விக்கிப்பீடியா

ஜுராசிக் வேர்ல்ட்

இந்தக் கட்டுரை 2015-இல் வந்த திரைப்படத்தைப் பற்றியது. பிற பயன்பாடுகளுக்கு, ஜுராசிக் வேர்ல்ட் (பக்கவழி நெறிப்படுத்துதல்) என்பதைப் பாருங்கள்.

ஜுராசிக் வேர்ல்ட் (Jurassic World) என்பது 2015-இல் வெளிவந்த அமெரிக்க அறிபுனை சாகசத் திரைப்படம் ஆகும்.மேலும் இது ஜுராசிக் வேர்ல்ட் முத்தொகுதியின் முதல் படமும், ஒட்டுமொத்த ஜுராசிக் பார்க் தொடரின் நான்காம் படமும் ஆகும்.

ஜுராசிக் வேர்ல்ட்
திரை வெளியீட்டுச் சுவரொட்டி
இயக்கம்கோலின் திரெவாரோ
தயாரிப்பு
  • பிராங்கு மார்சல்
  • பேட்ரிக் குரோவ்லி
கதை
  • டெரெக் கான்னோல்லி
  • கோலின் திரெவாரோ
  • ரிக் ஜாஃபா
  • அமண்டா சில்வர்
மூலக்கதைமைக்கேல் கிரைட்டன் இயற்றிய கதாபாத்திரங்கள்
இசை
நடிப்பு
  • கிறிஸ் பிராட்
  • பிரைஸ் டல்லஸ் ஹோவர்ட்
  • வின்சென்ட் டி'ஒனோஃப்ரியோ
  • டை சிம்ப்கின்ஸ்
  • நிக் இராபின்சன்
  • ஒமர் சை
  • இர்ஃபான் கான்
  • ஜேக் ஜோன்சன்
  • பி.டி. வோங்
  • பிரையன் டீ
ஒளிப்பதிவுஜான் சுவார்ட்ஸ்மன்
படத்தொகுப்புகெவின் சிடிட்டு
கலையகம்லெஜண்டரி பிக்சர்ஸ்
ஆம்ப்லின் என்டேர்டைன்மென்ட்
தி கென்னடி/மார்ஷல் கம்பெனி[1]
விநியோகம்யுனிவர்சல் பிக்சர்ஸ்
வெளியீடுமே 29, 2015 (லெ கிராண்ட் ரெக்ஸ்)
ஜூன் 12, 2015 (அமெரிக்க ஐக்கிய நாடு)
நாடுஅமெரிக்க ஐக்கிய நாடு
மொழிஆங்கிலம்
ஆக்கச்செலவு
  • $15 கோடி (மொத்தம் ) (gross)[2]
  • $12.93 கோடி (நிகரம்) (net)[2]
மொத்த வருவாய்$167.2 கோடி [3]

ஜுராசிக் பார்க் அழிந்து 22 ஆண்டுகளுக்குப் பின் அதே ஈஸ்லா நுப்லார் தீவில் இப் படத்தின் கதை நடைபெறுகிறது. மீளுருவாக்கப்பட்ட தொன்மாக்களை அங்கு பத்தாண்டுகளாக காட்சிப்படுத்தி வந்த கருப்பொருள் பூங்கா, ஒரு கலப்பினத் தொன்மாவால் அழிகிறது.

யுனிவெர்சல் பிக்சர்ஸ் நிறுவனம், 2005 கோடையில் வெளியிடும் நோக்குடன் 2004 -இல் நான்காம் படத்தைத் தயாரிக்கத் தொடங்கியது. எனினும் திரைக்கதை தொடர்ந்து திருத்தியமைக்கப்பட்ட நிலையில் இப் படம் பத்தாண்டுகளாக முடக்கத்தில் இருந்தது. நிர்வாக தயாரிப்பாளராகச் செயல்பட்ட ஸ்பில்பேர்க்கின் ஆலோசனையைத் தொடர்ந்து திரை எழுத்தாளர்கள் ரிக் ஜாஃபாவும் அமண்டா சில்வரும், செயல்பாடுடைய ஒரு தொன்மாப் பூங்கா பற்றிய கதை வாய்ப்பை ஆராய்ந்தனர். 2013-இல் திரெவாரோ இயக்குநராக நியமிக்கப்பட்டபின் டெரெக் கொன்னோலியுடன் இணைந்து ஒரு புதிய திரைக்கதையை வரைகையில் அதே கருத்தைப் பின்பற்றினார். படப்பிடிப்பு, 2014 ஏப்ரல்-ஆகஸ்ட் காலகட்டத்தில் லூசியானாவிலும் ஹவாயிலும் நடைபெற்றது.இண்டஸ்ட்ரியல் லைட் & மேஜிக் நிறுவனத்தின் CGI தொழில்நுட்பத்தைக் கொண்டும் லெகசி எபக்ட்ஸ் நிறுவனத்தின் அசைவூட்ட மாதிரிகளைக் கொண்டும் தொன்மாக்கள் உருவாக்கப்பட்டன.

ஜுராசிக் வேர்ல்ட் திரைப்படம் மே 10, 2015 அன்று முடிக்கப்பெற்று[4] ஜூன் 10 முதல் 60-க்கும் மேற்பட்ட நாடுகளில் வெளியானது. உலகளவில் $ 50 கோடிக்கும் மேலாக ஈட்டி சாதனை படைத்த வார இறுதிக்குப்பின்[5] பாக்ஸ் ஆபிஸில் $ 160 கோடி ஈட்டியது. மேலும் இதுவரை அதிக வருவாய் ஈட்டிய ஆறாம் படமாகவும் 2015-இல் அதிக வருவாய் ஈட்டிய இரண்டாம் படமாகவும் ஜுராசிக் வேர்ல்ட் தொடரிலேயே அதிக வருவாய் ஈட்டிய படமாகவும் யுனிவர்சல் பிக்சர்ஸ் வெளியிட்டதிலேயே அதிக வருவாய் ஈட்டிய படமாகவும்[6] (பணவீக்க சரிசெய்தலின்றி) விளங்குகிறது.

திரெவாரோவின் இயக்கம், பிராட் மற்றும் ஹோவர்டின் நடிப்பு, காட்சியமைப்பு ஆகியவை பாராட்டுகளையும் திரைக்கதை, கதைசொல்லல் ஆகியவை விமர்சனங்களையும் பெற்றன.[7][8]

இதன் தொடர்ச்சியாக ஜுராசிக் வேர்ல்ட்: ஃபாலன் கிங்டம் என்ற படம் ஜூன் 2018-இல் வெளியானது. நான்காம் படத்தின் காலகட்டத்திலேயே நடக்கும் கதைக்களத்தைக் கொண்ட ஜுராசிக் வேர்ல்ட்: கேம்ப் கிரடெஷியஸ் என்ற அசைவூட்டத் தொடர், செப்டம்பர் 2020-இல் நெட்ஃபிளிக்ஸில் வெளியானது. ஜுராசிக் வேர்ல்ட் முத்தொகுதியின் இறுதிப்படமான ஜுராசிக் வேர்ல்ட் டொமினியன், ஜூன் 2022-இல் வெளியானது.

