அரியலூர்
அரியலூர் (Ariyalur), இந்தியாவின், தமிழ்நாடு மாநிலத்தில் அமைந்துள்ள அரியலூர் மாவட்டத்தின் நிர்வாகத் தலைமையிட நகரமும், இரண்டாம் நிலை நகராட்சியும் ஆகும். இங்கு சுண்ணாம்புக்கல் மிகுதியாக கிடைப்பதால் பைஞ்சுதை (சிமெண்ட்) ஆலைகள் பல உள்ளன. இங்கிருந்து தமிழகத்தின் தலைநகரமான சென்னை 310 கி.மீ. தொலைவில் உள்ளது.
| அரியலூர் | |
|---|---|
| இரண்டாம் நிலை நகராட்சி | |
 | |
| அடைபெயர்(கள்): சிமெண்ட் நகரம் | |
  அரியலூர் இந்திய வரைபடத்தில் உள்ள இடம்.  அரியலூர் அரியலூர் (இந்தியா) | |
| ஆள்கூறுகள்: 11°8′14″N 79°4′40″E / 11.13722°N 79.07778°E | |
| நாடு |  இந்தியா |
| மாநிலம் |  தமிழ்நாடு |
| மாவட்டம் | அரியலூர் |
| பகுதி | சோழ நாடு |
| அரசு | |
| • வகை | இரண்டாம் நிலை நகராட்சி |
| • நிர்வாகம் | அரியலூர் நகராட்சி |
| • மக்களவை உறுப்பினர் | தொல். திருமாவளவன் |
| • சட்டமன்ற உறுப்பினர் | கே. சின்னப்பா (மதிமுக) |
| • மாவட்ட ஆட்சியர் | பெ. ரமண சரஸ்வதி, இ.ஆ.ப. |
| ஏற்றம் | 76 m (249 ft) |
| மக்கள்தொகை (2011) | |
| • மொத்தம் | 28,902 |
| மொழிகள் | |
| • அலுவல் | தமிழ் மொழி |
| நேர வலயம் | இசீநே (ஒசநே+5:30) |
| அஞ்சல் குறியீடு | 621 704, 621 713 |
| தொலைபேசி குறியீடு | 91-4329 |
| வாகனப் பதிவு | TN 61 |
| சென்னையிலிருந்து தொலைவு | 310 கி.மீ. (190 மைல்) |
| திருச்சியிலிருந்து தொலைவு | 65 கி.மீ (40 மைல்) |
| தஞ்சாவூரிலிருந்து தொலைவு | 40 கி.மீ (26 மைல்) |
| வானிலையியல் | 830 மி.மீ |
| இணையதளம் | ariyalur |
பெயர்க்காரணம் தொகு
- அரியல் - ஒரு வகையான மதுபானம். இங்கு கள் உற்பத்தி இருந்ததனால் அந்த சிற்றூர் அரியலூர் என சொல்லப்பட்டிருக்கலாம்.
- விஷ்ணுவின் பெயரால் இப்பெயர் பெற்றது எனக் கூறப்படுகிறது.
- ஹரியலூர் என்ற பெயரே காலப்போக்கில் அரியலூர் ஆக மாறியது.
- அரி+இல்+ஊர்= அரியிலூர்.
- அரி- விஷ்ணு
- இல்- உறைவிடம்
- ஊர்- பகுதி.
- விஷ்ணு பகவான் உறைவிடம் கொண்ட பகுதி என்பதன் சுருக்கம்.
வரலாறு தொகு
அரியலூர் மாவட்டம், சனவரி 1, 2001 இல் பெரம்பலூர் மாவட்டத்தின் சில பகுதிகளைக் கொண்டு உருவாக்கப்பட்டது. ஆனால் மார்ச் 31, 2002 ல் அண்ணா திராவிட முன்னேற்றக் கழக ஆட்சியில் பொருளாதாரக் காரணங்களுக்காக, அரியலூர் மாவட்டம் மீண்டும் பெரம்பலூர் மாவட்டத்துடன் இணைக்கப்பட்டது. மீண்டும் பெரம்பலூர் மாவட்டத்தை இரண்டாகப் பிரித்து, தமிழகத்தின் 31-வது மாவட்டமாக அரியலூர் மாவட்டம் நவம்பர் 23, 2007 இல் உருவாக்கப்பட்டது.[1]
புவியியல் தொகு
இவ்வூரின் அமைவிடம் 11°08′N 79°05′E / 11.13°N 79.08°E ஆகும்.[2] கடல் மட்டத்தில் இருந்து இவ்வூர் சராசரியாக 76 மீட்டர் (249 அடி) உயரத்தில் இருக்கின்றது.
