விக்கிப்பீடியா

இன்ஃபோசிஸ்

(இன்போசிஸ் இலிருந்து வழிமாற்றப்பட்டது)

இன்ஃபோசிஸ் (Infosys) அல்லது இன்ஃபோசிஸ் தொழில்நுட்ப நிறுவனம் ( Infosys Technologies Limited, முபச: 500209 ,நாசுடாக்: INFY), பன்னாட்டளவிலான தகவல் தொழில்நுட்ப சேவைகளுக்கான நிறுவனம் ஆகும். இந்தியாவிலுள்ள பெங்களூரைத் தலைமையிடமாகக் கொண்டு செயல்படுகிறது. இது இந்தியாவின் மிகப்பெரிய தகவல் தொழிநுட்ப நிறுவனங்களுள் ஒன்றான இதில் 2011 மார்ச் 11 வரையில் 133,560 தொழில்முறையாளர்களைக் (துணை நிறுவனங்கள் உட்பட) கொண்டு திகழ்கின்றது[3]. 22 நாடுகளில் அலுவலங்களைக் கொண்டுள்ள இந்நிறுவனம் இந்தியா, சீனா, ஆஸ்திரேலியா, யூ.கே., கனடா மற்றும் ஜப்பான் ஆகிய நாடுகளில் வளர்ச்சி மையங்களையும் கொண்டுள்ளது.[4]

இன்ஃபோசிஸ்
நிறுவுகை சூலை 2, 1981
தலைமையகம்பெங்களூரு, இந்தியா இந்தியா இலத்திரனியல் நகர், ஓசூர் சாலை
முக்கிய நபர்கள்என் ஆர் நாராயணமூர்த்தி
(சிறப்புத் தலைவர்) & (முதன்மை வழிகாட்டி)
கே வி காமத்
(தலைவர்)
விசால் சிக்கா
(CEO & MD)
எஸ். டி. சிபுலால்
(COO) & (நிறுவனர்)
தொழில்துறைமென்பொருள் சேவைகள்
உற்பத்திகள்பினாக்கிள் (ஒரு உலகளாவிய வங்கி மென்பொருள்)
சேவைகள்தகவல் தொழில்நுட்ப அறிவுரை சேவைகள் மற்றும் தீர்வுகள்
வருமானம்▲ US$ 3.16 பில்லியன் (2009)[1]
நிகர வருமானம்▲ US$ 1.16 பில்லியன் (2009)
மொத்தச் சொத்துகள்▲ r|US$ 4.45 பில்லியன் (2009)
பணியாளர்103,905 [2]
துணை நிறுவனங்கள்இன்ஃபோசிஸ் பிபிஓ
இன்ஃபோசிஸ் கன்சல்டிங்
இன்ஃபோசிஸ் ஆத்திரேலியா
இன்ஃபோசிஸ் பிராசில்
இன்ஃபோசிஸ் சீனா
இன்ஃபோசிஸ் மெக்சிகோ
இன்ஃபோசிஸ் சுவீடன்
இணையத்தளம்Infosys.com

வரலாறு தொகு

இன்ஃபோசிஸ் 1981 ஜூலை 2 இல் புனேயில் என்.ஆர்.நாராயணமூர்த்தி மற்றும் ஆறு நபர்களாகிய; நந்தன் நிலெக்னி, என்.எஸ்.ராகவன், கிரிஸ் கோபாலகிருஷ்ணன், எஸ்.டி. சிபுலால், கே.தினேஷ் மற்றும் அசோக் அரோரா[5] ஆகியோரால் நிறுவப்பெற்றது. அச்சமயம் என்.எஸ்.ராகவன் இதன் அதிகார பூர்வமான முதல்பணியாளராக இருந்தார். நாராயண மூர்த்தி அவர்கள் தம் மனைவி சுதா மூர்த்தி அவர்களிடம் INR(இந்திய ரூபாய் மதிப்பு) 10,000 ரூபாயைக் கடனாக பெற்று இந்நிறுவனத்தைத் துவங்கினார். இந்நிறுவனம் வடக்கு மத்திய புனேயின் மாடல் காலனியில் இருந்த ராகவன் அவர்களின் இல்லத்தை பதிவு அலுவலகமாக கொண்டு இன்ஃபோசிஸ் கன்சல்டண்ட்ஸ் பிரைவேட் லிமிடெட், நிறுவனமாக ஒருங்கிணைக்கப்பட்டது.