கதைச் சுருக்கம்

தொகு

ஜுராசிக் பார்க் அழிந்தபின் ஈஸ்லா நுப்லார் தீவில் பல ஆண்டுகளாக ஜுராசிக் வேர்ல்ட் என்றொரு புதிய கருப்பொருள் பூங்கா இயங்கிவருகிறது. அதன் உரிமையாளர் சைமன் மஸ்ரானி, ஒரு கலப்பினத் தொன்மாவை உருவாக்கும்படி மரபணு வல்லுநர் ஹென்றி வூ-வை ஊக்குவிக்கிறார். அச்சமயம் அங்கு சுற்றுலா வரும் ஸேக், கிரே என்ற இரு சகோதரர்கள், பூங்காவின் செயன்முறை மேலாளரான தங்கள் சிற்றன்னை கிளேர் டியரிங்கைச் சந்திக்கின்றனர். கிளேர், தனது உதவியாளர் ஸாராவை அவர்களின் வழிகாட்டியாக நியமிக்கிறார். ஆனால் அவர்களிருவரும் ஸாராவை விட்டு விலகி தாங்களாகவே பூங்காவை சுற்றிப்பார்க்கின்றனர்.

பூங்காவின் விலங்கு நடத்தை வல்லுநரான ஓவன் கிரேடி, புளூ, எக்கோ, டெல்டா, சார்லி ஆகிய நான்கு வெலாசிராப்டர்களின் அறிவுக்கூர்மையை ஆராய்ந்து அவற்றுக்குப் பயிற்சி அளித்துவருகிறார், இன்ஜென் பாதுகாப்புத் தலைவர் விக் ஹோஸ்கின்ஸ், அவற்றுக்கு இராணுவப் பயிற்சியளிக்க விரும்புகிறார். இதை ஓவனும் அவரது உதவியாளர் பேரியும் எதிர்க்கின்றனர்.

பூங்காவின் புதிய கலப்பினத் தொன்மாவான இன்டாமினஸ் ரெக்ஸ்-ஐ, மஸ்ரானியும் கிளேரும் பார்வையிடுகின்றனர். அதன் தடுப்பு வேலியை ஆராயும்படி ஓவனை மஸ்ரானி பணிக்கிறார். தனிமையிலுள்ளதால் அத் தொன்மாவுக்குப் பழகுதிறன்கள் இல்லை. அது ஆபத்தானது, கணிக்க முடியாதது என்று ஓவன் எச்சரிக்கிறார்.

விரைவில், அவ்விலங்கு தப்பிவிட்டதாக எண்ணி ஓவனும் இன்னும் இருவரும் அதன் இருப்பிடத்துக்குள் நுழைகின்றனர். தன்னையும் தன் வெப்ப அலைமாலையையும் உருமறைத்துக் கொள்ளும் அவ்விலங்கு திடீரென வெளிவந்து ஓவனோடு இருந்தவர்களை இரையாக்கிப் பின் தீவின் உட்பகுதிக்குத் தப்பிச்செல்கிறது. அதைக் கொல்லும்படி ஓவன் வலியுறுத்துகிறார். தன் நிறுவனத்தின் முதலீட்டைக் காக்க விரும்பும் மஸ்ரானியோ அதை பிடிக்க உயிர்க்கொல்லியல்லாத ஆயுதமேந்திய சிறப்புப் படையினரை அனுப்புகிறார். அவர்களுள் பலரை இன்டாமினஸ் கொல்கிறது. இதனால் தீவின் வடபகுதியிலுள்ள மக்கள் வெளியேறும்படி கிளேர் ஆணையிடுகிறார்.

ஸேக்-கும் கிரே-யும் சுழல்கோள ஊர்தியொன்றில் (gyrosphere) பூங்காவைச் சுற்றிவருகையில் ஒரு தடைசெய்யப்பட்ட பகுதிக்குள் நுழைகின்றனர். அங்கு வரும் இன்டாமினஸ் அவ்வூர்தியை அழிக்கிறது. இருவரும் தப்புகையில் முதலாம் ஜுராசிக் பார்க்கின் பார்வையாளர் மைய இடிபாடுகளைக் காண்கின்றனர். அங்குள்ள ஒரு 1992 ஜீப் ரேங்ளரைப் பழுதுபார்த்து அதிலேறி புதிய பூங்காவின் ஓய்வகத்துக்குத் திரும்புகின்றனர். அச்சமயம்  அவர்களைத் தேடும் கிளேரும் ஓவனும் இன்டாமினஸைக் கண்டு மயிரிழையில் தப்புகின்றனர். மஸ்ரானியும் இரு படைவீரர்களும் சுழலிறகியிலிருந்து இன்டாமினஸை வேட்டையாட முற்படுகின்றனர். ஆனால் அவ்விலங்கு துப்பாக்கிச்சூட்டிலிருந்து தப்பிச்செல்கையில் பூங்காவின் பெரும்பறவைக்கூண்டில் மோதி டெரெசார் வகையைச் சேர்ந்த டெரெனெடான், டைமார்ஃபோடான் ஆகிய பழங்காலப் பறவைக் கூட்டத்தை விடுவித்துவிடுகிறது. அவற்றால் ஏற்படும் விபத்தில் மஸ்ரானி இரு வீரர்களுடன் உயிரிழக்கிறார்.[9] பின் இவை ஓய்வகப் பகுதியில் பேரழிவை ஏற்படுத்துகின்றன. இறுதியாக இவற்றைப் படைவீரர்கள் கொல்கின்றனர்.

ஒருவழியாக இரு சிறார்களும் ஓவனையும் கிளேரையும் ஓய்வகத்தில் சந்திக்கின்றனர். இதன்பின் கட்டுப்பாட்டைத் கையிலெடுக்கும் ஹோஸ்கின்ஸ், ராப்டர்களைக் கொண்டு இன்டாமினஸைப் பின்தொடர ஆணையிடுகிறார். வேறுவழியின்றி இணங்கும் ஓவன், ராப்டர்களை விடுவிக்கிறார். இன்டாமினஸைக் கண்டறியும் அத் தொன்மாக்கள், அதனுடன் சமிக்ஞைகளின் வழியே தொடர்புகொள்கின்றன. இன்டாமினஸின் மரபணுவில் ராப்டர் மரபணுக்கூறுகளும் உள்ளதால், ராப்டர் குழுவின் தலைமை (ஆல்ஃபா) தன்னிடமிருந்து இன்டாமினஸுக்குக் கைமாறிவிட்டதை ஓவன் உணர்கிறார். துருப்புகளின் துப்பாக்கிச்சூட்டிலிருந்து இன்டாமினஸ் தப்பிச்செல்கிறது. பெரும்பாலான வீரர்களை ராப்டர்கள் கொல்கின்றன. இதில் சார்லியும் இறக்கிறது. ஹென்றி வூ-வின் ஆராய்ச்சியைக் காக்கும் நோக்கில் ஹோஸ்கின்ஸ் அவரைத் தலைநிலத்துக்குச் சில தொன்மா முளையங்களுடன் அனுப்பிவைக்கிறார். மீதமுள்ள முளையங்களைச் சேமித்துவைக்கையில் அவரை ஓவன், கிளேர், ஸேக், கிரே ஆகியோர் சந்திக்கின்றனர். இன்டாமினஸைப் போலவே பிற கலப்பினத் தொன்மாக்களை உருவாக்கி ஆயுதங்களாகப் பயன்படுத்த எண்ணுகிறார் ஹோஸ்கின்ஸ். திடீரென அங்கு வரும் டெல்டா அவரைக் கொல்கிறது.

