இந்து தொன்மவியல் உயிரினங்களின் பட்டியல்

இந்து தொன்மவியல் உயிரினங்கள் என்பவை இந்து சமயத்தில் உள்ள புராணங்கள் மற்றும் கதைகளில் கூறப்பட்டுள்ள உயிரினங்களாகும்.

விலங்குகளின் உடற்கூறுகளைக் கொண்டவை

மீன்

• மச்ச அவதாரம் - திருமாலின் பத்து அவதாரங்களில் முதல் அவதாரமாக கருதப்படுவது. இந்த உருவத்தில் இடைவரை மனித உடலும், அதன்பிறகு மீன் உருவமும் உள்ளது.
• சுவர்ணமச்சை - தெற்காசியப் பகுதிகளில் கூறப்படும் இராமயணத்தில் இராவணனின் மகளாகவும், அனுமனின் மனைவியாகவும் கூறப்படுகின்றவர். இவர் கடற்கன்னிகளின் இளவரசியாக அனுமான் மீது கொண்டகாதலால் இராமருக்கு பாலம் அமைத்திட உதவி செய்தவராக கருதப்படுகிறார்.
• வானவில் மீன் என்பது இந்து சமயத்தில் திமிங்கிலத்தினை விடப் பெரியதாக கருதப்படுகின்ற உயிரினமாகும். திருமாலின் அவதாரங்களில் ஒன்றான புத்தரை உண்டதாகவும், அவரை மீனவர் மீட்டதாகவும் கூறப்படுகிறது.

நீர்நில வாழ்வன

• பீகி - தொடுவான சூரியனின் குறியீடாக் கூறப்படும் தவளையாகும். இது சமஸ்கிருத விளக்கவுரையில் குறிப்பிடுகிறது.

ஊர்வன

• ஆமைகள்
  • கூர்ம அவதாரம் - திருமாலின் தச அவதாரங்களில் இரண்டாவது அவதாரம். இடுப்பு வரை மனித உடலும், இடுப்பிலிருந்து ஆமை வடிவமும் உடையது.

• முதலைகள்
  • மகரம் - இந்து தொன்மவியலில் உள்ள கடல்வாழ் உயினினம். கங்கா தேவி மற்றும் வருணனின் வாகனமாக மகரம் உள்ளது. காமதேவனின் கொடியாகவும் மகரம் உள்ளது.
• பாம்புகள்
• வாசுகி (பாம்பு) - சிவபெருமானின் கழுத்தில் இருக்கும் பாம்பாகும்.
• ஆதிசேஷன் - பாற்கடலில் திருமாலுக்கு படுக்கையாக இருப்பவர்.
• மானசா - வாசுகி பாம்பின் சகோதரி.
• கேது - மனித தலையும் பாம்பு உடலும் கொண்டுள்ள உயிரினம். கேது நவக் கிரகங்களில் ஒன்றாக கருதப்படுகிறது.
• இராகு (நவக்கிரகம்) - நவக்கிரகங்களில் ஒருவர்.
• காளிங்கன் - மகாபாரதத்தில் குறிப்பிடப்படுகின்ற நாகமாகும். இந்த நாகத்தின் மீது கிருஷ்ணன் நடனமாடினார். இதனை காளிங்க நடனம் என்பர்.
• கார்கோடகன் - வானிலையை கட்டுப்படுத்தும் வல்லமையுடைய நாகம்.
• தட்சகன் - நாகர்களின் தலைவன்.
• உலுப்பி, மகாபாரதத்தில் அர்ஜூனனின் மனைவிகளுள் ஒருத்தி. இவள் ஒரு நாகதேவதையாவர்.
• சுரசை
• ஜரத்காரு - வாசுகியின் தங்கை