1982 இல் இன்ஃபோசிஸ் பெங்களூரில் தன் அலுவலகத்தைத் திறந்தது. விரைவில் அதுவே அதன் தலைமை அலுவலகமாக மாறியது.[6]

1993 இன்ஃபோசிஸ் பொதுமக்களை நாடிச்சென்றது. கவர்ச்சிகரமாக இன்ஃபோசிஸ் பொது பங்கு வெளியீடு(IPO) சந்தாதாரர்களுக்காக வந்தது ஆனால் அவற்றில் 13% சரிஒப்பு பங்குகள் சலுகை விலையான ரூ95 க்கு அமெரிக்க முதலீட்டு வங்கியாளர் மார்கன் ஸ்டான்லி அவர்களால் வெளிக்கொண்டுச் செல்லப்பட்டது. 1999 இல் இதன் ஒரு பங்கின் விலை ரூ.8,100 ஆக பேரெழுச்சி பெற்றது. அச்சமயம் மிகவிலை உயர்ந்த பங்காக இதுவே திகழ்ந்தது.[7] அந்நேரம், இன்ஃபோசிஸ் உள்ளிட்ட அடொப் சிஸ்டம்ஸ்,நோவெல் மற்றும் லைகாஸ் ஆகிய 20 பெரிய நிறுவனங்களே முன்னேற்றம் அடைந்த பெரிய சந்தை முதலீட்டாளர்களாக நெஸ்டேக்(Nasdaq)இல் விளங்கினர்.

ஃபோர்பெஸ் இதழ் அடிப்படையில்,மும்பை பங்கு சந்தையின் 2000 ஆண்டு வரையிலான பட்டியலில் இன்போசிஸின் விற்பனை மற்றும் வருவாயானது ஓர் ஆண்டுக்கு 70% க்கும் மேலாக உள்ளதாக குறிக்கப்பட்டுள்ளது.[8] அமெரிக்க அதிபரான பில் கிளிண்டன் 2000 ஆம் ஆண்டில், இந்தியாவின் உயர் தொழில்நுட்பச் சாதனைகளுக்குச் சிறந்த எடுத்துக்காட்டாக இன்ஃபோசிஸ் திகழ்கிறது என புகழ்ந்துரைத்தார்[9]

2001 இல் பிஸினஸ் டுடே இந்நிறுவனத்தை இந்தியாவின் சிறந்த பணிவழங்குநராகக் குறிப்பிட்டது.[10] இன்ஃபோசிஸ் 2003, 2004 மற்றும் 2005 ஆம் ஆண்டுகளுக்கான குளோபல் மேக் (மிகவும் போற்றத்தக்க அறிவுசார் தொழில்முனைவோர்) விருதினைப் பெற்றது. இவ்விருதினைப் பெற்ற ஒரே இந்திய நிறுவனமான இன்ஃபோசிஸ் அதன் காரணமாகவே உலக அரங்கில் சிறந்த புகழை அடைந்தது.[11][12]

இன்ஃபோசிஸ் தம் பணிக்காக ஹெவீட் அசோசியேட்ஸால் சிறந்த பணிவழங்குநராக 2000, 2001, மற்றும் 2002 ஆண்டுகளில் மதிப்பிடப்பட்டது. 2007 இன் இன்ஃபோசிஸ் மிகக்குறைந்த அளவிலான 3% விண்ணப்பங்களை வெளியிட்டதில், அதற்காக அதைவிட அதிக அளவில் 1.3 மில்லியன் விண்ணப்பங்களைப் பெற்றது.[13]

பிஸினஸ் வீக் இதழ் தம் அறிக்கையில் 2007 ஆம் ஆண்டில் அங்கிகரிக்கப்பட்ட [[[H-1B] விசா]]க்களில் இன்ஃபோசிஸ் உடன் விப்ரோ மற்றும் டாடா நிறுவனங்களுடையது மட்டும் ஏறத்தாழ 80% மனுக்கள் என்றும் இந்நிறுவனங்கள் இத்திட்டத்தின் சிறந்த 10 பங்கேற்பாளர்களில் அடங்குவர் எனவும் குறிப்பிட்டுள்ளது.[14]

ஏப்ரல் 2009 இல் ஃபோர்பெஸ் இதழ் மென்பொருள் மற்றும் சேவைத் துறைகளில் உலகிலேயே சிறப்பாக செயலாற்றிய 5 நிறுவனங்களில் இன்போசிஸையும் மதிப்பிட்டுள்ளது.[15]

2009 இல் இன்போசிஸை, 50 சிறப்பான முன்னோடி நிறுவனங்களுள் ஒன்றாக பிஸினஸ் வீக்சின் குழு கருதியது.' [16]

டிசம்பர் 2008 இலிருந்து ஏப்ரல் 2009 வரையில், இன்ஃபோசிஸ் 2500 க்கும் மேற்பட்ட பணியாளர்களை அவர்களது குறைந்த செயல்திறன் காரணமாக பணிநீக்கம் செய்தது. ஐரோப்பா மற்றும் வடக்கு அமெரிக்க சந்தையில் ஏற்பட்ட நெருக்கடி காரணமாக குறைந்த வருவாயைப் பெற்று கடும் பாதிப்பிற்குள்ளானது. இன்ஃபோசிஸ், கடந்த பத்தாண்டுகளில் என்றும் நிகழ்ந்திராத தனது முதல் வருவாய் இழப்பை மார்ச் 2009 இன் காலாண்டில் சந்தித்தது என்பதை 2009 ஏப்ரல் 15 இல் குறிப்பிட்டது.[17]