மீண்டும் ராப்டர்களுடனான தன் தொடர்பை ஓவன் நிறுவியபின் அவை திரும்பிவரும் இன்டாமினஸைத் தாக்குகின்றன. அது டெல்டாவையும் எக்கோவையும் கொல்கிறது. புளூ மயக்கமடைகிறது. பூங்காவிலுள்ள டி-ரெக்ஸை கிளேர் கவர்ந்திழுத்து இன்டாமினஸுடன் மோதச்செய்கிறார். இன்டாமினஸின் கை ஓங்கிய நிலையில் இரு தொன்மாக்களும் சண்டையிடுகின்றன. புளூவும் இச் சண்டையில் இணைகிறது. இறுதியாக ஒடுக்கப்பட்ட நிலையில் கடற்காயலுக்கு அருகே செல்லும் இன்டாமினஸை மோஸசாரஸ் நீருக்கடியில் இழுத்துச்செல்கிறது. சண்டை முடிவுற்ற நிலையில் டி- ரெக்ஸ் பின்வாங்கி விலகுகிறது. அதைத் தொடரும் புளூ, ஓவனுக்கு நட்புமுகம் காட்டிச் செல்கிறது.

ஈஸ்லா நுப்லார் மீண்டும் கைவிடப்படுகிறது. இந்நிகழ்வுகளில் தப்பியவர்கள் தலைநிலத்துக்கு அனுப்பப்படுகின்றனர். ஸேக்-கும் கிரே-யும் தங்கள் பெற்றோருடன் மீண்டும் சேர்கின்றனர். ஓவனும் கிளேரும் இணைய  முடிவு செய்கின்றனர். டி-ரெக்ஸும் அத்தீவில் கட்டற்று உலவுகிறது.

நடித்தவர்கள்

தொகு

முதன்மைக் கட்டுரை: ''ஜுராசிக் பார்க்'' தொடரில் தோன்றிய கதைமாந்தரின் பட்டியல்

எண் கதைமாந்தர் நடித்தவர் குறிப்பு
1 ஓவன் கிரேடி

(Owen Grady)

 
கிறிஸ் பிராட்[10] (Chris Pratt) 		முன்னாள் கடற்படை வீரர்; ஜுராசிக் வேர்ல்ட் பூங்காவின் ராப்டர் வல்லுநர் மற்றும் பயிற்சியாளர்[9]
2 கிளேர் டியரிங்

(Claire Dearing)

 
பிரைஸ் டல்லஸ் ஹோவார்டு[11]

(Bryce Dallas Howard)

பூங்காவின் செயன்முறை மேலாளர்; ஸேக், கிரே ஆகியோரின் சிற்றன்னை[9]
3 விக்டர் (விக்) ஹோஸ்கின்ஸ்

(Victor Hoskins)

வின்சென்ட் டி'ஓனோஃப்ரியோ

(Vincent D'Onofrio)

இன்ஜென் நிறுவனத்தின் பாதுகாப்பு நடவடிக்கைத் தலைவர்[12]
4 கிரே மிட்செல்

(Gray Mitchell)

டை சிம்ப்கின்சு

(Ty Simpkins)

கிளேரின் மருமகன்; ஸேக்-கின் தம்பி[9]
5 ஸக்கரி (ஸேக்) மிட்செல்

(Zachary Mitchell)

நிக் ரொபின்சன்[13] (Nick Robinson) கிளேரின் மருமகன்; கிரே-யின் அண்ணன்[9]
6 பேரி சம்பென் (Barry Sembène) ஓமர் சை [14] (Omar Sy) ராப்டர்களைப் பராமரிக்க ஓவனுக்கு உதவுபவர்[15]
7 ஹென்றி வூ

(Dr. Henry Wu)

 
பி. டி. வோங்

(B. D. Wong)

ஜுராசிக் வேர்ல்டுக்காகத் தொன்மாக்களை உருவாக்கிய குழுவின் தலைவர்; இவருக்கும் ஹோஸ்கின்ஸுக்கும் தொடர்புள்ளதாகக்

காட்டப்படுகிறது. இப்பட நடிகர்களில் வோங் மட்டுமே முந்தைய திரைப்படங்களிலும் நடித்தவராவார்.

8 சைமன் மஸ்ரானி (Simon Masrani)
 
இர்ஃபான் கான்(Irrfan Khan)
 மஸ்ரானி நிறுவனத்தின் முதன்மை செயல் அலுவலர்; ஜுராசிக் வேர்ல்டின் உரிமையாளர்.
9 லவ்ரீ க்ருதர்ஸ்

(Lowery Cruthers)

ஜேக் ஜோன்சன்

(Jake Johnson )

பூங்காவின் கட்டுப்பாட்டு அறை ஊழியர்[9]
10 விவியன் (Vivian) லாரன் லாப்கஸ்

(Lauren Lapkus)

பூங்காவின் கட்டுப்பாட்டு அறை ஊழியர்[16]
11 ஹமடா (Hamada) பிரையன் டீ[17][18][19][20] (Brian Tee) ஈஸ்லா நுப்லாரில் நிறுவப்பட்ட ACU (Asset Containment Unit) என்ற பாதுகாவலர் குழுவின் தலைவர்[9]
12 ஸாரா (Zara) கேட்டி மெக்ராத்

(Katie McGrath)

கிளேரின் தனி உதவியாளர்; டெரெசார்களால் தூக்கிச் செல்லப்படுகையில் பூங்காவின் கடற்காயலில் விழும் இவரை ஒரு மோஸசாரஸ் விழுங்குகிறது.[21]
13 கேரென் மிட்செல் (Karen Mitchell) ஜூடி கிரீர்

(Judy Greer)

கிளேரின் தமக்கை; ஸேக் மற்றும் கிரே-யின் தாய்[22]
14 ஸ்காட் மிட்செல்

(Scott Mitchell)

ஆன்டி பக்லி

(Andy Buckley)

கேரெனின் கணவர்; ஸேக் மற்றும் கிரே-யின் தந்தை
15 சிறப்புத் தோற்றம் ஜிம்மி ஃபாலோன் (Jimmy Fallon)
16 சிறப்புத் தோற்றம் ஜிம்மி பஃபெட்

(Jimmy Buffett)[23][24][25]

17 சிறப்புத் தோற்றம் பேட்ரிக் குரோவ்லி

(Patrick Crowley)

மஸ்ரானியின் வானூர்திப் பயிற்றுநர்[26]
18 திரு. டிஎன்ஏ -வின்

(‌‌Mr. DNA) குரல்

கோலின் திரெவாரோ

(Colin Trevorrow)

படியெடுத்தல் முறையினை விளக்கும் அசைவூட்ட டி. என் .ஏ (முதல் திரைப்படத்தில் இப் பாத்திரத்துக்கு குரல் கொடுத்தவர் கிரெக் பர்சன் ஆவார்)[27][28]
19 பூங்காவின் தொடர்வண்டி அறிவிப்பாளரின் குரல் பிராட் பேர்ட்

(Brad Bird)[29]

20 சிறப்புத் தோற்றம் ஜாக் ஹார்னர் (Jack Horner) திரைப்படத்தின் தொழில்நுட்ப ஆலோசகர்[30]
21 சிறப்புத் தோற்றம் எரிக் எடெல்ஸ்டீன்

(Eric Edelstein)

தொன்மா இருப்பிட மேற்பார்வையாளர்

நூலொன்றின் பின்னட்டையில் இயான் மால்கம்மைக் குறிக்க ஜெஃப் கோல்ட்ப்ளும்-மின் ஒளிப்படம் பயன்படுத்தப்பட்டுள்ளது.[31] நான்கு ராப்டர்களின் அசைவொலிகளை உருவாக்கியவர் பெஞ்சமின் பர்ட் (Benjamin A. Burtt) ஆவார். இவர் தன் காலணிக் கயிறுகளில் ஒலிவாங்கிகளைப் பொருத்திக்கொண்டு ஸ்கைவாக்கர் பண்ணையில் அங்குமிங்கும் நடந்து இவ்வொலிகளை ஏற்படுத்தினார்."[32]

