ஆர். வி. உதயகுமார்

ஆர். வி. உதயகுமார் தமிழ்த் திரைப்படத்துறையில் உள்ள முன்னணி இயக்குநர்களில் ஒருவராவார். 1990களில் வெளியான எஜமான், சின்னக் கவுண்டர் போன்ற பல வெற்றித் திரைப்படங்களை இயக்கியவர். இவர் கோயமுத்தூர் மாவட்டத்தைச் சேர்ந்தவர். கோவை அரசு கலைக் கல்லூரியில் பட்டம் பெற்ற பின்னர் திரைப்பட வாய்ப்புகளுக்காக சென்னைக்கு இடம்பெயர்ந்தார். தமிழ் திரைப்படத்துறையில் ரஜினிகாந்த், விஜயகாந்த், கார்த்திக் உள்ளிட்ட முன்னணி கதாநாயகர்களுடன் இணைந்து பணியாற்றியுள்ளார்.

ஆர். வி. உதயகுமார்
பிறப்பு	முல்லைப் பாளையம், மேட்டுப்பாளையம், கோயமுத்தூர் மாவட்டம், தமிழ்நாடு இந்தியா
பணி	திரைப்பட இயக்குநர், திரைப்பட நடிகர்
செயல்பட்ட  ஆண்டுகள்	1988–1996 2005 2012– தற்போது வரை
வாழ்க்கைத் துணை	சுஜாதா
பிள்ளைகள்	பூமிகா

இயக்குநர்கள் ராதாமோகன், தரணி ஆகியோர் இவரது உதவியாளர்கள் ஆவர்.

வாழ்க்கைக் குறிப்பு

இவர் கோவை மேட்டுப்பாளையம் அருகிலுள்ள முல்லைப்பாளையம் கிராமத்தில் ஒரு விவசாயக் குடும்பத்தில் பிறந்தவர். இவரது தந்தை வெங்கடசாமி, தாய் கண்ணம்மாள் ஆவர். இவர் கோவையில் பியுசி மற்றும் பி.எஸ்சி படித்த பின்னர் சென்னை திரைப்படக் கல்லூரியில் சேர்ந்து இயக்கத்தில் டிப்ளமோ பெற்றார். இவர் சென்னைத் திரைப்படக் கல்லூரியில் படிக்கும்போது பல குறும்படங்களை இயக்கியுள்ளார்.

திரைப்பட விபரம்

இயக்கிய திரைப்படங்கள்

ஆண்டு	திரைப்படம்	மொழி	நடிகர்கள்	இசை	முடிவு
1988	உரிமை கீதம்	தமிழ்	பிரபு, கார்த்திக், ரஞ்சனி, பல்லவி,	மனோஜ்-கியான்	வெற்றி
1988	புதிய வானம்	தமிழ்	சிவாஜி கணேசன், சத்யராஜ், ரூபினி	ஹம்சலேகா	சராசரி
1990	உறுதிமொழி	தமிழ்	சிவகுமார், பிரபு, கீதா	இளையராஜா	சராசரி
1990	கிழக்கு வாசல்	தமிழ்	கார்த்திக், ரேவதி, குஷ்பூ	இளையராஜா	சிறந்த வெற்றி
1992	சின்ன கவுண்டர்	தமிழ்	விஜயகாந்த், சுகன்யா	இளையராஜா	மகத்தான வெற்றி
1992	சிங்காரவேலன்	தமிழ்	கமல்ஹாசன், குஷ்பூ	இளையராஜா	சிறந்த வெற்றி
1993	எஜமான்	தமிழ்	ரஜினிகாந்த், மீனா, ஐஸ்வர்யா	இளையராஜா	சிறந்த வெற்றி
1993	பொன்னுமணி	தமிழ்	கார்த்திக், சௌந்தர்யா	இளையராஜா	சிறந்த வெற்றி
1994	ராஜகுமாரன்	தமிழ்	பிரபு, மீனா, நதியா	இளையராஜா	வெற்றி
1994	தலைவனின் அருள் உள்ளம்	தமிழ்	பிரபு, சுகன்யா	விசுவநாதன் ராமமூர்த்தி	தோல்வி
1995	சேரல் இரும்பொறயின் தமிழ் காதல்	தமிழ்	சரத்குமார், மீனா	விசுவநாதன் ராமமூர்த்தி	தோல்வி
1995	நந்தவன தேரு	தமிழ்	கார்த்திக், ஸ்ரீநிதி	இளையராஜா	தோல்வி
1996	சுபாஷ்	தமிழ்	அர்ஜூன், ரேவதி	வித்தியாசாகர்	தோல்வி
1998	தரக்கா ராமுடு	தெலுங்கு	ஸ்ரீகாந்த், சௌந்தர்யா	சலுவேரி கோட்டீசுவர ராவ்	தோல்வி
2000	சின்ன ராமசாமி பெரிய ராமசாமி	தமிழ்	ஜெயராம், உதயபாணு	இளையராஜா	வெளியாகவில்லை
2005	கற்க கசடற	தமிழ்	விக்ராந்த், லட்சுமி ராய், தியா	ப்ரயோக்	தோல்வி

நடித்த திரைப்படங்கள்

• சின்ன கவுண்டர் (1992)
• எஜமான் (1993)
• சின்ன ராமசாமி பெரிய ராமசாமி (2000) – வெளியாகவில்லை
• இரு நதிகள் (2008)
• சூரிய நகரம் (2012)