விக்கிப்பீடியா

சமகாலம்


சமகால வரலாறு நிகழ் காலத்துடன் தொடர்புடைய வரலாற்றுக் காலத்தை விவரிக்கிறது. இது தற்கால வரலாறின் ஒரு குறிப்பிட்ட வகையாகும்.

சமீபத்திய சமகால வரலாறின் உள்நோக்கத்தில் தளர்வான வரையறையில் இரண்டாம் உலகப்போர் போன்ற பெரிய முக்கியமான நிகழ்வுகளும் அடங்குகின்றன, ஆனால் குறிப்பிட்ட நிகழ்வுகளின் விளைவுகள் வெல்லப்பட்டபட்சத்தில் அந்நிகழ்வுகளைப் பற்றி இதில் கூறப்படுவதில்லை.

சமகால சகாப்தம்

தொகு

தற்காலத்துடன் தொடர்புடைய நிகழ்வுகளே சமகால வரலாற்று நிகழ்வுகள் எனப்படும்.

ஐரோப்பாவில், "சமகாலம்" என்ற சொல் 1989 ஆம் ஆண்டின் புரட்சிகள் நடந்த காலத்திலிருந்து வரலாற்றில் நன்கு பயன்படுத்தப்பட்டுவருகிறது எனலாம். உலகப்போர்களின் சகாப்தத்தின் (முதல் உலகப்போர் மற்றும் இரண்டாம் உலகப்போர்) மற்றும் பனிப்போர் ஆகியவற்றின் விளைவுகளும் சமகால வரலாற்றில் கருத்தில்கொள்ளப்படுகின்றன.

ஆசியாவில், "சமகாலம்" என்பது இரண்டாம் உலகப்போரின் முடிவிலிருந்து பயன்பட்டுவருகிறது. இரண்டாம் உலகப்போரின் முடிவில் சுதந்திரத்திற்கான போர்கள் தொடங்கின, பல பகுதிகள் சுயாட்சி பெற்றன. ஆனால், ஆசியாவின் இந்த பகுதிகள் பனிப்போரின் விளைவுகளாலேயே நிறுவப்பட்டன. வடகிழக்கு ஆசியாவும் வியட்னாம் நாடும் பனிப்போரில் ஈடுபட்டன, இதனால் கொரியா போன்ற பகுதிகள் பிரிந்து வியட்னாம் உருவானது. தென்கிழக்கு ஆசியா ASEAN என ஒருங்கிணைந்தது (1976 ஆம் ஆண்டில் வியட்னாம் ஒருங்கிணைக்கப்பட்டது), ஆனால் ASEAN என்பதில் வடகிழக்கு ஆசியா அடங்காது.

இப்போது வாழும் மக்கள் அதன் அடுத்தடுத்த கட்டங்களின் முன்னேற்றத்தைக் கண்கூடாகப் பார்த்துள்ளனர். அதற்கென தனித்த ஒரு குணாதிசியம் உள்ளது.[1] இக்காலத்தில் குறிப்பிடத்தக்க அறிவியல் பூர்வ மற்றும் மனிதநேயம் சார்ந்த சாதனைகள் இடம்பெற்றன எனினும் சமகால சகாப்தத்தில் குறிப்பிடத்தக்க அரசியல் முன்னேற்றமும் ஏற்பட்டது, எது தோன்றியது என்பதன்றி எது முன்னேறியதோ அந்த அம்சமே இதில் முக்கியமானது.

தேசியம் மற்றும் தேசங்களின் மறுவரையறை மற்றும் இருபதாம் நூற்றாண்டில் குறிப்பிடத்தக்க அளவில் நிகழ்ந்து தொடரும் தொழில்நுட்ப முன்னேற்றங்கள் ஆகியவையும் இதில் குறிப்பிடத்தக்க சாதனைகளாகும்.

20 ஆம் நூற்றாண்டு

தொகு

இரண்டு உலகப்போர்கள் மற்றும் பனிப்போர் ஆகியவற்றை இந்த நவீன காலத்திலான குறிப்பிடத்தக்க நிகழ்வுகள் எனலாம்.

உலகப்போர்களின் காலம்

தொகு

20 ஆம் நூற்றாண்டின் போது, இவ்வுலகம் இரு தொடர்ச்சியான சில கொந்தளிப்புகளைக் கண்டது, அவை முதல் உலகப்போர் மற்றும் இரண்டாம் உலகப்போர் ஆகியவையாகும். முதல் பெரிய போரின் முடிவின் போது ரஷ்யப் புரட்சிகளும் ரஷ்யக் குடிமைப் போரும் நடைபெற்றன. இந்த இரு பெறு யுத்தங்களுக்கிடையே "இருபதாம் நூற்றாண்டு" முன்னேற்றமும் புதிய தொழில்நுட்பமும் உலகைக் கைப்பற்றிய நிலை ஏற்பட்டது, ஆனால் மிகப்பெருந்தாழ்வினால் விரைவில் முடிவுக்கு வந்தது. இந்தக் காலத்தில் உலகளாவிய விவகாரங்களை நிர்வகிக்க நாடுகளின் கூட்டமைப்புகள் உருவாக்கப்பட்டன, ஆனால் உலகின் வலுவான அரசுகளிடமிருந்து அதற்கு போதிய ஆதரவு கிடைக்கவில்லை. மேலும் தொடர்ச்சியாக ஏற்பட்ட பெருமந்த நிகழ்வுகளால் உலகில் மற்றொரு வன்முறை சகாப்தம் வெடித்தது.

1945 ஆம் ஆண்டுக்குப் பிந்தைய உலகம்

தொகு

1940களின் மத்தியில் தொடங்கிய பனிப்போரானது 1990களின் தொடக்கம் வரை நீடித்தது. Space Age எனப்படும் விண்வெளிக்காலம் என்பது இக்காலத்தைச் சேர்ந்ததே ஆகும். இக்காலத்திலேயே விண்வெளிப் பந்தயம், விண்வெளி ஆய்வுப் பயணம், விண்வெளித் தொழில்நுட்பம் மற்றும் இது போன்ற நிகழ்வுகளால் உந்தப்பட்டுத் தோன்றிய கலாச்சார மேம்பாடுகள் ஆகியவை ஏற்பட்டன.

1945 ஆண்டுக்குப் பிந்தைய காலப்பகுதி முழுவதும் பனிப்போர் காணப்பட்டது. இராணுவ மோதல்கள், வேவுபார்த்தல், ஆயுதத் தயாரிப்பு, படையெடுப்புகள், திட்டங்கள் மற்றும் போட்டியுடன் கூடிய தொழில்நுட்ப மேம்பாடுகள் ஆகியவற்றினால் இதை உணரலாம். சோவியத் யூனியன் தான் கைப்பற்றிய நாடுகளைக் கொண்டு கிழக்குப் பகுதியை உருவாக்கியது, அவற்றில் சிலவற்றை சோவியத் சோஷலிஸ்ட் குடியரசு என்று கைப்பற்றிய சோவியத் யூனியன் பிற நாடுகளை சேட்டலைட் நாடுகளாக வைத்திருக்கிறது. பின்னர் இவற்றைக் கொண்டு வார்சா பேக்ட் உருவாக்கப்படும் திட்டமுள்ளது. அமெரிக்க ஒன்றியமும் பல்வேறு மேற்கு ஐரோப்பிய நாடுகளும் கம்யூனிசத் "தத்துவக்" கொள்கையைத் தொடங்கி இத்தரப்பில் NATO உள்ளிட்ட எண்ணற்ற கூட்டணியைச் சேர்த்துள்ளன. இந்த மோதலில் மிக அதிக இராணுவ செலவும், மொத்த மரபார்ந்த மற்றும் அணு ஆயுதங்களும், ஆயுதப் போட்டிகளும் எண்ணற்ற தூண்டுப் போர்களும் இடம்பெற்றன; இரண்டு வல்லரசுகளும் ஒன்றையொன்று எதிர்த்து நேரடியாக சண்டையிட்டதில்லை.

பேக்ஸ் அமெரிக்கானா (Pax Americana) என்பது மேற்கத்திய உலகில் சுதந்திர அமைதி தொடர்பான வரலாற்று ரீதியான கருத்துக்குப் பயன்படுத்தப்படும் ஓர் சொல்லாகும். இது 20ஆம் நூற்றாண்டின் தொடக்கத்திலிருந்து தொடங்கி அமெரிக்க ஒன்றியம் கொண்டுள்ள அதிகார வல்லமையின் விளைவாக உருவானதே ஆகும். இந்தச் சொல் 20ஆம் நூற்றாண்டின் பின்னரைப்பகுதியிலேயே பிரதானமாக பயன்படுத்தப்பட்டது எனினும், அது பல்வேறு இடங்களிலும் காலங்களிலும் பயன்படுத்தப்பட்டுள்ளது. அதன் தற்கால சித்தாந்தங்கள் 1945 ஆம் ஆண்டு இரண்டாம் உலகப்போரின் முடிவுக்குப் பிறகு உருவான அமைதியைப் பற்றியே கருத்தில்கொள்கிறது.

21ஆம் நூற்றாண்டும் பிந்தைய தற்கால உலகமும்

தொகு

2000ங்களின் சதாப்தம் என்பது 2000 முதல் 2009 ஆம் ஆண்டு வரையிலான காலத்தைக் குறிக்கிறது. 2000ங்களின் ஆண்டுகளில் பொதுவாக 1990களின் சமூக விவகாரங்களின் எழுச்சி காணப்பட்டது. அதில் தீவிரவாதம், அழுத்தம் பொருளாதார உலகமயமாக்கலின் விரிவு, மொபைல் தொலைபேசிகள், இணையம் மற்றும் சர்வதேச பாப் கலாச்சாரம்ஆகியவற்றினால் எளிதான தகவல்தொடர்புகள் மற்றும் தொலைத்தொடர்புகளின் விரிவாக்கம் ஆகியவை அடங்கும்.

