ஆர்யா
ஆர்யா (பிறப்பு:11 திசம்பர் 1980) ஒரு தமிழ்த் திரைப்பட நடிகர் மற்றும் தயாரிப்பாளர் ஆவார். இவர் 2005ஆம் ஆண்டு விஷ்ணுவர்த்தன் இயக்கிய அறிந்தும் அறியாமலும் என்ற திரைப்படத்தின் மூலம் அறிமுகமானார். அதைத் தொடர்ந்து ஓரம் போ, நான் கடவுள், மதராசபட்டினம், பாஸ் என்கிற பாஸ்கரன், சிக்கு புக்கு, வேட்டை, சேட்டை, ராஜா ராணி, இரண்டாம் உலகம், ஆரம்பம் உள்ளிட்ட 25க்கும் மேல்பட்ட திரைப்படங்களில் நடித்ததன் மூலம் பரிசியமான நடிகர் ஆனார். ஆர்யாவிற்கும் சாயிஷாவிற்கும் மார்ச் 10, 2019 அன்று திருமணம் நடந்தது.[1][2][3][4]
| ஆர்யா | |
|---|---|
 CCL ஆட்டம் ஒன்றில் | |
| பிறப்பு | ஜம்ஷத் 11 திசம்பர் 1980 காசர்கோடு கேரளா |
| இருப்பிடம் | சென்னை தமிழ்நாடு இந்தியா |
| பணி | நடிகர் தயாரிப்பாளர் |
| செயற்பாட்டுக் காலம் | 2005-இன்று வரை |
| உயரம் | 6' (1.83 மீ) |
| வாழ்க்கைத் துணை | சாயிஷா (தி. 2019) |
| உறவினர்கள் | சத்யா (சகோதரன்) |
ஆரம்பகால வாழ்க்கை
இவர் டிசம்பர் 11, 1980ஆம் ஆண்டு காசர்கோடு , கேரளாவில் பிறந்தார். இவருக்கு சத்யா, என்ற ஒரு இளைய சகோதரன் உள்ளார். அவரும் ஒரு தமிழ்த் திரைப்பட நடிகர் ஆவார்.நடிகை சாயிசா என்பவர் திருமணம் செய்து கொண்டார்.ஆர்யாவின் இயற்பெயர் ஜம்ஷத் சேதிராகத் என்பதாகும். பிறந்த ஊர் திரிகரிபுர், காரசகோடு. கேரளா. பெற்றோர் பெயர் உமர் செதிராகாந்த்-ஜாமிலா செதிரா காந்த்.[சான்று தேவை]
திரைப்பட வாழ்க்கை
2005-2010
இவர் 2003ஆம் ஆண்டு இயக்குனர் ஜீவா இயக்கிய உள்ளம் கேட்குமே என்ற திரைப்படத்தில் ஒப்பந்தம் செய்யப்பட்டார். இந்த திரைப்படத்தில் சாம், அசின், பூஜா, லைலா நடித்துள்ளனர். இந்த திரைப்படம் சிறு பிரச்சனை காரணமாக 2005ஆம் ஆண்டு வெளியானது. இந்த திரைப்படம் வருவதற்கு முன்பு விஷ்ணுவர்த்தன் இயக்கிய அறிந்தும் அறியாமலும் என்ற திரைப்படம் வெளியானது. இந்த திரைப்படத்தில் பிரகாஷ் ராஜ், நவ்தீப் மற்றும் சமிக்சா நடித்துள்ளார்கள். இந்த திரைப்படத்தில் குட்டி என்ற கதாபாத்திரத்தில் நடித்தார். இந்த திரைப்படம் வணிகரீதியாக வெற்றி அடைந்தது. இந்த திரைபப்டத்தில் நடித்ததற்க பிலிம்பேர் விருது புதுமுக நடிகருக்கான விருதை வென்றார். அதை தொடர்ந்து அதே ஆண்டில் ஒரு கல்லூரியின் கதை என்ற திரைப்படத்தில் நடித்தார். இந்த திரைப்படத்தில் இவருக்கு ஜோடியாக நடிகை சோனியா அகர்வால் நடித்துள்ளார்.