கருப்பொருள்களும் ஆய்வும்

தொகு

இப் படத்தின் மையப் பாத்திரமான இன்டாமினஸ் ரெக்ஸ், நுகர்வோர் மற்றும் பெருநிறுவன மட்டின்மையின் குறியீடு என இயக்குநர் திரெவாரோ கூறினார். "[மனித இனத்தின்] மிகத் தீய போக்குகளை அது உருவகப்படுத்துகிறது. விந்தைகளால் நாம் சூழப்பட்டிருந்தும் கூடுதலாக, இன்னும் பெரிதாக, இன்னும் வேகமானதாக, இன்னும் உரத்ததாக, இன்னும் சிறப்பாக எதிர்பார்க்கிறோம். இப் படத்தின் உலகில் , பெருநிறுவனக்குழுக்கள் சிலவற்றை அடிப்படையாகக் கொண்டு இவ் விலங்கு வடிவமைக்கப்பட்டுள்ளது" என்றார்.[33] மேலும் "நம் பேராசையையும் வருவாய் மீதான நாட்டத்தையும்  பேசும் கூறொன்று படத்தில் உள்ளது. என்னைப் பொறுத்தவரை அதன் சின்னமாக இன்டாமினஸ் ரெக்ஸ் விளங்குகிறது " என்பதாகக் கூறினார்.[34]

திரைப்பட இதழாளர்கள், படத்தில் வரும் பூங்காவின் செயல்பாட்டையும் திரைப்பட - பொழுதுபோக்குத் துறையின் செயல்பாட்டையும்  ஒப்பிட்டுள்ளனர்.[35]  நடிகர் ஜேம்ஸ் டுமான்ட்  கூறுகையில் "தனிநபரும் சுற்றுச்சூழலும் ஒன்றே என்பது இதன் வெளிப்படைக் கருப்பொருள். 'தீமையைத் தடுக்காதவர்கள் அதை ஆதரித்து, ஊக்குவிக்கிறார்கள்' என்பது மற்றொரு  கருப்பொருள்" என்றார்.[36]

மேலும், விலங்கு உரிமைகள் குறித்து இப்படம் ஆராய்கிறது;[37] இதன்படி, இன்டாமினஸ் ரெக்ஸ் முழுத் தனிமையில் வளர்க்கப்பெற்றமையால் "முழுச் செயல்பாடற்றதாக" மாறுகிறது.[38]   

தயாரிப்பு

தொகு

திரையில் தோன்றிய உயிரினங்கள்

தொகு

மேலும் பார்க்க: ''ஜுராசிக் பார்க்'' தொடரில் தோன்றிய விலங்குகளின் பட்டியல்

ஜுராசிக் பார்க் தொடரில், ஸ்டான் வின்ஸ்டனின் (இ.2008) பங்களிப்பின்றி வந்த முதல் படம் ஜுராசிக் வேர்ல்ட்  ஆகும். முந்தைய மூன்று படங்களில் பணியாற்றிய அவர்தம் முன்னாள் சகாக்கள் தோற்றுவித்த லெகசி எபக்ட்ஸ் நிறுவனம் தொன்மாக்களைச் செய்தது.[39][40][41] திரை வண்ண மேற்பார்வையாளர் ஃபில் டிப்பெட்டும் இண்டஸ்ட்ரியல் லைட் & மேஜிக் (Industrial Light & Magic) (ILM) நிறுவனத்தினரும் CGI தொன்மாக்களை உருவாக்க மீண்டும் அமர்த்தப்பட்டனர்.[42] இமேஜ் என்ஜின் நிறுவனமும் இணைந்துகொண்டது.[43] முன்பு இத் தொடரில் பணியாற்றிய டென்னிஸ் முரென், ILM குழுவின் ஆலோசகராகச் செயல்பட்டார்.[43]

CGI தொன்மாக்கள், மோஷன் கேப்சர் முறையில் நடிகர்களைப் பயன்படுத்தி உருவாக்கப்பட்டன.[24][41][43] அவர்களுக்கு உதவ ILM நிறுவனம், தன் V-scout செயலியைப் பயன்படுத்தியது.[43][43][44]

மோஷன் கேப்சர் முறையில் உருவான முதல் தொன்மாத் திரைப்படம் இதுவேயாகும். "தொழில்நுட்பம் மிகவும் மாறிவிட்டதால் அனைத்தையும் அடிமட்ட அளவிலிருந்து மீண்டும் கட்டியெழுப்ப வேண்டியதானது" என்பதாக திரெவாரோ கூறினார்.[45] துணைப்பரப்பு சிதறல் (subsurface scattering) போன்ற புதிய தொழில்நுட்பங்களால் முன்பில்லாத வகையில் விலங்குகளின் தோலுக்கும் தசைத்  திசுக்களுக்கும் கூடுதல் செறிவுவூட்ட முடிந்தது.[43]

இன்டாமினஸ் - டி.ரெக்ஸ் மோதலின் ஒரு பகுதி, ஸ்பில்பேர்க்கின் நாய்கள் சண்டையிடும் ஒரு காணொளியை அடிப்படையாகக் கொண்டது.[24] முன் தயாரிப்பின் துவக்கத்தில், டிப்பெட் இக் காட்சிக்கென ஒரு அளவீட்டு மாதிரியைச் செய்தார். பின் இதைப் படமாக்க முன்காட்சியாக்கங்கள் (previsualizations) பயன்பட்டன.பெரும் கவனம்பெறத் தகுதியானவை என தான் கருதிய பல விலங்குகளை கதையில் சேர்த்துள்ளார் திரெவாரோ.

இப் படத்தில் குறிப்பிடத்தக்க பாத்திரத்தில் தோன்றும் விலங்குகள் பின்வருமாறு:

இத்தொன்மாவிடம் கணவாய் மீன், மரத் தவளை (tree frog), குழி விரியன் ஆகியவற்றின் டி.என்.ஏ வும் டி-ரெக்ஸ், வெலாசிராப்டர், கார்னோடாரஸ்,டெய்னோசூச்சஸ் , ஜைகனோடோசாரஸ், மஜுங்காசரஸ், பிக்னோனெமோசாரஸ், குவில்மெசாரஸ், தெரிசினோசாரஸ், வயவனேட்டர், ரகோப்ஸ் ஆகிய தொன்மாக்களின் டி.என்.ஏவும் இருப்பதாக படத்தின் விளம்பர வலைத்தளம் கூறுகிறது. இதனால் வேறெந்த தொன்மாவும் பெற்றிறாத பண்புகளை இது கொண்டிருந்தது என்றார் திரெவாரோ.[46] இதன் நீண்ட கைகள், ராப்டர் நகங்கள், சிறிய கட்டைவிரல்கள், நான்குகால் நடை, நகங்களைக்கொண்டு தரையிலிருந்து எம்புதல், நகங்களால் பொருட்களை எறிதல் உள்ளிட்ட தனித்துவமான பண்புகளை ஆராய ILM நிறுவனம் பல அசைவூட்ட சோதனைகளை நடத்தியது.ILM அசைவூட்ட மேற்பார்வையாளர் கிளென் மெக்கின்டோஷ், "தன் கூடுதல் அம்சங்களைப் பயன்படுத்திக் கொள்ளும் தெரோபோட் விலங்காக இதைக் காட்டுவதே எங்கள் நோக்கமாக இருந்தது" என்றார் .[43] ஒளியூட்டல் ஒப்பீடுக்காக இத் தொன்மாவின் பல ஐந்தாம் அளவு மாதிரிகள் உருவாக்கப்பட்டன.[43]

