை பேணுவதே ஒரு சார்பு என்று படும். கொள்கையை விபரித்தாலே சார்பு என்று சொல்லப்படுகிறது. அதை விமர்சித்தும் ஒரு கட்டுரை உள்ளது என்பது பற்றி அவ்வளவு எடுத்துக்கொள்ளவில்லை. வி.பு பற்றிய வரலாறு முற்றிலும் ஆங்கில விக்கியின் சார்புக்களை உள்வாங்கி எழுதப் பட்டிருக்கின்றது. அதில் எந்த தகுந்த தமிழ் நூல்களும் ஆதாரம் காட்டப்படவில்லை. தமிழும் ஒரு உணர்வு. அதற்காக அதை முற்றிலும் புறக்கணித்துவிட முடியாது. இருப்பினும் உங்களின் நடுநிலைமையில் நான் நம்பிக்கை கொண்டிருக்கிறேன். ஒரு புறப்பார்வை நன்கு என்றே நினைக்கிறேன். தகவல்கள் வேண்டும் என்றால் நான் உங்களுக்கு தர முடியும். மேலும், போராளிகள் பற்றி வேறு நபர்கள் எழுத முன்வரும் பட்சத்தில் என்றே நான் மேற்பந்தியை புரிந்து கொள்ளுதல் வேண்டும். நன்றி. --Natkeeran 14:56, 25 ஆகஸ்ட் 2008 (UTC)

தமிழ் விக்கிப்பீடியா குறித்த விமர்சனங்கள்

• தமிழ் விக்கிப்பீடியா தனித்தமிழ்க் காரர்களின் கட்டுப்பாட்டில் இருக்கிறது ! இதனால் தமிழ் விக்கிப்பீடியா நடுநிலையுடன் செயல்படும் என்று எப்படி எதிர்ப்பார்ப்பது?

ஒரு ஆவணப்படுத்தலுக்காகப் பதிந்து வைக்கிறேன். தமிழ் விக்கிப்பீடியர்கள் யாரும் தயவு செய்து இதற்கு மறுமொழி அளித்து நேரம் வீணாக்க வேண்டாம் :) --ரவி 15:16, 27 ஆகஸ்ட் 2008 (UTC)

தமிழர்கள் தமிழைத் தமிழாக வளர்த்தெடுப்பதற்கு முட்டுக்கடைகள் போடுபவர்கள் இருக்கிறார்கள் என்று தான் நான் நினைத்துக்கொண்டிருந்தேன். ஆனால், இவ்வளவு தீவிரமான எதிர்ப்பாளர்களும் இருக்கிறார்கள் என்பதை அறியும்போது நெருடலாகத்தான் இருக்கிறது. நாம் இன்னும் கூடுதலாக வேலை செய்யவேண்டும் என்று தோன்றுகிறது. மயூரநாதன் 15:57, 27 ஆகஸ்ட் 2008 (UTC)

தானும் படுக்கான் தள்ளியும் படுக்கான் என்ற மாதிரியான குணாதியம் கொண்ட சிலர் அல்ல பலர் இருக்கின்றார்கள். இதனால்தான் தமிழ் விக்கிபீடியா மாத்திரம் அல்ல தமிழர்களே முன்னேற்றக் குறைவாக இருப்பதற்கு முதன்மையான காரணம். தூற்றுவார் தூற்றட்டும் போற்றுவார் போற்றட்டும் என்று தவம் செய்வா தம் கருமம் செய்வார் என்றவாறு நாம் நமது திட்டத்தை முன்னேடுப்பதே நல்லது. வேலை எதுவும் செய்யாமல் விமர்சிப்பவர்கள் விக்கிபீடியாவிற்கு வெளியே மாத்திரம் அல்ல அலுவலங்களிலும் இருக்கவே செய்கின்றார்கள். இவற்றையிட்டு நாம் மனவிரக்கி அடையவேண்டியதில்லை. Broad band இணைப்பு ஒருமாதத்திற்குள் கிடைத்துவிடும் என நினைக்கின்றேன். நிச்சயமாக எம்மால் இயன்றவரை முன்னேடுப்போம். --உமாபதி ^{\பேச்சு} 16:55, 27 ஆகஸ்ட் 2008 (UTC)

• தொடரும் திரிபுகள்! - தப்பிக்குமா விக்கிபீடியா?

நான் ஒன்றைச் சொல்லிக்கொள விரும்புகிறேன். தமிழ் விக்கிப்பீடியா இன்னும் மிகுந்த சீரோடும் சிறப்போடும் மிக நன்றாகவும் விரைவாகவும் கட்டாயம் வளரும். விக்கிப்பீடியாவின் தொழில்நுட்பம் இதுகாறும் இல்லாதவாறு மிகவிரிவாயும் துல்லியமாகவும் வரலாற்றுப் படிவுகளைக் காட்டும் ஒன்று. எனவே பொய்யுரைகள் ஒருபோதும் செல்லுபடியாகாது. எல்லோருக்கும் புரியும் வகையில் நல்ல தமிழில், கூடியமட்டிலும் எளிய நடையில் நாம் தொடர்ந்து எழுதிவருவோம். காலம் சொல்லும் இதன் பயனை, விளைவை. உமாபதி சொல்வதுபோல தவம் செய்வர் தம் கருமம் செய்வார் என்றவாறு நாம் நமது திட்டத்தை முன்னேடுப்பதே நல்லது. இன்முகத்துடன் இயன்றவாறு நாம் இதனைச் செய்வோம்! --செல்வா 17:26, 27 ஆகஸ்ட் 2008 (UTC)

சொற்கள் பயன்பாடு

• கோட்பாடு - theory
• கொள்கை - policy
• விதி - rule, law
• தோற்றம் - theorem
• கருதுகோள் ?? - hypothesis

--Natkeeran 18:04, 31 ஆகஸ்ட் 2008 (UTC)

Date of the Tolkappiyam

• en:Date of the Tolkappiyam --Natkeeran 10:25, 4 செப்டெம்பர் 2008 (UTC)