ராதிகா சரத்குமார்
தென்னிந்திய திரைப்பட நடிகை
(ராதிகா இலிருந்து வழிமாற்றப்பட்டது)
இராதிகா சரத்குமார் (Raadhika Sarathkumar, பிறப்பு: ஆகத்து 21, 1962)[1] தென்னிந்திய திரைப்பட நடிகை மற்றும் தொலைக்காட்சி நடிகை, தயாரிப்பாளர் , அரசியல்வாதி ஆவார். ராடன் மீடியா (Radaan Media Works (I) Limited) என்ற நிறுவனத்தின் நிறுவனர் ஆவார்.[2] இதன் மூலம் பல தமிழ் திரைப்படங்கள், தென்னிந்தியத் தொலைக்காட்சித் தொடர்கள் தயாரிக்கிறார்.
| இராதிகா | |
|---|---|
 | |
| பிறப்பு | ஆகத்து 21, 1962 கொழும்பு, இலங்கை🇱🇰 |
| துணைவர் | சரத்குமார் |
| பிள்ளைகள் | இராகுல் சரத்குமார் ரய்னே ஹார்டி |
| பெற்றோர் | எம். ஆர். இராதா கீதா இராதா |
வாழ்க்கைச் சுருக்கம் தொகு
- ராதிகா இலங்கையில் கொழும்பு நகரில் 1963 ஆகத்து 21 இல் நடிகர் எம். ஆர். ராதாவுக்கும் அவரது மனைவிகளில் ஒருவரான கீதாவிற்கும் முதல் மகளாக பிறந்தார்.
- மேலும் நடிகை நிரோஷா, திரைப்படத் தயாரிப்பாளர் ராதா மோகன் ஆகியோர் இவருடன் உடன்பிறந்தவர்கள் ஆவர். நடிகரும் அரசியல்வாதியுமான ராதாரவி இவருடைய உடன்பிறவா சகோதரர் ஆவார்.
- நடிகரும், அரசியல்வாதியுமான சரத்குமாரை 2001 ஆம் ஆண்டில் திருமணம் புரிந்தார். இவர்களுக்கு இராகுல் என்ற மகன் 2004 ஆம் ஆண்டில் பிறந்தார்.
- இதற்கு முன்னதாகவே ராதிகாவிற்கு இரண்டு முறை திருமணங்கள் நடந்து விவாகரத்துப் பெற்றார்.
- முதல் முறையாக மலையாள மற்றும் தமிழ் திரைப்பட முன்னாள் நடிகரும், இயக்குனருமான பிரதாப் போத்தனையும், பின்னர் இங்கிலாந்தைச் சேர்ந்த ரிச்சார்டு ஹார்டி என்பவரையும் திருமணம் புரிந்தார். ஹார்டியுடன் இவருக்கு ரயான் ஹார்டி என்ற பெண் குழந்தை ஒன்று உள்ளது.
நடிப்பு அனுபவம் தொகு
- இவர் தமிழ் திரையுலகில் 1980-1990களில் முன்னணி நடிகர்களான ரஜினிகாந்த், கமலஹாசன், விஜயகாந்த், மோகன் போன்றவர்களுடன் தவிர்க்க முடியாத இணை கதாநாயகியாக நடித்துள்ளர்.
- மேலும் தமிழ், தெலுங்கு, கன்னடம், மலையாளம் போன்ற பிற மொழி திரைப்படங்களில் முன்னணி கதாநாயகருடன் இணைந்து நடித்துள்ளார்.
- தமிழ் திரையுலகில் 1980 முதல் 1990 வரை பல திரைப்படங்களில் கதாநாயகியாகவும் 90களுக்கு பிற்பகுதியில் தமிழ் திரைப்படங்களில் நடிகை லட்சுமி, ஸ்ரீவித்யா, ராதிகா என்ற மூன்று கதாநாயகிகளும் போட்டி போட்டு கொண்டு தாயார் மற்றும் முதுமையான கதாபாத்திரத்தில் குணச்சித்திர வேடம் ஏற்று திறம்பட நடித்தனர்.
