போண்டா மணி

போண்டா மணி (Bonda Mani, 19 செப்டம்பர் 1963 – 24 திசம்பர் 2023) தமிழ்த் திரைப்பட நகைச்சுவை நடிகராவார். நூற்றி எழுபத்தியைந்து திரைப்படங்களுக்கும் மேல் நடித்துள்ளார்.

போண்டா மணி
பிறப்பு	கேதீஸ்வரன் (1963-09-19)19 செப்டம்பர் 1963 மன்னார், வட மாகாணம், இலங்கை மேலாட்சி (தற்போது இலங்கை)
இறப்பு	திசம்பர் 24, 2023(2023-12-24) (அகவை 60)
தேசியம்	இந்தியர்
பணி	நடிகர்
செயற்பாட்டுக் காலம்	1991– 2023

இவருடைய இயற்பெயர் கேதீஸ்வரன் என்பதாகும். இவருடன் உடன் பிறந்த 16 பேரில் எண்மர் இலங்கை இனக்கலவரத்தில் இறந்து விட்டார்கள்.

வாழ்க்கைக் குறிப்பு

எம்.மாரிமுத்து செட்டியார் - மகேசுவரி இணையரின் மகனாக போண்டாமணி 1963 செப்டம்பர் 15 இல் இலங்கையில் மன்னாரில் பிறந்தார். இவருடைய தந்தை இராமநாதபுரம் மாவட்டம், தேவிபட்டினம் என்ற ஊரைப் பிறப்பிடமாகக் கொண்டவர், சிறுவயதில் தொழில் தொடங்குவதற்காக குடிபெயர்ந்து யாழ்ப்பாணம் வந்தார். 16 பிள்ளைகள் கொண்ட குடும்பத்தில் போண்டாமணி 15-ஆவதாகப் பிறந்தார். மன்னாரில் மறுமலர்ச்சி விநாயகர் கலா மன்றம் என்ற பெயரில் மன்றமொன்றை தொடங்கி நண்பர்களோடு கலைநிகழ்ச்சிகளை நடத்தியுள்ளார். தமிழ்நாட்டில் நடிகனாகும் வாய்ப்பு உள்ளதென இலங்கையிலிருந்து அகதியாக இராமேசுவரம் வந்து நடிகரானார்.

நடித்த திரைப்படங்களில் சில

• மணிக்குயில் (1993)
• பொன் விலங்கு (1993)
• முறை மாப்பிள்ளை (1995)
• கோயமுத்தூர் மாப்ளே (1996)
• வாழ்க ஜனநாயகம் (1996)
• அருவா வேலு ‎(1996)
• பொங்கலோ பொங்கல் (1997)
• பாரதி கண்ணம்மா (1997)
• நேசம் புதுசு (1999)
• ஸ்ரீ ராஜ ராஜேஸ்வரி (2001)
• கார்மேகம் (2002)
• வின்னர் (2003)
• அன்பு (2003)
• அன்பே அன்பே (2003)
• வசீகரா (2003)
• கலாட்டா கணபதி ‎ (2003)
• ஏய் (2004)
• மானஸ்தன் (2004)
• ரிமோட் (2004)
• ஆயுதம் (2005)
• காற்றுள்ளவரை ‎ (2005)
• சச்சின் (2005)
• குருச்சேத்திரம் ‎(2006)
• பச்சக் குதிர (2006)
• இலக்கணம் (2006)
• காசு இருக்கணும் (2007)
• மணிகண்டா (2007)
• பிறகு (2007)
• என்னைப் பார் யோகம் வரும் (2007)
• என் உயிரினும் மேலான (2007)
• இயக்கம் (2008)
• கி. மு (2008)
• சிரித்தால் ரசிப்பேன் (2009)
• ஆர்வம் (2010)
• பாடகசாலை (2010)
• வேலாயுதம் (2011)
• வாக்கப்பட்ட சீமை (2012)
• அஞ்சல் துறை (2013)
• திருமதி தமிழ் (2013)
• வாலிப ராஜா (2016)
• சண்டிக் குதிரை (2016)
• சொல்லிவிடவா (2018)
• பட்டு வண்ண ரோசாவாம்

தொலைக்காட்சித் தொடர்

• பூவே பூச்சூடவா (2017)
• எங்க வீட்டு மீனாட்சி (2022)

இறப்பு

2022 ஆம் ஆண்டு ஒரு பயணத்தின் போது மயங்கி விழுந்தார். அவரின் கட்டுப்பாடற்ற நீரிழிவு நோயால் அவரது சிறுநீரகங்கள் செயலிழக்க தொடங்கின ‌.வறுமையில் இருந்த போண்டா மணியால் மருத்துவ செலவுகளை ஈடுகட்ட முடியவில்லை,பலரிடம் உதவி கேட்டு காணொளி பதிவு செய்து வெளியிட்டு வந்தார். நடிகர்கள் தனுஷ், விஜய் சேதுபதி் , ரஜினிகாந்த் ஆகியோர் உதவி செய்தனர் , ஆனாலும் மாற்று சிறுநீரகங்கள் கிடைக்காமல் , டயாலிசிஸ் செய்து வந்தார். அதுவும் பணப் பற்றாக்குறையால் தொடர்ந்து செய்ய முடியவில்லை. இதனால் வீட்டிலேயே ஓய்வெடுத்து வந்தார் போண்டா மணி‌ . ஆனால் 2023 திசம்பர் 23 அன்று தனது வீட்டில் மயங்கி சுயநினைவை இழந்து விழுந்துள்ளார்‌. மருத்துவமனைக்கு அழைத்துச் சென்றபோது மருத்துவர்கள் அவர் ஏற்கனவே இறந்துவிட்டதாக தெரிவித்தனர். அவருக்கு வயது 60 .

வெளி இணைப்புகள்

[1]