ஈப்போ தீமோர் மக்களவைத் தொகுதி
ஈப்போ தீமோர் மக்களவைத் தொகுதி (மலாய்: Kawasan Persekutuan Ipoh Timor; ஆங்கிலம்: Ipoh Timor Federal Constituency; சீனம்: 怡保东区国会议席) என்பது மலேசியா, பேராக், கிந்தா மாவட்டத்தில் (Kinta District) அமைந்துள்ள ஒரு மக்களவைத் தொகுதி (P064) ஆகும்.[7]
| ஈப்போ தீமோர் (P064) மலேசிய மக்களவைத் தொகுதி  பேராக் | |
|---|---|
| Ipoh Timor (P064) Federal Constituency in Perak | |
 | |
| மாவட்டம் | கிந்தா மாவட்டம் பேராக் |
| வாக்காளர்களின் எண்ணிக்கை | 118,178 (2022)[1] |
| வாக்காளர் தொகுதி | ஈப்போ தீமோர் தொகுதி[2] |
| முக்கிய நகரங்கள் | ஈப்போ, பெர்ச்சாம், மெங்லெம்பு, குனோங் ரப்பாட், ஜெலாப்பாங், புந்தோங், கிளேபாங் |
| பரப்பளவு | 43 ச.கி.மீ[3] |
| முன்னாள்நடப்பிலுள்ள தொகுதி | |
| உருவாக்கப்பட்ட காலம் | 1994 |
| கட்சி |  பாக்காத்தான் அரப்பான் |
| மக்களவை உறுப்பினர் | லீ சுவான் ஆவ் (Lee Chuan How) |
| மக்கள் தொகை | 134,700 (2020) [4] |
| முதல் தேர்தல் | மலேசியப் பொதுத் தேர்தல், 1995 |
| இறுதித் தேர்தல் | மலேசியப் பொதுத் தேர்தல், 2022[5] |
ஈப்போ தீமோர் மக்களவைத் தொகுதி 1994-ஆம் ஆண்டில் உருவாக்கப்பட்டது. இந்தத் தொகுதியில், முதன்முதலாக 1995-ஆம் ஆண்டில் மக்களவைப் பொதுத் தேர்தல் நடைபெற்றது. இறுதியாக, 2022-ஆம் ஆண்டில் நடைபெற்றது.
1995-ஆம் ஆண்டில் இருந்து ஈப்போ தீமோர் மக்களவைத் தொகுதி, மலேசிய நாடாளுமன்றத்தின் மலேசிய மக்களவையில் பிரதிநிதிக்கப் படுகிறது.
ஈப்போ தீமோர்
தொகுஈப்போ மாநகரம் இரு மக்களவைத் தொகுதிகளாகப் பிரிக்கப்பட்டு உள்ளது. ஈப்போவின் கிழக்குப் பகுதி ஈப்போ தீமோர் (Ipoh Timor) என்றும்; மேற்குப் பகுதி ஈப்போ பாராட் (Ipoh Barat) என்றும் அழைக்கப்படுகிறது.
இந்த நகரம் கிந்தா ஆற்றின் கரைகளில் அமைந்துள்ளது. பேராக் மாநிலத்தின் தலைநகரமான ஈப்போ, மலேசியாவில் மிகவும் சுத்தமான நகரம் என்று அறியப்படுகிறது.
2021-ஆம் ஆண்டு புள்ளி விவரங்களின்படி, ஈப்போவின் மக்கள் தொகை 1,022,240. அந்த வகையில், அதிக மக்கள் தொகை கொண்ட மலேசிய மாநகரங்களில் நான்காவது இடத்தைப் பெறுகிறது. 19-ஆம், 20-ஆம் நூற்றாண்டுகளில் ஈப்போ பெரும் வணிகத் தளமாகப் புகழ் பெற்று விளங்கியது
பிராங்க் சுவெட்டன்காம்
தொகுஈப்போ நகரம், மலேசியாவின் தலைநகரமான கோலாலம்பூர் மாநகரில் இருந்து 200 கி.மீ. வடக்கே உள்ளது. வடக்கு-தெற்கு நெடுஞ்சாலை வழியாகவும் ஈப்போ நகரத்தை அடையலாம். ஈப்போ மாநகரம் கிந்தா பள்ளத்தாக்கின் நடு மையத்தில் அமைந்து உள்ளது.
ஈப்போவைப் புகழ் பெறச் செய்தவர்களில் மிகவும் முக்கியமானவர் சர் பிராங்க் சுவெட்டன்காம் (Sir Frank Swettenham). 1920-ஆம் ஆண்டுகளில் ஈப்போ ஒரு மாபெரும் ஈயப் பட்டணமாக உருவெடுத்தது. ஈப்போ நகரை கிந்தா ஆறு இரண்டாகப் பிரிக்கின்றது. மேற்குப் பகுதியில் பழைய நகரமும் கிழக்குப் பகுதியில் புதிய நகரமும் இருக்கின்றது.
1941-ஆம் ஆண்டு டிசம்பர் மாதம் 15-ஆம் தேதி ஜப்பானியர்கள் ஈப்போவின் மீது படை எடுத்தனர். அவர்களின் ஆட்சி காலத்தில் பேராக் மாநிலத்தின் தலைமைப் பட்டணமாக ஈப்போ அறிவிக்கப்பட்டது.[8] அதற்கு முன்னர் தைப்பிங் நகரம் தான் பேராக் மாநிலத்தின் தலைப் பட்டணமாக இருந்தது.