இவை பெரும்பாலும் மோஷன் கேப்சர் முறையிலேயே உருவாயின.[43][47] ILM மாதிரி ஒன்றும் பயன்பட்டது.[43] கூண்டுக் காட்சிகளின் போது நிகர் அளவுள்ள மாதிரிகளைப் பயன்படுத்தினர்.[48] இவை காட்டில் இன்டாமினஸைத் தேடும் காட்சியைப் பொறுத்தவரை திரெவாரோ, முதல் படப் பாத்திரமான இராபர்ட் முல்டூனின் ஒப்பீட்டால் ஈர்க்கப்பட்டார் (இவற்றின் விரைவையும் சிவிங்கிப்புலிகளின் விரைவையும் ஒப்பிட்டமை). மெக்கின்டோஷ் கூறுகையில் "ராப்டர்கள் வேட்டையாடுகையில் எவ்வளவு அறிவார்ந்தவையாகவும் சூழ்ச்சிமிக்கவையாகவும் இருக்கமுடியும் என்பதை நாங்கள் கண்டோம், எனினும் தங்களின் சொந்த காட்டுச்சூழலில் நம்பமுடியாத சுறுசுறுப்பையும் மூர்க்கமான விரைவையும் கொண்ட விலங்குகளாக பார்த்ததில்லை" என்றார். முதல் படத்தில் பயன்பட்ட முழு மாதிரியொன்றை ஒப்பீடுக்காக ILM குழுவினரிடம் லெகசி எபக்ட்ஸ் வழங்கியது. அம் மாதிரி,ஏறத்தாழ 500 பவுண்டு (230 கிலோ) எடையும், சுமார் 6 அடி (1.8 மீ) உயரமும், 12 முதல் 14 அடி (3.7 முதல் 4.3 மீ) நீளமும் கொண்டது. இதன் எடை, முழுமையாக வளர்ந்த வங்காளப் புலிக்கு இணையானது என்றறிந்த அசைவூட்டக் கலைஞர்கள், ராப்டர் அசைவுகளை வடிவமைக்க ஒரு புலியையும் தீக்கோழியையும் (ஆகப்பெரிய வாழும் பறவை, ஆக விரைவான வாழும் இருகாலி) பார்வையிட்டனர். [தீக்கோழியுடைய] அடிகளின் நீளமும் போக்கும் அசைவூட்டர்களுக்கு விழிப்பூட்டின என்றார் மெக்கின்டோஷ்.[43] மேலும் அதன் கூரிய நோக்குத் திறனுக்காகவும் வலிமைக்காகவும் புலி பார்வையிடப்பட்டது.[43] வேட்டைக்காட்சிக்காக மாதிரிகளின் தலைகள் முன்னால் நீட்டப்பெற்று புலியின் தன்மையுடைய நிழலுருவங்கள் உருவாக்கப்பட்டன. படப்பிடிப்புக்கு நான்கு மாதங்களுக்குமுன், சில முதல்கட்ட சோதனைகள் நடத்தப்பெற்றன.[43]

கவாயில் படமான ஒரு காட்சித்தொடருக்காக இத் தொன்மாவின் அசைவூட்ட மாதிரி செய்யப்பட்டது[24][40][41] பொருட்செலவு காரணமாக இதை உருவாக்க குரோவ்லி முதலில் தயங்கினார். எனினும் ரசிகர்கள் அதை விரும்புவார்கள் என திரெவாரோ அறிவுறுத்தினார்.[24][49] இவற்றுள் ஒன்று இறக்கும் காட்சிக்காக ஏழு அடி (2.1 மீ) நீளமுள்ள கழுத்து மாதிரி பயன்படுத்தப்பட்டது.[43] இதன் அசைவூட்டத்துக்காக ILM குழுவினர் யானைகளைப் பார்வையிட்டனர். இந்தளவுக்குப் பெரிய கழுத்துடைய வாழும் விலங்குகள் இன்று இல்லை. எனினும் யானைகளின் அளவும் அவை எடுத்துவைக்கும் அடிகளும் இவ்விலங்குக்குச் சிறந்த முன்மாதிரியாகும். என்றார்.[43] லெகசி எபக்ட்ஸ், முதலில் சிறிய மாதிரியொன்றைச் செய்தாலும், இன்னும் பெரிதாகச் செய்தால் நன்றாயிருக்கும் என ஸ்பில்பேர்க் முடிவெடுத்தார். முதல் மாதிரி கணினியில் ஸ்கேன் செய்யப்பட்டது. பின் கலைஞர்கள், படத்துக்குத் தேவையான அளவில் 3-டி மாதிரியை உருவாக்கினர்.[50]

முதல் படத்தில் தோன்றிய அதே விலங்காக இத் தொன்மா கருதப்படுகிறது. நாங்கள் அதே வடிவமைப்பை எடுத்துக்கொண்டோம். எனினும் தொழில்நுட்ப வளர்ச்சியாலும் வயதாவதாலும் அது புதுமுறையில் நகரப்போகிறது. மேலும் அதற்குச் சில தழும்புகளையும் கொடுத்து, அதன் தோலை இறுக்கப்போகிறோம். எனவே பர்ட் லங்காஸ்டரின் [முற்கால அமெரிக்க நடிகர்] மூத்த வடிவமாக து இருக்கப்போகிறது என்பதாக திரெவாரோ கூறினார்.[45][51] மோஷன் கேப்சர் முறையில் இத் தொன்மா காட்சிப்படுத்தப்பெற்றது. முழு அளவுள்ள டி-ரெக்ஸ் பாதம் ஒன்று, ஒளியூட்டல் ஒப்பீடுக்காகவும் ஷாட் வடிவமைப்புக்காகவும் செய்யப்பட்டது.[43]

திரெவாரோ கருத்துப்படி, இவ் விலங்கு முந்தைய படங்களுக்காக வின்ஸ்டன் உருவாக்கிய தொன்மாக்களைப் போன்ற தோற்றத்தையும் ஆளுமையையும் கொண்டதாக உருவாக்கப்பட்டது.[46]

இவ் விலங்கு முதன்முறையாக இத் தொடரில் தோன்றியுள்ளது.[24][45] ஓவன் தாக்கப்படும் காட்சியொன்றில் மோஷன் கேப்சர் முறையைக் கொண்டு நடிகர் மார்ட்டின் கிளெபா டைமார்ஃபோடனாக நடித்தார்.[47][52][53] இதற்காக இதன் முழு அளவிலான தலை மாதிரி உருவாக்கப்பட்டது.[43]

இது திரெவாரோவுக்குப் பிடித்தமான தொன்மாக்களுள் ஒன்றாகும்.[45][49]தொன்மாக்களோடு நம்மை இணைத்துப்பார்க்கத் தூண்டும் படத்தின் தருணங்களுக்கு எடுத்துக்காட்டாக இவ்வின விலங்கு ஒன்றின் மரணத்தைக் குறிப்பிட்ட திரெவாரோ,"படத்திலுள்ள பல கருப்பொருள்கள், இக் கோளில் இப்போது வாழும் உயிர்களுடனான நம் உறவைப் பேசுவதால், இத் தொன்மாக்கள் உண்மையானதாகத் தோன்றவேண்டுமென விரும்பினேன்." என்றார்.