காலக்கோடு தொகு

  • 1981: என்.ஆர்.நாராயணமூர்த்தி மற்றும் ஆறு பொறியாளர்களால் இந்தியாவில் உள்ள புனேயில் இன்ஃபோசிஸ் அமெரிக்க டாலர் மதிப்பில் $ 250 ஐக் கொண்டு நிறுவப்பெற்றது. தனது முதல் வாடிக்கையாளராக நீயூயார்க்கின் டேட்டா பேசிக் கார்பரேசனுடன் கையெழுத்தானது.
  • 1983: தனது தலைமையலுவலகத்தை கர்நாடகாவில் உள்ள பெங்களூருக்கு மாற்றியது.
  • 1987: முதல் பன்னாட்டளவிலான அலுவலகத்தை அமெரிக்காவின் பாஸ்டனில் துவக்கியது.
  • 1992: வெளிநாட்டு விற்பனை அலுவலகத்தை பாஸ்டனில் துவக்கியது.
  • 1993: துவக்ககால பொது சலுகையாக ரூ 13 கோடிகளைக்கொண்டு வரையறுக்கப்பட்ட பொது நிறுவனமாக மாறியது.
  • 1996: ஐரோப்பாவின் முதல் அலுவலகம், மில்டன் கீனஸ்,யூ.கே.
  • 1997: கனடாவின் டொரோண்டொவில் அலுவலகம்.
  • 1999: மார்ச் 11 இல் நேஸ்டேக்கின் பட்டியலில் முதல் இந்திய நிறுவனமாக அமைந்தது.[18]
  • 1999: SEI-CMMஇன் 5 ஆம் நிலை வரிசையை அடைந்தது
  • 2000: பிரான்ஸ் மற்றும் ஹாங்காங்கில் அலுவலம் துவங்கியது.
  • 2001: ஐக்கிய அரபு எமிரேட்ஸ் மற்றும் அர்ஜென்டினாவில் அலுவலகங்கள் திறப்பு.
  • 2002: நெதர்லாந்து, சிங்கப்பூர் மற்றும் சுவிட்சர்லாந்து நாடுகளில் புதிய அலுவலகங்கள் திறப்பு.
  • 2002: பிஸினஸ் வேர்ல்ட் "இந்தியாவின் மிகுந்த முக்கியத்துவம் வாய்ந்த நிறுவனம்" என இன்போசிசை குறிப்பிட்டது.[19]
  • 2002: புரோஜியான் என்னும் அதன் (அயல் வணிக செயல்முறை) துணை நிறுவனம் துவங்கப்பெற்றது.[20]
  • 2003: ஆஸ்திரேலியாவின் எக்ஸ்பர்ட் இன்ஃபர்மேசன் சர்வீசஸ் பிராப்ரைட்டரி லிமெடெட்(எக்ஸ்பர்ட்) இன் 100% சரிஒப்பு பங்குகளை முயன்று பெற்று, அதன் பெயரை இன்ஃபோசிஸ் ஆஸ்திரேலியா பிராப்ரைட்டரி லிமிடெட் என மாற்றியது.
  • 2004:யூ.எஸ்.இன் கலிஃபோர்னியாவில் தனது கன்சல்டிங் துணை நிறுவனமான ,இன்ஃபோசிஸ் கன்சல்ட்டிங் இன்கார்ப்ரேட்டட் நிறுவனத்தை அமைத்தது.
  • 2006: நேஸ்டேக்(NASDAQ) இல் பங்கு சந்தையின் துவக்க மணியை அடிக்கக்கூடிய முதல்இந்திய நிறுவனமாக மாறியது.
  • 2006: ஆகஸ்ட் 20, என்.ஆர். நாராயண மூர்த்தி தனது செயற்குழுத் தலைவர் பதவியிலிருந்து ஓய்வு பெற்றார்.[21]
  • 2006: தனது பி.பி.ஓ கிளைநிறுவனமான புரோஜியோனின் 23% சதவிகித பங்குகளை வைத்திருந்த சிட்டி வங்கியிடமிருந்து அதனைப் பெற்று, முழு உரிமையுடைய துணை நிறுவனமாக அதனை உருவாக்கி அதன் பெயர் இன்ஃபோசிஸ் பி.பி.ஓ. லிமிடெட். என மாற்றப்பட்டது.[22]
  • 2006: டிசம்பரில், நேஸ்டேக்-100 ஐ உருவாக்கக் கூடிய முதல் இந்திய நிறுவனமாக மாறியது.[23]
  • 2007: ஏப்ரல் 13,இல் நந்தன் நீல்கேனி தனது CEO பணியிலிருந்து விலகினார் மற்றும் அவர் உருவாக்கிய வழியில் கிரிஸ் கோபாலகிருஷ்ணன் அவரது பதவியை ஜூன் 2007 இலிருந்து தொடர்ந்தார்.
  • 2007: ஜூலை 25, இல் இன்ஃபோசிஸ் ராயல் பிலிப்ஸ் எலக்ட்ரானிக்ஸின் பல மில்லியன் டாலர்களுக்கான அயல்பணி ஒப்பந்தத்தைப் பெறுவதில் வென்றது. இது அதன் ஐரோப்பிய நடைமுறைகளுக்கான நிதி மற்றும் கணக்கியல் சேவைகள் துறைக்கு வலிமையாக அமைந்தது.
  • 2007: செப்டம்பர், இன்ஃபோசிஸ் தமக்கு முழுதும் சொந்தமான இலத்தீன் அமெரிக்க துணை நிறுவனமான இன்ஃபோசிஸ் டெக்னாலஜிஸ் S. de R. L. de C. V. யினை நிறுவியது, மற்றும் இலத்தின் அமெரிக்காவில் அதன் முதல் மென்பொருள் மேம்பாட்டு மையத்தை மெக்சிகோவின் மாண்டெரரி நகரத்தில் துவங்கியது.
  • 2008: பிரிட்டிஷ் கன்சல்டன்சியான ஆக்சென் குரூப்பை 407 மில்லியன் பவுண்ட்களுக்கு ($753 மில்லியன்) வாங்க ஒப்புக்கொண்டது, ஆனால் HCL டெக்னாலஜிஸ் இன்போஸிசை விட அதிகமான தொகையான 441 மில்லியன் பவுண்ட்களுக்கு ஏலம் எடுத்தது.[24] இருப்பினும் இன்ஃபோசிஸ் ஆக்செனிடமிருந்து ஏல இழப்பிற்காக ரூ.180 மில்லியன்களை பெற்றது.[25]