- இந்த நடிகைகள் பட்டியலில் நடிகை ராதிகா மட்டுமே 2000க்கு பிறகு தனது சொந்த படத்தயாரிப்பு நிறுவனமான ராடான் மீடியாவொர்க்ஸ் சார்பில் சித்தி, அண்ணாமலை, செல்வி, வாணி ராணி போன்ற மெகா ஹிட் நாடகங்களில் நடித்து அதிலும் மைய்ய கதாநாயகியாகவும், தாயாராகவும், கதாபாத்திரத்தில் நடித்து அசத்தினார்.
அரசியல் வாழ்க்கை தொகு
2006 சட்டமன்றத் தேர்தலுக்கு முன்பாக அவர் தனது கணவர் சரத்குமாருடன் அதிமுகவில் இணைந்தார்.[3] அக்டோபர் 18, 2006 இல் கட்சி விரோத நடவடிக்கைகளுக்காக அதிமுகவில் இருந்து நீக்கப்பட்டார். [4] 2007 முதல் அகில இந்திய சமத்துவ மக்கள் கட்சி துணைப் பொதுச்செயலாளராக இருக்கிறார்.
நடித்த திரைப்படங்களில் சில தொகு
- கிழக்கே போகும் ரயில்
- நிறம் மாறாத பூக்கள்
- இன்று போய் நாளை வா
- ஈரவிழிக் காவியங்கள்
- போக்கிரி ராஜா
- மூன்று முகம்
- ரெட்டை வால் குருவி
- பூந்தோட்ட காவல்காரன்
- தைப் பொங்கல்
- ஊர்க்காவலன்
- கிழக்குச் சீமையிலே
- வீரபாண்டியன்
- தெற்கத்திக்கள்ளன்
- சிப்பிக்குள் முத்து
- நல்லவனுக்கு நல்லவன்
- தாவணிக் கனவுகள்
- பசும்பொன்
- நானே ராஜா நானே மந்திரி
- தூங்காதே தம்பி தூங்காதே
- கேளடி கண்மணி
- நினைவுச் சின்னம்
- பவித்ரா
- ராசய்யா
- வீரத்தாலாட்டு
- சூர்யவம்சம்
- ஜீன்ஸ்
- தாஜ்மகால்
- அமர்க்களம்
- பூமகள் ஊர்வலம்
- ரோஜாக்கூட்டம்
- கண்ணாமூச்சி ஏனடா
- பந்தயம்
- சகுனி
- இரண்டாம் உலகம்
- அமர்க்களம்
இராதிகா நடித்துள்ள சில தொலைக்காட்சி தொடர்கள் தொகு
- சித்தி
- அண்ணாமலை
- செல்வி
- அரசி
- செல்லமே
- வாணி ராணி
- சந்திரகுமாரி
- சித்தி (பருவம் 2)
மேற்கோள்கள் தொகு
- ↑ https://tamil.filmibeat.com/celebs/radhika-sarathkumar/biography.html
- ↑ "காப்பகப்படுத்தப்பட்ட நகல்". https://www.maalaimalar.com/News/TopNews/2017/04/11145215/1079364/Income-Tax-raid-Radaan-Media-office.vpf.
- ↑ Arun Ram (11 April 2006). joins-aiadmk_1023443 "திமுகவுக்கு கடும் அடி, அதிமுகவில் இணைந்த சரத்குமார்". Daily News and Analysis. http://www.dnaindia.com/india/report_starry-blow-to-dmk-sarath-kumar- joins-aiadmk_1023443.
- ↑ "சரத்குமார், ராதிகா வெவ்வேறு பிரச்சனைகளை எதிர்கொள்கின்றனர்" இம் மூலத்தில் இருந்து 2006-04-21 அன்று. பரணிடப்பட்டது.. https://web.archive.org/web/20060421150940/http://www.hindu.com/2006/04/20/stories/2006042005080500.htm.