விக்கிப்பீடியா

கே. எல். ராகுல்

இந்தியத் துடுப்பாட்டக்காரர்

கே. எல். ராகுல் என அழைக்கப்படும் கன்னூர் லோகேசு ராகுல் (Kannaur Lokesh Rahul, பிறப்பு: 18 ஏப்ரல் 1992),இந்தியத் துடுப்பாட்ட அணி வீரர் ஆவார். இவர் கருநாடக துடுப்பாட்ட அணிக்காக உள்ளூர்ப் போட்டிகளில் விளையாடி வருகிறார். வலக்கைத் துடுப்பாட்டக் காரரான இவர் சிலவேளைகளில் குச்சக் காப்பாளராகவும் விளையாடுகிறார். ராகுல் 19-வயதிற்குட்பட்டவர்களுக்கான உலகக்கிண்ணப் போட்டியில் இந்திய அணிக்காக விளையாடினார். 2013 ஆம் ஆண்டில் இவர் பெங்களூர் ராயல் சேலஞ்சர்ஸ் அணியில் ஐபிஎல் தொடரில் விளையாடினார். 2014 இல் சன்ரைசர்ஸ் ஐதராபாத் அணிக்காக விளையாடினார்.[2] 2018 இந்தியன் பிரீமியர் லீக் போட்டிகளில் இவர் கிங்சு இலெவன் பஞ்சாபு அணிக்காக விளையாடி வருகிறார்.

கே. எல். ராகுல்
Kannaur Lokesh Rahul
தனிப்பட்ட தகவல்கள்
முழுப்பெயர்கன்னூர் லோகேசு ராகுல்[1]
பிறப்பு18 ஏப்ரல் 1992 (1992-04-18) (அகவை 31)
மங்களூர், கருநாடகம், இந்தியா
மட்டையாட்ட நடைவலது கை
பங்குதுவக்க ஆட்டக்காரர்; இலக்குக் கவனிப்பாளர்
பன்னாட்டுத் தரவுகள்
நாட்டு அணி
தேர்வு அறிமுகம் (தொப்பி 284)26 திசம்பர் 2014 எ. ஆத்திரேலியா
கடைசித் தேர்வு30 ஆகத்து 2019 எ. மேற்கிந்தியத்தீவுகள்
ஒநாப அறிமுகம் (தொப்பி 213)11 சூன் 2016 எ. சிம்பாப்வே
கடைசி ஒநாப11 பெப்ரவரி 2020 எ. நியூசிலாந்து
இ20ப அறிமுகம் (தொப்பி 63)18 சூன் 2016 எ. சிம்பாப்வே
கடைசி இ20ப2 பெப்ரவரி 2020 எ. நியூசிலாந்து
உள்ளூர் அணித் தரவுகள்
ஆண்டுகள்அணி
2010–தற்போதுவரைகர்நாடக அணி
2013ராயல் சேலஞ்சர்ஸ் பெங்களூர் (squad no. 11)
2014–2015சன்ரைசர்ஸ் ஐதராபாத்
2016ராயல் சேலஞ்சர்ஸ் பெங்களூர் (squad no. 11)
2018–தற்போதுவரைகிங்ஸ் லெவன் பஞ்சாப் (squad no. 1)
வாழ்நாள் புள்ளிவிவரங்கள்
போட்டி வகை தே.து ஒ.ப.து பஇ20 மு.த.து
ஆட்டங்கள் 36 32 42 77
ஓட்டங்கள் 2,006 1,239 1,127 5,776
மட்டையாட்ட சராசரி 34.58 45.08 45.65 46.58
100கள்/50கள் 5/11 4/7 2/11 14/29
அதியுயர் ஓட்டம் 199 112 110* 337
வீசிய பந்துகள் – – – 168
வீழ்த்தல்கள் – – – 0
பந்துவீச்சு சராசரி – – – –
ஒரு முறையில்
5 வீழ்த்தல்கள்		 – – – –
ஒரு போட்டியில்
10 வீழ்த்தல்கள்		 – – – –
சிறந்த பந்துவீச்சு – – – –
பிடிகள்/இலக்கு
வீழ்த்தல்கள்		 46/– 13/2 15/1 83/–
மூலம்: கிரிக்கின்ஃபோ, 11 பெப்ரவரி 2020