நடப்பு தசாப்தம், 2010கள் அல்லது டென்ஸ் எனப்படும் காலம் 2010 ஆம் ஆண்டு ஜனவரி 1 ஆம் தேதி தொடங்கி 2019 ஆம் ஆண்டு டிசம்பர் 31 ஆம் தேதி முடிகிறது.

தகவல் யுகமும் கணினிகளும்

தொகு
இணையத்தின் ஒரு பகுதியினூடே உள்ள பல்வேறு பாதைகளின் காட்சியாக்கம்.2005 ஆம் ஆண்டைச் சேர்ந்த இணையத்தின் பகுதி வரைபடம்.

கணினி யுகம் என்றும் அழைக்கப்படும் தகவல் யுகம் அல்லது தகவல் சகாப்தம் என்பது மக்கள் தகவல்களை உடனடியாக எந்தத் தடையுமின்றி பரிமாறிக்கொள்ளவும் முற்காலத்தில் அறிவது மிகவும் கடினம் எனக் கருதப்பட்ட விஷயங்களை எளிதில் அறிந்துகொள்ளவும் முடியும் நிலை என விவரிக்கப்படும் கருத்தே ஆகும். இந்தக் கருத்து டிஜிட்டல் யுகம் அல்லது டிஜிட்டல் புரட்சி என்ற கருத்துடன் அதிகம் தொடர்புடையதாகும். இது தொழில்மயமாக்கலினால் உருவான தொழிற்புரட்சி தோன்றிய வகையிலான பாரம்பரிய தொழில் துறையிலிருந்து தகவலின் பயன்பாட்டை அடிப்படையாகக் கொண்ட ஒரு பொருளாதாரத்திற்கான மாற்றத்தின் கிளைகளைக் கொண்டுள்ளது. இந்தக் காலம் பொதுவாக 20ஆம் நூற்றாண்டின் பின்னரைப் பகுதியில் தொடங்கியது என்று கூறப்படுகிறது, இருப்பினும் குறிப்பிட்ட வகையிலான தேதிகள் வேறுபடுகின்றன. இந்தச் சொல் முதலில் 1980களின் பிற்பகுதியிலும் 1990களின் முற்பகுதியிலும் பயன்படுத்தப்பட்டது. இணையத்தின் வசதியால் இன்று வரை பயன்படுத்தப்பட்டு வருகிறது.

1990களின் பிற்பகுதியில் இணையக் கோப்பகங்கள் மற்றும் தேடுபொறிகள் ஆகியவை பிரபலமாயின. Yahoo! மற்றும் Altavista (இரண்டுமே 1995 ஆம் ஆண்டு கண்டுபிடிக்கப்பட்டன) முறையே இத்துறைகளின் முன்னணி தயாரிப்புகளாகும். 2001ஆம் ஆண்டின் பிற்பகுதியில் கோப்பக மாதிரி கைவிடப்பட்டு தேடுபொறிகள் பிரதானமாயின. அப்போதே Google (1998 ஆம் ஆண்டு உருவானது) தொடர்புத் தன்மையின் தரமிடுதலுக்கான புதிய அணுகுமுறைகளை உருவாக்கி எழுச்சி பெற்றது. இன்றும் பொதுவாக கிடைக்கக்கூடிய கோப்பக அம்சங்கள் தேடுபொறிகளுக்கு அடுத்த நிலைக்கு வந்தன. 2000ங்களின் தொடக்க ஆண்டுகளில் குறிப்பிடத்தக்க சந்தைப்படுத்துதல் அம்சமாக இருந்த இந்தத் தரவுத்தளத்தின் அளவும் தொடர்புடைய தன்மையின் தரமிடுதலுக்கு வழங்கப்பட்ட முக்கியத்துவத்தினால் இடமாற்றம் செய்யப்பட்டது. இவை அனைத்து தேடுபொறிகளும் மேற்கொண்ட தேடல்கள் வகைப்படுத்தப்பட்டு சிறப்பான முடிவுகள் முதலில் காட்டப்படுவதற்கு பயன்படும் முறைகளாகும்.

"Web 2.0" என்பது உலகளாவிய வலையிலான தகவல்தொடர்பு, தகவல் பகிர்வு, இடைசெயல்புரி தன்மை, பயனர் சார் வடிவமைப்பு[3] மற்றும் கூட்டுச்செயல்பாடு ஆகியவற்றினைக் கொண்டிருந்தது. இதனால் வலை அடிப்படையிலான சமூகங்கள், வழங்கப்படும் (ஹொஸ்ட்) சேவைகள் மற்றும் வலை பயன்பாடுகள் ஆகியவை உருவாகி வளர்ந்தன. சமூக வலைப்பின்னல் தளங்கள், வீடியோ பகிர்வு தளங்கள், விக்கிகள், வலைப்பதிவுகள், மாஷப்கள் மற்றும் ஃபோக்சொனோமிகள் (folksonomies) ஆகியவை இதற்கான எடுத்துக்காட்டுகளாகும்.

கிழக்கத்திய சக்திகளின் வளர்ச்சி

தொகு
நாடு வளர்ச்சி
 சீனா 11.90% [4]
 இந்தியா 9.00% [4]

இந்தத் தலைப்பைப் பற்றிய மேலும் தகவலுக்கு GDP (மெய்யான) வளர்ச்சி வீத வாரியாக பட்டியலிடப்பட்ட நாடுகளின் பட்டியல் என்பதைக் காண்க. ]] ஆசியாவில் குறிப்பிடத்தக்க அளவிலான பொருளாதார வளர்ச்சி ஏற்பட்டது, அதில் குறிப்பாக சீனா அளப்பரிய வளர்ச்சி காணப்பட்டது. சீனா பகுதிகள் ரீதியான அதிகாரம் மற்றும் பில்லியன் நுகர்வோர் சந்தை ஆகிய இலக்குகளை நோக்கிச் செல்லுமளவிற்கு அது வளர்ந்தது. இந்தியாவும் அதனுடன் மேற்கல்லாத பிற வளரும் நாடுகளும் விரைவாக வளர்ந்துவருகின்றன, அவை தாம் ஒருங்கிணைந்து உலகப் பொருளாதாரத்தின் பங்காக மாறத் தொடங்கியுள்ளன.

சீனா உலக வர்த்தக நிறுவனத்தில் சீனா இணைந்த பின்னர், சீனா நடுத்தர மக்களின் மறுவாழ்வை முக்கியமாகக் கருதியதால் சீனாவில் வாழ்க்கைத் தரமும் குறிப்பிடத்தக்க அளவில் முன்னேறியுள்ளது. கிழக்கு மற்றும் மேற்கு வளர்ச்சி பெறா சேய்மைப் பகுதிகளுக்கிடையே நிலவிய செல்வ சமத்துவமின்மை அப்போது பரவியது. இதனால் அரசாங்கங்கள் "மேற்கை மேம்படுத்த" முற்பட்டன. அதன் விளைவாக க்விங்காய்-திபெத் ரயில்வே போன்ற பணித்திட்டங்கள் மேற்கொள்ளப்பட்டன. கல்வியின் சுமையானது எப்போதையும் விட அதிகமானது. பல அதிகாரிகளுக்கு மரண தண்டனை வழங்கிய பிரீமியர் ஜூவின் ஊழல் எதிர்ப்பு பிரசாரம் இருந்தும் தொடைதட்டி எழுந்த ஊழல் தொடர்ந்து நீடித்தது.

2009 ஆம் ஆண்டின் தொடக்கத்தின்போது, இந்தியாவில் அமெரிக்க ஒன்றியத்தின் மொத்த மக்கள்தொகைக்கு சமமான சுமார் 300 மில்லியன் மக்கள் கொடிய வறுமையிலிருந்து தப்பித்தனர்.[5] இந்தியாவின் பொருளாதார சுதந்திரக் கொள்கைகளின் பலன்கள் 2007 ஆம் ஆண்டில் அதன் உச்சத்தை அடைந்தன. அந்த ஆண்டு இந்தியாவின் GDP வளர்ச்சி வீதம் 9% ஆக இருந்தது சாதனையானது.[6] இந்த சாதனையால் சீனாவுக்கு அடுத்தபடியாக உலகில் இரண்டாவது வேகமாக வளரும் பெரும் பொருளாதார சக்தியாக இந்தியா மாறியது.[7] பொருளாதார ஒத்துழைப்பு மற்றும் மேம்பாட்டுக்கான அமைப்பு (OECD) அறிக்கை 7.5% என்ற சராசரி வளர்ச்சி வீதத்தினால் பத்தாண்டுகளில் சராசரி வருமானம் இரட்டிப்பாகும், மேலும் பல சீர்திருத்தங்களினால் இது இன்னும் துரிதமாகும் எனக் குறிப்பிடுகிறது.[8]

அடுத்த பதினொரு பொருளாதார சக்திகளில் பெரும்பாலும் ஆசிய நாடுகளே இருக்கப்போகின்றன. எண்ணற்ற புதிதாக தொழில்மயமாக்கப்பட்ட நாடுகள் ஆசியாவில் தோன்றியுள்ளன. அவற்றில் சீனா, இந்தியா, மலேசியா பிலிப்பைன்ஸ் மற்றும் தாய்லாந்து ஆகியன அடங்கும்.