ஈப்போ தீமோர் மக்களவைத் தொகுதி
தொகு| ஈப்போ தீமோர் மக்களவைத் தொகுதியின் உறுப்பினர்கள் (1995 - 2022) | ||||
|---|---|---|---|---|
| மக்களவை | தொகுதி | ஆண்டுகள் | உறுப்பினர் | கட்சி |
| 1994-ஆம் ஆண்டில் பாசிர் பிஞ்சி மக்களவைத் தொகுதியில் இருந்து ஈப்போ தீமோர் தொகுதி உருவாக்கப்பட்டது | ||||
| 9-ஆவது மக்களவை | P061 | 1995–1999 | சாங் கோன் இயூ (Chang Kon You) |
பாரிசான் நேசனல் (மலேசிய சீனர் சங்கம்) |
| 10-ஆவது மக்களவை | 1999–2004 | தாங் பா சோங் (Thong Fah Chong) | ||
| 11-ஆவது மக்களவை | P064 | 2004–2008 | லிம் கிட் சியாங் (Lim Kit Siang) |
ஜனநாயக செயல் கட்சி |
| 12-ஆவது மக்களவை | 2008–2013 | பாக்காத்தான் ராக்யாட் (ஜனநாயக செயல் கட்சி) | ||
| 13-ஆவது மக்களவை | 2013–2018 | சு கியோங் சியோங் (u Keong Siong) | ||
| 14-ஆவது மக்களவை | 2018–2022 | வாங் கா வோ (Wong Kah Woh) |
பாக்காத்தான் அரப்பான் (ஜனநாயக செயல் கட்சி) | |
| 15-ஆவது மக்களவை | 2022–தற்போது வரையில் | லீ சுவான் ஆவ் (Lee Chuan How ) | ||
ஈப்போ தீமோர் மக்களவைத் தேர்தல் முடிவுகள் 2022
தொகு| பொது | வாக்குகள் | % | ∆% |
|---|---|---|---|
| பதிவு பெற்ற வாக்காளர்கள் (Registered Electors) |
118,178 | ||
| வாக்களித்தவர்கள் (Turnout) |
80,839 | 67.51% |  - 10.89%
|
| செல்லுபடி வாக்குகள் (Total Valid Votes) |
79,789 | 100.00% | |
| கிடைக்காத அஞ்சல் வாக்குகள் (Unreturned Ballots) |
381 | ||
| செல்லாத வாக்குகள் (Total Rejected Ballots) |
678 | ||
| பெரும்பான்மை (Majority) |
43,888 | 55.02% | - 5.91
|
| வெற்றி பெற்ற கட்சி | பாக்காத்தான் | ||
| சான்றுகள்: மலேசிய தேர்தல் ஆணையம் [9] |
ஈப்போ தீமோர் மக்களவை வேட்பாளர் விவரங்கள்
தொகு| வேட்பாளர் | கட்சி | செல்லுபடி வாக்குகள் |
பெற்ற வாக்குகள் |
% | ∆% | |
|---|---|---|---|---|---|---|
| லீ சுவான் ஆவ் (Lee Chuan How) |
பாக்காத்தான் | 79,789 | 57,549 | 72.14% | - 8.32%
| |
| நோர் அப்சாயின்சாம் சாலே (Nor Afzainzam Salleh) |
பெரிக்காத்தான் | - | 13,661 | 17.12% | + 17.12% 
| |
| நிங் காய் சியோங் (Ng Kai Cheong) |
பாரிசான் | - | 8,570 | 10.74% | - 8.80 %
|
மேற்கோள்கள்
தொகு- ↑ "Electoral Roll for the 14th Malaysian General Election Updated as of 10 April 2018" (PDF). Election Commission of Malaysia. p. 26. பார்க்கப்பட்ட நாள் 2020-01-29.
- ↑ "Federal Government Gazette, Notice Under Subregulation 11(5A), Polling Hours for the Fifteenth General Election" (PDF). Attorney General's Chambers. 31 October 2022.
- ↑ Laporan Kajian Semula Persempadanan Mengenai Syor-Syor Yang Dicadangkan Bagi Bahagian-Bahagian Pilihan Raya Persekutuan Dan Negeri Di Dalam Negeri-Negeri Tanah Melayu Kali Keenam Tahun 2018 Jilid 1 (PDF) (Report). Election Commission of Malaysia. 2018. பார்க்கப்பட்ட நாள் 2020-01-29.
- ↑ "Kawasanku" (in ஆங்கிலம்). Department of Statistics Malaysia. 2023-09-24. பார்க்கப்பட்ட நாள் 2023-09-24.
- ↑ "Electoral Roll for the 14th Malaysian General Election Updated as of 10 April 2018" (PDF). Election Commission of Malaysia. 10 April 2018. p. 21. பார்க்கப்பட்ட நாள் 2020-01-29.
- ↑ "15th General Election Malaysia (GE15 / PRU15) - Results Overview". oriantaldaily.com.my. பார்க்கப்பட்ட நாள் 2022-11-10.
- ↑ Demarcation Review Report on Proposed Recommendations for Federal and State Electoral Divisions in the States of Malaya Sixth Year 2018 Volume 1 (PDF) (Report). Election Commission of Malaysia. 2018. பார்க்கப்பட்ட நாள் 2020-01-29.
- ↑ Khoo Salma Nasution & Abdur-Razzaq Lubis, Kinta Valley: Pioneering Malaysia's Modern Development, Ipoh: Perak Academy, 2005. pp. 273–292
- ↑ "MySPRSemak". mysprsemak.spr.gov.my. பார்க்கப்பட்ட நாள் 1 June 2024.