பி. என். கே. சர்மா

பொதுவாக பி.என்.கே சர்மா என்று அழைக்கப்படும் பவானி நாராயணராவ் கிருஷ்ணமூர்த்தி சர்மா (Bhavani Narayanrao Krishnamurti Sharma) (1909 சூன் 9 - 2005 சூலை 2) இவர் ஓர் இந்திய அறிஞரும், எழுத்தாளரும், பேராசிரியரும், இந்தியவியலாளரும்மாவார். இவர் (1953-1969) முதல் மும்பையின் ரூபரேல் கல்லூரியில் பேராசிரியராகவும் சமசுகிருதத் துறையின் தலைவராகவும் இருந்தார். மத்துவாச்சாரியரின் துவைத வேதாந்த பள்ளியின் முன்னணி நிபுணர்களில் இவரும் ஒருவர். இவர் உத்திராதி மடத்தின் சத்தியாதயன தீர்த்தரின் சீடராக இருந்தார். மேலும் அவரிடம் விவாதக் கலைகளையும் கற்றுக்கொண்டார்.

பி. என். கே. சர்மா

முழுப் பெயர்	பி. என். கே. சர்மா
பிறப்பு	பவானி நாராயணராவ் கிருஷ்ணமூர்த்தி (1909-06-09)9 சூன் 1909 சேலம், தமிழ்நாடு
இறப்பு	2 சூலை 2005(2005-07-02) (அகவை 96) மும்பை, மகாராட்டிரம்
பிரதான விருப்பு	துவைதம், இந்து மெய்யியல்

அரசவை பண்டிதர்கள் எனப்படும் ஒரு பிராமணக் குடும்பத்தில் பிறந்த இவர் 25க்கும் மேற்பட்ட பாரம்பரிய படைப்புகளையும், வேதாந்தத்தைப் பற்றியும், துவைத வேதாந்தத்தைப் பற்றியும் 150 க்கும் மேற்பட்ட ஆய்வுக் கட்டுரைகளையும் எழுதியுள்ளார். இவர் துவைத வேதாந்த இலக்கிய புதையலுக்கு தனது அறிவார்ந்த பங்களிப்பால் சர்வதேச புகழ் மற்றும் அங்கீகாரத்தைப் பெற்றார். மிக உயர்ந்த தேசிய இலக்கிய வேறுபாட்டைக் கொண்டுவந்த ஒரு நினைவுச்சின்னப் படைப்பான "துவைதப் பள்ளியின் வரலாறும், அதன் இலக்கியமும்" என்பது 1963 ஆம் ஆண்டில் சாகித்திய அகாதமி விருதினை பெற்றது. புகழ்பெற்ற சமசுகிருத அறிஞர்களுக்கான இந்தியக் குடியரசுத்தலைவரின் விருதையும், 1992 இல் மற்றும் 1993 இல் சமசுகிருதத்திற்கான மகாராட்டிர அரசின் விருதையும் பெற்றுள்ளார்.

வாழ்க்கையும் தொழிலும்

ஆரம்ப கால வாழ்க்கை

சர்மா 1909 ஆம் ஆண்டு சூன் 9 ஆம் தேதி சென்னை மாகாணத்திலிருந்த சேலத்தில் ஒரு தேசஸ்த் பிராமணர் குடும்பத்தில் பிறந்தார் (இன்றைய தமிழ்நாடு முன்னாள் கொச்சின் மாநிலமான கேரளாவின் சமசுகிருத அறிஞர்களின் குடும்பம்). மராத்தி மற்றும் கன்னடத்தை வீட்டிலும், வெளியே தமிழிலும் பேசினார். சேலத்தை பூர்வீகமாகக் கொண்டிருந்த இவரது தாயார் இலட்சுமி பாய் ஒரு இல்லத்தரசியாவார். அதே நேரத்தில் சமஸ்கிருத அறிஞரான இவரது தந்தை பி.எஸ்.நாராயண ராவ், கோயம்புத்தூரை பூர்வீகமாகக் கொண்டவர். சர்மாவின் உண்மையான பெயர் பவானி நாராயணராவ் கிருஷ்ணமூர்த்தி என்பதாகும். சர்மா இவரது பெயரின் ஒரு பகுதியாக இல்லை. பிராமணத் தோற்றம் காரணமாக. மக்கள் இவரை "சர்மா" என்று அழைக்கத் தொடங்கினர். பின்னர் அது இவரது பெயரின் ஒரு பகுதியாக மாறியது. இவரது குடும்பம் இன்றைய வடக்கு கர்நாடகாவிலிருந்து தஞ்சாவூர் மாவட்டத்தின் கும்பகோணத்திற்கும் பின்னர் கொச்சிக்கும், கோவைக்கும் குடிபெயர்ந்தது.