1993 முதல் 2007 வரையிலான 14-ஆண்டுகளான காலகட்டத்தில் இன்ஃபோசிஸ் பங்கின் IPO ஆனது மூவாயிரம் மடங்குகள் அதிகரித்துள்ளது. இது இக்காலகட்டத்தில் இந்நிறுவனத்தால் பணம் வழங்கி வெளியேற்றப்பட்ட இலாபப் பங்குகள் தவிர்த்ததாகும்.

இன்றியமையாதத் தொழில்கள் தொகு

 
பெங்களூரில் உள்ள இன்ஃபோசிஸ் ஊடக மையம்

இன்ஃபோசிஸ் தனது தொழில் வணிகப் பிரிவுகள் (IBU) மூலமாக பல்வேறு சேவைகளை வழங்குகிறது. அவற்றில் சில வருமாறு:

  • வங்கி & முதலீட்டுச் சந்தை (BCM)
  • தகவல் தொடர்பியல், ஊடகம் மற்றும் பொழுதுபோக்கு (CME)
  • ஆற்றல், பயன்பாடுகள் மற்றும் சேவைகள் (EUS)
  • காப்பீடு, உடல்நலம் பேணல் மற்றும் வாழ்வியல் (IHL)
  • உற்பத்தி(MFG)
  • சில்லறை, நுகர்வோர் பொருள்கள் மற்றும் தளவாடங்கள் (RETL)
  • புதிய சந்தை மற்றும் சேவைகள் (NMS) : அமெரிக்க மற்றும் ஐரோப்பிய சந்தைகள் அல்லாத பிற, சாஸ், கற்றல் சேவைகள்
  • இந்திய வணிகப் பிரிவு (IND)

இவற்றுடன் கூடுதலாக, ஹரிசாண்டல் வணிக பிரிவுகள் (HBUs)

  • ஆலோசனை வழங்கல் (CS)
  • எண்டர்பிரைசஸ் சொல்யூசன்ஸ் (ES): ERP, CRM, HCM, SCM, BI/DW, BPM-EAI
  • உள்கட்டமைப்பு மேலாண்மை சேவைகள் (IMS)
  • பொருட் பொறியியல் மற்றும் மதிப்பீட்டு சேவைகள் (PEVS)
  • சிஸ்டம் இன்டகரேஷன் (SI)
  • பைனாக்லி : கோர் பேங்கிங் புராடெக்ட்

முதன்மைப் பணிகள் தொகு

1996 இல் இன்ஃபோசிஸ் கர்நாடகா மாநிலத்தில் இன்ஃபோசிஸ் அறக்கட்டளையை உருவாக்கி, உடல்நலம் பேணுதல், சமூக மறுசீரமைப்பு மற்றும் கிராமப்புற மேம்பாடு, கல்வி, கலை மற்றும் பண்பாடு ஆகிய தளங்களில் இயங்கியது. தற்பொழுது இந்த அறக்கட்டளை இந்திய மாநிலங்களான தமிழ்நாடு, ஆந்திரபிரதேசம், மகா ராஷ்ட்ரா, கேரளா, ஒரிசா மற்றும் பஞ்சாப் ஆகிய இடங்களிலும் பரவியுள்ளது. இந்த இன்ஃபோசிஸ் அறக்கட்டளைத் தலைவராக சேர்மன்.நாராயணமூர்த்தி அவர்களின் மனைவி திருமதி. சுதா மூர்த்தி அவர்கள் இருக்கின்றார்கள்.