ராகுலின் முதல் முதல் தரத் துடுப்பாட்டம் ஆத்திரேலிய அணிக்கு எதிராக மெல்பேர்ணில் நடந்த 2014-15 தேர்வுத் தொடராகும் .சிட்னியில் நடந்த இரண்டாவது தேர்வு ஆட்டத்தில் 110 ஓட்டங்கள் எடுத்தார். 2016 ஆம் ஆண்டில் சிம்பாப்வே, அராரே விளையாட்டு சங்கம் மைதானத்தில் நடைபெற்ற சிம்பாப்வே துடுப்பாட்ட அணிக்கு எதிரான ஒருநாள் பன்னாட்டுத் துடுப்பாட்டப் போட்டியில் அறிமுகமானார். இந்தப் போட்டியில் இறுதிவரை ஆட்டமிழக்காமல் 100* ஓட்டங்கள் எடுத்தார். இதன் மூலம் அறிமுகப் போட்டியில் நூறு ஓட்டங்கள் அடித்த முதல் இந்தியர் எனும் சாதனையைப் படைத்தார்.[3] தேர்வுத் துடுப்பாட்டம், ஒருநாள் பன்னாட்டுத் துடுப்பாட்டம் மற்றும் பன்னாட்டு இருபது20 போட்டி ஆகிய முன்ன்று வடிவங்களிலும் நூறு அடித்த மூன்றாவது இந்தியர் எனும் சாதனையைப் படைத்தார். ஆகஸ்டு 27, 2016 இல் மேற்கிந்தியத்தீவுகள் துடுப்பாட்ட அணிக்கு எதிரான பன்னாட்டு இருபது20 போட்டியில் 51 பந்துகளில் இறுதிவரை ஆட்டமிழக்காமல் 110* ஓட்டங்களை எடுத்தார். இதன்மூலம் பன்னாட்டு இருபது20 போட்டியில் அதிக ஓட்டங்கள் எடுத்த இந்திய வீரர் எனும் சாதனையைப் படைத்தார்.[4][5][6] அனைத்துவிதமான வடிவ துடுப்பாட்டப் போட்டிகளிலும் பவுண்டரி அடித்து நூறு அடித்த ஒரே சர்வதேச வீரர் எனும் சாதனையைப் படைத்தார். இந்தியன் பிரீமியர் லீக் போட்டித் தொடரில் டெல்லி டேர்டெவில்ஸ்கு எதிரான போட்டியில் 14 பந்துகளில் 50 ஓட்டங்கள் எடுத்தார். இதன்மூலம் குறைவான பந்துகளில் 50 ஓட்டங்கள் எடுத்தவர் எனும் சாதனையைப் படைத்தார்.[7]

ஆரம்பகால வாழ்க்கை தொகு

ராகுல் ஏப்ரல் 18, 1992 ஆம் ஆண்டில் மங்களூரில் பிறந்தார். இவரின் தந்தை கே. என். லோகேஷ் , தாய் ராஜேஷ்வரி. இவரின் தந்தை சூரத்கலிள்ள கருநாடக தேசியத் தொழிநுட்பக் கழகத்தில் பேராசிரியராகவும், பொறுப்பு இயக்குநராகவும் பணியாற்றுகிறார்.[8] இவரின் தாய் மங்களூர் பலகலைக் கழகத்தில் வராலாற்றுத் துறை பேராசிரியராக உள்ளார்.

உள்ளூர்ப் போட்டிகள் தொகு

இவர் கருநாடகம் மாநில அணிக்காக 2010 ஆம் ஆண்டுமுதல் முதல் தரத் துடுப்பாட்டப் போட்டிகளில் விளையாடி வருகிறார். 2010 ஆம் ஆண்டில் நடைபெற்ற 19 வயதிற்கு உட்பட்டோருக்கான துடுப்பாட்ட உலகக்கிண்ணத்தில் விளையாடினார். 2013 இந்தியன் பிரீமியர் லீக் போட்டிகளில் பெங்களூர் ராயல் சேலஞ்சர்ஸ் அணிக்காக அறிமுகமானார்.[2]

சர்வதேச போட்டிகள் தொகு

டிசம்பர் 24, 2014 இல் மெல்போர்ன் துடுப்பாட்ட மைதானத்தில் பொக்சிங் நாள் துடுப்பாட்டத் தொடரில் ஆத்திரேலியத் துடுப்பாட்ட அணிக்கு எதிரான தேர்வுத் துடுப்பாட்டப் போட்டிகளில் அறிமுகமானார். இந்தப் போட்டியில் ரோகித் சர்மாவிற்குப் பதிலாக விளையாடினார். முதலாட்டப் பகுதியில் 6 ஆவது வீரராக களம் இறங்கிய இவர் 3 ஓட்டங்கள் எடுத்தார். இதன் நான்காவது போட்டியில் முரளி விஜயுடன் இணைந்து துவக்கவீரராக கள்ம் இறங்கி 110 ஓட்டங்கள் எடுத்தார்.