யுரேஷியன் யூனியன் மற்றும் கூட்டமைப்பு

தொகு

ஐரோப்பாவில், எண்ணற்ற ஒப்பந்தங்களினால் உருவான ஐரோப்பிய யூனியன் ஒரு புவியியல்-அரசியல் சக்தியாகும். அது அதில் ஐரோப்பாவின் பல நாடுகள் சேர்ந்து அது விரிவாகியுள்ளது. அது இரண்டாம் உலகப்போர் காலத்திற்குப் பிந்தைய காலத்தைச் சேர்ந்ததாகத் தெரிகிறது, குறிப்பாக ஐரோப்பிய பொருளாதார சமூகத்தையும் ஐரோப்பிய அணு சக்தி சமூகத்தையும் அமைக்கும் "ஸ்கமன் அறிவிப்பு" அல்லது ரோம் உடன்படிக்கைகளை அடுத்து பாரிசு நகரில் 1951 ஆம் ஆண்டு ஐரோப்பிய நிலக்கரி மற்றும் எஃகு சமூகம் உருவானது முக்கிய நிகழ்வாகும். இந்த இரு அமைப்புகளும் இப்போது ஐரோப்பிய யூனியனின் பகுதிகளாகும். அவை இந்தப் பெயரின் கீழ் 1993 ஆம் ஆண்டு உருவாக்கப்பட்டன.

கம்யூனிஸத்திற்குப் பிந்தைய காலத்தில் ரஷிய கூட்டமைப்பு தனி நாடானது. சோவியத் ஒன்றியத்தால் உருவாகும் பதினைந்து குடியரசுகளில் ரஷ்யாவே பெரிய குடியரசாக இருந்தது. இது சோவியத் மக்கள் தொகையின் பாதிக்கு மேலான மக்கள் தொகையைக் கொண்டு மொத்த GDP இல் 60% பங்களிக்கிறது. ரஷியர்கள் சோவியத் இராணுவத்தையும் கம்யூனிஸ்ட் கட்சியையும் ஆதிக்கம் செலுத்தினர். இவ்வாறு அரசியல் திற நிகழ்வுகளில் ரஷியாவே சோவியத் ஒன்றியத்தின் அடுத்த நிலையிலுள்ள நாடு என ஏற்றுக்கொள்ளப்பட்டது. மேலும் ரஷ்யாவுக்கு USSR இன் நிரந்தர உறுப்பினர் என்ற தகுதியும் ஐ.நா. பாதுகாப்பு கவுன்சிலில் தடை வாக்குக்கான திறனும் வழங்கப்பட்டுள்ளன; ரஷியாவும் ஐக்கிய நாடுகள்சபையும் என்பதைக் காண்க. ரஷ்யா இன்று தனது சாரிக் மற்றும் சோவியத் கடந்தகாலத்திலிருந்த அரசியல் கலாச்சார மற்றும் சமூகக் கட்டமைப்புகளின் தொடர்ச்சியைப் பகிர்கிறது.

தற்காலத்தின் பிந்தைய பகுதியிலான தீவிரவாதமும் போர்களும்

தொகு

2000ங்களில் மேற்கு உலகிலும் மத்திய கிழக்கிலும் ஏற்பட்ட முக்கிய அரசியல் முன்னேற்றங்கள் சமீபத்திய தற்கால தீவிரவாதம், தீவிரவாதத்திற்கு எதிரான போர், ஆஃப்கானிஸ்தான் போர் மற்றும் ஈராக் போர் ஆகியவற்றையே மையமாகக் கொண்டுள்ளன.

உலக வர்த்தக மையத்தில் எரிந்த தீ மற்றும் சுதந்திர தேவி சிலை.

2001 ஆம் ஆண்டு செப்டம்பர் 11 அன்று நடந்த செப்டம்பர் 11 தாக்குதல்கள், அல் கொய்தா அமைப்பினால் அமெரிக்க ஒன்றியத்தின் மீது திட்டமிட்டு நடத்தப்பட்ட தற்கொலைத் தாக்குதல்களாகும். அன்று காலையில் 19 அல் கொய்தா தீவிரவாதிகள் வணிக ரீதியான பயணிகளுக்கான நான்கு ஜெட் விமானங்களைக் கடத்தினர்.[9][10] விமானத்தைக் கடத்தியவர்கள் நியூ யார்க் நகரிலுள்ள உலக வர்த்தக மையத்தின் இரட்டைக் கோபுரத்தை விமானம் கொண்டு மோதித் தாக்கினர். இத்தாக்குதலில் விமானப் பயணிகள் அனைவரும் உட்பட அந்தக் கட்டடத்தில் பணிபுரிந்துவந்தவர்கள் பலரும் கொல்லப்பட்டனர். இரண்டு மணி நேரத்திற்குள் இரு கட்டடங்களும் தரைமட்டமாயின, இதில் அருகிலிருந்த கட்டடங்களும் பிற இடங்களும் சேதமடைந்தன. கடத்தியவர்கள், மூன்றாவது விமானத்தை வாஷிங்டன் D.C. க்கு புறத்தேயுள்ள விர்ஜினியாவிலுள்ள (Virginia) ஆலிங்ட்டன் (Arlington) என்னுமிடத்திலுள்ள பெண்டகன் (Pentagon) கட்டடத்தில் மோதினர். நான்காவது விமானத்திலிருந்த ஊழியர்கள் மற்றும் சில பயணிகள் விமானத்தின் கட்டுப்பாட்டை மீட்க எடுத்த முயற்சியால் வாஷிங்டன் D.C. ஐ நோக்கி எடுத்துச் செல்லவிருந்த அதை ஊர்ப்புற சோமர்ஸ்ட் கண்ட்ரி, பெனிசில்வேனியாவிலுள்ள (Somerset County, Pennsylvania) ஷான்க்ஸ்வில்லி (Shanksville) என்னுமிடத்தில் மோதி விபத்துக்குள்ளாக்கினர். செப்டம்பர் 11 தாக்குதலுக்குப் பிறகான பெரிய தீவிரவாத தாக்குதல்களில் மாஸ்கோ தியேட்டர் தாக்குதல் 2003 இஸ்தான்புல் குண்டுவெடிப்புகள் மாட்ரிட் இரயில் குண்டுவெடிப்புகள், பெஸ்லான் பள்ளி பணையக் கைதிகள் விவகாரம், 2005 இலண்டன் குண்டுவெடிப்புகள், 2005 ஆம் ஆண்டின் அக்டோபரில் நடந்த புது தில்லி குண்டுவெடிப்புகள் மற்றும் 2008 ஆம் ஆண்டின் மும்பை ஹோட்டலில் நடந்த தாக்குதல் ஆகியன அடங்கும்.

செப்டம்பர் 11, 2001 தாக்குதல்களை அடுத்து அமெரிக்க ஒன்றியம் "தீவிரவாதத்திற்கு எதிரான உலகளாவிய போரைத்" தொடங்கி தாலிபான் தீவிரவாதிகளை வெளியேற்ற ஆஃப்கானிஸ்தானில் (Afghanistan) புகுந்தது. தாலிபான் தீவிரவாதிகளே அல் கொய்தா தீவிரவாதிக்கு புகலிடம் அளித்து வந்தவர்களாவர். மேலும் நாட்டுப்பற்று சட்டத்தை மேம்படுத்தியது. பல பிற நாடுகளும் தமது திவீரவாதத்திற்கு எதிரான சட்டங்களை வலுப்படுத்தி சட்ட அமலாக்க சக்திகளை மேம்படுத்தின. 'தீவிரவாதத்திற்கு எதிரான உலகளாவிய போர்' என்பது 2001 தாக்குதல் நடத்தப்பட்டதிலிருந்து நடத்தப்பட்டுவரும் இராணுவ, சட்ட ரீதியான, அரசியல் ரீதியான மற்றும் சித்தாந்த ரீதியான இஸ்லாமிய தீவிரவாதம் மற்றும் இஸ்லாமிய போராளிகளுக்கு எதிரான போராட்டமாகும்.