எல்லைகள் தொகு
கிழக்கே சிதம்பரம் 88 கிமீ; தெற்கே தஞ்சாவூர் 45 கிமீ; மேற்கே பெரம்பலூர் 31 கிமீ; வடக்கே விருத்தாசலம் 58 கிமீ; வடகிழக்கே கடலூர் 120 கிமீ; தென்மேற்கே திருச்சி 62 கிமீ; தொலைவிலும் அரியலூர் மாவட்ட எல்லைகளாக அமைந்துள்ளது.
தனித்துவம் தொகு
இது ஆசியாவிலேயே அதிக அளவில் சிமெண்ட் தயாரிக்கும் நகரங்களில் ஒன்று.
மக்கள் வகைப்பாடு தொகு
| ஆண்டு | ம.தொ. | ±% |
|---|---|---|
| 1971 | 17,305 | — |
| 1981 | 20,635 | +19.2% |
| 1991 | 24,141 | +17.0% |
| 2001 | 27,822 | +15.2% |
| 2011 | 28,902 | +3.9% |
| ஆதாரங்கள் | ||
2011 ஆம் ஆண்டு மக்கள் தொகை கணக்கெடுப்பின்படி 18 நகராட்சி மன்ற உறுப்பினர்களையும், 7,319 குடும்பங்களையும் கொண்ட இந்நகரத்தின் மக்கள்தொகை 28,902 ஆகும். இந்நகரத்தின் எழுத்தறிவு 84.8% மற்றும் பாலின விகிதம் 1000 ஆண்களுக்கு, 1,014 பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 2,977 ஆகவுள்ளது. குழந்தைகள் பாலின விகிதம், 1000 ஆண் குழந்தைகளுக்கு, 936 பெண் குழந்தைகள் வீதம் உள்ளனர். பட்டியல் சமூகத்தினரும், பட்டியல் பழங்குடியினரும் முறையே 3,254 மற்றும் 8 ஆகவுள்ளனர். மக்கள்தொகையில் இந்துக்கள் 90.55%, இசுலாமியர்கள் 4.61%, கிறித்தவர்கள் 3.81%, மற்றும் பிறர் 1.02.% ஆகவுள்ளனர்.[5]
அரியலூர் சிமெண்ட் ஆலைகள் தொகு
- டான்செம் (TANCEM) (Tamilnadu Cement Corporation Limited). இது ஒரு அரசு நிறுவனம் ஆகும். இது 1979 ஆம் ஆண்டு நிறுவப்பட்டது.
- ராம்கோ சிமென்ட் (Ramco Cement) கோவிந்தபுரம். 1997 ஆம் ஆண்டு துவக்கி வைக்கப்பட்டது. துவக்கத்தில் 0.9 மில்லியன் டன் (MTPA) (வருடத்திற்கு) உற்பத்தி செய்யத்துவங்கிய ஆலை, தற்போது 3 மில்லியன் டன் (MTPA) (வருடத்திற்கு) உற்பத்தி செய்கிறது. இந்தியாவிலேயே நான்கு இலை விருது (Four Leaves Award) வாங்கிய ஒரே நிறுவனம் ஆகும்.
- டால்மியா சிமெண்ட் (Dalmia Cement) தாமரைக்குளம். 2012 ஆம் ஆண்டு செப்டம்பர் 18 ஆம் தேதி அப்போதைய தமிழக முதல்வர் ஜெ. ஜெயலலிதாவால், 2012 பசுமை விருது (Green Award-2012), 2012 ஆம் ஆண்டிற்கான சிஐஐ வினைதிறன் யூனிட் விருதும் (CII ENERGY EFFICIENT UNIT AWARD-2012) ஆக ஓராண்டில் இரண்டு விருதுகள் வாங்கியுள்ளது.
- செட்டிநாடு சிமெண்ட் (Chettinad Cement) கீழப்பழூர்.
- அல்ட்ரா டெக் சிமெண்ட் (Ultra Tech Cement) (Adithya Birla Group) ரெட்டிப்பாளையம்.
- இந்தியா சிமெண்ட் (Coromandel King-Sankar Sakthi) தளவை.
நகராட்சி நிர்வாகம் மற்றும் அரசியல் தொகு
| நகராட்சி அதிகாரிகள் | |
|---|---|
| தலைவர் | |
| ஆணையர் | |
| தேர்ந்தெடுக்கப்பட்ட உறுப்பினர்கள் | |
| சட்டமன்ற உறுப்பினர் | கே. சின்னப்பா |
| மக்களவை உறுப்பினர் | தொல். திருமாவளவன் |
அரியலூர் நகராட்சியானது அரியலூர் சட்டமன்றத் தொகுதிக்கும் மற்றும் சிதம்பரம் மக்களவைத் தொகுதிக்கு உட்பட்டதாகும்.