2006ஆம் ஆண்டு கலாபக் காதலன், பட்டியல், வட்டாரம் போன்ற திரைப்படங்களில் நடித்தார். பட்டியல் என்ற திரைப்படத்தில் இவருடன் நடிகர் பரத் நடித்துள்ளார். இவர்களுக்கு ஜோடியாக பூஜா மற்றும் பத்மப்பிரியா நடித்துள்ளார்கள். இந்த திரைப்படத்தை விஷ்ணுவர்த்தன் இயக்கியுள்ளார். இந்த திரைப்படம் வணிகரீதியாக வெற்றி அடைந்தது. நல்ல வசூலும் செய்தது.
2007ஆம் ஆண்டு ஓரம் போ என்ற திரைப்படத்தில் நடித்தார். இந்த திரைபடத்தில் இவருக்கு ஜோடியாக பூஜா நடித்துள்ளார். சேரன் இயக்கி நடித்த மாயக் கண்ணாடி என்ற திரைப்படத்தில் சிறப்பு தோற்றத்தில் நடித்துள்ளார்.
2009ஆம் ஆண்டு சர்வம் மற்றும் பாலா இயக்கிய நான் கடவுள் என்ற திரைப்படத்தில் ருத்திரன் என்ற கதாபாத்திரத்தில் நடித்தார். இந்த திரைபப்டத்தில் முதலில் நடிப்பதற்காக அஜித் குமார் ஒப்பந்தம் செய்யப்பட்டார். அதன் பிறகு ஆர்யா ஒப்பந்தம் செய்யப்பட்டு நடித்தார். இந்த திரைப்படம் காசி மற்றும் தமிழ்நாட்டில் படபிடிப்பு எடுக்கப்பட்டது. இந்த திரைப்படத்தில் ஆர்யா ஒரு அகோரியாக நடித்துள்ளார். இவரது நடிப்பு பலரால் பாராட்டப்பட்டது. இந்த திரைபப்டத்தில் இவருடன் சேர்ந்து பூஜாவும் நடித்துள்ளார். இந்த திரைப்படம் பல பிரிவுகளின் கில் தமிழக அரசு திரைப்பட விருதுகள், விஜய் விருதுகள், போன்ற பல விருதுகளை வென்றுள்ளது. சர்வம் திரைப்படத்தில் இவருக்கு ஜோடியாக திரிசா நடித்துள்ளார். இந்த திரைப்படத்தை விஷ்ணுவர்த்தன் இயக்கியுள்ளார். சிவா மனசுல சக்தி என்ற திரைப்படத்தில் சிறப்பு தோற்றத்தில் நடித்துள்ளார்.
இவர் 2010ஆம் ஆண்டு வருடு, மதராசபட்டினம், பாஸ் என்கிற பாஸ்கரன், சிக்கு புக்கு போன்ற திரைப்படங்களிலும் வருடு என்ற ஒரு தெலுங்கு திரைப்படத்திலும் நடித்துள்ளார். இந்த திரைப்படத்தில் இவருடன் தெலுங்கு நடிகர் அல்லு அர்ஜுன் நடித்துள்ளார். இந்த திரைபப்டத்தில் இவர் வில்லனாக நடித்துள்ளார். ஏ. எல். விஜய் இயக்கிய மதராசபட்டினம் என்ற திரைப்படத்தில் நடித்தார். இவருக்கு ஜோடியாக ஏமி ஜாக்ஸன் நடித்துள்ளார். இந்த திரைப்படம் வணிக ரீதியாக வெற்றி பெற்றது. அதை தொடர்ந்து பாஸ் என்கிற பாஸ்கரன் என்ற வெற்றி திரைபப்டத்தில் நடித்தார். இந்த திரைப்படத்தில் இவருக்கு ஜோடியாக நயன்தாரா நடித்துள்ளார். சிக்கு புக்கு என்ற திரைப்படத்தில் இவருக்கு ஜோடியாக சிரேயா சரன் நடித்துள்ளார். இவர் காதல் சொல்ல வந்தேன் மற்றும் வ என்ற திரைப்படங்களில் சிறப்பு தோற்றத்தில் நடித்துள்ளார்.
2011-2014
இவர் 2011ஆம் ஆண்டு உருமி, அவன் இவன் போன்ற திரைப்படங்களில் நடித்துள்ளார். 2012ஆம் ஆண்டு வேட்டை, சேட்டை போன்ற திரைப்படங்களில் நடித்துள்ளார். இவர் ஒரு கல் ஒரு கண்ணாடி என்ற திரைப்படத்தில் சிறப்பு தோற்றத்தில் நடித்துள்ளார்.