குனார் மாகாணத்தில் அமெரிக்க ஒன்றிய இராணுவப் படையினர்

ஆஃப்கானிஸ்தான் போர் 2001 ஆம் ஆண்டின் பிற்பகுதியில் தொடங்கியது, அதை அமெரிக்க ஒன்றியம் ஐக்கிய இராச்சியத்துடன் சேர்ந்து நடத்தியது, மேலும் அதை NATO-தலைமை தாங்கியது, UN அமைப்பும் செப்டம்பர் 11 தாக்குதலுக்குப் பிறகு ISAF ஐ அங்கீகரித்தது. ஒசாமா பின் லேடன் (Osama bin Laden) மற்றும் பிற முக்கிய அல் கொய்தா உறுப்பினர்கள் எங்குள்ளனர் எனக் கண்டுபிடிப்பதும் அவர்கள் மீது வழக்குத் தொடுத்து அல் கொய்தா அமைப்பை முழுவதுமாக அழித்து, அல்கொய்தாவுக்கு ஆதரவும் பாதுகாப்பும் அளித்த தாலிபான் ஆட்சியை அகற்றுவதுமே ஆஃப்கானிஸ்தான் படையெடுப்பின் குறிக்கோள்களாகும். புஷ் நிர்வாகக் கொள்கை மற்றும் புஷ் தத்துவம் ஆகியவை, இப்படைகள் தீவிரவாதிகளையும் அவர்களை ஆதரிக்கும் மற்றும் அவர்களுக்கு பாதுகாப்பளிக்கும் அமைப்புகள் மற்றும் நாடுகளையும் வேறுபடுத்திப் பார்க்காது எனக் கூறுகின்றன. ஆஃப்கானிஸ்தானில் உள்ள இரண்டு இராணுவ தரப்புகள் நாட்டின் ஆட்சிக் கட்டுப்பாட்டைக் கைப்பற்ற சண்டையிட்டுவருகின்றன. சுதந்திர ஆதரவு இயக்கம் (Operation Enduring Freedom) (OEF) என்பது அமெரிக்க ஒன்றிய போராட்ட இயக்கமாகும். அது ஒருங்கிணைந்த தரப்புகளுடன் இணைந்து தற்போது செயல்பட்டு வருகிறது. அது தற்போது பாகிஸ்தான் (Pakistan) எல்லையை ஒட்டிய ஆஃப்கானிஸ்தானின் கிழக்கு மற்றும் தெற்குப் பகுதிகளில் செயல்பட்டுவருகிறது. சர்வதேச பாதுகாப்பு உதவிப் படை (International Security Assistance Force) (ISAF) என்பதை UN பாதுகாப்பு கவுன்சில் 2001 ஆம் ஆண்டின் இறுதியில் காபூலையும் (Kabul) அதைச் சுற்றியுள்ள பகுதிகளையும் பாதுகாப்பதற்காக உருவாக்கியது. 2003 ஆம் ஆண்டு ISAF இன் கட்டுப்பாட்டை NATO ஏற்றது.

ஆஃப்கான் வடக்குக் கூட்டணி வழங்கிய இராணுவ உதவியுடன் மேற்கொள்ளப்பட்ட பன்னாட்டு காலாட்படை நடவடிக்கைகள் மற்றும் மேலிருந்து குண்டு வீசுதல் நடவடிக்கை ஆகியவற்றால் தாலிபனின் அதிகாரம் வீழ்த்தப்பட்டது, ஆனால் தாலிபான் படைகள் மீண்டும் ஓரளவு பலம் பெற்றுள்ளன.[11] அல் கொய்தாவின் செயல்பாடுகளைத் தடுக்கும் நோக்கத்தில் இந்தப் போர் எதிர்பார்த்ததை விட சிறிதளவே வெற்றிபெற்றது.[12] 2006 ஆம் ஆண்டிலிருந்து ஆஃப்கானிஸ்தானில் தாலிபான் தலைமை ஏற்று நடத்தும் அரசு எதிர்ப்பு நடவடிக்கைகள், சட்ட விரோத மருந்து உற்பத்தி,[13][14] மற்றும் காபூலுக்கு வெளியே குறைந்த அளவே கட்டுப்பாடுள்ள பலவீனமான ஒரு அரசாங்கம் ஆகிய காரணங்களின் அதிகரிப்பால் நாட்டின் நிலைத்தன்மைக்கு அச்சுறுத்தல் நிலவிவந்துள்ளது.[15] 2008 ஆம் ஆண்டின் முடிவில் இப்போர் ஒசாமா பின் லேடனைப் பிடிக்கும் முயற்சியில் தோல்வியுற்றது, மேலும் கூட்டுப் படையின் தாக்குதலின்போது பாக்கிஸ்தான் எல்லையைக் கடந்த தாலிபான் போராளிகள் தொடர்பான சம்பவங்களினால் அமெரிக்காவுக்கும் பாக்கிஸ்தானுக்கும் இடையே பதற்ற நிலை அதிகரித்தது.

2007 ஆம் ஆண்டு மார்ச் 7 அன்று பாக்தாத்தின் அல் டௌரா பகுதியில் கலகத்தின் போது அமெரிக்க ஒன்றிய இராணுவ வீரர்கள் நடத்திய துப்பாக்கி சண்டை

2003 ஆம் ஆண்டின் இறுதியில் ஒரு பன்னாட்டுப் படை ஈராக் மீது படையெடுத்த சம்பவத்திலிருந்து இரண்டாம் வளைகுடாப் போர் தொடங்கியது.[16] ஈராக் படையெடுப்பால் ஈராக்கின் ஆக்கிரமிப்பும் அதனைத் தொடர்ந்து சதாம் உசேன் (Saddam Hussein) கைதும் நடந்தன, பின்னர் ஈராக் அரசு அவருக்கு மரண தண்டனையை நிறைவேற்றியது. பல்வேறு பிரிவினர் மேற்கொண்ட கூட்டுப் படைகளுக்கு எதிரான வன்முறையால் வெடித்த ஈராக் கிளர்ச்சியால் சீரற்ற யுத்தம் தொடங்கியது. பல சுன்னி மற்றும் ஷியா பிரிவைச் சேர்ந்த ஈராக் பிரிவினருக்கும் ஈராக்கிலுள்ள அல் கொய்தா இயக்கத்திற்கும் மோதல் வெடித்தது.[17][18] ஈராக் படைகள் பாதுகாப்புக்கான பொறுப்பை ஏற்றுக்கொள்ளத் தொடங்கியதால் படை திரும்பப் பெறுவதற்கான மக்கள் ஆதரவு அதிகரித்ததால் கூட்டுப் படையில் சேர்ந்திருந்த உறுப்பு நாடுகள் தங்கள் படைகளைத் திரும்பப் பெற்றன.[19][20] 2008 ஆம் ஆண்டின் பிற்பகுதியில், அமெரிக்க ஒன்றியம் மற்றும் ஈராக் ஆகிய இரு நாட்டு அரசாங்கங்களும் படை ஒப்பந்த நிலையை ஏற்றுக்கொண்டன. அது 2011 ஆம் ஆண்டு இறுதி வரை அமலில் இருப்பதாகும்.[21] ஈராக் பாராளுமன்றமும் அமெரிக்க ஒன்றியத்துடன் ஒரு திட்ட ரீதியான செயல்திட்டத்தில் கையெழுத்திட்டது.[22][23] அது அரசியலமைப்பு சார்ந்த உரிமைகள், அச்சுறுத்தல் எதிர்ப்புகள், கல்வி ஆகியவற்றிலான சர்வதேச ஒத்துழைப்பை உறுதிப்படுத்துவதாக இருந்தது.[24] 2009 ஆம் ஆண்டில் அமெரிக்க அதிபர் பாரக் ஒபாமா (Barack Obama), "போர் படைகளுக்கான" இடைவேளையாக 18-மாத காலத்திற்கு படைகள் திரும்பப்பெறப்படும் என அறிவித்தார்.

ஒபாமா ஆட்சியில் தீவிரவாதத்திற்கு எதிரான போர் என்ற பெயர் "அயல்நாட்டு தற்செயல் இயக்கம்" என மாற்றப்பட்டது.[25] அமெரிக்கக் குடிமக்களையும் உலக அளவிலான வணிக ஆர்வத்தையும் பாதுகாப்பதும் அமெரிக்காவிலுள்ள தீவிரவாத முகாம்களை அழிப்பதும் அல் கொய்தா மற்றும் அதன் உதவி பெறும் அமைப்புகள் அனைத்தையும் தடை செய்வதுமே அதன் குறிக்கோள்களாகும்.[26][27] அவரது ஆட்சி ஈராக்கிலிருந்து அமெரிக்காவின் படைகளைத் திரும்பப் பெறுவது பற்றிய சர்ச்சைகள், குவாண்டனேமோ விரிகுடா தண்டனை முகாம் (Guantanamo Bay detention camp) மற்றும் ஆஃப்கானிஸ்தானிலான எழுச்சி (surge in Afghanistan) ஆகிய விவகாரங்களிலான அமெரிக்காவின் தலையீட்டில் மீண்டும் கவனம் செலுத்தியது.

இஸ்ரேல்–பாலஸ்தீனம் சர்ச்சை

தொகு
இஸ்ரேல், மேற்குக் கடற்கரை, காசா பகுதி மற்றும் கோலான் ஹைட்ஸ்

இஸ்ரேல்–பாலஸ்தீனம் சர்ச்சை இஸ்ரேலியர்களுக்கும் பாலஸ்தீனியர்களுக்கும் இடையில் தொடர்ந்து நீடித்துவரும் சர்ச்சையாகவே உள்ளது.[28] பரவலான அரபு–இஸ்ரேல் சர்ச்சையில் இதுவும் ஒரு பங்காக உள்ளது. இஸ்ரேல்-பாலஸ்தீன சர்ச்சையிலான இரு முக்கியத் தரப்பினரிடையே தற்போது கலந்தாலோசனையில் உள்ள இரு நாட்டுத் தீர்வு என்பதே ஒப்புக்கொள்ளக்கூடியதாக உள்ள தீர்வாக உள்ளது.

இரு நாட்டுத் தீர்வில் பாலஸ்தீனத்தின் வரலாற்று முக்கியத்துவம் வாய்ந்த மேற்குப் பகுதியில் இரண்டு தனித்தனி நாடுகளை அமைப்பதைக் கருதுகிறது. மோதலைத் தீர்ப்பதற்காக அவை இரண்டில் ஒன்று யூதர்களுக்கானதாகவும் (Jewish) மற்றொன்று அரேபியர்களுக்கானதாகவும் (Arab) இருக்கும். இக்கருத்தின்படி, அரேபியா வாழ் மக்களுக்கு புதிய பாலஸ்தீன நாட்டின் குடியுரிமை வழங்கப்படும்; இதே போல் பாலஸ்தீன அகதிகளுக்கும் இது போன்ற குடியுரிமை வழங்கப்படும் என்று தெரிகிறது. இன்றுள்ள இஸ்ரேலியாவிலுள்ள அரேபிய குடிமக்கள் இஸ்ரேலிலேயே தொடர்ந்து இருக்கலாம் அல்லது புதிய பாலஸ்தீனத்தின் குடிமக்களாகப் பதிந்துகொள்ளலாம் என்ற தெரிவு வழங்கப்படும் எனத் தெரிகிறது.