2019 ஆம் ஆம் ஆண்டு நடந்த மக்களவைத் தேர்தலில், இம்மக்களவைத் தொகுதியை விடுதலைச் சிறுத்தைகள் கட்சியைச் சேர்ந்த தொல். திருமாவளவன் வென்றார்.
2021 ஆம் ஆண்டு நடந்த சட்டமன்றத் தேர்தலில், இச்சட்டமன்றத் தொகுதியில் திமுக கூட்டணி கட்சியான (மதிமுகவை) சேர்ந்த கே. சின்னப்பா வெற்றி பெற்றார்.
கல்லூரிகள் தொகு
- அரசு மருத்துவக் கல்லூரி, அரியலூர்.
- அரசு கலை மற்றும் அறிவியல் கல்லூரி, அரியலூர்.
- அரசு கலை மற்றும் அறிவியல் கல்லூரி, ஜெயங்கொண்டம்.
- அரசு பொறியியல் கல்லூரி, அரியலூர்.
- அரசினர் பல்வகை தொழில்நுட்பக் கல்லூரி, கீழப்பழுவூர்.
- மீனாட்சி இராமசாமி கலை மற்றும் அறிவியல் கல்லூரி, தத்தனூர்.
- விநாயகா கலை அறிவியல் மகளிர் கல்லூரி, கீழப்பழுவூர்.
கோயில் தொகு
- அரியலூரில் கோதண்டராமசாமி கோயில் உள்ளது. இக்கோயிலிலுள்ள தசாவதாரச் சிற்பங்கள் மிகவும் புகழ்பெற்றவையாகும்.
- கங்கைகொண்ட சோழீசுவரர் கோயில்
- கலியுக வரதராஜ பெருமாள் கோவில்
போக்குவரத்து தொகு
பேருந்து போக்குவரத்து தொகு
- மாநில நெடுஞ்சாலை 143 - அரியலூர்- துங்கபுரம் - திட்டக்குடி, மாநில நெடுஞ்சாலை 27 அரியலூர் - தஞ்சாவூர் மற்றும் மாநில நெடுஞ்சாலை 139 அரியலூர் - ஜெயங்கொண்டம் ஆகிய சாலைகள் அரியலூர் வழியாக செல்லும் முக்கிய சாலைகள் ஆகும்.
- விரைவில் திருச்சி - விருத்தாசலம் நெடுஞ்சாலை அமையயுள்ளது. மேலும் இந்த சாலை வழி அமையுமானால் திருச்சியிலிருந்து அரியலூர் வழியாக விருத்தாசலம், பண்ருட்டி, நெய்வேலி, வடலூர், கடலூர், பாண்டிச்சேரி வரையில் குறுகிய நேர வழி சாலையாக அமையும்.
- அதே போல் தஞ்சாவூர் மற்றும் அரியலூரிலிருந்து விருத்தாசலம், உளுந்தூர்பேட்டை, விழுப்புரம் வழியாக சென்னைக்கும் குறுகிய நேர வழி சாலையாக அமையும் என்பது குறிப்பிடத்தக்கது.
- மேலும் இங்கிருந்து சென்னை, தஞ்சாவூர், திருச்சி, பெரம்பலூர், துறையூர், கும்பகோணம், ஜெயங்கொண்டம், பட்டுக்கோட்டை, சிதம்பரம், மயிலாடுதுறை, கள்ளக்குறிச்சி, சின்னசேலம், ஆத்தூர் மற்றும் சேலம் ஆகிய இடங்களுக்கு நேரடியாக பேருந்து வசதிகள் உள்ளன.
தொடருந்து போக்குவரத்து தொகு
அரியலூர் தொடருந்து நிலையம் ஆனது சென்னை மற்றும் திருச்சிராப்பள்ளியை இணைக்கும் ஒரு முக்கிய ரயில் நிலையமாகும். இங்கு தினமும் பல்லவன் தொடர்வண்டி, மலைக்கோட்டை விரைவுவண்டி, முத்து நகர் விரைவுவண்டி, வைகை விரைவுத் தொடர்வண்டி மற்றும் குருவாயூர் விரைவுவண்டி ஆகிய தொடர்வண்டிகள் இந்த இரயில் நிலையத்தில் நின்று செல்கின்றன. இந்நிலையத்திற்கு, காலை 7.40 மணிக்கு வந்தடையும், சென்னை எழும்பூரை நோக்கி செல்லும் பல்லவன் விரைவுத் தொடருந்துக்காக, தஞ்சாவூரிலிருந்து நேரடியாக இந்த தொடருந்து நிலையத்திற்கு ஒரு அரசு பேருந்து இயக்கப்படுகிறது.