2015 ஆம் ஆண்டில் இந்தியத் துடுப்பாட்ட அணி வங்காளதேசத்தில் சுற்றுப் பயணம் செய்து விளையாடியது. அந்த அணியில் இவருக்கு முதலில் இடம் கிடைத்தது ஆனால் டெங்கு காய்ச்சல் காரணமாக இவர் அணியில் இருந்து விலகினார். பின் இலங்கை அணிக்கு எதிரான தொடரில் முரளி விஜய் காயம் காரணமாக விலகிய பின் இவருக்கு அணியில் இடம் கிடைத்தது. அந்தத் தொடரின் முதல் தேர்வுத் துடுப்பாட்டப் போட்டியில் இவர் நூறு ஓட்டங்களை அடித்து ஆட்டநாயகன் விருது பெற்றார்.[9]

2016 ஆம் ஆண்டில் இந்திய அணி சிம்பாப்வேயில் சுற்றுப் பயணம் செய்து விளையாடியது.அராரே துடுப்பாட்ட மைதானத்தில் சிம்பாப்வே துடுப்பாட்ட அணிக்கு எதிரான ஒருநாள் பன்னாட்டுத் துடுப்பாட்டப் போட்டியில் இவர் அறிமுகமானார். அந்தப் போட்டியில் நூறு ஓட்டங்கள் அடித்ததன் மூலம் அறிமுகப் போட்டியில் நூறு ஓட்டங்கள் எடுத்த முதல் இந்திய வீரர் எனும் சாதனை படைத்தார்.[10][11] அதே தொடரில் பன்னாட்டு இருபது20 போட்டியிலும் அதே அணிக்கு எதிராக விளையாடினார்.[12]

2016 ஆம் ஆண்டில் இந்திய அணி மேற்கிந்தியத் தீவுகளில் சுற்றுப் பயணம் செய்து நான்கு தேர்வுத் துடுப்பாட்டப் போட்டிகளில் விளையாடியது. ஜமைக்காவில் நடைபெற்ற இரண்டாவது தேர்வுத் துடுப்பாட்டப் போட்டியில் இவர் 158 ஓட்டங்களை எடுத்தார். இதன் மூலம் மேற்கிந்தியத் தீவில் இந்திய வீரர் ஒருவர் தனது முதல் போட்டியிலேயே நூறு ஓட்டங்கள் எடுத்த வீரர் எனும் சாதனை படைத்தார்.[13] அமெரிக்க ஐக்கிய நாட்டில் நடைபெற்ற முதல் பன்னாட்டு இருபது20 போட்டியில் இவர் 46 பந்துகளில் நூறு ஓட்டங்களை அடித்தார். இதன்மூலம் அதி வேகமாக நூறு ஒட்டங்கள் அடித்த இந்திய வீரர் எனும் சாதனை படைத்தார். இருந்த போதிலும் இந்திய அணி தோல்வியடைந்தது.  [14][15] மேலும் தான் விளையாடிய முதல் ஒருநாள் மற்றும் தேர்வுப் போட்டிகளில் நூறுகள் அடித்த ஒரே வீரர் எனும் சாதனையினைப் படைத்துள்ளார்.[16]

மூன்று துடுப்பாட்ட வடிவங்களிலும் அதி விரைவாக நூறு ஓட்டங்களை 20 போட்டிகளிலேயே எடுத்தவர் எனும் சாதனை படைத்தார். இதற்கு முன்பாக அகமது செஷாத் 76 போட்டிகளில் இந்தச் சாதனியினைப் படைத்தார்.[17] பன்னாட்டு இருபது20 போட்டிகளில் நான்காவது அல்லது அதற்கும் அதிகமான வீரராக களம் இறங்கி நூறு ஓட்டங்கள் எடுத்த முதல் வீரர் ஆவார். சூலை 3, 2018 ஆம் ஆண்டில் இங்கிலாந்து துடுப்பாட்ட அணிக்கு எதிராக இவர் இந்தச் சாதனையினைப் படைத்தார்.[18] மேலும் பன்னாட்டு இருபது20 போட்டியில் ஹிட் விக்கெட் ஆன முதல் இந்திய வீரரும் இவர் ஆவார்.[19]