தற்போது, வாக்குகளின் எண்ணிக்கையின் அடிப்படையில் இஸ்ரேலியர்கள் மற்றும் பாலஸ்தீனியர்கள் இரு தரப்பினரிடையேயும் இரு நாட்டுத் தீர்வே இந்தப் பிரச்சனையைத் தீர்க்கும் வழியாகும் என்ற கருத்தை ஆதரிப்பவர்களே பெரும்பான்மையாக உள்ளனர்.[29][30][31] பாலஸ்தீனியர்களில் பெரும்பாலானோர் மேற்குக் கடற்கரையையும் காசா பகுதியையும் எதிர்கால நாட்டின் பகுதிகளாகக் கருதுகின்றனர். இதே யோசனையை பல இஸ்ரேலியர்களும் ஒப்புக்கொள்கின்றனர்.[32] பெரும்பாலான கல்வியாளர்கள் ஒரு நாட்டுத் தீர்வை முன்மொழிகின்றனர். அதன்படி, இஸ்ரேல், காசா பகுதி மற்றும் மேற்குக் கடற்கரைப் பகுதி ஆகிய அனைத்துமே அனைவருக்கும் சம உரிமையுள்ள இரு தேசிய நாடுகளாக இருக்கும்.[33][34]

எந்த ஒரு இறுதியான உடன்படிக்கையின் அமைப்பின் ஏற்புத்தன்மையிலும் அடிப்படை வாக்குறுதிகளைக் காப்பாற்றுவதில் ஒவ்வொரு தரப்பினரும் அதன் எதிர்த்தரப்பினரிடையே கொண்டிருக்கும் நம்பகத்தன்மையின் அளவைப் பற்றியும் உடன்பாடற்ற குறிப்பிடத்தக்க பகுதிகளும் உள்ளன. இஸ்ரேல் மற்றும் பாலஸ்தீன இனத்தவருக்குள் இந்த மோதலினால் பரந்துபட்ட பல்வகையான கருத்துகளும் கணோட்டங்களும் உருவாகியுள்ளன. இதனால் இஸ்ரேலியர்களுக்கும் பாலஸ்தீனியர்களுக்கும் இடையேயுள்ள பிரிவினை மட்டுமின்றி அவர்களின் இனத்துக்குள்ளேயே உள்ள பிரிவினைகளும் தனித்தன்மையுடன் தெரிகின்றன. 2003 ஆம் ஆண்டிலிருந்து பாலஸ்தீனிய தரப்பானது இரண்டு பெரிய பிரிவினருக்கிடையேயான மோதலினால் சிதைவடைந்துள்ளது: அவை ஃபத்தா என்னும் பாரம்பரிய ஆதிக்கம் நிறைந்த பிரிவு மற்றும் மிகவும் சமீபத்திய தேர்தல் ரீதியான சவாலாக விளங்கும் ஹமாஸ் என்னும் பிரிவு ஆகியவையாகும்.

இதனையும் பார்க்க: History of the Israeli–Palestinian conflict

தற்கால உலகம்

தொகு

தற்காலமும் எதிர்காலமும்

தொகு

2024|திசம்பர் 23

ஆயிரவாண்டுகள்: 3-ஆம் ஆயிரவாண்டு
நூற்றாண்டுகள்: 20-ஆம் நூற்றாண்டு - 21-ஆம் நூற்றாண்டு - 22-ஆம் நூற்றாண்டு
பத்தாண்டுகள்: 1970கள் 1980கள் 1990கள் - 2000கள் - 2010கள் 2020கள் 2030கள்
ஆண்டுகள்: 2000 2001 2002 2003 2004
2005 2006 2007 2008 2009

நமது உலகம் இப்போது மூன்றாவது மில்லெனியத்தில் உள்ளது. கிரிகோடியன் காலண்டரின் (Gregorian calendar) படி கிறிஸ்தவ யுகம் அல்லது பொது யுகத்தின் தற்போதைய நூற்றாண்டு 21 ஆம் நூற்றாண்டு ஆகும். இது 2001 ஆம் ஆண்டு ஜனவரி 1 அன்று தொடங்கி 2100 ஆம் ஆண்டு டிசம்பர் 31 அன்று முடிகிறது. 2010களின் தசாப்தம் 2010 ஆம் ஆண்டு ஜனவரி 1 அன்று தொடங்கி 2019 ஆம் ஆண்டு டிசம்பர் 31 அன்று முடிகிறது.

தற்காலம் என்பது நேரடியாக உணரப்படும் நிகழ்வுகளுடன் தொடர்புடைய காலமாகும்,[35] அதாவது அவை நினைவுகூரப்பட்டவையோ அல்லது உத்தேசிப்பவையோ அல்ல. இது பெரும்பாலும் கால-வெளியில் ஒரு ஹைப்பர்தளமாக சித்தரிக்கப்படுகிறது. இதை [36] இப்போது என்றும் குறிப்பிடுவர். இருப்பினும் அத்தகைய ஹைப்பர் தளத்தை ஒப்புமை இயக்கத்தில் (இக்கருத்து துல்லியமான காலம் மற்றும் வெளி என்ற கருத்துக்கு எதிராக உள்ளது) உள்ள நோக்குநர்களுக்கு தனிப்பட்ட முறையில் வரையறுக்க முடியாது என கணித இயற்பியல் விளக்குகிறது. தற்காலம் என்பதை ஒரு கால அளவாகவும் கருதலாம் (வெளி சார் தற்காலம் என்பதைக் காண்க[37][38]).

மூன்றாவது மில்லெனியம் ஆயிரம் ஆண்டுகளின் மூன்றாவது காலப்பகுதியாகும். இந்த மில்லெனியம் தற்போது நடந்துவருகிறது, இதன் முதல் தசாப்தமான 2000கள் காலமே பாரம்பரிய வரலாற்று வல்லுநர்களின் கவன மையமாக இருக்கும். 21 ஆம் நூற்றாண்டு மற்றும் நீண்ட கால போக்குகள் ஆகியவற்றின் மீதமுள்ள பகுதிகளை எதிர்கால ஆய்வுகள் ஆராய்ச்சி செய்துவருகின்றன. இது பல்வேறு மாதிரிகளையும் ("முன்கணித்தல்" மற்றும் "பின்கணித்தல்" போன்ற) பல முறைகளையும் பயன்படுத்தும் ஓர் அணுகுமுறையாகும். வரலாறு என்பது கண்டுபிடிக்கப்பட்ட காலத்திலிருந்து மக்கள் அதன் அறிவிலிருந்து "பாடங்களைத்" தேடிவந்துள்ளனர். கடந்த காலத்தைப் புரிந்துகொள்வதன் மூலம் எதிர்காலத்தைக் கட்டுப்படுத்த வாய்ப்புள்ளது என்ற தத்துவத்தின் அடிப்படையிலேயே இது நடந்துள்ளது.[39] A famous quote by George Santayana has it that "Those who cannot remember the past are condemned to repeat it."[40] ஜியார்ஜ் சண்ட்டான்யாவின் (George Santayana) பிரபலான ஒரு கூற்று ஒன்று உள்ளது, அது "கடந்த காலத்தை நினைவுகூர முடியாதவர்கள் அதையே மீண்டும் மீண்டும் வாழ்வார்கள்" எனக் கூறுகிறது.[40] அர்ன்னால்டு ஜே டாய்ன்பீ (Arnold J. Toynbee) என்பவர் தனது நினைவுச்சின்ன வெளியீடான வரலாற்றின் ஆய்வில் நாகரிகங்களின் எழுச்சி மற்றும் வீழ்ச்சியில் ஏதேனும் ஒழுங்கான போக்குகள் உள்ளனவா எனக் கண்டறிய முயற்சித்தார்.[41] 1968 ஆம் ஆண்டு வில் மற்றும் ஏரியல் ட்யூரண்ட் (Will and Ariel Durant) ஆகியோர் த லெசன்ஸ் ஆஃப் ஹிஸ்டரி (The Lessons of History) என்னும் ஒரு புத்தகத்தை வெளியிட்டனர். அதில் நடப்பு விவகாரங்கள், எதிர்கால சாத்தியங்கள் மற்றும் நாடுகளின் நடவடிக்கைகள் ஆகியவற்றை விளக்கக்கூடிய நிகழ்வுகள் மற்றும் கருத்துரைகள் பற்றிய விவாதங்கள் இடம்பெற்றன. அது மிகவும் பிரபலான நிகழ்வாகும்.[42] பெரும்பாலும் வரலாற்று பாடங்களின் விவாதங்கள் வரலாற்றின் மிகத் தெளிவான விவரங்களை அளிப்பதில் அல்லது வரலாற்று விவரங்களால்பொதுப்படுத்திய அம்சங்களை அகற்றுவதில் அதிக கவனம் செலுத்துகின்றன.[43]

எதிர்கால ஆய்வு என்பது இதன் ஒரு முக்கியப் பண்புக்கூறாக (ஒளிர்வுக் கோட்பாட்டு தொடக்கப் புள்ளிகள்) உள்ளது. அது மாற்று எதிர்காலத்தைப் பகுப்பய்வு செய்வதற்கான தொடரும் முயற்சியாகும். மாற்றத்தின் சாத்தியம், நிகழ்தகவு மற்றும் விரும்பக்கூடிய தன்மை பற்றிய அளவு சார்ந்த மற்றும் பண்பு சார்ந்த தரவுகளைச் சேகரிப்பது என்பது இதற்கான முயற்சிகளில் சிலவாகும். எதிர்காலவியலில், "எதிர்காலங்கள்" என்னும் சொல் ஆய்வு செய்யத்தக்க விரும்பத்தக்க எதிர்காலங்கள் (சராசரி எதிர்காலங்கள்) உள்ளிட்ட பல்வேறு வகையான மாற்று எதிர்காலங்கள் இருப்பதைக் குறிக்கிறது.