வானூர்தி போக்குவரத்து தொகு
இதன் அருகில் உள்ள வானூர்தி நிலையம் 76 கி.மீ. தொலைவில் உள்ள திருச்சிராப்பள்ளி பன்னாட்டு வானூர்தி நிலையம் ஆகும்.
வானிலை மற்றும் காலநிலை தொகு
| தட்பவெப்ப நிலைத் தகவல், அரியலூர் (1981–2001) | |||||||||||||
|---|---|---|---|---|---|---|---|---|---|---|---|---|---|
| மாதம் | சன | பிப் | மார் | ஏப் | மே | சூன் | சூலை | ஆக | செப் | அக் | நவ | திச | ஆண்டு |
| பதியப்பட்ட உயர்ந்த °C (°F) | 42.0 (107.6) |
42.4 (108.3) |
42.4 (108.3) |
45.4 (113.7) |
48.4 (119.1) |
42.0 (107.6) |
41.5 (106.7) |
49.6 (121.3) |
44.4 (111.9) |
42.2 (108) |
42.2 (108) |
42.4 (108.3) |
49.6 (121.3) |
| உயர் சராசரி °C (°F) | 31.2 (88.2) |
33.2 (91.8) |
36.2 (97.2) |
38.2 (100.8) |
39.1 (102.4) |
37.5 (99.5) |
36.6 (97.9) |
36.2 (97.2) |
35.6 (96.1) |
34.5 (94.1) |
32.4 (90.3) |
31.3 (88.3) |
35.2 (95.4) |
| தாழ் சராசரி °C (°F) | 21.1 (70) |
21.7 (71.1) |
23.8 (74.8) |
26.5 (79.7) |
26.9 (80.4) |
26.6 (79.9) |
26.2 (79.2) |
25.9 (78.6) |
24.9 (76.8) |
24.0 (75.2) |
22.7 (72.9) |
21.6 (70.9) |
24.3 (75.7) |
| பதியப்பட்ட தாழ் °C (°F) | 15.2 (59.4) |
13.0 (55.4) |
15.2 (59.4) |
20.0 (68) |
15.6 (60.1) |
21.9 (71.4) |
19.4 (66.9) |
20.6 (69.1) |
19.8 (67.6) |
18.2 (64.8) |
13.0 (55.4) |
15.2 (59.4) |
13.0 (55.4) |
| மழைப்பொழிவுmm (inches) | 15.4 (0.606) |
8.0 (0.315) |
7.1 (0.28) |
35.1 (1.382) |
35.9 (1.413) |
18.1 (0.713) |
41.0 (1.614) |
69.2 (2.724) |
97.6 (3.843) |
99.6 (3.921) |
100.4 (3.953) |
91.2 (3.591) |
618.6 (24.354) |
| % ஈரப்பதம் | 69 | 60 | 52 | 50 | 52 | 52 | 53 | 57 | 63 | 72 | 77 | 75 | 61 |
| சராசரி மழை நாட்கள் | 1.0 | 0.5 | 0.5 | 0.8 | 1.8 | 1.0 | 2.7 | 3.5 | 5.3 | 5.9 | 5.4 | 4.4 | 32.8 |
| ஆதாரம்: இந்திய வானிலை ஆய்வுத் துறை[6] | |||||||||||||
மேற்கோள்கள் தொகு
- ↑ Official Website of Ariyalur District
- ↑ "Ariyalur". Falling Rain Genomics, Inc.
- ↑ Urban Infrastructure Report 2009, pp. 4-5
- ↑ "Census Info 2011 Final population totals - Ariyalur". Office of The Registrar General and Census Commissioner, Ministry of Home Affairs, Government of India. 2013. 26 January 2014 அன்று பார்க்கப்பட்டது.
- ↑ அரியலூர் நகரத்தின் மக்கள்தொகை பரம்பல்
- ↑ "Station: Ariyalur Climatological Table 1981-2010" (PDF). Climatological Normals 1981-2010. இந்திய வானிலை ஆய்வுத் துறை. சனவரி 2015. pp. 51–52. 5 February 2020 அன்று மூலம் (PDF) பரணிடப்பட்டது. 7 மார்ச் 2020 அன்று பார்க்கப்பட்டது.