இவற்றின் அசைவுகளுக்காக, ILM, காண்டாமிருகங்களையும் யானைகளையும் ஆராய்ந்தது.[43][46] இதனால் "சில காட்சிகளில், தொன்மாக்களின் தோலைக் கொண்டுள்ள உண்மையான விலங்குகளை நீங்கள் காணமுடியும்" என்றார் திரெவாரோ.[46]

ஏறக்குறைய 60 விலங்குகள் கொண்ட மந்தையாக இவை தோன்றுகின்றன.[43][54] புல், சேறு, தூசி ஆகியவற்றாலான 50 அடுக்குகளுடய 400 க்கும் மேற்பட்ட பிரேம்களைக் கொண்டு இக் காட்சியை இமேஜ் என்ஜின் நிறுவனம் உருவாக்கியது. நிறுவனக் கலைஞர்கள், முதல் படத்தில் இவை தோன்றும் காட்சியை அடிக்கடி போட்டுப்பார்த்தனர்.[43][43][54]"அக் காட்சியின் சாரத்தை மீளுருவாக்குவது உண்மையிலேயே சவாலாக இருந்தது" என்றார் இமேஜ் என்ஜின் அசைவூட்ட மேற்பார்வையாளர் ஜெரமி மெசானா.[43]

முதல் படத்தில் தோன்றிய இத் தொன்மா, இப்படத்தில் ஜுராசிக் வேர்ல்ட் பார்வையாளர் மையத்தில் முப்பரிமாண உருவில் சுருக்கமாகத் தோன்றுகிறது.[55][56]

இசை

தொகு
முதன்மைக் கட்டுரை: ஜுராசிக் வேர்ல்ட்: ஒலிப்பதிவு

இந்த திரைப்படத்திற்கு மைக்கேல் கியாச்சினோ இசையமைத்துள்ளார். இவர் முன்னதாக இத் தொடரைச் சேர்ந்த வார்பாத்: ஜுராசிக் பார்க் மற்றும் த லொஸ்ட் வேர்ல்ட்: ஜுராசிக் பார்க் ஆகிய நிகழ்பட ஆட்டங்களுக்கும் இசையமைத்தவராவார்.[57] இவர் முந்தைய படங்களுக்கு ஜான் வில்லியம்ஸ் அமைத்த இசையையும் இணைத்துக்கொண்டார். "அது உண்மையிலேயே இலக்குள்ள அணுகுமுறையாக இருந்தது. எங்கு வில்லியம்ஸின் கருப்பொருள் இசையைச் சேர்ப்பது, எங்கு வைத்தால் அதிக பொருள்தரும், எங்கு வைத்தால் (ரசிகர்களாக) நாங்கள் அதை ரசிப்போம் ஆகிய காரணிகள் இதில் அடங்கியிருந்தன" என்பதாகக் கூறினார்.[58]

பேக் லாட் மியூசிக், ஒரு ஒலிப்பதிவுச் செருகேட்டை ஜூன் 9, 2015 அன்று வெளியிட்டது.[59]

சர்ச்சைகள்

தொகு

அறிவியல் துல்லியம்

தொகு

திரெவாரோ இயற்றியதாகக் கூறப்பட்ட ஒரு டுவிட்டர் பதிவு, இப்படத்தில் இறகுகளுடைய தொன்மாக்கள் இருக்காது எனக் கூறியது.[60] தொன்மாக்களின் துல்லியமான காண்பிப்புக்காகவும் அன்றைய அறிவியல் கோட்பாடுகளைப் பின்பற்றியமைக்காகவும் முதல் ஜுராசிக் பார்க் படத்தை தொல்லுயிர் ஆய்வாளர்கள், பாராட்டினர். எனினும் பிந்தைய கண்டுபிடிப்புகள், தொன்மாக்களை செதிலுள்ளவையாகத் தொடர்ந்து காண்பிப்பதை எதிர்த்தன. புதிய கண்டுபிடிப்புகளையும் அறிவையும் வேண்டுமென்றே புறக்கணித்ததற்காக ஜுராசிக் வேர்ல்ட் விமர்சிக்கப்பட்டது. தொன்மா ஆராய்ச்சியாளர்கள் பலரும் இப்படத்தை "முட்டாள்தனமான வேற்றுரு விலங்குத் திரைப்படம்" என்றழைத்தனர். சில தொன்மாக்களுக்கு இருந்த இறகுகள், வெலாசிராப்டர் அதன் கைகளை வைத்திருந்த விதம் ஆகியவை புறக்கணிக்கப்பட்ட விடயங்களுள் அடங்கும்.[61][62][63] படத்தின் முன்னோட்டம் வெளியானபின், தொல்லுயிர் ஆய்வாளர்கள் பலர் டுவிட்டர், முகநூல் மற்றும் வலைப்பதிவுகளில் தங்கள் ஏமாற்றத்தை வெளிப்படுத்தினர். ஜுராசிக் வேர்ல்ட் தொன்மாக்களை முதல் ஜுராசிக் பார்க்கிலிருந்து விலகும் பிற்போக்கு நடவடிக்கை என்றழைத்தனர்.[64]

இவ் விமர்சனங்களுக்கு விடையளிக்கும் வகையில் "இப்படம் அறிவியல்பூர்வமாகத் 'தவறானதுஏனெனில் இது ஒரு அறிபுனைத் திரைப்படம். ஆவணப்படம் அல்ல" என்றார் திரெவாரோ.படத்தின் துவக்கத் தயாரிப்பின்போது இறகுகள் கொண்ட தொன்மாக்களைக் காண்பிக்க தயாரிப்பாளர்கள் திட்டமிட்டிருந்தனர்.[65] படத்தின் தீம் பார்க் வலைத்தளத்திலுள்ள ஒரு விமர்சன ஆய்வுப் புனைவு, தொன்மாக்களின் டி.என்.ஏவில் உள்ள இடைவெளிகளை நிரப்ப ஈரூடக வாழிகளின் டி.என்.ஏ (இது இத் தொடரின் ஒரு கதைக் கூறாகும்) பயன்படுத்தப்பட்டமையால் தொன்மாக்களின் இறகு வளர்ச்சி தடைபட்டதாக ஊகிக்கிறது.[66]