இந்தத் துறை வல்லுநர்கள் முன்னர் தற்காலத்தின் தொழில்நுட்ப, பொருளாதார அல்லது சமூக போக்குகளைப் பொதுப்படுத்துவதிலோ அல்லது எதிர்காலப் போக்குகளை கணிப்பதிலோ கவனம் செலுத்தினர். ஆனால் மிக சமீபத்தில் அவர்கள் சமூக அமைப்புகள் மற்றும் நிச்சமயமற்ற தன்மைகள் பற்றி ஆய்வு செய்யவும் கருதுகோள்களை உருவாக்கவும் இயல்பான அடுக்கு கொண்ட பகுப்பாய்வின் மூலம் அத்தகைய கருதுகோள்களுக்குப் பின்புலத்திலுள்ள உலகளாவிய கண்ணோட்டங்களைக் கேள்வி கேட்கவும் தொடங்கியுள்ளனர். மேலும் அவர்கள் மாற்று செயல்படுத்தல் உத்திகளை உருவாக்க பின்கணித்தலைப் பயன்படுத்துகின்றனர். எதிர்கால ஆராய்ச்சியில் பொதுப்படுத்துதல் மற்றும் கருதுகோள்கள் மட்டுமின்றி பல முறைகளும் நுட்பங்களும் பயன்படுத்தப்படுகின்றன.

சமூக-தொழில்நுட்பப் போக்குகள்

தொகு

இருபதாம் நூற்றாண்டின் இறுதியில் உலகெங்கிலும் தொடர்புகளும் இடைசெயல்பாடுகளும் அதிகமாயின. அதற்கு முந்தைய வரலாற்றின் எந்த நூற்றாண்டிலும் இல்லாத அளவுக்கு அந்த நூற்றாண்டு முழுவதும் தொழில்நுட்ப முன்னேற்றம் கண்டது. கணினிகள், இணையம் மற்றும் பிற நவீன தொழில்நுட்பம் ஆகிய அனைத்தும் சேர்ந்து தினசரி வாழ்க்கையை மிகவும் மாற்றின. உலகமயமாக்கல் குறிப்பாக அமெரிக்கமயமாக்கல் அதிகரித்தது. இது அச்சுறுத்தலாக இல்லாமல் இருந்தாலும் உலகின் பல பகுதிகளில் குறிப்பாக மத்திய கிழக்குப் பகுதிகளில் மேற்குக்கு எதிரான மற்றும் அமெரிக்காவுக்கு எதிரான உணர்வு உருவாகக் காரணமாக அமைந்தது. ஆங்கில மொழி இப்போது உலகின் முன்னணி மொழியாகி வருகிறது. ஆங்கிலம் பேசாதவர்களுக்கு அது அவர்களின் குறையாகக் கருதப்படும் அளவுக்கு ஆங்கிலம் உலகளாவிய மொழியாகியுள்ளது.

விரைவாக அதிகரித்துவரும் படிம எரிபொருளுக்கான தேவையே தற்போது வட அமெரிக்கா, ஆசியா மற்றும் மத்திய கிழக்கிலான பொருளாதார மற்றும் அரசியல் நிகழ்வுகளை இணைக்கும் போக்காக உள்ளது. குறைந்த எண்ணிக்கையிலான பெட்ரோலிய கண்டுபிடிப்புகள், பிரித்தெடுக்கும் செலவு அதிகமாக இருப்பது (பீக் ஆயில் என்பதைக் காண்க) மற்றும் அரசியல் குறுக்கீடுகள் போன்றவற்றால் எண்ணெய் மற்றும் வாயுவின் விலை 2000 மற்றும் 2005 ஆகிய ஆண்டுகளுக்கு இடைப்பட்ட காலத்தில் தோராயமாக 500% உயர்ந்துள்ளது. சில இடங்களில், குறிப்பாக ஐரோப்பாவில் வாயுவின் விலை ஒரு கேலன் $5 விலை இருக்கும், அது நாட்டின் நாணயத்தைப் பொறுத்ததாகும். துருக்கி ஐரோப்பிய யூனியனில் சேர்ந்த நிகழ்வைப் பற்றிய விவாதமே குறைவான தாக்கத்தைக் கொண்டதும் எங்கும் பரவியுள்ளதுமாக உள்ளது.

சவால்களும் சிக்கல்களும்

தொகு
 
2000 வது ஆண்டில் உலகின் மொத்த சொத்து மற்றும் மக்கள்தொகைப் பகிர்வு.

தற்காலத்தில் உலகில் சில விவகாரங்களை எதிர்கொள்ள வேண்டியுள்ளது. உலகின் மொத்த செல்வத்தில் பெரும்பகுதி G8, மேற்கில் தொழில்மயமாக்கப்பட்ட நாடுகள், சில ஆசிய நாடுகள் மற்றும் OPEC நாடுகள் ஆகியவற்றிலேயே குவிந்துள்ளதே அவை அனைத்திலும் முதன்மையான விவகாரமாகும். 2000 வது ஆண்டில் உலகின் மொத்த சொத்துகளின் 40% செல்வமிக்க 1% நபர்களுடையதாகவும் உலகின் 85% சொத்துகள் 10% நபர்களுடையதாகவும் இருந்தது.[44] 

உலகின் கீழ் அரைக்கோளத்திலமைந்த நாடுகளைச் சேர்ந்த மக்கள் உலகின் மொத்த சொத்தில் வெறும் 1% க்கு மட்டுமே உரிமையாளர்களாக உள்ளனர்.[44] உலகின் வீட்டுச் சொத்தில் பாதிக்கும் மேலானதை உலகின் செல்வந்தர்களான 2% நபர்களே கொண்டுள்ளனர் எனக் கூறும் மற்றொரு ஆய்வு.[45] இவையெல்லாம் ஒருபுறமிருக்க, இந்தப் பகிர்வானது உலக செல்வங்கள் குவிந்துள்ள பகுதியின் திசையை நோக்கி வேகமாக மாறிக்கொண்டு வருகிறது.[46] இருப்பினும், பெரிய பொருளாதாரங்களையும் பணக்காரர்களையும் கொண்டுள்ள [[சக்திமிக்க நாடு0}கள் மூன்றாம் உலக|சக்திமிக்க நாடு0}கள் மூன்றாம் உலக]] நாடுகளின் துரிதமாக முன்னேறிவரும் பொருளாதாரங்களை மேம்படுத்த முடியும். இருப்பினும், வளரும் நாடுகள் பல சவால்களைச் சந்தித்துவருகின்றன. அவற்றில் எதிர்கொள்ள வேண்டிய பணிகளின் அளவு, விரைவாக அதிகரித்துவரும் மக்கள் தொகக மற்றும் சுற்றுச்சூழலைப் பாதுகாக்க வேண்டிய தேவை மற்றும் இது போன்ற செயல்களைச் செய்து முடிக்க ஆகும் செலவுகளை எதிர்கொள்ளுதல் ஆகியவை அடங்கும்.

இரண்டாவதாக, உலகின் பல பகுதிகளில் நோயானது நிலைத்தன்மையைக் குலைப்பதாக உள்ளது. SARS, வெஸ்ட் நைல் மற்றும் பறவைக் காய்ச்சல் போன்ற புதிய வைரஸ்கள் தொடர்ந்து எளிதாகவும் வேகமாகவும் பரவிவருகின்றன. ஏழை நாடுகளில் மலேரியா மற்றும் பிற நோய்கள் மக்களில் பெரும்பகுதியினரை பாதித்துள்ளன. மில்லியன் கணக்கான மக்கள் எய்ட்ஸ் நோயை உண்டாக்கும் HIV என்னும் கொடிய வைரஸால் பாதிக்கப்பட்டுள்ளனர். இந்த வைரஸ் தென்னாப்பிரிக்காவில் கொள்ளை நோய் வைரஸாக மாறிவந்தது.

தீவிரவாதம், சர்வாதிகாரம் மற்றும் அணு ஆயுதங்களின் பரவல் ஆகியவையும் உடனடியாக கவனம் செலுத்த வேண்டிய விவகாரங்களாக இருந்தன. வட கொரியாவில் (North Korea) இருந்த கிம் ஜாங்-இல் (Kim Jong-il) போன்ற சர்வாதிகாரிகள் தங்கள் நாடுகளில் அணு ஆயுத உருவாக்கத்தை நோக்கிய செயல்களில் தொடர்ந்து ஈடுபட்டுவந்தனர். தீவிரவாதிகள் அணு ஆயுதங்களைப் பெற முயற்சிப்பது குறித்து அச்சம் இருக்காமல், அவர்கள் அதை முன்பே பெற்றுவிட்டனர் என்பதே அச்சமாக இருந்தது.

