பொதுநலவாய அரசுத் தலைவர்களின் மாநாடு

பொதுநலவாய அரசுத் தலைவர்கள் மாநாடு (Commonwealth Heads of Government Meeting, CHOGM) என்பது அனைத்துப் பொதுநலவாய நாடுகளினதும் அரசுத் தலைவர்கள் பங்குபற்றும் உச்சி மாநாடு ஆகும். இம்மாநாடு இரண்டு ஆண்டுகளுக்கு ஒரு தடவை அவ்வமைப்பின் உறுப்பு நாடு ஒன்றில் இடம்பெறுகிறது. இம்மாநாடு நடைபெறும் நாட்டின் அரசுத் தலைவர், பிரதமர் அல்லது குடியரசுத் தலைவர் மாநாட்டுக்குத் தலைமை வகிப்பதோடு, அடுத்த இரண்டு ஆண்டுகளுக்கு அவரே பொதுநலவாய நாடுகள் அமைப்பின் நடப்புத் தலைவராகவும் செயல்படுவார். பொதுநலவாயத்தின் தலைவர் இரண்டாம் எலிசபெத் மகாராணி 1973 ஆம் ஆண்டில் ஒட்டாவா நகரில் இடம்பெற்ற உச்சிமாநாட்டில் முதன் முதலில் பங்குபற்றியதில் இருந்து அனைத்து மாநாடுகளிலும் பங்குபற்றி வருகிறார்.^[1]. ஆனாலும், 87 வயதாகும் மகாராணியின் தேகநிலை இடம்கொடுக்காததால், கொழும்பில் நடைபெறவிருக்கும் 2013 மாநாட்டில் மகாராணிக்குப் பதிலாக வேல்சு இளவரசர் சார்லசு கலந்து கொள்கிறார்.^[1]

1971

2013

பொதுநலவாய நாடுகளின் தலைவர்களின் 22 மாநாடுகள் ஐந்து கண்டங்களிலும் 17 நாடுகளில் 21 நகரங்களில் இடம்பெற்றன.

பொதுநலவாய தலைவர்களின் முதலாவது மாநாடு 1971 இல் சிங்கப்பூரில் நடைபெற்றது. மொத்தம் 21 தடவைகள் மாநாடுகள் இடம்பெற்றுள்ளன. கடைசியாக 2011 இல் மேற்கு ஆஸ்திரேலியாவின் பேர்த் நகரில் இடம்பெற்றது.

பொதுநலவாயத் தலைவர்களின் உச்சி மாநாடுகளில் உறுப்புநாடுகள் எதிர்கொள்ளும் சர்ச்சைக்குரிய பிரச்சினைகள், மற்றும் தற்கால நிகழ்வுகள் ஆராயப்படுகின்றன. தென்னாப்பிரிக்காவில் இடம்பெற்றுவந்த இனவொதுக்கல் கொள்கை, மற்றும் அதனை முடிவுக்குக் கொண்டு வருவது, பாக்கித்தான், பிஜி நாடுகளில் இடம்பெற்ற இராணுவப் புரட்சிகள், சிம்பாப்வே நாட்டில் தேர்தல் ஏமாற்று போன்றவை இவற்றுள் சிலவாகும். சில வேளைகளில், உறுப்பு நாடுகள் உச்சி மாநாட்டில் பொதுத் தீர்வு ஒன்றை எட்டி அதனைக் கூட்டு அறிக்கை மூலம் வெளியிடுகின்றன. 1997 ஆம் ஆண்டு முதல் மாநாடு நடைபெறும் நாடு பொதுவான "கருப்பொருள்" ஒன்றை அறிவித்து, அதனைக் குறித்து விவாதங்கள் இடம்பெறுகின்றன.^[2]

மாநாடுகளின் பட்டியல்

ஆண்டு	நாள்	நாடு	நகரம்	Retreat	தலைவர்
1971	14–22 சனவரி	சிங்கப்பூர்	சிங்கப்பூர்	N/A	லீ குவான் யூ
1973	2–10 ஆகத்து	கனடா	ஒட்டாவா	Mont-Tremblant	Pierre Trudeau
1975	29 ஏப்ரல் – 6 மே	ஜமேக்கா	கிங்ஸ்டன்		Michael Manley
1977	8–15 சூன்	ஐக்கிய இராச்சியம்	இலண்டன்	Gleneagles Hotel	James Callaghan
1979	1–7 ஆகத்து	சாம்பியா	லுசாக்கா	லுசாக்கா	கென்னத் கவுண்டா
1981	30 செப்டம்பர் – 7 அக்டோபர்	ஆத்திரேலியா	மெல்பேர்ண்	கான்பரா	மால்கம் பிரேசர்
1983	23–29 நவம்பர்	இந்தியா	கோவா (மாநிலம்)	Fort Aguada	இந்திரா காந்தி
1985	16–22 அக்டோபர்	பஹமாஸ்	நசாவு	Lyford Cay	Lynden Pindling
1986	3–5 ஆகத்து	ஐக்கிய இராச்சியம்	இலண்டன்	N/A	மார்கரெட் தாட்சர்
1987	13–17 அக்டோபர்	கனடா	வான்கூவர்	Okanagan	Brian Mulroney
1989	18–24 அக்டோபர்	மலேசியா	கோலாலம்பூர்	லங்காவி	மகாதீர் பின் முகமது
1991	16–21 அக்டோபர்	சிம்பாப்வே	ஹராரே	விக்டோரியா அருவி	ராபர்ட் முகாபே
1993	21–25 அக்டோபர்	சைப்பிரசு	Limassol		George Vasiliou
1995	10–13 நவம்பர்	நியூசிலாந்து	ஆக்லன்ட்	Millbrook	Jim Bolger
1997	24–27 அக்டோபர்	ஐக்கிய இராச்சியம்	எடின்பரோ	St Andrews	டோனி பிளேர்
1999	12–14 நவம்பர்	தென்னாப்பிரிக்கா	டர்பன்	ஜார்ஜ் ட்வுன்	தாபோ உம்பெக்கி
2002	2–5 மார்ச்சு	ஆத்திரேலியா	Coolum	Hyatt Regency	ஜோன் ஹவார்ட்
2003	5–8 டிசம்பர்	நைஜீரியா	அபுஜா	Aso Rock	Olusegun Obasanjo
2005	25–27 நவம்பர்	மால்ட்டா	வல்லெட்டா	Mellieħa	Lawrence Gonzi
2007	23–25 நவம்பர்	உகாண்டா	கம்பாலா	Munyonyo	Yoweri Museveni
2009	27–29 நவம்பர்	டிரினிடாட் மற்றும் டொபாகோ	Port of Spain	Laventille Heights	Patrick Manning
2011	28–30 அக்டோபர்	ஆத்திரேலியா	பேர்த்	Kings Park	ஜூலியா கிலார்ட்
2013	15–17 நவம்பர்	இலங்கை	கொழும்பு	Waters Edge	மகிந்த ராசபக்ச
2015	அறிவிக்கப்படவில்லை	ஐக்கிய இராச்சியம்	TBA	TBA