காபி வித் கரண் எனும் நிகழ்ச்சியில் ஹர்திக் பாண்ட்யா உடன் கல்ந்துகொண்டு சர்ச்சைக்குரிய வகையில் பேசியதற்காக சனவரி 11, 2019 இல் இந்தியத் துடுப்பாட்ட அவை இருவரையும் தற்காலிகமாக அணியில் இருந்து நீக்க்கியது.[20] அதற்கு முன்பாக ஆத்திரேலிய அணிக்கு எதிரான ஒருநாள் பன்னாட்டுத் துடுப்பாட்டத் தொடரில் இவர் இடம்பெற்றிருந்தார். மேலும் இந்திய அணி நியூசிலாந்தில் சுற்றுப் பயணம் செய்து விளையாடத் திட்டமிருந்தது இந்த இரு தொடர்களுலும் இருந்து இவர் அணியில் இருந்து நீக்கப்பட்டார்.[21] சனவரி 24, 2019 இல் இவரின் தடை நீக்கப்பட்டது.[22]

இந்தியன் பிரீமியர் லீக் தொகு

2013 இந்தியன் பிரீமியர் லீக் போட்டித் தொடரில் பெங்களூர் ராயல் சேலஞ்சர்ஸ் அணியில் குச்சக் காப்பாளர் மற்றும் மட்டையாளராக விளையாடினார். 2014 இந்தியன் பிரீமியர் லீக் போட்டித் தொடரில் சன்ரைசர்ஸ் ஐதராபாத் அணி இவரை 1 கோடி ரூபாய் மதிப்பில் ஏலத்தில் எடுத்தது. 2016 இந்தியன் பிரீமியர் லீக் போட்டியில் இவர் மீண்டும் பெங்களூர் ராயல் சேலஞ்சர்ஸ் அணிக்காக விளையாடினார். பின் 2018 இந்தியன் பிரீமியர் லீக் போட்டியில் கிங்சு இலெவன் பஞ்சாபு அணி இவரை 11 கோடி ரூபாய் மதிப்பில் இவரை ஏலத்தில் எடுத்தது. இதன் முதல் போட்டியில் டெல்லி டேர்டெவில்ஸ்கு எதிரான போட்டியில் 14 பந்துகளில் 50 ஓட்டங்கள் எடுத்தார். இதன்மூலம் குறைவான பந்துகளில் 50 ஓட்டங்கள் எடுத்தவர் எனும் சாதனையைப் படைத்தார்.[7] இதற்கு முன் சுனில் நரைன் 15 பந்துகளில் 50 ஓட்டங்கள் எடுத்ததே சாதனையாக இருந்தது.[23][24]

பன்னாட்டு சதங்கள் தொகு

தேர்வு சதங்கள் தொகு

கே.எல். ராகுலின் தேர்வு சதங்கள்
இல. ஓட்டங்கள் ஆட்டம் எதிராக நகரம்/நாடு அரங்கு ஆண்டு முடிவு
1 110 2   ஆத்திரேலியா   சிட்னி, ஆத்திரேலியா சிட்னி கிரிக்கெட் மைதானம் 2015 சமம்
2 108 4   இலங்கை   கொழும்பு, இலங்கை பி. சாரா ஓவல் 2015 வெற்றி
Source[25]