காலநிலை மாற்றம்

தொகு

காலநிலை மாற்றம் தற்கால சுற்றுச்சூழலின் காலநிலையை உணர்த்துகிறது. கடந்த நூற்றாண்டில் ஏற்பட்ட காலநிலை மாற்றங்களே புவி வெப்பமடைதல் (global warming) நிகழ்வு காரணமான பல காரணிகளுக்குப் பொறுப்பானவை எனக் கருதப்படுகின்றன. இந்த புவி வெப்பமடைதல் என்பது 20 ஆம் நூற்றாண்டின் மத்திய பகுதியிலிருந்து புவிப்பரப்புக்கு அருகிலுள்ள காற்று மற்றும் கடல்களின் சராசரி வெப்பநிலையில் ஏற்படும் அதிகரிப்பும் கணிக்கப்பட்ட அதன் தொடர்ச்சியுமாகும். இயற்கைச் சுற்றுச்சூழல் மற்றும் மனித வாழ்க்கை ஆகிய இரண்டிலுமான சில விளைவுகளுக்கு ஒரு பகுதியாகவேனும் இந்த புவி வெப்பமடைதல் நிகழ்வு காரணமாக இருப்பதாகக் கருதப்படுகிறது. 2001 ஆம் ஆண்டு வெளியிடப்பட்ட IPCC இன் ஓர் அறிக்கையானது, பனிப்பாறை நகர்வு, லார்சன் ஐஸ் ஷெல்ஃப் (Larsen Ice Shelf) போன்ற ஐஸ் ஷெல்ஃப் (கடலிலிருந்து வெளியே நீட்டிக்கொண்டிருக்கும் பனிப்பாறை) உடைதல், கடல்மட்ட உயர்வு, மழை பொழிவு விதங்களிலான மாற்றங்கள் மற்றும் காலநிலையை பாதிக்கக்கூடிய நிகழ்வுகள் ஆகியவற்றுக்கும் புவி வெப்பமடைதல் ஒரு பகுதியளவில் காரணமாக இருப்பதாகக் கருதப்படுகிறது எனக் கூறுகிறது.[47] சில பகுதிகளில் நீர்ப்பற்றாக்குறை, வேறு சில பகுதிகளில் விழ்ப்படிவு அதிகரிப்பு, மலைப்பனி அடுக்குகள் அதிகரிப்பு மற்றும் வெப்பமிக்க வெப்பநிலைகளினால் ஏற்படும் உடல்நல சீர்கேடுகள் போன்றவை எதிர்பார்க்கப்படும் பிற விளைவுகளில் அடங்கும்.[48] இருப்பினும், புவி வெப்பமடைதலின் இயல்பு, காரணங்கள் மற்றும் விளைவுகள் தொடர்பான புவி வெப்பமடைதல் சர்ச்சை ஒன்றும் உள்ளது என்பதை கவனத்தில் கொள்வது முக்கியமாகும்.

வழக்கமாக குறிப்பிட்ட காலநிலை தொடர்பான நிகழ்வுகளை உலகிலுள்ள மனிதர்களின் மீது ஏற்படும் தாக்கத்துடன் தொடர்புபடுத்துவது சாத்தியமற்றதாகும். அதற்கு மாறாக, அப்படிப்பட்ட தாக்கம் காலநிலை தொடர்பான நிகழ்வுகளின் ஒட்டுமொத்த பகிர்வு மற்றும் செறிவில் மாற்றங்களை ஏற்படுத்தலாம் என எதிர்பார்க்கப்படுகிறது. அதீத வீழ்ப்படிவின் நிகழ்வெண் மற்றும் செறிவில் ஏற்படும் மாற்றங்களை இதற்கு எடுத்துக்காட்டாகக் கருதலாம். இதில் எதிர்பார்க்கப்படும் பரவலான விளைவுகளில் பனிப்பாறை நகர்வுகள், ஆர்ட்டிக் சுருக்கம் மற்றும் உலகளவில் கடல் மட்ட உயர்வு ஆகியவை அடங்கும். பயிர் விளைச்சலில் ஏற்படும் மாற்றங்கள் புதிய வர்த்தக பாதைகள் உருவாதல்,[49] உயிரின அழிவுகள்[50] மற்றும் நோய்ப் பரப்புக்காரணிகளின் வரம்பில் ஏற்படும் மாற்றங்கள் போன்றவை பிற விளைவுகளில் அடங்கும்.

வளர்ந்துவரும் தொழில்நுட்பங்கள்

தொகு

வளர்ந்துவரும் பல்வேறு தொழில்நுட்பங்கள், சமீபத்திய மேம்பாடுகள் மற்றும் பல்வேறு தொழில்நுட்பத் துறைகளின் ஒருங்கிணைப்புகள் ஆகியவற்றால் எதிர்கால பாதிப்புகளுக்கான சாத்தியம் உருவாகியுள்ளது போக்குவரத்து, தகவல் தொழில்நுட்பம், உயிர்தொழில்நுட்பம், ரோபோவியல் மற்றும் பயன்படு எந்திரவியல் மற்றும் பொருள் அறிவியல் ஆகியவை உள்ளிட்ட தொழில்நுட்பத்தின் வளர்ச்சி மற்றும் ஒருங்கிணைப்புகளில் ஏற்படும் பல்வேறு முக்கிய மேம்பாடுகள் இந்த வளர்ந்துவரும் தொழில்நுட்பங்களில் அடங்கும். தொழில்நுட்பங்களினால் சமூகத்தில் ஏற்படும் தாக்கம் அல்லது பயன்பாடு கொண்ட வளரும் திறன் ஆகியவற்றைப் பற்றிய சர்ச்சை போன்றவை இவற்றின் நிலை மற்றும் சாத்தியமுள்ள விளைவுகளுடன் தொடர்புடையவையாக உள்ளன. இருப்பினும், இது ஒரு குறிப்பிட்ட துறைக்குள்ளான புதிய மற்றும் குறிப்பிடத்தக்க வளர்ச்சியைக் காட்டுகிறது; முன்னர் தனித்தனியாக இருந்த தொழில்நுட்பங்கள் இப்போது ஏதேனும் வழியில் ஒருங்கிணைந்து செல்லும் போக்கை அடைவதை ஒருங்கிணைந்துவரும் தொழில்நுட்பங்கள் காட்டுகின்றன.

மேலும் காண்க

தொகு
பொதுவானவை
தற்காலம், [[நடப்பு நிகழ்வுகள் செய்திகள்0}, தற்காலத் தத்துவம்|நடப்பு நிகழ்வுகள் செய்திகள்0}, தற்காலத் தத்துவம்]]
சர்வதேச மற்றும் உலகளாவிய வகை
சர்வதேச நிறுவனம், சர்வதேச பாதுகாப்பு, சர்வதேச வர்த்தகம், உலகளாவிய சுற்றுச்சூழல் மேம்பாடு, சர்வதேச ஆற்றல் முகமை
கொள்கை மற்றும் நிர்வாகக் கட்டுப்பாடுகள்
பொதுக் கொள்கை, ஆற்றல் பணிக்குழு, சுற்றுச்சூழல் கொள்கை
மக்களின் தலைமுறை
தலைமுறை, தலைமுறைகளின் பட்டியல், குழந்தைப் பிறப்பு (Baby Boom) தலைமுறை, தலைமுறை X, MTV தலைமுறை, தலைமுறை ஒய், தலைமுறை Z
இசை மற்றும் கலைகள்
பிரபல கலாச்சாரம், தற்கால கலை, தற்கால நடனம், தற்கால இலக்கியம், தற்கால இசை, தற்கால ஹிட் ரேடியோ, பெரியவர்களுக்கான தற்கால இசை, தற்கால கிறிஸ்தவ இசை, தற்கால R&B, நகர்ப்புற தற்காலக் கலை
விவசாயம் மற்றும் உணவு
பசுமைப் புரட்சி, உணவு பாதுகாப்பு, சர்வதேச வேளான் ஆராய்ச்சிக்கான ஆலோசனைக் குழு, நீடித்த வேளாண்மை, கரிம பயிரிடல்
ஆற்றல் மற்றும் மின்சாரம்
காற்று மின்சாரம், ஒளிமின்சாரம் மற்றும் சூரிய மின்சாரம், காற்றாலைகள், படிம எடிபொருள்கள், நீர்மின்சாரம், தாவர எரிபொருள்
போர் மற்றும் மோதல்கள்
போரின் விதிகள், போர்த் தத்துவங்கள், ஆணைத் தாள்கள், உத்திக் கல்வி நிறுவனம், அமெரிக்க ஒன்றிய இராணுவ அகாடமி, இராணுவப் போர்க் கல்லூரி, தகவல் போர்கள், {0கட்டளை ஒற்றைத்தன்மை{/0}, தேசிய இராணுவ உத்தி, கொரில்லா யுத்தம், சீரற்ற யுத்தம்
மற்றவை
ஒத்திசைவுத் தன்மை, மீயுரை, CD-ROM, ஆற்றல் உலகம், உயிர்தொழில்நுட்பம், உயிரியல் வேறுபாடு, மாற்று வரலாறு, எதிர்கால வரலாறு