பறவைகள்

• கருடன் - திருமாலின் வாகனமாக உள்ள கழுகுப் பறவை
• அருணன் - கருடனின் அண்ணன் மற்றும் சூரிய பகவானின் தேரோட்டி, .
• அண்டப்பேருண்ட பட்சி - இரு தலைகளைக் கொண்ட பறவை.
• சடாயு - இராமயணத்தில் அருணா என்ற பறவையின் இளைய மகனாவர். இவருடைய சகோதரர் சம்பாதி. தசரதனின் நண்பராக அறியப்படுகிறார்.
• சம்பாதி - இராமயணத்தில் அருணா என்ற பறவையின் மூத்த மகன். இவர் சீதை இலங்கையில் இருப்பதை இராமனுக்குத் தெரிவிக்கின்றார்.
• ஜரிதை - முனிவர் மந்தபாலரின் மனைவி

யானை

• ஐராவதம் - தொன்மவியலில் கூறப்படுகின்ற வெள்ளை யானை. இந்த யானையானது இந்திரனின் வாகனமாக கருதப்படுகிறது.
• சுப்ரதீகம் - மன்னர் பகதத்தனின் போர் யானை
• கஜாசுரன் - சிவபெருமானால் கொல்லப்பட்ட யானை.
• கஜேந்திரன் - தடாகத்தில் இருந்த முதலையால் தாக்கப்பட்ட யானை, இதனை திருமால் காப்பாற்றினார். இச்சம்பவம் கஜேந்திர மோட்சம் என்று கூறப்படுகிறது.
• பிள்ளையார் - யானை தலையுடன் இருக்கும் கடவுள்.
• ஐராவதி - ஐராவதம் எனும் வெள்ளையானையின் தாய். இவர் கருது மற்றும் காசியப்பரின் தம்பதியினரின் மகள்.
• விநாயகி - யானை தலை, மனித உடல் கொண்ட இறைவி.

குரங்கு

• வானரம்; இராமாயணத்தில் கூறப்பெறுகின்ற குரங்கு இனம்.
  • அங்கதன் - வாலியின் மகன், சீதையைக் கண்டுபிடிக்க இராமனுக்கு உதவி செய்பவர்.
  • அஞ்சனை, அனுமனின் தாய்
  • அனுமன் இராமனின் பக்தன், இந்து சமயத்தில் கடவுளாக வணங்கப்படுபவர்.
  • கேசரி, அனுமனின் தந்தை.
  • நளன், விசுவகர்மனின் மகன்.
  • நீலன், அக்னி தேவனின் மகன்.
  • ருமை - சுக்ரீவன் மனைவி.
  • சுக்கிரீவன், கிட்கிந்தை அரசன், சூரி தேவனின் மகன்.
  • தாரை, வாலியின் மனைவி
  • வாலி, சுக்ரீவன் சகோதரன், இந்திரன் (இந்து சமயம்) மகன்.

காட்டுப் பன்றி

• வராக அவதாரம் - திருமாலின் பத்து அவதாரங்களில் மூன்றாவது அவதாரம். பன்றி தலையும், மனித உடலும் பெற்றதாக உள்ளது.
• வராகி அம்மன் - ஏழு கன்னிமார்களில் ஒருவராவார். இவர் பன்றி தலையும், பெண் உடலும் பெற்றதாக உள்ளது.
• தாய்ப் பன்றி வடிவம் - சிவபெருமான் தாயை இழந்த குட்டிகளுக்காக பன்றியாக மாறி பால்தந்த வடிவம்.

மாடு

• நந்தி தேவர் - சிவபெருமானின் வாகனமாக கூறப்பெறுகின்ற காளை உயிரினம். சில சமயங்களில் காளை தலையும், மனித உடலும் கொண்ட நந்தி தேவர்.
• காமதேனு - இந்து சமயத்தில் புனிதமாக கருதப்படும் பசு. பெண்ணின் தலையும், பசுவின் உடலும், மயிலின் சிறகும் உடைய உயிரினம். பல சமயங்களில் பசுவே காமதேனுவாக கொண்டாடப்படுகிறது.
• பட்டி - காமதேனுவின் மகள்.