கல்வி வாழ்க்கை

இவர் தனது ஆரம்பக் கல்வியை கும்பகோணத்தில் உள்ள அரசுப் பள்ளியில் பயின்றார். ஒரு குழந்தையாக இலக்கியம் மற்றும் தத்துவத்தில் மிகுந்த ஆர்வம் கொண்டிருந்தார். 1931 ஆம் ஆண்டில் சென்னை பல்கலைக்கழகத்தில் சமசுகிருதத்தில் இளங்கலை கலை பட்டமும், முதுகலைப் பட்டத்தை 1935 இல் சென்னை, மாநிலக் கல்லூரியிலும் முடித்தார். 1948இல் சென்னை பல்கலைக்கழகத்தில் 'வேதாந்த துவைத வேதாந்தப் பள்ளியின் தோற்றமும் அதன் வளர்ச்சியும் மற்றும் இலக்கியமும்' என்ற ஆய்வறிக்கைக்கு முனைவர் பட்டம் பெற்றார்

இவர் தனது 22 வயதில் அண்ணாமலை பல்கலைக்கழகத்தில் ஒரு விரிவுரையாளராக வாழ்க்கையைத் தொடங்கி 1931 முதல் 1938 வரை பணியாற்றினர். 1938 ஆம் ஆண்டில் திருவாரூரிலுள்ள அரசு சமசுகிருதக் கல்லூரியின் முதல்வராக சேர்ந்த இவர் 1948 வரை அங்கு பணியாற்றினார். 1948 இல் பஞ்சாபிலுள்ள விசுவேசுவரானந்தா வேத ஆராய்ச்சி நிறுவனத்தில் ஆராய்ச்சி அறிஞராக பணியாற்றினார்.1950 இல், உடுப்பியிலுள்ள பூர்ணபிரஜ்னா சமசுகிருத கல்லூரியில் முதல்வராக பணியாற்றத் தொடங்கினார். 1952 ஆம் ஆண்டில் கும்டாவின் டாக்டர் ஏ.வி.பாலிகா கல்லூரியில் முதல்வராக ஒரு வருடக் காலம் பணியாற்றினார். 1953 ஆம் ஆண்டில் இவர் இறுதியாக மகாராட்டிரா சென்றார். அங்கு இவர் மும்பையில் ரூபரேல் கல்லூரியில் பேராசிரியராகவும் சமசுகிருதத் துறைத் தலைவராகவும் நியமிக்கப்பட்டு 1969 இல் ஓய்வு பெற்றார்.

படைப்புகள்

சித்திரக் கதை

இவர் அமர் சித்ரா கதை என்ற புத்தகத்தில் "மத்வாச்சாரியர்: ஒரு வைணவத் துறவி-தத்துவஞானி" என்ற ஒரு சித்திரக்கதைத் தொடரை எழுதினார். அனந்த் பை என்பவர் இதன் ஆசிரியராகவும் எச்.எஸ்.சவான் என்பவர் படம் வரைபவராகவும் இருந்தனர். 1967 இல் வெளியிடப்பட்டு பல முறை மீண்டும் வெளிவந்தது.

இலக்கியப் படைப்புகள்

இவர் 25 க்கும் மேற்பட்ட பாரம்பரியப் படைப்புகளையும், 150 க்கும் மேற்பட்ட வேத வரலாறு மற்றும் வேதாந்தத்தைப் பற்றிய ஆய்வுக் கட்டுரைகளையும் எழுதியுள்ளார். இவர் துவைத வேதாந்தத்தில் அறிஞராராக இருந்தார். இவரது குறிப்பிடத்தக்க படைப்புகளில் சில:

விருதுகளும் கௌரவங்களும்

இவர் தனது இலக்கிய வாழ்க்கையில் ஏராளமான விருதுகளை வென்றுள்ளார். இவரது முதல் பெரிய விருது 1963 ஆம் ஆண்டில், வேதாந்தப் பள்ளியும் அதன் இலக்கிய வரலாறும் என்றப் படைப்பிற்கு சாகித்ய அகாடமி விருதினை பெற்றார். 1968 ஆம் ஆண்டில், மும்பை பல்கலைக்கழகத்தால் சமசுகிருதத்தில் கௌரவமுனைவர் பட்டம் இவருக்கு வழங்கப்பட்டது. 1992 ஆம் ஆண்டில், புகழ்பெற்ற சமசுகிருத அறிஞர்கள் விருதுக்கான இந்தியக் குடியரசுத் தலைவர் விருது வழங்கப்பட்டது. 1993 ஆம் ஆண்டில், மகாராட்டிர அரசின் 'புகழ்பெற்ற சமசுகிருத அறிஞர்' விருது வழங்கப்பட்டது. நவம்பர் 13, 1999 அன்று, ராஷ்டிரிய சமசுகிருத வித்யாபீடத்தால் இவருக்கு " மகாமஹோபாத்யாய " என்ற பட்டம் வழங்கப்பட்டது. செப்டம்பர் 16, 2003 அன்று, இவருக்கு மோதிலால் பனர்சிதாசு நூற்றாண்டு விருது வழங்கப்பட்டது. மே 2, 2004 அன்று, மும்பையில் நடந்த மகாராட்டிரா மாநில கன்னடர்களின் இலக்கிய மாநாட்டு விருது வழங்கப்பட்டது.

மரபு

துவைதத் தத்துவத்தை தனது ஆங்கில படைப்புகள் மற்றும் இலக்கியங்கள் மூலம் வெளி உலகிற்கு தெரிய வைப்பதே இவரது மிகப்பெரிய சாதனை. கே. டி. பாண்டுரங்கி, ஆர். எஸ். பஞ்சமுகி, சுரேந்திரநாத் தாசுகுப்தா, மற்றும் கே.நரேன் ஆகியோருடன் முன்னணி சமசுகிருத மற்றும் ஆங்கில மொழி எழுத்தாளர்களில் ஒருவராக இவர் கருதப்படுகிறார், இந்தியத் தத்துவத்தில் துவைத வேதாந்தத்தின் முக்கியத்துவத்தை மேற்கத்திய உலகிற்கு அவர்களின் ஆங்கில படைப்புகள் மூலம் தெரியப்படுத்தினார். பேராசிரியர் எல். ஸ்டாஃபோர்ட் பெட்டி என்பவர் இவ்வாறு கூறுகிறார், "தாஸ்குப்தா, கே. நரேன் மற்றும் பி.என்.கே.சர்மா - இருபதாம் நூற்றாண்டின் மூன்று அறிஞர்கள், மேற்கு நாடுகளை வேதாந்த இரட்டைவாதத்திற்கு (துவைதம்) வெளிப்படுத்துவதற்கு மிகவும் பொறுப்பானவர்கள்". இவர் தனது வாசகர்களுக்கு தனது துவைதப் படைப்புகளை எதிர்நோக்குவதற்கு ஏதாவது ஒன்றைக் கொடுத்தார். மேலும் இந்தியா இதுவரை உருவாக்கிய சிறந்த அறிஞர்களில் ஒருவராகக் கருதப்படுகிறார்.

தனிப்பட்ட வாழ்க்கை

குடும்பம்

மதவ பிராமணச் சமூகத்தைச் சேர்ந்த மைலேரிபாலம் ஜாகிர்தார் குடும்பத்தைச் சேர்ந்த ஹேமலதா என்பவரை சர்மா மணந்தார். இந்த தம்பதியினருக்கு ஒரு மகனும், ஒரு மகளும் உள்ளனர். சுதீந்திர கிருஷ்ணமூர்த்தி பவானி (டாக்டர் எஸ்.கே. பவானி என்று பிரபலமாக அறியப்படுகிறார்). இவர் பல படைப்புகள் மற்றும் விபாவின் அறிஞரும் எழுத்தாளரும் ஆவார்.

இவரது மகன் எஸ்.கே.பவானி மும்பை சோமையா கல்லூரியில் சமசுகிருதத் துறையின் பேராசிரியராகவும் பின்னர் கல்லூரியின் முதல்வராகவும் பணியாற்றினார். ஆதிசங்கரர், இராமானுசர், மத்துவர் ஆகியோரின் பள்ளிகளாலும், பால கங்காதர் திலகர், அரவிந்தர் போன்ற நவீனகால் நிபுணர்களாலும் விளக்கப்பட்டுள்ள கீதையைப் பற்றிய விமர்சன மற்றும் ஒப்பீட்டு ஆய்வை ஒன்றிணைத்து பகவத் கீதை குறித்து ஒரு வர்ணனை எழுதியுள்ளார்