கூடுதல் வாசிப்பு

தொகு
21st century sources

குறிப்புதவிகள்

தொகு
பொதுவான தகவல்
பின் குறிப்புகள்
  1. ↑ Grosvenor, Edwin A. Contemporary History of the World. New York and Boston: T.Y. Crowell & Co, 1899.
  2. ↑ Grosvenor, Edwin A. Contemporary History of the World. New York and Boston: T.Y. Crowell & Co, 1899.
  3. ↑ "Core Characteristics of Web 2.0 Services".
  4. ↑ 4.0 4.1 2007 est.
  5. ↑ Nick Gillespie (2008). "What Slumdog Millionaire can teach Americans about economic stimulus". Reason. Archived from the original on 2009-06-13. பார்க்கப்பட்ட நாள் 2010-06-10.
  6. ↑ CIA Factbook: Economy பரணிடப்பட்டது 2008-06-11 at the வந்தவழி இயந்திரம். cia.gov.
  7. ↑ "The India Report" (PDF). Astaire Research. Archived from the original (PDF) on 2009-01-14. பார்க்கப்பட்ட நாள் 2010-06-10.
  8. ↑ "Economic survey of India 2007: Policy Brief" (PDF). OECD. Archived from the original (PDF) on 2018-12-25. பார்க்கப்பட்ட நாள் 2010-06-10.
  9. ↑ "Security Council Condemns, 'In Strongest Terms', Terrorist Attacks on the United States". United Nations. September 12, 2001. பார்க்கப்பட்ட நாள் 2006-09-11. The Security Council today, following what it called yesterday's "horrifying terrorist attacks" in New York, Washington, D.C., and Pennsylvania, unequivocally condemned those acts, and expressed its deepest sympathy and condolences to the victims and their families and to the people and Government of the United States.
  10. ↑ "Bin Laden claims responsibility for 9/11". CBC News. 2004-10-29. http://www.cbc.ca/world/story/2004/10/29/binladen_message041029.html. பார்த்த நாள்: 2009-01-11. "Al-Qaeda leader Osama bin Laden appeared in a new message aired on an Arabic TV station Friday night, for the first time claiming direct responsibility for the 2001 attacks against the United States." 
  11. ↑ "The Taliban Resurgence in Afghanistan". Archived from the original on 2006-09-27. பார்க்கப்பட்ட நாள் 2010-06-10.
  12. ↑ Afghanistan: and the troubled future of unconventional warfare By Hy S. Rothstein.
  13. ↑ Gall, Carlotta (September 3, 2006). "Opium Harvest at Record Level in Afghanistan". The New York Times. http://www.nytimes.com/2006/09/03/world/asia/03afghan.html. பார்த்த நாள்: April 30, 2010. 
  14. ↑ "Afghanistan opium at record high". BBC News. August 27, 2007. http://news.bbc.co.uk/2/hi/south_asia/6965115.stm. பார்த்த நாள்: January 2, 2010. 
  15. ↑ "Afghanistan could return to being a 'failed State,' warns Security Council mission chief".
  16. ↑ "US Names Coalition of the Willing". BBC News. March 18, 2003. http://news.bbc.co.uk/2/hi/americas/2862343.stm. பார்த்த நாள்: 2007-11-03. 
  17. ↑ U.S. Defense Secretary Robert Gates, 2 Feb 2007, see "four wars" remark
  18. ↑ "CBS on civil war". CBS News. September 26, 2006 இம் மூலத்தில் இருந்து பிப்ரவரி 5, 2012 அன்று. பரணிடப்பட்டது.. https://web.archive.org/web/20120205115238/http://www.cbsnews.com/stories/2005/09/26/eveningnews/main886305.shtml. 
  19. ↑ Britain's Brown visits officials, troops in Iraq. International Herald Tribune , October 2, 2007.
  20. ↑ Italy plans Iraq troop pull-out BBC March 15, 2005
  21. ↑ "Agreement Between the United States of America and the Republic of Iraq On the Withdrawal of United States Forces from Iraq and the Organization of Their Activities during Their Temporary Presence in Iraq" (PDF). Archived from the original (PDF) on 2009-03-25. பார்க்கப்பட்ட நாள் 2010-06-10.
  22. ↑ whitehouse.archives.gov. news releases 2008-11
  23. ↑ Strategic Framework Agreement பரணிடப்பட்டது 2008-12-01 at the வந்தவழி இயந்திரம் (pdf bitmap)
  24. ↑ Karadsheh, J. (November 27, 2008) "Iraq parliament OKs pact on U.S. troops' future" CNN
  25. ↑ 'Global War On Terror' Is Given New Name, Scott Wilson and Al Kamen, The Washington Post, March 25, 2009; Page A04
  26. ↑ The White House(October 7, 2001). "Presidential Address to the Nation". செய்திக் குறிப்பு.
  27. ↑ "Counterterrorism and Terrorism". Federal Bureau of Investigation. Archived from the original on 2010-06-09. பார்க்கப்பட்ட நாள் 2008-04-14.
  28. ↑ A History of Conflict:introduction, BBC
  29. ↑ "Just another forgotten peace summit பரணிடப்பட்டது 2010-04-13 at the வந்தவழி இயந்திரம்." Haaretz.com . By Prof. Ephraim Yaar and Prof. Tamar Hermann. Published 11/12/2007.
  30. ↑ Poll on Palestinian attitudes பரணிடப்பட்டது 2007-12-01 at the வந்தவழி இயந்திரம் – Jerusalem Media and Communications Centre.
  31. ↑ Kurtzer, Daniel and Scott Lasensky. "Negotiating Arab-Israeli Peace ..." கூகுள் புத்தகத் தேடல். 21 ஜனவரி 2009.
  32. ↑ Dershowitz, Alan. The Case for Peace: How the Arab-Israeli Conflict Can Be Resolved . Hoboken: John Wiley & Sons, Inc., 2005
  33. ↑ Israel: The Alternative, The New York Review of Books , Volume 50, Number 16, October 23, 2003
  34. ↑ Virginia Tilley, The One-State Solution , University of Michigan Press (May 24, 2005), பன்னாட்டுத் தரப்புத்தக எண் 0-472-11513-8
  35. ↑ Hegeler, E. C., & Carus, P. (1890). The Monist. La Salle, Ill. [etc.]: Published by Open Court for the Hegeler Institute. page 443.
  36. ↑ Sattig, T. (2006). The language and reality of time. ஆக்ஸ்போர்டு கிளாரென்டன் பிரஸ். பக்கம் 48.
  37. ↑ James, W. (1893). The principles of psychology. New York: H. Holt and Company. பக்கம் 48.
  38. ↑ Hodder, A. (1901). The adversaries of the sceptic; or, The specious present, a new inquiry into human knowledge. Chapter II, The Specious Present. London: S. Sonnenschein &. Pages 36–56.
  39. ↑ Robert V. Daniels, "History", Encyclopedia Americana , 1986 ed., vol. 14, p. 227.
  40. ↑ 40.0 40.1 George Santayana, "The Life of Reason", Volume One, p. 82, BiblioLife, பன்னாட்டுத் தரப்புத்தக எண் 978-0-559-47806-2
  41. ↑ Arnold J. Toynbee, A Study of History , vols. I–XII, Oxford University Press, 1934–61.
  42. ↑ Will and Ariel Durant, The Lessons of History , New York, Simon and Schuster, 1968, prelude.
  43. ↑ Berkeley Eddins and Georg G. Iggers, "History", Encyclopedia Americana , 1986 ed., vol. 14, pp. 243–44.
  44. ↑ 44.0 44.1 உலகின் சமத்துவமின்மையின் வளர்ச்சியைக் காண்பிக்கும் பல அறிக்கைகள், பத்திரிகைக் குறிப்புகள், எக்சல் அட்டவணைகள் மற்றும் பவர்பாயிண்ட் ஸ்லைடு காட்சிகள் ஆகியவற்றைக் கொண்ட விரிவான புள்ளிவிவரங்கள். உலகின் விட்டு செல்வப் பகிர்வு (The World Distribution of Household Wealth). ஜேம்ஸ் பி. டேவிஸ் (James B. Davies), சுசான்னா சேண்ட்ஸ்ட்ரோம் (Susanna Sandstrom), அந்தோனி ஷாராக்ஸ் (Anthony Shorrocks) மற்றும் எட்வர்ட் என் உல்ஃப் (Edward N. Wolff). 5 டிசம்பர் 2006.
  45. ↑ The rich really do own the world 5 December 2006
  46. ↑ ""Wealth Inequality Charts"". Archived from the original on 2007-09-27. பார்க்கப்பட்ட நாள் 2010-06-10.
  47. ↑ "Climate Change 2001: Impacts, Adaptation and Vulnerability. Contribution of Working Group II to the Third Assessment Report of the Intergovernmental Panel on Climate Change". IPCC. 2001-02-16. Archived from the original on 2007-03-03. பார்க்கப்பட்ட நாள் 2007-03-14.
  48. ↑ McMichael AJ, Woodruff RE, Hales S (2006). "Climate change and human health: present and future risks". Lancet 367 (9513): 859–69. doi:10.1016/S0140-6736(06)68079-3. பப்மெட்:16530580. 
  49. ↑ Macey, Jennifer (September 19, 2007). "Global warming opens up Northwest Passage". ABC News. http://www.abc.net.au/news/stories/2007/09/19/2037198.htm?section=business. பார்த்த நாள்: 2007-12-11. 
  50. ↑ "Climate Change 2007: Synthesis report" (PDF). Climate Change 2007: Synthesis Report. IPCC. 2007-02-05. பார்க்கப்பட்ட நாள் 2009-02-03.
"https://ta.wikipedia.org/w/index.php?title=சமகாலம்&oldid=3657962" இலிருந்து மீள்விக்கப்பட்டது