2004 இல் இருந்து இன்ஃபோசிஸ் தொடர்ச்சியான முதன்மை பணிகளாக, தம் நிறுவனத்தை உலகம் தழுவிய அளவில் ஒருங்கிணைத்தல் மற்றும் நெறிமுறைப்படுத்தல் மற்றும் உலகம் தழுவிய நிறுவன உறவுகளை ஒரு குடைக்கீழ் கொண்டு வருதல் ஆகியவற்றிற்காக அமைத்தத் திட்டம் AcE - நிறுவனசார் நட்புறவு நாடுகளின் குழாம் (Academic Entente) என்றழைக்கப்படுகிறது. இதன்மூலம் நிகழ்வு குறித்த ஆய்வறிக்கை எழுதுதல், கல்விசார் கருத்தரங்கங்கள் மற்றும் பல்கலைக்கழக நிகழ்வுகளில் பங்கேற்றல், ஒருங்கிணைந்த ஆய்வுகள், இன்ஃபோசிஸ் மேம்பாட்டு மையங்களுக்கு கற்றல் சார்ந்த பயணங்களை வழங்குதல் மற்றும் இன்ஸ்டெப் என்கிற உலகளாவிய உள்பயிற்சி திட்டம் நடத்துதல், நிறுவனத்தின் முக்கிய பங்கு உரிமையாளர்களை ஒருங்கிணைத்து தொடர்பு கொள்ளுதல் ஆகிய பணிகளை மேற்கொள்கிறது.

இன்போசிஸின் உலகளாவிய உள்பயிற்சி திட்டம், இன்ஸ்டெப் எனப்படுகிறது.இது நிறுவன நட்புறவு குழும முனையத்தின் முக்கியக் கூறுகளில் ஒன்றாகக் கருதப்படுகிறது. இது உலகம் முழுவதும் உள்ள பல்கலைக் கழகத்திலிருந்து வரும் பயிற்சியாளர்களுக்கு நேரடி பணித்திட்டங்களை வழங்குகிறது. இன்ஸ்டெப் ஆனது வணிகம், தொழில்நுட்பம், பிற கலைகள் சார்ந்த பல்கலைக்கழகங்களில் இருந்து இளங்கலை, முதுகலை, முனைவர் பட்ட மாணவர்களைத் தேர்ந்தெடுத்து இன்ஃபோசிஸ்சின் உலக அலுவலங்கள் ஏதேனும் ஒன்றில் 8 முதல் 24 வாரங்களுக்கு உள்பயிற்சியினை வழங்குகிறது. இன்ஸ்டெப் உள்பயிற்சி யாளர்களுக்கு இன்போசிஸுடன் இணைந்து தொழில் வாய்ப்புகளையும் வழங்குகிறது.

1997 இல் இன்ஃபோசிஸ் தகவல் தொழில்நுட்ப உலகத்தை நகர்புற இளைஞர்களுக்கு புலப்படுத்தும் நோக்கில் கோடைகால விடுமுறை பயிற்சி திட்டமான ”இளையோரை கவர்தல் திட்டம்” என்ற திட்டத்தைத் துவக்கியது. இத்திட்டம் கணினி அறிவியல் மற்றும் தகவல் தொழில்நுட்பத்தில் ஆர்வம் மற்றும் புரிந்துணர்தலை மேம்படுத்துவதை குறிக்கோளாகக் கொண்டது. இத்திட்டம் IX நிலையில் படிக்கக்கூடிய மாணவர்களை மையமாகக் கொண்டமைந்தது.[26]

2002 இல் பென்சுல்வேனிய பல்கலைக் கழகத்தின் வார்ட்டன் வணிகப் பள்ளி மற்றும் இன்ஃபோசிஸ் இணைந்து வார்டன் இன்போசிஸ் பிஸ்னஸ் டிரான்ஃபார்மேசன் அவார்ட் என்ற அமைப்பைத் துவக்கியது. இந்த தொழில்நுட்ப விருதானது, நிறுவனங்கள் மற்றும் தனிநபர்கள் தங்களின் மாறுபட்ட வணிகமுறை மற்றும் சமூக ஊக்கம் சார்ந்த தகவல் தொழில்நுட்பத்தை அங்கீகரித்தது. சாம்சங், அமேசான்.காம், கேபிடல் ஒன், RBS மற்றும் ING டைரக்ட் ஆகிய நிறுவனங்கள் இவ்விருதினை வென்ற முந்தைய வெற்றியாளர்களாவர்.

இன்ஃபோசிஸ் ஆசியாவிலேயே தனியார் துறை அமைப்புக்கான மிகப்பெரிய பயிற்சி மையத்தையும் கொண்டுள்ளது. இந்த பயிற்சி மையம் கர்நாடகாவில் உள்ள மைசூரில் அமைந்துள்ளது. இது தற்பொழுது ஒவ்வொரு ஆண்டும் 4,500 பயிற்சி பெறுபவர்களைக் கொண்டுத் திகழ்கின்றது. 2009 இல் 10,000 மென்பொருள் தொழில்முறை பயிற்சி பெறுபவர்கள் தங்கக்கூடிய அளவில் புதிய பயிற்சி மையம் திறக்கப்பட்டுள்ளது. இந்த புதிய மையமும் மைசூரில் அமைந்துள்ளது.