ஆடு

• தக்கன் - ஆட்டின் தலையும், மனித உடலும் கொண்டவர். யாகத்தினை சிவபெருமானை அழைக்காமல் செய்தமைக்காக வீரபத்திரரால் தலை வெட்டப்பட்டு, ஆட்டின் தலையை பெற்றவர்.

குதிரை

• ஹயக்ரீவர் - குதிரைமுகமும் உடலும் பெற்ற திருமாலின் வடிவம்.
• உச்சைச்சிரவம் - ஏழு தலைகளைக் கொண்ட வெள்ளைக் குதிரை. இக்குதிரை மகாபலி மற்றும் இந்திரனின் வாகனமாக உள்ளது.

சிங்கம்

சரப மூர்த்தியின் ஓவியம்

• நரசிம்மர் - திருமாலின் பத்து அவதாரங்களில் ஒருவர்.
• பிரத்தியங்கிரா - சிங்க முகத்தினைக் கொண்ட பெண் தெய்வம்.
• சரபேசுவரர் - சிவபெருமானின் அறுபத்தி நான்கு வடிவங்களில் ஒருவர். இரண்டு சிம்ம முகமும், உடலும் கொண்டவர்.
• சிம்மமுகன் - இவர் சிங்க முகத்தினையும், மனித உடலைக் கொண்டவர். சூரபத்மனின் சகோதரராவார்.

கரடி

சாம்பவான் - கரடி இனத்தின் தலைவராக இந்து தொன்மவியலில் குறிப்பிடப்படுபவர். இவரைப் பற்றி மகாபாரதம் இராமாயணம் ஆகிய இதிகாசங்களில் குறிப்பிடப்படுகிறது. ஜாம்பவதி - ஜாம்பவானின் மகள். திருமாலின் அவதாரமான கிருஷ்ணனின் மூன்றாவது மனைவியாவார்

பல உயிர் கலவை

• நவகுஞ்சரம் - மகாபாரதம் கதையில் இடம்பெற்ற ஒன்பது வெவ்வேறு விலங்குகளின் உடலுறுப்புகள் கொண்ட கற்பனை உயிரினம் ஆகும். திருமாலின் அவதாரங்களில் ஒன்றாகும்.
• யாளி - இந்துக் கோயில்களின் தூண்களிலும், படிக்கட்டுகளிலும் எண்ணற்ற சிற்பங்களாக யாளி காணப்படுகிறது.
• சரபா - சிவபெருமானின் வடிவங்களில் ஒன்றாக கருதப்படுவது. சரபம் பறவையானது சிங்கம் மற்றும் பறவையின் கூறுகளைக் கொண்டதாக இருக்கிறது.

அரக்கர்கள்

அசுரர், இந்து மதம் - இந்து தொன்மவியலில் குறிப்படப்படும் அரக்கர் இனம் தைத்தியர்கள் - அசுரர்களில் ஒரு இனம். இரணியாட்சன் - காசிபர் மற்றும் திதி ஆகியோரின் மூத்த மகன் இரணியகசிபு - காசிபர் மற்றும் திதி ஆகியோரின் இரண்டாவது மகன். பிரகலாதன் - இரணியகசிபுவின் மகன். விரோசனன் - பிரகலாதனின் மகன். மகாபலியின் தந்தை. மகாபலி சக்கரவர்த்தி - விரோசனன் மகன். பாணாசூரன் - மகாபலியின் மகன். தானவர்கள்

பூதங்கள்

• துவாரபாலகர் - இறைகளின் வாயிற்காவலர்கள் துவாரபாலகர் என அழைக்கப்படுகின்றனர். இவர்களின் அனுமதியைப் பெற்றே இறையை தரிசனம் செய்ய முடியும். கதை போன்ற பெரிய ஆயுதங்களைக் கொண்டும், பேருருவமாக இருப்பர்கள்.