மேற்கோள்கள்

நூலியல்

• Potter, Karl H. (1995). Encyclopedia of Indian philosophies. 1, Bibliography : Section 1, Volumes 1-2. Motilal Banarsidass Publications. பன்னாட்டுத் தரப்புத்தக எண் 978-8120803084.
• Sharma, B.N.K (2000). A History of the Dvaita School of Vedānta and Its Literature, 3rd Edition. Motilal Banarsidass (2008 Reprint). பன்னாட்டுத் தரப்புத்தக எண் 978-8120815759.
• Sinha, Biswajit; Choudhury, Ashok Kumar (1996). Encyclopaedia of Indian Writers: Akademi Laurels. Eastern Book Linkers. பன்னாட்டுத் தரப்புத்தக எண் 9788186339312.
• Sharma, B. N. Krishnamurti (2001). My Latest Four Research Papers. The Author. {{cite book}}: Invalid |ref=harv (help)
• Sharma, B. N. Krishnamurti (1978). The Brahmasūtras and Their Principal Commentaries: A Critical Exposition, Volume 3. Bharatiya Vidya Bhavan. {{cite book}}: Invalid |ref=harv (help)
• Datta, Amaresh (1987). Encyclopaedia of Indian Literature: A-Devo. Sahitya Akademi. பன்னாட்டுத் தரப்புத்தக எண் 978-8126018031. {{cite book}}: Invalid |ref=harv (help)
• Smart, Ninian (2009). Ninian Smart on World Religions: Traditions and the challenges of modernity. I. Individual traditions. Buddhism. 'Mysticism and scripture in Theravāda Buddhism'. Ashgate Publishing. பன்னாட்டுத் தரப்புத்தக எண் 9780754666387. {{cite book}}: Invalid |ref=harv (help)
• Sharma, B.N. Krishnamurti (1994). Advaitasiddhi Vs Nyāyāmṛta: An Up To Date Critical Re-Appraisal. Akhila Bhārata Mādhva Mahamandal. {{cite book}}: Invalid |ref=harv (help)
• Sharma, B. N. Krishnamurti (1974). The Brahmasūtras and Their Principal Commentaries: A Critical Exposition, Volume 2. Bharatiya Vidya Bhavan. பன்னாட்டுத் தரப்புத்தக எண் 9788121500340. {{cite book}}: Invalid |ref=harv (help)
• Akademi, Sahitya (1990). Sahitya Akademi awards: books and writers : 1955-1978. Sahitya Akademi. பன்னாட்டுத் தரப்புத்தக எண் 9788172010140. {{cite book}}: Invalid |ref=harv (help)
• Potter, Karl H. (1988). Guide to Indian Philosophy. G.K. Hall Publishing. பன்னாட்டுத் தரப்புத்தக எண் 9780816179046. {{cite book}}: Invalid |ref=harv (help)
• Moraes, George Mark (1972). Historiography in Indian Languages: Dr. G.M. Moraes Felicitation Volume. Oriental Publishers. {{cite book}}: Invalid |ref=harv (help)
• Balasubramanian, R. (2003). Theistic Vedānta, Volume 2, Part 3. Centre for Studies in Civilizations. பன்னாட்டுத் தரப்புத்தக எண் 9788187586128. {{cite book}}: Invalid |ref=harv (help)
• Betty, L. Stafford (1978). Vadiraja's Refutation of Sankara's Non-dualism: Clearing the Way for Theism. Motilal Banarsidass Publishers. பன்னாட்டுத் தரப்புத்தக எண் 9788120831582. {{cite book}}: Invalid |ref=harv (help)
• Lal, Sham (1969). The Times of India Directory and Year Book Including Who's who. Bennett, Coleman & Company. {{cite book}}: Invalid |ref=harv (help)
• Myers, Michael (2013). Brahman:A Comparative Theology. Routledge. பன்னாட்டுத் தரப்புத்தக எண் 9781136835728. {{cite book}}: Invalid |ref=harv (help)

வெளி இணைப்புகள்

விக்கிமீடியா பொதுவகத்தில்,
பி. என். கே. சர்மா
என்பதில் ஊடகங்கள் உள்ளன.

• A History of the Dvaita School of Vedānta and Its Literature
  • A History of the Dvaita School of Vedānta and Its Literature Vol I (English) (1960)
  • A History of the Dvaita School of Vedānta and Its Literature Vol II (English) (1960)
• Philosophy of Sri Madhvacharya (English)
• Bhagavad Gita Bhashya (English)
• Śrī Madhva's Teachings in His Own Words (English)
• Advaitasiddhi Vs Nyāyāmṛta: An Up To Date Critical Re-Appraisal (English)