2012ஆம் ஆண்டு ராஜா ராணி, ஆரம்பம், இரண்டாம் உலகம் போன்ற திரைப்படங்களில் நடித்துள்ளார். ராஜா ராணி திரைப்படத்தில் இவருக்கு ஜோடியாக நயன்தாரா நடித்துள்ளார். ஆரம்பம் திரைப்படத்தில் இவருடன் சேர்ந்து அஜித் குமார், நயன்தாரா போன்ற பல முன்னணி நட்சத்திரங்கள் நடித்துள்ளனர்.
தற்பொழுது இவர் மீகாமன், புறம்போக்கு, யட்சன் போன்ற திரைப்படங்களில் நடித்து கொண்டுள்ளார். இந்த திரைப்படங்கள் 2014ஆம் ஆண்டு அல்லது 2015ஆம் ஆண்டு வெளியாகும்.
நடித்த திரைப்படங்கள்
| ஆண்டு | திரைப்படம் | பாத்திரம் | மொழி | குறிப்புகள் |
|---|---|---|---|---|
| 2005 | அறிந்தும் அறியாமலும் | குட்டி | தமிழ் | சிறந்த தென்னிந்திய அறிமுக நடிகருக்கான பிலிம்பேர் விருது |
| ஒரு கல்லூரியின் கதை | சத்ய | தமிழ் | ||
| உள்ளம் கேட்குமே | இம்மன் | தமிழ் | ||
| 2006 | கலாபக் காதலன் | அகிலன் | தமிழ் | |
| பட்டியல் | கோசி | தமிழ் | ||
| வட்டாரம் | பர்மா | தமிழ் | ||
| 2007 | மாயக்கண்ணாடி | ஆர்யா | தமிழ் | சிறப்புத் தோற்றம் |
| ஓரம் போ | சந்துரு | தமிழ் | ||
| 2009 | நான் கடவுள் | ருத்ரன் | தமிழ் | சிறந்த தமிழ் நடிகருக்கான பிலிம்பேர் விருது, சிறந்த நடிகருக்கான விஜய் விருதுகள் இரண்டுக்கும் முன்மொழியப்பட்டார். |
| சிவா மனசுல சக்தி | அருண் | தமிழ் | சிறப்புத் தோற்றம் | |
| சர்வம் | கார்த்திக் | தமிழ் | ||
| 2010 | வருடு | திவாகர் | தெலுங்கு | |
| மதராசபட்டினம் | இளம்பரிதி | தமிழ் | ||
| காதல் சொல்ல வந்தேன் | தமிழ் | சிறப்புத் தோற்றம் | ||
| பாஸ் என்கிற பாஸ்கரன் | பாஸ்கரன் | தமிழ் | ||
| சிக்கு புக்கு | அர்ஜுன் | தமிழ் | ||
| 2011 | அவன் இவன் | கும்பிடுறேன் சாமி | தமிழ் | |
| 2012 | வேட்டை | குருமூர்த்தி | தமிழ் | |
| ஒரு கல் ஒரு கண்ணாடி | ரஜினி முருகன் | தமிழ் | சிறப்புத் தோற்றம் | |
| சேட்டை | தமிழ் | |||
| 2013 | ராஜா ராணி | ஜான் | தமிழ் | |
| இரண்டாம் உலகம் | தமிழ் | |||
| ஆரம்பம் | தமிழ் | |||
| 2014 | 'கதை திரைக்கதை வசனம் இயக்கம் | தமிழ் | சிறப்புத் தோற்றம் | |
| ஜீவா | தமிழ் | சிறப்புத் தோற்றம் | ||
| மீகாமன் | சிவா | தமிழ் | ||
| 2015 | புறம்போக்கு | தமிழ் | ||
| யட்சன் | தமிழ் | |||
| டபுள் பர்றேல் | மலையாளம் | படபிடிப்பில் | ||
| வாசுவும் சரவணனும் ஒண்ணா படிச்சவங்க | தமிழ் |
மேற்கோள்கள்
- ↑ Arya and sayyeshaa look stunning in chennai wedding reception
- ↑ "Tamil actor arya: Latest News, Videos and Photos of Tamil actor arya | Times of India". The Times of India (in ஆங்கிலம்). பார்க்கப்பட்ட நாள் 2022-06-07.
- ↑ Tamil Nadu Govt announces Kalaimamani awards. Thehindu.com (28 January 2011). Retrieved on 12 January 2016.
- ↑ "Arya – Forbes India Magazine". Forbes India (in ஆங்கிலம்). பார்க்கப்பட்ட நாள் 16 May 2020.