மேலும் காண்க

தொகு

மேற்கோள்கள்

தொகு
  1. ↑ "Jurassic World". The Kennedy/Marshall Company. Retrieved November 8, 2020.
  2. ↑ 2.0 2.1 "Jurassic World". பாக்சு ஆபிசு மோசோ. ஐ. எம். டி. பி இணையத்தளம். Archived from the original on January 24, 2021. Retrieved January 24, 2021.
  3. ↑ "Jurassic World (2015)". பாக்சு ஆபிசு மோசோ. Archived from the original on May 18, 2017. Retrieved May 4, 2017.
  4. ↑ Sampson, Mike (June 9, 2015). "Colin Trevorrow on the Three Things Steven Spielberg Said Had to Be in 'Jurassic World'". ScreenCrush. Archived from the original on September 20, 2016. Retrieved August 17, 2016.
  5. ↑ Acuna, Kirsten (June 14, 2015). "'Jurassic World' is the first movie ever to crack $500 million in its opening weekend". Business Insider. Retrieved January 31, 2018.
  6. ↑ "Box Office by Studio: Universal". boxofficemojo.com. Archived from the original on பிப்ரவரி 9, 2016. Retrieved January 21, 2019. {{cite web}}: Check date values in: |archive-date= (help)
  7. ↑ Amanda Mikelberg (June 11, 2015). ""Jurassic World" reviews: What critics are saying". CBS News. Retrieved March 20, 2020.
  8. ↑ Patrick Shanley (June 11, 2015). "'Jurassic World': What the Critics Are Saying". The Hollywood Reporter. Retrieved March 20, 2020.
  9. ↑ 9.0 9.1 9.2 9.3 9.4 9.5 9.6 Marnell, Blair (May 9, 2015). "Jurassic World Cast – A Look at the Characters". Comingsoon.net. Archived from the original on July 11, 2015. Retrieved July 7, 2015.
  10. ↑ "Keep your eyes open". Jurassic Park Twitter page. February 9, 2015. Retrieved 2015-02-09. {{cite web}}: Italic or bold markup not allowed in: |website= (help)
  11. ↑ Stack, Tim (December 18, 2014). "'Jurassic World': See Chris Pratt ride with some raptors – exclusive". Entertainment Weekly. Retrieved December 18, 2014.
  12. ↑ "Masrani Global Update: Vic Hoskins (Vincent D'Onofrio) – Head of Security Operations for InGen". Jurassicworld.org. January 9, 2015. Archived from the original on January 18, 2015. Retrieved January 18, 2015.
  13. ↑ Purser, Louise (June 12, 2014). "Check Out Brand New Images from Jurassic World Ahead of Next Year's Release". EntertainmentWise.com. Archived from the original on August 8, 2014. Retrieved June 27, 2014.
  14. ↑ Obenson, Tambay A. (March 6, 2015). "Director of 'Jurassic World' Reveals Omar Sy's Role in the Film + Whether His Character Dies". Indie Wire. Archived from the original on March 7, 2015. Retrieved March 7, 2015.
  15. ↑ Obenson, Tambay A. (March 6, 2015). "Director of 'Jurassic World' Reveals Omar Sy's Role in the Film + Whether His Character Dies". Indie Wire. Archived from the original on March 7, 2015. Retrieved March 7, 2015.
  16. ↑ Vespe, Eric (April 28, 2015). "Hold on to yer butts! Quint visits the set of Jurassic World". Ain't It Cool News. Archived from the original on April 29, 2015. Retrieved April 30, 2015.
  17. ↑ Han, Brian (January 15, 2015). "'Jurassic World' actor Brian Tee feels 'career starting to hit stride'". The Korea Times. Retrieved 2015-01-18. {{cite web}}: Italic or bold markup not allowed in: |publisher= (help)
  18. ↑ "InGen Security profile". MasraniGlobal.com. Retrieved February 10, 2015. {{cite web}}: Italic or bold markup not allowed in: |website= (help)
  19. ↑ "Brian Tee Talks Jurassic World's Hamada". Moviepilot. June 28, 2014. Archived from the original on டிசம்பர் 5, 2014. Retrieved November 28, 2014. {{cite web}}: Check date values in: |archive-date= (help)
  20. ↑ De Semlyen, Nick (November 27, 2014). "Empire's Jurassic World Trailer Tour (p.15)". Empire. Retrieved November 28, 2014.
  21. ↑ Polowy, Kevin (June 15, 2015). "The Scoop on 'Jurassic World's' High-Flying Death Scene (Spoilers)". Yahoo! Movies. Archived from the original on July 13, 2015. Retrieved July 13, 2015.
  22. ↑ Fanelli, William (January 25, 2015). "Judy Greer May Have A Bigger Role In Jurassic World Than Expected". Cinema Blend. Archived from the original on May 18, 2015. Retrieved May 9, 2015.
  23. ↑ Tonight Show (June 3, 2015). "Bryce Dallas Howard Calls Out Jimmy's Jurassic World Cameo". YouTube. Archived from the original on November 30, 2015. Retrieved June 3, 2015.
  24. ↑ 24.0 24.1 24.2 24.3 24.4 24.5 de Semlyen, Nick (June 8, 2015). "Access All Areas: Jurassic World". Empire. Archived from the original on March 8, 2016. Retrieved June 11, 2015.
  25. ↑ Reyes, Mike (June 14, 2015). "Jimmy Buffett Appeared in Jurassic World, and Odds Are You Saw Him". CinemaBlend. Archived from the original on June 16, 2015. Retrieved June 16, 2015.
  26. ↑ "Patrick Crowley". Rotten Tomatoes. Retrieved January 31, 2018.
  27. ↑ Anderton, Ethan (June 15, 2015). "'Jurassic World' Easter Eggs: Did You Catch These 'Jurassic Park' References? (page 2)". /Film. https://www.slashfilm.com/jurassic-world-easter-eggs/2/. 
  28. ↑ Ryan, Mike (June 8, 2015). "'Jurassic World' Director Colin Trevorrow Explains Why He Won't Be Making Another 'Jurassic World'". Uproxx. http://uproxx.com/movies/jurassic-world-colin-trevorrow/. 
  29. ↑ Ethan Anderton (June 15, 2015). "'Jurassic World' Easter Eggs: Did You Catch These 'Jurassic Park' References?". /Film. Archived from the original on July 22, 2015. Retrieved June 16, 2015.
  30. ↑ Dyce, Andrew (June 13, 2015). "'Jurassic World' Easter Eggs, Trivia & 'Jurassic Park' References". Screenrant. Archived from the original on August 14, 2015. Retrieved August 6, 2015.
  31. ↑ Jack Beresford (December 3, 2017). "Jurassic Park: 16 Things You Never Knew About Dr. Ian Malcolm". Screen Rant. https://screenrant.com/jurassic-park-dr-ian-malcolm-facts-trivia/. 
  32. ↑ Darryn King (June 12, 2015). "How to Make Velociraptors Purr: Inside the Sounds of Jurassic World". Vanity Fair. https://www.vanityfair.com/hollywood/2015/06/jurassic-world-sound-effects. 
  33. ↑ Maharana, Kabita (May 26, 2015). "Jurassic World: Synthetic Indominus Rex embodies the worst human tendencies teases director Colin Trevorrow". International Business Times. IBT Media. Archived from the original on June 10, 2015. Retrieved June 10, 2015.
  34. ↑ "How the dinosaurs in Jurassic World came to life". News.com.au. News Corp Australia. June 10, 2015. Archived from the original on June 10, 2015. Retrieved June 10, 2015.
  35. ↑ McGovern, Joe (May 25, 2015). "Meet Jurassic World's Indominus Rex: 'An abomination and a killer—and on party plates'". Entertainment Weekly. Time Inc. Archived from the original on June 22, 2015. Retrieved June 10, 2015.
  36. ↑ "Jurassic World actor James DuMont talks Nichiren Buddhism and "a deeper shade of blue."". Archived from the original on July 16, 2015. Retrieved June 13, 2015.
  37. ↑ Yahr, Emily. "Does ‘Jurassic World’ remind you of ‘Blackfish’? How a dinosaur movie tackled animal rights." (in en-US). Washington Post. https://www.washingtonpost.com/news/arts-and-entertainment/wp/2015/06/15/does-jurassic-world-remind-you-of-blackfish-how-a-dinosaur-movie-tackled-animal-rights/. 