2008 இல் இன்ஃபோசிஸ், நேஷனல் இன்ஸ்டியூட் ஆஃப் அட்வான்ஸ்ட் ஸ்டடியீஸ் உடன் இணைந்து கணிதவியல் ஆய்வில் சிறந்து விளங்குபவர்களுக்கான ’இன்ஃபோசிஸ் கணிதவியல் பரிசு’ ஒன்றை உருவாக்கியுள்ளது.

ஆராய்ச்சி தொகு

இன்ஃபோசிஸ் எடுத்துக்கொண்ட ஆய்வு சார்ந்த முக்கிய பணிகளில் ஒன்றாக, கார்ப்ரேட் R&D விங் என்றழைக்கப்படக் கூடிய மென்பொருள் பொறியியல் மற்றும் தொழில்நுட்ப ஆய்வகங்கள்(SETLabs) அமைந்துள்ளன. 2000 இல் நிறுவப்பெற்ற செட்லேப்ஸ், மேம்பாட்டு நடைமுறைகளுக்கான பயன்முறை ஆய்வுகளை வெளிக் கொணர்தல், தேவையான வாடிக்கையாளர்களைக் கவர்வதற்கான சிறப்பான கட்டமைப்புகள் மற்றும் நெறிமுறைகளை அமைத்தல், பணித்திட்டச் சுழற்சியில் பொதுவாக வரும் சிக்கல்களை நீக்குதல் ஆகிய பணிகளை நிறைவேற்றியது.

இன்ஃபோசிஸ் வெளியீட்டகம் செட்லேப்ஸ் பிரிஃபிங்ஸ் என்றழைக்கப்படக்கூடிய தன்மதிப்பீட்டுக் காலாண்டிதழை வெளியிட்டு வருகிறது. இது பல்வேறுபட்ட தற்கால மற்றும் எதிர்கால வணிக மாற்றுமுறை தொழில்நுட்ப மேலாண்மையை மையமாகக் கொண்டு செட்லேப்ஸின் ஆய்வாளர்களால் எழுதப்பெற்ற கட்டுரைகளைக் கொண்டதாகும். செட்லேப்ஸ் வணிக உருமாதிரி வழங்கிகளுக்கான ஐந்து,ஆறு தொழில்நுட்பம் மற்றும் புதிய உற்பத்தி பொருள்களுக்கான கட்டமைப்புகளை உருவாக்கியுள்ளது.[27]

இன்ஃபோசிஸ்சின் RFID அண்ட் பெர்வஸிவ் கம்ப்யூட்டிங் டெக்னாலஜியானது வாடிக்கையாளர்களுக்கு RFID மற்றும் தந்தியற்ற சேவைகளை வழங்கும் பணியில் செயலாற்றி வருகிறது.[28] இன்ஃபோசிஸ், மோட்டொரோலா நிறுவனத்துடன் இணைந்து பாக்ஸருக்கான RFID இன்ட்ரேக்டிவ் மிரர் முறையை மேம்படுத்தி வருகிறது [29][30] இந்த குழுவானது தந்தியற்ற உணர்கருவிகளைப்[31] பயன்படுத்தி தகவல் சேவைகளை நிர்வகிக்கக் கூடிய ”ஷாப்பிங் டிரிப் 360” என்கிற தொகுப்பை முறைப்படி வெளியிட்டுள்ளது. இது ரியூட்டர்ஸால் சில்லறை விற்பனையாளர்கள் மற்றும் CPG [32] களுக்கான சாதனை சேவை என்றழைக்கப்பட்டது, மற்றும் MIT தொழில்நுட்பம் தன் மதிப்புரையில் ”இன்ஃபோசிஸ்சின் விற்பனை நிலையங்கள் சிறிய-இணையங்களாக மாறியுள்ளன” எனக் குறிப்பிட்டுள்ளது.[33]

உலக அலுவலகங்கள் தொகு

ஆசிய பசிபிக் தொகு

மேலும் தகவல்களுக்கு: Infosys China

வட அமெரிக்கா தொகு

  • கனடா: டொராண்டோ
  • USA: அட்லாண்டா (GA), பெல்லெவ்யூ (WA), பிரிட்ஜ்வாட்டர் (NJ), சார்லோட்டே (NC), சவுத்ஃபீல்ட் (MI), ஃபிரிமோண்ட் (CA), ஹவுஸ்டன் (TX), கிளாஸ்டன்பரி (CT), லேக் ஃபாரஸ்ட் (CA), லிஸ்லி (IL), நியூயார்க், போயினிக்ஸ் (AZ), பிளானோ (TX), கியூயின்சி (MA), ரெஸ்டன் (VA)
  • மெக்சிகோ: மாண்டெரரி

