செந்தில்நாதன்

செந்தில்நாதன் ஜம்புலிங்கம் என்பவர் ஒரு இந்திய திரைப்பட இயக்குநர், திரைக்கதை எழுத்தாளர், தயாரிப்பாளர், தொலைக்காட்சி நடிகர் ஆவார். இவர் முதன்மையாக சென்னை மையமாகக் கொண்ட தமிழ்த் திரைப்படங்கள், தொலைக்காட்சித் தொடர்களில் பணியாற்றுகிறார். இவர் அதிரடி-மசாலா படங்களுக்கு மிகவும் பிரபலமானவர். 2013 ஆம் ஆண்டு நிலவரப்படி, இருபத்தைந்துக்கும் மேற்பட்ட படங்களை இயக்கியுள்ளார்.

செந்தில்நாதன் ஜம்புலிங்கம்
பிறப்பு	செந்தில்நாதன் ஜம்புலிங்கம் 26 நவம்பர் 1957 (1957-11-26) இந்திய ஒன்றியம், தமிழ்நாடு, சென்னை
பணி	இயக்குநர், திரைக்கதை ஆசிரியர், நடிகர், தயாரிப்பாளர்

தனிப்பட்ட வாழ்க்கை

இவர் எம். ஜி. ராமச்சந்திரன் நடித்த நம் நாடு படத்தை இயக்கிய இயக்குநர் ஜம்புலிங்கத்தின் மகன் ஆவார்.

திரைப்பட வாழ்க்கை

இவர் துவக்கத்தில், சூலம் (1980), பக்கத்து வீட்டு ரோஜா (1982) ஆகிய படங்களில் இயக்குநர் எம். பாஸ்கரின் உதவியாளராக பணியாற்றினார். பின்னர் எஸ். ஏ. சந்திரசேகரின் உதவி இயக்குநராக ஏழு ஆண்டுகள் சட்டம் ஒரு இருட்டறை முதல் நீதிக்குத் தண்டனை (1987) வரை பணியாற்றினார். அந்த நேரத்தில், இவர் நடிகர் விசயகாந்துடன் நட்பு கொண்டிருந்தார், அவர் எதிர்காலத்தில் இவரது படங்களில் நடிப்பதாக உறுதியளித்தார். இவர் இயக்கும் ஒரு படத்தை தயாரிக்க தயாரிப்பாளர்கள் முன்வந்தபோது, இவர் விஜயகாந்தை சந்தித்தார். ஆனால் அப்போது விஜயகாந்த் பல படங்களில் பரபரப்பாக நடித்துக்கொண்டு படத்திற்காக நேரத்தை ஒதுக்க முடியாத நிலையில் இருந்தார். அவர் நேரம் ஒதுக்குவதற்காக காத்திருந்த இவர், வி. அழகப்பனின் உதவி இயக்குநராக மூன்று படங்களில் பணியாற்றினார். இறுதியில் செந்தில்நாதன் 1988 ஆம் ஆண்டு பூந்தோட்ட காவல்காரன் என்ற தமிழ்த் திரைப்படத்தின் மூலம் இயக்குநராக அறிமுகமானார். படம் பெருவெற்றியடைந்தது.

2001 ஆம் ஆண்டில், தயாரிப்பாளர் இப்ராஹிம் ரவுத்தருடன் காதல் முதல் காதல் வரை என்ற பெயரில் ஒரு திரைப்படத்தை உருவாக்க இவர் ஒப்புக் கொண்டார், இதில் அறிமுக நாயகன் பாலகுமரன் மற்றும் உமா ஆகியோர் முக்கிய கதாபாத்திரத்தில் நடிப்பார்கள் எனப்பட்டது. அப்படமானது இயக்குனரின் 25 வது படமாக இருக்கும் எனப்பட்டது. ஆனால் நிதி சிக்கல்கள் படம் தயாரிப்பாளரால் கைவிடப்பட்டது.

திரைப்படவியல்

ஆண்டு	படம்	குறிப்புகள்
1988	பூந்தோட்ட காவல்காரன்	அறிமுக படம்
1988	பட்டிக்காட்டு தம்பி
1989	படிச்ச புள்ள
1989	முந்தானை சபதம்
1989	பெண்புத்தி முன்புத்தி
1990	பாட்டாளி மகன்	நடிகராகவும்
1990	பெரிய இடத்து பிள்ளை
1990	பாலைவன பறவைகள்	நடிகராகவும்
1991	இரவு சூரியன்
1991	நாட்டை திருடாதே
1991	காவல் நிலையம்	நடிகராகவும்
1991	தங்கமான தங்கச்சி	நடிகராகவும்
1992	இளவரசன்	நடிகராகவும்
1992	இதுதாண்டா சட்டம்	நடிகராகவும்
1992	நட்சத்திர நாயகன்	நடிகராகவும்
1992	போக்கிரி தம்பி	நடிகராகவும்
1992	சின்னப் பூவை கிள்ளாதே
1992	பாலைவன ராகங்கள்
1992	தெய்வ குழந்தை
1995	என் பொண்டாட்டி நல்லவ
1996	ஆவதும் பெண்ணாலே அழிவதும் பெண்ணாலே
1997	தம்பிதுரை	நடிகராகவும்
1998	ஆசைத் தம்பி
2002	கம்பலஹள்ளி	கன்னட படம்
2002	ஜெயா
2008	உன்னை நான்	தயாரிப்பாரும்

தொலைக்காட்சி

ஆண்டு	தொடர்	பாத்திரம்	கதாபாத்திரத்தின் பெயர்	அலைவரிசை
2009	ருத்ரா	இயக்குநர்		ஜீ தமிழ்
2009–2011	மகள்	நடிகர்	அய்யன்னார்	சன் தொலைக்காட்சி
2011–2013	தங்கம்		வெற்றிமாறனின் மாமனார்
2014–2016	பொன்னூஞ்சல்
2018–2020	நாயகி		எம். கூத்தபிரான்
2020	மின்னலே	உரையாடல் எழுத்தாளர்
2021 - தற்போது	மகராசி	நடிகர்