விஜய் ஆண்டனி

விஜய் ஆண்டனி (பிறப்பு: சூலை 24, 1975) இந்தியா, தமிழ்நாட்டின் ஓர் முன்னணி திரைப்பட இசையமைப்பாளர் ஆவார். தற்போது திரைப்படத்தில் நடிப்பதிலும் ஆர்வம் காட்டி வருகிறார்.

விஜய் அண்டனி
பின்னணித் தகவல்கள்
இயற்பெயர்	ராஜா அந்தோனி
பிறப்பு	சூலை 24, 1975 (1975-07-24)
இசை வடிவங்கள்	திரையிசை, இசையமைப்பாளர்
தொழில்(கள்)	இசையமைப்பாளர், பாடகர், நடிகர், பின்னனிப் பாடகர், தயாரிப்பாளர்
இசைத்துறையில்	2005 – இன்றுவரை
இணையதளம்	vijayantony.com

வாழ்க்கை வரலாறு

விஜய் ஆண்டனி தமிழ்நாடு மாநிலம், கன்னியாகுமரி மாவட்டம், நாகர்கோவிலில் 1975 ஆம் ஆண்டு பிறந்தார். இவரது தந்தை இவருக்கு 7 வயது இருக்கும் போது இறந்து விட்டார். இவர் பண்டைய எழுத்தாளர் மாயூரம் வேத நாயகம் பிள்ளை அவர்களின் கொள்ளுப் பேரன் ஆவார்.

விஜய் ஆண்டனி துவக்கத்தில் ஒலிப் பொறியாளராகப் பணி புரிந்து பின்னர் இசையமைப்பாளரானவர். தமது கல்லூரிப் படிப்பை முடித்தப் பின்னர் தாமே ஆடியோபைல்ஸ் என்ற ஒலியரங்கை நிறுவினார். அங்கு ஒலி பொறியாளராக சோதனைகள் செய்து தொலைக்காட்சிகளுக்கும் ஆவணப்படங்களுக்கும் சில இசைத்துண்டுகளை (jingles) அமைத்தார். அப்போது ஆஸ்கார் ரவிச்சந்திரன் தமது டிஷ்யூம் என்ற திரைப்படத்திற்கு இசையமைக்க அழைத்தார். ஆனால் விஜய் இசையமைத்த முதல் திரைப்படமாக சுக்ரன் திரைப்படம் முதலில் வெளிவந்தது.

இவரது அண்மைய திரைப்படம் விஜய் நடித்த வேட்டைக்காரன் படமாகும்.

மேலும் இவர் கன்னடப் படம் புத்திவந்தா விற்கு இசையமைத்துள்ளார், இது தமிழ்ப்படம் நான் அவனில்லையின் மறுபதிப்பு திரைப்படமாகும்.

2009ஆம் ஆண்டு பிரான்சில் நடைபெற்ற கான் கோல்டன் லயன் விருதை சிறந்த இசைக்காக டைம்ஸ் ஆஃப் இந்தியாவிற்காக தயாரித்த "நாக்க முக்கா" வணிகப்படத்திற்காகப் பெற்றார்.

தமது இசையமைப்பில் பல புதுமுக பாடகர்களுக்கு வாய்ப்பு கொடுப்பவர் என்ற பெருமை உடையவர்.

மேலும் 2016 ஆம் ஆண்டு வெளியான பிச்சைக்காரன் திரைப்படத்தில் தனது இயல்பான நடிப்பை வெளிப்படுத்தி தமிழ் மக்களின் மனதில் நீங்காத இடத்தை பிடித்துக்கொண்ட விட்டார் என்றே கூற வேண்டும்.

திரைப்படங்கள்/தொகுப்புகள்

ஆண்டு	பெயர்	மொழி	குறிப்புகள்
2005	சுக்ரன்	தமிழ்
2006	பை2	தமிழ்
	டிஷ்யூம்	தமிழ்
2007	நினைத்தாலே இனிக்கும்	தமிழ்
	நான் அவன் இல்லை	தமிழ்
2008	பந்தயம்	தமிழ்
	காதலில் விழுந்தேன்	தமிழ்
	புத்திவந்தா	கன்னடம்	நான் அவனில்லை மறுபதிப்பு
	பசும்பொன்தேவர் வரலாறு	தமிழ்
2009	அ ஆ இ ஈ	தமிழ்
	தநா-07 அல் 4777	தமிழ்
	மரியாதை	தமிழ்
	நினைத்தாலே இனிக்கும்	தமிழ்
	மகாத்மா	தெலுங்கு
	வேட்டைக்காரன்	தமிழ்
2010	ரசிக்கும் சீமானே	தமிழ்
	உத்தம புத்திரன்	தமிழ்	எடுக்கப்படுகிறது
	கனகவேல் காக்க	தமிழ்	ஒலிப்பேழை வெளியிடப்பட்டுள்ளது
	அங்காடித்தெரு	தமிழ்
	அவள் பெயர் தமிழரசி	தமிழ்
2012	நான்	தமிழ்
2014	சலீம்	தமிழ்
2015	இந்தியா பாக்கிஸ்தான்	தமிழ்
2016	பிச்சைக்காரன்	தமிழ்
	சைத்தான்	தமிழ்
2017	எமன்	தமிழ்
	அண்ணாதுரை	தமிழ்	இரு வேடங்களில் நடித்துள்ளார்

வெளியிணைப்புகள்

• அலுவல்முறை இணையத்தளம்
• நேர்காணல்