ஐரோப்பா தொகு

  • பெல்ஜியம்: புருஸ்செல்ஸ்
  • டென்மார்க்: கோபென்ஹெகன்
  • பின்லாந்து: ஹெல்சின்கி
  • பிரான்ஸ்: பாரிஸ்
  • ஜெர்மனி: பிரான்க்பர்ட், ஸ்டட்கர்ட்
  • இத்தாலி: மிலானோ
  • நார்வே: ஓஸ்லோ
  • போலந்து:லோட்ஸ்
  • நெதர்லாந்து: யுட்ரிச்ட்
  • ஸ்பெயின்: மேட்ரிட், பர்கோஸ்
  • சுவீடன்: ஸ்டாக்ஹால்ம்
  • சுவிட்சர்லாந்து: சூயிரிச்,ஜெனிவா
  • யூ.கே: கான்ரெ வார்ஃப், இலண்டன்

குறிப்புகள் தொகு

  1. ↑ http://www.infosys.com/investors/reports-filings/quarterly-results/2008-2009/Q4/Q4-2008-AD.pdf
  2. ↑ http://www.infosys.com/investors/reports-filings/quarterly-results/2009-2010/Q1/fact-sheet.pdf
  3. ↑ "2010 Form 10-K, Infosys Technologies Limited". Infosys Invester. http://www.google.com/finance?q=NASDAQ:INFY&fstype=ii. 
  4. ↑ "காப்பகப்படுத்தப்பட்ட நகல்" இம் மூலத்தில் இருந்து 2009-02-23 அன்று. பரணிடப்பட்டது.. https://web.archive.org/web/20090223004100/http://www.infosys.com/about/who-we-are/fact-file.asp. 
  5. ↑ "The amazing Infosys story". Rediff.com. 11 July 2006. http://specials.rediff.com/money/2006/jul/11sld2.htm. பார்த்த நாள்: 2006-10-30. 
  6. ↑ "Wall Street woes has India outsourcing on edge". USA Today. 18 October 2008. http://www.usatoday.com/news/world/2008-10-18-1305852289_x.htm. பார்த்த நாள்: 2009-04-12. 
  7. ↑ "Money Machine". India Today. November 8, 1999 இம் மூலத்தில் இருந்து 11 ஆகஸ்ட் 2010 அன்று. பரணிடப்பட்டது.. https://web.archive.org/web/20100811072149/http://india-today.com/itoday/19991108/business.html. பார்த்த நாள்: 209-04-12. 
  8. ↑ "Passage to India". Forbes. 30 October 2000. http://www.forbes.com/forbes/2000/1030/6612080a.html. பார்த்த நாள்: 2009-04-12. 
  9. ↑ "Clinton calls for closer ties to boost IT business". Indian Express. 25 March 2000. http://www.expressindia.com/news/fe/daily/20000325/fco25053.html. பார்த்த நாள்: 2009-04-12. 
  10. ↑ R. Sukumar. "India's Best Employers: The Top 5". A BT-Hewitt study (Business Today) இம் மூலத்தில் இருந்து 2006-07-01 அன்று. பரணிடப்பட்டது.. https://web.archive.org/web/20060701051112/http://www.india-today.com/btoday/20010121/cover2.html. பார்த்த நாள்: 2006-10-10. 
  11. ↑ "Infosys recognized as a Globally Most Admired Knowledge Enterprise for 2004" (PDF). A Teleos study (Infosys Media) இம் மூலத்தில் இருந்து 2005-05-04 அன்று. பரணிடப்பட்டது.. https://web.archive.org/web/20050504233727/http://www.infosys.com/media/MAKEGLOBAL_PressRelease_25Nov04.pdf. பார்த்த நாள்: 2004-12-01. 
  12. ↑ "Infosys in the Global Hall of Fame" இம் மூலத்தில் இருந்து 2006-10-16 அன்று. பரணிடப்பட்டது.. https://web.archive.org/web/20061016084855/http://www.infosys.com/media/press_releases/global-make-award-hall-of-fame.asp. 
  13. ↑ INFY 2007 20-F, Item 6
  14. ↑ Herbst, Moira (2008-10-08), "High Rate of H-1B Visa Fraud", BusinessWeek, New York
  15. ↑ "The Global 2000". Forbes. 8 April 2009. http://www.forbes.com/lists/2009/18/global-09_The-Global-2000-Software-Services_9Rank.html. பார்த்த நாள்: 2009-04-12. 
  16. ↑ "காப்பகப்படுத்தப்பட்ட நகல்" இம் மூலத்தில் இருந்து 2010-01-13 அன்று. பரணிடப்பட்டது.. https://web.archive.org/web/20100113220829/http://bwnt.businessweek.com/interactive_reports/innovative_50_2009/?chan=magazine+channel_in:+inside+innovation. 