மேற்கோள்கள் தொகு

  1. ↑ "Lokesh Rahul". CricketArchive. பார்க்கப்பட்ட நாள் 7 September 2016.
  2. ↑ 2.0 2.1 "Cricbuzz profile of Lokesh Rahul"
  3. ↑ "India vs Zimbabwe 2016: KL Rahul creates history on ODI debut". ABP Live. 11 June 2016. Archived from the original on 3 மே 2019. பார்க்கப்பட்ட நாள் 11 June 2016.
  4. ↑ "Lokesh Rahul joins Suresh Raina, Rohit Sharma in elite company". India Today. பார்க்கப்பட்ட நாள் 28 August 2016.
  5. ↑ "In Stats: India Lose T20 But Rahul, Binny, MSD Enter Record Books". Quint. பார்க்கப்பட்ட நாள் 28 August 2016.
  6. ↑ "RECORD: KL Rahul hits fastest T20I century by an Indian". abplive.in. Archived from the original on 31 ஆகஸ்ட் 2016. பார்க்கப்பட்ட நாள் 28 August 2016. {{cite web}}: Check date values in: |archive-date= (help)
  7. ↑ 7.0 7.1 "IPL insanity: ‘Test star’ blasts fastest 50". NewsComAu. http://www.news.com.au/sport/breaking-news/lokesh-rahul-smashes-fastest-ever-ipl-50-off-just-14-balls/news-story/8af4b14770b96cd47ed093d902403e5d. 
  8. ↑ "Mangaluru Lad Rahul's Parents on Cloud 9 After Selection". The New Indian Express. பார்க்கப்பட்ட நாள் 11 November 2014.
  9. ↑ "Rahul 108 shores up India on fluctuating day". Cricinfo. 20 August 2015.
  10. ↑ "India tour of Zimbabwe, 1st ODI: Zimbabwe v India at Harare, Jun 11, 2016". ESPN Cricinfo. பார்க்கப்பட்ட நாள் 11 June 2016.
  11. ↑ "India 173/1 (42.3 ov, KL Rahul 100*, AT Rayudu 62*, H Masakadza 0/19) – Match over | Live Scorecard | ESPN Cricinfo". Cricinfo. பார்க்கப்பட்ட நாள் 11 June 2016.
  12. ↑ "India tour of Zimbabwe, 1st T20I: Zimbabwe v India at Harare, Jun 18, 2016". ESPN Cricinfo. பார்க்கப்பட்ட நாள் 18 June 2016.
  13. ↑ "KL Rahul becomes first Indian opener to score ton on debut in West Indies". Cricbuzz. பார்க்கப்பட்ட நாள் 31 July 2016.
  14. ↑ "Bravo magic seals one-run win in 489-run T20I". espncricinfo. பார்க்கப்பட்ட நாள் 28 August 2016.
  15. ↑ "Most runs, most sixes, and two seriously quick hundreds". ESPNcricinfo. பார்க்கப்பட்ட நாள் 28 August 2016.
  16. ↑ "Rahul becomes first to score hundred in first innings as opener in Tests and ODIs - Times of India". The Times of India. http://timesofindia.indiatimes.com/sports/india-in-zimbabwe-2016/top-stories/Rahul-becomes-first-to-score-hundred-in-first-innings-as-opener-in-Tests-and-ODIs/articleshow/52705119.cms. 
  17. ↑ "KL Rahul quickest to score tons in all 3 formats". Inshorts - Stay Informed (in ஆங்கிலம்). பார்க்கப்பட்ட நாள் 2017-03-22.
  18. ↑ "Records | Twenty20 Internationals | Batting records | Most runs in an innings (by batting position) | ESPN Cricinfo". Cricinfo. http://stats.espncricinfo.com/ci/content/records/284241.html. 
  19. ↑ "Nidahas Trophy 2018, Sri Lanka vs India, 4th T20I – Statistical Highlights". CricTracker. பார்க்கப்பட்ட நாள் 13 March 2018.
  20. ↑ "Hardik Pandya and KL Rahul suspended pending inquiry". ESPN Cricinfo. பார்க்கப்பட்ட நாள் 11 January 2019.
  21. ↑ "Hardik Pandya and KL Rahul both suspended with immediate effect". International Cricket Council. பார்க்கப்பட்ட நாள் 11 January 2019.
  22. ↑ "Pandya to join India squad in New Zealand, Rahul to play for India A". ESPN Cricinfo. பார்க்கப்பட்ட நாள் 24 January 2019.
  23. ↑ "RCB vs KKR match: After Lokesh Rahul's fastest IPL fifty, Sunil Narine slams 17-ball 50 in IPL 2018, Match 3" (in en-GB). http://www.timesnownews.com/sports/cricket/ipl/article/rcb-vs-kkr-match-after-lokesh-rahul-fastest-ipl-fifty-sunil-narine-slams-17-ball-50-in-ipl-2018-match-3/215273. 
  24. ↑ "Rahul floors Daredevils with fastest ever IPL fifty". ESPNcricinfo. பார்க்கப்பட்ட நாள் 9 April 2018. {{cite web}}: Cite has empty unknown parameter: |dead-url= (help)
  25. ↑ "India vs Sri Lanka - 2nd Test". Espncricinfo. பார்க்கப்பட்ட நாள் 20 ஆகத்து 2015.

வெளி இணைப்புகள் தொகு

"https://ta.wikipedia.org/w/index.php?title=கே._எல்._ராகுல்&oldid=3729557" இலிருந்து மீள்விக்கப்பட்டது