  38. ↑ "'Jurassic World' Actually Has Really Important Things To Say About How We Treat Animals". The Dodo. June 17, 2015. Archived from the original on July 25, 2015.
  39. ↑ "Colin Trevorrow Confirms Animatronic Dinosaurs & Sequels for Jurassic World!". Scified. April 23, 2014 இம் மூலத்தில் இருந்து May 28, 2014 அன்று. பரணிடப்பட்டது.. https://web.archive.org/web/20140528034819/http://www.scified.com/site/jurassicworld/colin-trevorrow-confirms-animatronic-dinosaurs--sequels-for-jurassic-world. 
  40. ↑ 40.0 40.1 "See How the Jurassic World Apatosaurus Came to Life". /Film. Archived from the original on October 4, 2015.
  41. ↑ 41.0 41.1 41.2 "50 Things I Learned on the Set of Jurassic World (page 4)". /Film. April 28, 2015. Archived from the original on June 22, 2015. Retrieved May 7, 2015.
  42. ↑ "Phil Tippett reunites with ILM for visual effects on Jurassic World!". Scified. December 13, 2013 இம் மூலத்தில் இருந்து May 2, 2014 அன்று. பரணிடப்பட்டது.. https://web.archive.org/web/20140502120650/http://www.jurassicworld-movie.com/news/1379. 
  43. ↑ 43.00 43.01 43.02 43.03 43.04 43.05 43.06 43.07 43.08 43.09 43.10 43.11 43.12 43.13 43.14 43.15 43.16 43.17 43.18 43.19 43.20 43.21 Failes, Ian. "A whole new Jurassic World" பரணிடப்பட்டது செப்டெம்பர் 13, 2015 at the வந்தவழி இயந்திரம். FX Guide, June 17, 2015
  44. ↑ Failes, Ian (May 8, 2015). "Day 3 at FMX 2015 – Realtime Star Wars, Interstellar & light fields". FXGuide. Retrieved February 13, 2018.
  45. ↑ 45.0 45.1 45.2 45.3 Garza, Frida (April 29, 2015). "The Truly Frightening T-Rex From 'Jurassic Park' Coming Back". Complex. http://www.complex.com/pop-culture/2015/04/jurassic-park-trex-comes-back-for-sequel. 
  46. ↑ 46.0 46.1 46.2 46.3 Truitt, Brian (June 10, 2015). "A visitor's guide to 'Jurassic World' dinosaurs". USA Today. https://www.usatoday.com/story/life/movies/2015/06/10/jurassic-world-dinosaurs-visitors-guide/28752763/. 
  47. ↑ 47.0 47.1 Alexander, Bryan (October 20, 2015). "Chris Pratt battles a guy named Marty in this exclusive 'Jurassic World' clip". USA Today. https://www.usatoday.com/story/life/entertainthis/2015/10/20/chris-pratt-brawls-marty-on-jurassic-world-set/74279168/. 
  48. ↑ Strauss, Bob (June 10, 2015). "'Jurassic World' aims to follow footsteps of 'groundbreaking' prior films". Los Angeles Daily News. https://www.dailynews.com/2015/06/10/jurassic-world-aims-to-follow-footsteps-of-groundbreaking-prior-films/. 
  49. ↑ 49.0 49.1 "'Jurassic World' Director Colin Trevorrow On Dinosaurs & Jumping From Independent To Hollywood". The Source. June 10, 2015 இம் மூலத்தில் இருந்து October 21, 2020 அன்று. பரணிடப்பட்டது.. https://web.archive.org/web/20201021190505/https://thesource.com/2015/06/10/jurassic-world/. 
  50. ↑ Romano, Nick (2015). "Watch Jurassic World Build One Of Its Most Amazing Dinosaurs". CinemaBlend. https://www.cinemablend.com/new/Watch-Jurassic-World-Build-One-Its-Most-Amazing-Dinosaurs-72186.html. 
  51. ↑ Sciretta, Peter (April 29, 2015). "Original T. rex returns in 'Jurassic World,' This Film "Is Her Unforgiven"". /Film. Archived from the original on June 14, 2017. Retrieved May 2, 2017.
  52. ↑ Harris, Rob (June 18, 2015). "Chris Pratt Almost Killed a Stuntman Pretending to Be a Dinosaur". Movie Pilot இம் மூலத்தில் இருந்து June 21, 2015 அன்று. பரணிடப்பட்டது.. https://web.archive.org/web/20150621202816/https://moviepilot.com/posts/3314991. 
  53. ↑ Montalbano, Dave (June 18, 2015). "Jurassic World". Observer Newspaper Online (Florida). http://observernewspaperonline.com/tag/jurassic-world/. 
  54. ↑ 54.0 54.1 Anderton, Ethan (June 15, 2015). "'Jurassic World' Easter Eggs: Did You Catch These 'Jurassic Park' References? (page 3)". /Film. http://www.slashfilm.com/jurassic-world-easter-eggs/3/. 
  55. ↑ Anderton, Ethan (June 15, 2015). "'Jurassic World' Easter Eggs: Did You Catch These 'Jurassic Park' References? (page 4)". /Film. Retrieved January 31, 2018.
  56. ↑ Donnelly, Matt (June 11, 2015). "5 Times 'Jurassic World' Shouts Out to Original 'Jurassic Park'". The Wrap. Retrieved January 31, 2018.
  57. ↑ Yamato, Jen (May 12, 2014). "Michael Giacchino To Score Jurassic World". Deadline Hollywood. Archived from the original on May 15, 2014. Retrieved May 12, 2014.
  58. ↑ Radish, Christina (June 9, 2015). "Composer Michael Giacchino on JURASSIC WORLD, John Williams, STAR TREK 3, and More". Collider. Complex Media. Archived from the original on June 12, 2015. Retrieved June 10, 2015.
  59. ↑ "'Jurassic World' Soundtrack Details". Film Music Reporter. May 16, 2015. Archived from the original on June 29, 2015. Retrieved June 10, 2015.
  60. ↑ Byford, Sam (March 27, 2013). "'Jurassic Park 4' flies in the face of science by cutting feathered dinosaurs". The Verge / Vox Media. Archived from the original on December 19, 2013. Retrieved December 19, 2013. ...if the post is legitimate, [p]resumably he is concerned about preserving the legacy and continuity of Jurassic Park
  61. ↑ Qiu, Linda; Vergano, Dan (November 26, 2014). "'Jurassic World' Dinosaurs Stuck in the 1980s, Experts Grumble". National Geographic. Archived from the original on December 6, 2014.
  62. ↑ Khaleda Rahman (May 10, 2015). "New Jurassic World film slammed as 'dumb monster movie' because dinosaurs were covered in fluffy feathers in real life". Daily Mail. Archived from the original on June 16, 2015. Retrieved May 10, 2015.
  63. ↑ Jess Denham (May 11, 2015). "Jurassic World: Scientists criticise 'dumb monster movie' for lack of feathers on dinosaurs". The Independent ((Alexander Lebedev)) இம் மூலத்தில் இருந்து May 13, 2015 அன்று. பரணிடப்பட்டது.. https://web.archive.org/web/20150513100327/http://www.independent.co.uk/arts-entertainment/films/news/jurassic-world-scientists-criticise-dumb-monster-movie-for-lack-of-feathers-on-dinosaurs-10240525.html. 
  64. ↑ John Conway (December 4, 2014). "Scientists disappointed Jurassic World dinosaurs don't look like dinosaurs". The Guardian. Archived from the original on December 4, 2014. Retrieved December 6, 2014.
  65. ↑ Merali, Zeeya (October 6, 2004). "Feathered ancestor of T. rex unearthed". Nature இம் மூலத்தில் இருந்து October 24, 2004 அன்று. பரணிடப்பட்டது.. https://web.archive.org/web/20041024083401/http://www.nature.com/news/2004/041004/full/041004-11.html. 
  66. ↑ "Jurassic World". Archived from the original on August 29, 2015.

வெளி இணைப்புகள்

தொகு
 
விக்கிமேற்கோள் பகுதியில், இது தொடர்புடையவைகளைக் காண்க: ஜுராசிக் வேர்ல்ட்
 

வார்ப்புரு:Jurassic Park வார்ப்புரு:Colin Trevorrow வார்ப்புரு:Rick Jaffa and Amanda Silver வார்ப்புரு:Michael Crichton

"https://ta.wikipedia.org/w/index.php?title=ஜுராசிக்_வேர்ல்ட்&oldid=4166892" இலிருந்து மீள்விக்கப்பட்டது