  17. ↑ "Infosys Q4 Revenue Drops QoQ 1st Time in Decade". stockozone.com. 2009-04-15 இம் மூலத்தில் இருந்து 2009-08-04 அன்று. பரணிடப்பட்டது.. https://web.archive.org/web/20090804032220/http://www.stockozone.com/2009/04/infosys-q4-revenue-drops-qoq-1st-time.html. பார்த்த நாள்: 2009-04-15. 
  18. ↑ "Infosys Press Release". Infosys. 11 March 2004 இம் மூலத்தில் இருந்து 20 மார்ச் 2009 அன்று. பரணிடப்பட்டது.. https://web.archive.org/web/20090320095105/http://www.infosys.com/newsroom/press-releases/2004/Nasdaq-5years-11feb04.pdf. பார்த்த நாள்: 8 March 2009. 
  19. ↑ "BW Most Respected Company Awards 2004". Business World. 2004 இம் மூலத்தில் இருந்து 2006-10-16 அன்று. பரணிடப்பட்டது.. https://web.archive.org/web/20061016204110/http://www.businessworld.in/nov1504/mrc_winners.asp. பார்த்த நாள்: 2006-10-10. 
  20. ↑ Infosys Technologies Limited(2002-04-16). "Infosys announces Progeon, its Business Process Management ("BPM") venture". செய்திக் குறிப்பு. பார்க்கப்பட்டது: 2006-10-11. பரணிடப்பட்டது 2007-09-27 at the வந்தவழி இயந்திரம்
  21. ↑ நாராயண மூர்த்தி இன்போசிஸிலிருந்து விடைபெற்றுச் செல்லுதல்
  22. ↑ Infosys Technologies Limited(2006-04-20). "Infosys buys out Citi’s stake in Progeon". செய்திக் குறிப்பு. பார்க்கப்பட்டது: 2006-10-11. பரணிடப்பட்டது 2007-09-27 at the வந்தவழி இயந்திரம்
  23. ↑ இன்ஃபோசிஸ் Nasdaq 100 ஐ உருவாக்குதல் பரணிடப்பட்டது 2007-09-27 at the வந்தவழி இயந்திரம், இன்போசிஸ் செய்தி வெளியீடு.
  24. ↑ Infosys Technologies Limited(2008-08-25). "Infosys to acquire leading UK-based SAP consulting company Axon Group plc". செய்திக் குறிப்பு. பார்க்கப்பட்டது: 2008-08-28. பரணிடப்பட்டது 2008-08-29 at the வந்தவழி இயந்திரம்
  25. ↑ இன்ஃபோசிஸ் ஏல இழப்பிற்காக ஆக்சென்னிடமிருந்து ரூ180 மில்லியன்கள் பெறுதல்
  26. ↑ "Summer fun". The Hindu. 2004-06-14 இம் மூலத்தில் இருந்து 2007-02-02 அன்று. பரணிடப்பட்டது.. https://web.archive.org/web/20070202032228/http://www.hindu.com/yw/2004/08/14/stories/2004081400640200.htm. பார்த்த நாள்: 2006-10-12. 
  27. ↑ தி ஹிந்து பிஸ்னஸ் லைன் : வொர்க்கிங் பிஹைண்ட் தி ஸ்கிரீன்
  28. ↑ "இன்ஃபோசிஸ் - RFID மற்றும் பெர்வசிவ் டெக்னாலஜிஸ்" இம் மூலத்தில் இருந்து 2009-02-16 அன்று. பரணிடப்பட்டது.. https://web.archive.org/web/20090216122023/http://www.infosys.com/RFID/default.asp. 
  29. ↑ Paxar Reinvents the Retail Experience with New Interactive RFID Mirror. பரணிடப்பட்டது 2009-01-07 at the வந்தவழி இயந்திரம்Business solutions from AllBusiness.com பரணிடப்பட்டது 2009-01-07 at the வந்தவழி இயந்திரம்
  30. ↑ The interactive RFID fitting-room mirror
  31. ↑ http://www.infosys.com/shoppingtrip360/
  32. ↑ "காப்பகப்படுத்தப்பட்ட நகல்" இம் மூலத்தில் இருந்து 2009-01-10 அன்று. பரணிடப்பட்டது.. https://web.archive.org/web/20090110232314/http://www.reuters.com/article/pressRelease/idUS100614+31-Jul-2008+BW20080731. 
  33. ↑ "காப்பகப்படுத்தப்பட்ட நகல்" இம் மூலத்தில் இருந்து 2009-08-22 அன்று. பரணிடப்பட்டது.. https://web.archive.org/web/20090822220219/http://www.technologyreview.com/Infotech/21161/?a=f. 
  34. ↑ "இன்ஃபோசிஸ் - தொடர்பு மையம் | APAC" இம் மூலத்தில் இருந்து 2009-03-17 அன்று. பரணிடப்பட்டது.. https://web.archive.org/web/20090317030903/http://www.infosys.com/contact/apac.asp. 

குறிப்புகள் தொகு

வெளி இணைப்புகள் தொகு

"https://ta.wikipedia.org/w/index.php?title=இன்ஃபோசிஸ்&oldid=3576671" இருந்து மீள்விக்கப்பட்டது